కెనడాలో కాల్పులు కలకలం రేపాయి.  బ్రిటిష్ కొలంబియాలోని టంబ్లర్ రిడ్జ్‌లో ఉన్న ఓ  స్కూల్‌లో జరిగిన కాల్పులలో కాల్పులు జరిపిన వ్యక్తి సహా పది మంది మరణించారు. మరో పాతిక మందికి పైగా గాయపడ్డారు.  మంగళవారం (ఫిబ్రవరి 10)   టంబ్లర్ రిడ్జ్  స్కూల్‌తో పాటు సమీపంలోని ఓ నివాస గృహంలో కూడా  కాల్పులు జరిగాయి.

సమాచారం అందుకున్న వెంటనే పోలీసులు స్కూల్‌ను చుట్టుముట్టారు. లోపల గాలింపు చేపట్టగా, పలువురు మృత్యువాత పడి ఉండటాన్ని గుర్తించారు. నిందితుడు కూడా తనను తాను కాల్చుకుని ఆత్మహత్య చేసుకున్నట్లు   నిర్ధారించారు. ఈ దాడికి గల కారణాలు తెలియాల్సి ఉంది.  ఈ ఘటన నేపథ్యంలో, ఈ వారం మొత్తం స్థానిక స్కూళ్లకు సెలవు ప్రకటించారు.