విపరీతంగా నటించేస్తున్న చిరంజీవి!

సినిమా కెమెరాముందు నటించి చాలాకాలమైన చిరంజీవి పాపం నటించకుండా ఎలా వుండగలుగుతున్నాడో అని ఆయనకి మిగిలి వున్న కొంతమంది అభిమానులు బాధపడుతూ వుండొచ్చు. బట్.. డోన్ట్ వర్రీ. చిరంజీవి సినిమాల్లో నటించకపోయినా రాజకీయాల్లో మాత్రం విపరీతంగా నటించేస్తున్నారు. ఆ మాటకొస్తే సినిమాల్లో కంటే ఎక్కువగా రాజకీయాల్లో నటిస్తున్నారు. సినిమాల్లో ఆయన నటనకు జాతీయ అవార్డు వచ్చే అవకాశం ఎలాగూ లేదుగానీ, రాజకీయాల్లో చిరు నటనకు జాతీయ అవార్డేం ఖర్మ.. వీలుంటే ఆస్కార్ అవార్డు కూడా వచ్చేయడం ఖాయం. చిరంజీవిలోని రాజకీయ నటన ఏ స్థాయికి చేరుకుందో చెప్పడానికి ఈ ఒక్క ఉదాహరణ చాలు. అదేంటంటే, సీమాంధ్రలో కాంగ్రెస్ పార్టీ చచ్చిపోయి చాలాకాలమైంది. అయినప్పటికీ చిరంజీవి సహిత సీమాంధ్ర కాంగ్రెస్ నాయకులు కాంగ్రెస్ డెడ్ బాడీని బతికించడానికి ప్రయత్నాలు చేస్తున్నారు. కాంగ్రెస్ తరఫున పోటీ చేయడానికి సరైన అభ్యర్థులే లేక ఎండిపోయిన సీమాంధ్ర కాంగ్రెస్ పొరపాటున కూడా గెలవని అభ్యర్థులతో ఒక లిస్టు ప్రకటించింది. పోటీచేస్తే ఓడిపోతాం బాబోయ్ అని పారిపోబోయిన కొంతమందిని బతిమాలి మరీ పోటీ చేయించారని తెలుస్తోంది. రియల్ పరిస్థితి ఇలా వుంటే, మాజీ మెగాస్టార్ చిరంజీవి మాత్రం తన నటన ప్రదర్శిస్తున్నారు. సీమాంధ్రలో కాంగ్రెస్ పార్టీకి అద్భుతమైన స్పందన లభిస్తోందట. కాంగ్రెస్ నాయకులు మేం పోటీ చేస్తాం అంటే, మేం పోటీ చేస్తామంటూ తమ వెంట పడుతున్నారట. కాంగ్రెస్ పార్టీ తరఫున పోటీ చేస్తామంటూ వచ్చిన అప్లిక్లేషన్లు చూసి చిరంజీవి ఆశ్చర్యంతో ఉక్కిరిబిక్కిరి అయిపోయాడట. బాబూ చిరంజీవీ.. అసలు పరిస్థితేంటో మాకు పూర్తిగా తెలుసు. నీ యాక్టింగ్ కట్టిపెడితే మంచిదని సీమాంధ్ర ప్రజలు అంటున్నారు. పంచ్ లైన్ చిరు నటన