భారతీయ పర్యాటకులకు ఇంటర్నేషనల్ సోలో ట్రిప్స్ వేయాలనే కోరిక రోజురోజుకూ పెరుగుతోంది. థాయిలాండ్, వియత్నాం వంటి రెగ్యులర్ దేశాలను పక్కన పెట్టి, ఏదైనా సరికొత్త మరియు చారిత్రాత్మక ప్రాంతాన్ని సందర్శించాలనుకునే వారి కోసం చైనా మరియు రష్యా అద్భుతమైన ఆప్షన్లుగా కనిపిస్తాయి. అయితే, చేతిలో కేవలం రూ. 1,50,000 బడ్జెట్ మాత్రమే ఉండి, 7 నుండి 10 రోజుల పాటు ఒక మంచి మిడ్-రేంజ్ విదేశీ ప్రయాణం చేయాలనుకుంటే ఈ రెండింటిలో ఏది బెస్ట్ చాయిస్ అవుతుంది? ఈ ప్రశ్నకు గూగుల్ జెమిని ఏఐ ఒక స్పష్టమైన విశ్లేషణను అందించింది. అన్ని ఖర్చులను లెక్కేసి చూస్తే రష్యా కంటే చైనా పర్యటనే మన బడ్జెట్‌కు ఎంతో అనుకూలమైనదని, తక్కువ ఖర్చుతో ఎక్కువ లగ్జరీ అనుభూతిని ఇస్తుందని తేల్చింది.

మొదటగా చైనా ట్రిప్ విషయానికి వస్తే, రూ. 1.5 లక్షల బడ్జెట్‌లో బీజింగ్, క్సియాన్, షాంఘై నగరాలను కలిపే క్లాసిక్ ‘గోల్డెన్ ట్రయాంగిల్’ పర్యటనను ఎంతో లగ్జరీగా ప్లాన్ చేసుకోవచ్చు. చైనాకు భారత్ నుండి ఫ్లైట్ టికెట్ ధరలు రూ. 34,000 నుండి రూ. 42,000 మధ్యలోనే లభిస్తాయి. ఇక వీసా విషయానికి వస్తే, చైనా ఎంబసీ వీసా ఫీజులను తగ్గించడంతో సింగిల్ ఎంట్రీ టూరిస్ట్ వీసా మరియు వీఎఫ్ఎస్ సర్వీస్ ఛార్జీలు కలిపి కేవలం రూ. 4,985 మాత్రమే అవుతుంది. చైనాలో హోటల్ వసతి కూడా ఎంతో సరసమైన ధరల్లో దొరుకుతుంది. రోజుకు రూ. 3,000 నుండి రూ. 4,000 ఖర్చు చేస్తే మెట్రో స్టేషన్లకు దగ్గరగా ఉండే మంచి 3 లేదా 4 స్టార్ బొటిక్ హోటల్స్ లభిస్తాయి. అంటే 7 నుండి 10 రోజులకు వసతి ఖర్చు దాదాపు రూ. 24,000 నుండి రూ. 32,000 వరకు ఉంటుంది. రోజువారీ ఆహారం, లోకల్ మెట్రో ప్రయాణం, మరియు గ్రేట్ వాల్ లేదా ఫర్బిడెన్ సిటీ వంటి పర్యాటక ప్రదేశాల ఎంట్రీ టికెట్ల (ఒక్కోదానికి రూ. 500 నుండి రూ. 1,000) కోసం మొత్తం రూ. 28,000 నుండి software రూ. 35,000 సరిపోతుంది. నగరాల మధ్య ప్రయాణించడానికి గంటకు 350 కిలోమీటర్ల వేగంతో వెళ్లే హై-స్పీడ్ బుల్లెట్ ట్రైన్ల టికెట్లకు రూ. 8,000 నుండి రూ. 12,000 అవుతుంది. మొత్తంగా చూస్తే చైనా ట్రిప్ రూ. 98,985 నుండి రూ. 1,25,985 లోపే పూర్తవుతుంది. దీనివల్ల మీ చేతిలో దాదాపు రూ. 24,000 కంటే ఎక్కువ బఫర్ అమౌంట్ మిగులుతుంది. దీనితో షాపింగ్ లేదా షాంఘై హువాంగ్పు నది క్రూయిజ్ ప్రయాణం వంటి ప్రత్యేక అనుభూతులను ఆస్వాదించవచ్చు.

ఇక రెండో ఆప్షన్ అయిన రష్యా విషయానికి వస్తే, రూ. 1.5 లక్షల బడ్జెట్ అనేది చాలా టైట్ అవుతుంది. రష్యాకు ఫ్లైట్ టికెట్ ధరలే మీ బడ్జెట్‌లో సగానికి పైగా అంటే రూ. 55,000 నుండి రూ. 70,000 వరకు గుంజేస్తాయి. రష్యా ఇస్తున్న యూనిఫైడ్ ఎలక్ట్రానిక్ వీసా (ఇ-వీసా) విధానం చాలా సులువైంది మరియు దీని ధర కేవలం 52 డాలర్లు (దాదాపు రూ. 4,300) మాత్రమే. రష్యాలో రోజువారీ ఖర్చులు, స్థానిక స్టోలోవాయా కేఫేలలో భోజనం మరియు మెట్రో ఛార్జీలు కలిపి రూ. 25,000 నుండి రూ. 32,000 వరకు అవుతాయి. మాస్కో వెలుపల మిడ్-రేంజ్ హోటల్ వసతి కోసం రూ. 24,000 నుండి రూ. 32,000 ఖర్చవుతుంది. ఒకవేళ మాస్కో మరియు సెయింట్ పీటర్స్‌బర్గ్ నగరాల మధ్య సాప్సన్ ట్రైన్‌లో ప్రయాణిస్తే మరో రూ. 5,000 నుండి రూ. 8,000 అదనం. ఇలా రష్యా ట్రిప్ మొత్తం ఖర్చు రూ. 1,13,300 నుండి రూ. 1,46,300 కు చేరుకుంటుంది. విమాన ఛార్జీలు పెరిగినా లేదా సీజన్ డిమాండ్ వల్ల హోటల్ ధరలు పెరిగినా బడ్జెట్ దాటిపోయే ప్రమాదం ఉంది. పైగా అంతర్జాతీయ ఆంక్షల వల్ల ఇండియా క్రెడిట్, డెబిట్ కార్డులు రష్యాలో అస్సలు పనిచేయవు. మీరు ఫిజికల్ డాలర్లు లేదా యూరోలు తీసుకెళ్లి అక్కడ రూబుల్స్‌గా మార్చుకోవాల్సి ఉంటుంది.

చివరగా జెమిని ఏఐ ఇచ్చిన తీర్పు ఏమిటంటే, మీరు ప్రయాణ ఖర్చుల కంటే లగ్జరీ వసతి, వేగవంతమైన ప్రయాణాలు, రుచికరమైన స్ట్రీట్ ఫుడ్ మరియు చేతిలో అదనపు డబ్బు మిగలాలని కోరుకుంటే మాత్రం చైనా ఉత్తమమైన ఎంపిక. కాకపోతే చైనా వెళ్లే ముందు వీపీఎన్ (VPN) మరియు మీ ఇండియన్ కార్డుతో అనుసంధానించబడిన అలీపే (Alipay) లేదా వీచాట్ పే (WeChat Pay) వంటి డిజిటల్ వాలెట్లను సెటప్ చేసుకోవడం మాత్రం మర్చిపోవద్దు.