శ్రీలంకలో ఇరాన్ యుద్ధ నౌకపై దాడి జరిగింది. ఇరాన్ ఐఆర్ఐఎష్ డెనా యుద్ధనౌక ఇటీవల విశాఖలో జరిగిన ప్రపంచ యుద్ధ నౌకల ప్రదర్శనలో పాల్గొన్న ఇరాన్ యుద్ధనౌక  ఐఆర్ఐఎస్ డెనా తిరుగు ప్రయాణంలో ఉండగా అమెరికా సబ్ మెరైన్ దాడికి పాల్పడింది.

ఈ దాడిలో నౌకలోని వంద మంది గల్లంతయ్యారనీ, మరో 78 మందికి పైగా గాయపడ్డారని తెలుస్తోంది.  మునిగిపోతున్న ఈ ఓడ నుంచి శ్రీలంక నేవీ పలువురిని సురక్షితంగా కాపాడింది. గాయపడిన వారిని ఆస్పత్రిలో చేర్చింది.  

ఇజ్రాయెల్-అమెరికాలతో  ఇరాన్ యుద్ధం కొనసాగుతున్న వేళ శ్రీలంక తీరంలో  ఆ దేశ యుద్ధనౌకపై దాడి జరగడం ప్రాధాన్యత సంతరించుకుంది.  కాగా ఇరాన్ యుద్ధనౌకపై తమ తీరంలో జరిగిన దాడిని శ్రీలంక ధృవీకరించింది.