సాధారణంగా బడ్జెట్ అనగానే అందరూ ఎదురుచూసేది ఇన్‌కమ్ ట్యాక్స్ లిమిట్ పెంచారా..? తగ్గించారా..? ఏ వస్తువుల రేట్లు పెరుగుతాయి.. వేటికి తగ్గుతాయి అన్న దాని గురించే. మరి 2018-19 వార్షిక బడ్జెట్‌లో అరుణ్‌జైట్లీ వేటి మీద పన్నులు వేశారు..? వేటి మీద తగ్గించారో చూస్తే:

* వ్యక్తిగత ఆదాయపన్ను పరిమితిలో ఎలాంటి మార్పు లేదు.
* వేతన ఉద్యోగులకు రూ.40వేల వరకు ప్రయాణ, వైద్య ఖర్చులకు స్టాండర్డ్‌ డిడక్షన్‌ వర్తింపు.
* సీనియర్‌ సిటిజన్లకు వైద్య ఖర్చులకు అదనపు రాయితీ. దీనివల్ల 2.5కోట్లమందికి లబ్ధి.
* చిన్న తరహా పాదరక్షలు, తోలు ఉత్పతుల తయారీ సంస్థల లాభాలపై ఆదాయ పన్ను రాయితీ.
* సహకార సంఘాల ద్వారా వ్యవసాయ ఉత్పాదక సంస్థలకు నూరుశాతం పన్ను రాయితీ.
* సీనియర్ సిటిజన్ల బ్యాంకు డిపాజిట్ల ఆదాయంపై పన్ను పరిమితి పెంపు.. రూ.50వేల వరకూ పన్ను వర్తించదు.
* సీనియర్‌ సిటిజన్ల వైద్య ఖర్చులకు అదనపు రాయితీ రూ.60వేల నుంచి రూ.లక్షలకు పెంపు.
* వయో వృద్ధుల ఎఫ్‌డీ, పోస్టాఫీస్‌ డిపాజిట్లపై టీడీఎస్‌ ఉండదు. 50 వేల వరకు పన్ను వర్తించదు.
* కార్పొరేట్‌ ట్యాక్స్‌ 25శాతానికి పెంపు
* ఆదాయ పన్ను పరిధిలోకి కొత్తగా ఐదు లక్షల మంది
* కొత్తగా 81లక్షల ఐటీ రిటర్న్స్‌ దాఖలు
* వైద్య, విద్య సెస్సు 4శాతానికి పెంపు
* మొబైల్‌ ఫోన్ల దిగుమతులపై కస్టమ్స్‌ డ్యూటీ 15నుంచి 20శాతానికి పెంపు.
* ప్రభుత్వం కొత్త ఉద్యోగాలు కల్పించే రంగాల్లో సర్కార్ చెల్లించే ఈపీఎఫ్‌ 8.33 శాతం నుంచి 12శాతానికి పెంపు. పెంచిన ఈపీఎఫ్‌ మూడేళ్ల పాటు అమలు.