సెక్రటేరియట్ లో టీడీపీ ఎమ్మెల్యే వీరంగం ఏపీ టీడీపీ ఎమ్మెల్యే వెలగపూడి రామకృష్ణబాబు... ఆంధ్రప్రదేశ్ సెక్రటేరియట్లో వీరంగమాడినట్లు తెలుస్తోంది. మున్సిపల్ శాఖ కార్యదర్శి కరికల్ వలవన్ ఛాంబర్లోకి ప్రవేశించి గందరగోళం సృష్టించారని చెబుతున్నారు. నియోజకవర్గ పని నిమిత్తం మున్సిపల్ కార్యదర్శి కరికల్ ను కలవడానికి వెళ్లగా అపాయింట్ మెంట్ ఇవ్వకపోవడంతో ఎమ్మెల్యే వెలగపూడి రామకృష్ణబాబు రెచ్చిపోయినట్లు తెలుస్తోంది. కరికల్ పేషీలోకి చొరబడి సిబ్బందిపై చిందులేసిన వెలగపూడి... ఫైళ్లను విసిరేసి, నీళ్ల గ్లాసులను కిందికి విసిరికొట్టినట్లు చెబుతున్నారు, అంతేకాకుండా మున్సిపల్ కార్యదర్శిని ఇష్టమొచ్చి తిట్టి నానా రభస చేశాడని, అదే సమయంలో కరికలన్ తో సమావేశమైన విదేశీ ప్రతినిధులు... రామకృష్ణబాబు వీరంగాన్ని విస్తుపోయారట.