హైకోర్టులో లేడీ డాన్ అంగూర్ భాయ్‌కి చుక్కెదురు

హైదరాబాద్ ధూల్‌పేట్‌లో గంజాయి వ్యాపారాలు కొనసాగించే లేడీ డాన్ అరుణ్ బాయ్ అలియాస్ అంగూర్ భాయ్‌కి   తెలంగాణలో హైకోర్టులో పీడీ యాక్ట్ పై వేసిన పిటిషన్ పై చుక్కెదురైంది. అంగూర్ భాయ్ పై పెట్టిన పీడీ యాక్ట్ ను సవాలు చేస్తూ అంగూర్ భాయ్ హైకోర్టుకు వెళ్ళింది. పీడీ యాక్ట్ పై హైకోర్టులో  వేసిన పిటిషన్ పై హైకోర్టు డివిజన్ బెంజ్ న్యాయమూర్తులు మౌసమి భట్టాచార్య, గాడి ప్రవీణ్ కుమార్ వాదనలు విన్న అనంతరం అంగూర్ భాయ్ పిటిషన్ను కొట్టివేస్తూ మంగళవారం తీర్పును వెలువరించారు. 

అంగూరి బాయ్ పై పీడి యాక్ట్  కొనసాగించాలని ప్రభుత్వ స్పెషల్  ప్లిడర్ స్వరూప్  ఒరిలా, అసిస్టెంట్ లీడర్ రవి కుమార్ లు వాదనలు వినిపించారు. హైకోర్టు బెంచ్ న్యాయమూర్తులు అంగూర్ భాయ్ వేసిన వేసిన పీడీ యాక్ట్ పిటిషన్ ను కొట్టివేస్తూ తీర్పు విలువరించారు. గంజాయి లేడీ డాన్ అంగూర్ భాయ్ పై ఎక్సైజ్ శాఖ ఎస్టిఎఫ్ ఏ టీం లీడర్ అంజిరెడ్డి  దూళిపేట ఎక్సైజ్ సీఐ మధుబాబు సిబ్బంది కలిసి అంగూర్ భాయ్ పై అనేక కేసులు ఉండడంతో ఆమెపై పిడి యాక్ట్ పెట్టాలని ప్రతిపాదించారు.

అంగూర్ భాయ్ పై పీడీ యాక్ట్ పెట్టాలని ప్రభుత్వం నియమించిన అడ్వైజరీ బోర్డు 2025 మార్చి 10న ప్రతిపాదనలకు పంపించారు. బోర్డు సిఫారసు మేరకు హైదరాబాద్ కలెక్టర్ అనుదీప్  2025 ఏప్రిల్ 15న అంగూర్ భాయ్ పై పీడీ యాక్ట్ అమలు చేస్తూ ఉత్తర్వులు వెలువరించారు. పీడీ యాక్ట్ ఉత్తర్వులను  సవాల్ చేస్తూ అంగూర్ భాయ్ హైకోర్టులో పీడీ యాక్ట్ ఫై  పిటిషన్ వేశారు.

ఈ పిటిషన్ పై హైకోర్టు డివిజన్ బెంచ్ వాద ప్రతిపాదనలు విన్న అనంతరం అంగూర్ భాయ్ వేసిన పిటిషన్ను కొట్టి వేస్తున్నట్లు న్యాయమూర్తులు తీర్పు వెల్లడించారు.అంగూరు భాయ్ పై పీడీ యాక్ట్ పిటీషన్ ను హైకోర్టులో కొట్టివేయడం పై ఎక్సైజ్ ఎన్ఫోర్స్మెంట్ శాఖ డైరెక్టర్ షాన్వాస్ ఖాసిం ఎక్సైజ్ సిబ్బందిని అభినందించారు.