క్రికెట్ బోర్డు ప్రెసిడెంట్ పదవికి ఓ మహిళ  ఎన్నికై ప్రపంచ క్రికెట్ చరిత్రలో రికార్డ్ సృష్టించింది. అయితే ఇది మన దేశ క్రికెట్ బోర్టులో కాదులెండి. న్యూజిలాండ్ క్రికెట్ బోర్డులో జరిగింది. న్యూజిలాండ్ క్రికెట్ బోర్డు అధ్యక్షురాలిగా డెబ్బీ హాక్లీ ఏకగ్రీవంగా ఎన్నికయ్యారు.  మూడు సంవత్సరాల పాటు ఆమె ఈ పదవిలో కొనసాగుతారు. కాంటర్ బెరీ క్రికెట్ల నుంచి ఈ పదవికి డెబ్బీ నామినేషన్ వేశారు. 122 ఏళ్ల చరిత్ర గల న్యూజిలాండ్ క్రికెట్ బోర్డులో ఎన్నికైన మొదటి మహిళగా ఈమె చరిత్ర సృష్టించారు. కాగా డెబ్బీ హాక్లీ 1979లో క్రికెట్ లో ఆరంగేట్రం చేశారు. 2000 సంవత్సరంలో ఉమెన్స్ క్రికెట్ వరల్డ్ కప్ తర్వాత రిటైర్మెంట్ ప్రకటించారు.