వరుజ్ తేజ్ రెండో సినిమా ‘కంచె’ రిలీజ్ వాయిదా పడుతుందేమోనని ఈ రోజు వచ్చిన రూమర్లు నిజమయ్యాయి. ‘కంచె’ను అక్టోబరు 2 నుంచి నవంబరుకు వాయిదా వేస్తున్న సంగతి అఫీషియల్ గా కన్ఫమ్ చేశారు. హీరో వరుణ్ తేజ్ ఈ విషయాన్ని ట్విట్టర్ లో వెల్లడించాడు. తమ సినిమా నవంబరు 6కు వాయిదా పడినట్లు చెప్పిన వరుణ్ తేజ్.. దీనికి కారణమేంటో తర్వాత వెల్లడిస్తామని చెప్పాడు. అయితే కంచె వాయిదాకు గల కారణాలు మాత్రం ఇంకా తెలిసిరాలేదు. పోస్ట్ ప్రొడక్షన్ లో ఏమైనా లేటవుతోందా అనుకుందామంటే అలాంటి సూచనలేం కనిపించలేదు. అంత భారీ సినిమాను శరవేగంగా పూర్తి చేసిన క్రిష్ చాలా రిలాక్స్డ్ గా కనిపిస్తున్నాడు. అంతా సాఫీగానే సాగుతున్నట్లు అనిపిస్తోంది. మరి సినిమాను ఎందుకు వాయిదా వేశారో దర్శకుడు క్రిష్ చెబితేనే తెలుస్తోంది.