- సోషల్ మీడియాను షేక్ చేస్తున్న ఉస్తాద్ కొత్త పోస్టర్
- త్వరలోనే పవర్ప్యాక్డ్ గ్లింప్స్
'గబ్బర్ సింగ్' తరువాత పవర్స్టార్ పవన్ కళ్యాణ్(Pawan Kalyan), దర్శకుడు హరీష్ శంకర్ కాంబినేషన్ లో వస్తున్న మూవీ ‘ఉస్తాద్ భగత్ సింగ్’(Ustaad Bhagat Singh). తాజాగా ఈ సినిమా నుంచి విడుదలైన పోస్టర్, సోషల్ మీడియాలో వైరల్ గా మారింది. పోస్టర్ లో పవన్ కళ్యాణ్ హ్యాట్ ధరించి స్టైలిష్ గా కనిపిస్తున్నారు.
కొత్త పోస్టర్ తో అభిమానుల్లో ఉత్సాహాన్ని నింపిన ‘ఉస్తాద్ భగత్ సింగ్’ మూవీ టీమ్, ఆ ఉత్సాహాన్ని మరింత పెంచుతూ బిగ్ అప్డేట్ ఇచ్చింది. త్వరలోనే ఈ చిత్రానికి సంబంధించిన పవర్ప్యాక్డ్ 40 సెకన్ల గ్లింప్స్ను విడుదల చేయనున్నట్లు తెలిపింది. ఈ ప్రత్యేక వీడియో ద్వారా సినిమా ఏ స్థాయిలో ఉండబోతుందో చూపించడంతో పాటు.. ఇందులోని ఇంటెన్సిటీని, మాస్ ఎలిమెంట్స్ను చూపించనున్నారట. ఈ గ్లింప్స్ ఫ్యాన్స్ కి ట్రీట్ లా ఉంటుందని మూవీ టీమ్ పేర్కొంది.
'ఉస్తాద్ భగత్ సింగ్' చిత్రాన్ని మైత్రీ మూవీ మేకర్స్ పతాకంపై నవీన్ యెర్నేని, రవిశంకర్ యలమంచిలి నిర్మిస్తున్నారు. ఈ చిత్రం మార్చి 26న ప్రేక్షకుల ముందుకు రానుంది.
ఈ సినిమాకి రాక్స్టార్ దేవి శ్రీ ప్రసాద్ సంగీత దర్శకుడు. ఇప్పటికే ‘దేఖ్ లేంగే సాలా’, ‘ఆరా ఆఫ్ ఉస్తాద్’ పాటలు విడుదలయ్యాయి. త్వరలో మూడో పాట విడుదలయ్యే అవకాశముంది.
'ఉస్తాద్ భగత్ సింగ్' నుంచి రాబోయే గ్లింప్స్, థర్డ్ సింగిల్ ఆకట్టుకుంటే.. సినిమాపై అంచనాలు మరింత పెరిగే ఛాన్స్ ఉంది.
