• మెగా ఫ్యాన్స్ కి మరో షాక్!
• పెద్ది మూవీ మళ్ళీ వాయిదా పడిందా?

సినిమాలు వాయిదా పడటం అనేది కామన్ అయిపోయింది. అందునా పెద్ద సినిమాలు అనుకున్న డేట్ కి రావడం అనేది గొప్ప విషయం అన్నట్టుగా మారిపోయింది. ఇప్పుడు 'పెద్ది'(Peddi) విషయంలోనూ అభిమానులకు షాక్ తప్పేలా లేదు. ఇప్పటికే ఒకసారి వాయిదా పడిన ఈ మూవీ, మరోసారి వాయిదా పడనున్నట్లు వార్తలొస్తున్నాయి.

మెగా పవర్ స్టార్ రామ్ చరణ్(Ram Charan), ఉప్పెన ఫేమ్ బుచ్చిబాబు దర్శకత్వంలో రూపొందుతోన్న మూవీ 'పెద్ది'. వృద్ధి సినిమాస్ నిర్మిస్తున్న ఈ చిత్రాన్ని మొదట మార్చి 27న విడుదల చేయాలనుకున్నారు. షూటింగ్ ఆలస్యమవ్వడంతో ఏప్రిల్ 30కి వాయిదా వేశారు. ఇప్పుడు ఆ తేదీకి కూడా రావడం కష్టమని అంటున్నారు.

పెద్ది మూవీ షూటింగ్ కొంత పెండింగ్ ఉంది. మరోవైపు పోస్ట్ ప్రొడక్షన్ వర్క్ జరుగుతోంది. అయితే టైమ్ చాలా తక్కువ ఉండటంతో.. టీమ్ అంతా పరుగులు పెడుతోందట.

పెద్దిపై మొదటి నుంచి భారీ అంచనాలు ఉన్నాయి. ఇప్పటిదాకా ఈ సినిమా నుంచి వచ్చిన ఒక్క కంటెంట్ కూడా డిజప్పాయింట్ చేయలేదు. ఆ అంచనాలను అందుకోవాలంటే.. మూవీ అవుట్ పుట్ ఓ రేంజ్ లో ఉండాలి. 

పైగా పెద్ది పీరియడ్ స్పోర్ట్స్ డ్రామా. ఇందులో ఎమోషన్స్ కి పెద్ద పీట ఉంటుంది. షూటింగ్ ఒక ఎత్తయితే, పోస్ట్ ప్రొడక్షన్ వర్క్ మరొక ఎత్తు. ముఖ్యంగా ఎడిటింగ్, మ్యూజిక్ కోసం తగిన సమయం కేటాయించాల్సి ఉంటుంది. అలా కాకుండా విడుదల తేదీని దృష్టిలో పెట్టుకొని.. హడావుడిగా అవుట్ పుట్ ఇచ్చేస్తే మొదటికే మోసం వస్తుంది.

అందుకే అవసరమైతే మరోసారి పోస్ట్ పోన్ చేసి, కాస్త ఆలస్యమైనా మంచి అవుట్ పుట్ తో రమ్మని.. సన్నిహితులు కూడా పెద్ది టీమ్ కి సూచిస్తున్నారట. దీంతో వాయిదా అంశం గురించి మేకర్స్ ఆలోచిస్తున్నట్లు తెలుస్తోంది.

మార్చి 27న రామ్ చరణ్ పుట్టినరోజు ఉంది. ఆ రోజు పెద్ది మరోసారి వాయిదా పడుతుందా లేదా? అనే విషయంపై క్లారిటీ వచ్చే అవకాశముంది.

Also Read: ఉస్తాద్ భగత్ సింగ్ మూవీ రివ్యూ