మళ్ళీ హీరో విక్రమ్ తన నట విశ్వరూపం ప్రదర్శిస్తున్నాడట. వివరాల్లోకి వెళితే "శివపుత్రుడు", "అపరిచితుడు" వంటి చిత్రాలకు జాతీయ స్థాయిలో ఉత్తమ నటుడిగా అవార్డులనందుకున్న సౌతిండియన్ స్టార్ విక్రమ్ సినీ రేస్ లో ఈ మధ్య కాస్త వెనకపడ్డాడనే చెప్పాలి. తాను మణిరత్నం దర్శకత్వంలో ఐశ్వర్యారాయ్ సరసన నటించిన "విలన్" విక్రమ్ ని చాలా నిరాశపరిచింది. ఈ చిత్రం మీద విక్రమ్ చాలా ఆశలు పెట్టుకున్నాడు.

కానీ తాను ప్రస్తుతం హీరోగా నటిస్తున్న తమిళ చిత్రం "దైవ తిరు మగన్"లో మరోసారి విజృంభిస్తున్నాడట. ఈ చిత్రం ట్రైలర్లలో విక్రమ్ నటనను చూసిన తమిళ సినీ జనం విక్రమ్ మళ్ళీ తన నట విశ్వరూపాన్ని ప్రదర్శిస్తున్నాడని అంటున్నారు. ఈ చిత్రంలో విక్రమ్ ఒక మానసిక వికలాంగుడి (మెంటల్లీ హ్యాండి క్యాప్డ్) గా నటించారట. ఈ చిత్రంలో విక్రమ్ సరసన అనుష్క హీరోయిన్ గా నటించింది. ఈ చిత్రంతో మళ్ళీ విక్రమ్ జాతీయ అవార్డునందుకుంటాడని కోలీవుడ్ సినీ వర్గాలంటున్నాయి.