నాకు నేనే పోటీ అంటున్న రకుల్..!
on Apr 21, 2016
వరస సినిమాలతో తెలుగు ఇండస్ట్రీలో స్టార్ డం ను ఎంజాయ్ చేస్తోంది రకుల్ ప్రీత్ సింగ్. రేపు రిలీజ్ కాబోతున్న సరైనోడు ఫలితం కోసం ఆసక్తిగా ఎదురుచూస్తున్న రకుల్ తో, తెలుగువన్ ఎక్స్ క్లూజివ్ ఇంటర్వ్యూ చేసింది. ఆ విశేషాలు మీకోసం...
సరైనోడు ఒక కమర్షియల్ యాక్షన్ మాస్ ఎంటర్ టైనర్. మొత్తం మాస్ అనే కాక ఫ్యామిలీ ప్రేక్షకులకు కూడా బాగా నచ్చే మూవీ అవుతుంది.
రాజమండ్రిలో ఉండే ఒక పల్లెటూరి అమ్మాయి పాత్రను పోషిస్తున్నాను. స్లాంగ్ డిఫరెంట్ గా ఉంటుంది కాబట్టి డబ్బింగ్ చెప్పలేదు.
సినిమా ఫస్ట్ కాపీ చూడను. డైరెక్ట్ గా రిలీజ్ రోజున హాల్లో చూసి ఎంజాయ్ చేస్తాను.
అల్లు అర్జున్ వన్ ఆఫ్ మై ఫేవరెట్ హీరోస్. సినిమా కొత్తగా రావాలని, తెలుగువారి గురించి ప్రపంచమంతా మాట్లాడుకోవాలి అని బన్నీ భావిస్తారు.
సక్సెస్ అయినా, ఫెయిల్యూర్ అయినా నా కష్టంలో మార్పు ఉండదు. అందుకే ఫలితాన్ని నా మీద ప్రభావాన్ని చూపించనివ్వను. విజయం అయినా, పరాజయం అయినా నా ఒక్కదాని వల్లే కాదు కదా..
మేకప్ ఇష్టం ఉండదు. వీలైనంత వరకూ మేకప్ లేకుండా ఉండటానికే ఇష్టపడతాను. తప్పదు అనుకున్నప్పుడు మాత్రం మినిమల్ మేకప్ వేసుకుంటాను.
నాకు ఎవరో ఇల్లు గిఫ్ట్ ఇచ్చారంటూ పుకార్లు వస్తున్నాయి. అవన్నీ ట్రాష్. ఒకవేళ నిజంగా ఎవరన్నా ఇస్తానన్నా నేనే తీసుకోను. నేను కష్టపడి సంపాదించుకుంటున్నాను. ఇలాంటి పుకార్లు చాలా ఇబ్బంది పెడతాయి. మా నాన్నకు చాలా కోపం వచ్చింది. కానీ ఇవి కామన్ అని నేనే సర్దిచెప్పాను. ఒక అమ్మాయికి ఇలాంటి పుకార్లు చాలా బాధ కలిగిస్తాయి.
తెలుగు ప్రేక్షకులు నాకు చాలా మంచి స్థానాన్నిచ్చారు. వాళ్లకు చాలా రుణపడి ఉంటాను. ఇలాగే హార్డ్ వర్క్ చేస్తాను. డిఫరెంట్ రోల్స్ తో వాళ్లకు బోర్ కొట్టించకుండా ఉండటానికి ప్రయత్నిస్తాను.
నాకు ఇండస్ట్రీలో ఎవరూ పోటీ కాదు. ఇక్కడ ఎవరి అవకాశాలు వారికే ఉంటాయి. పైగా నేను సమంత, తమన్నా లాంటి వాళ్లందరికంటే అనుభవంలో చాలా చిన్నదాన్ని. సో వాళ్లందరూ నాకంటే హైస్టేజ్ లోనే ఉంటారు. ఇంక వాళ్లకు నేను పోటీ ఎందుకవుతాను. నన్ను నాకు పోటీగా భావిస్తాను.