వంద సినిమాల హీరో శ్రీ‌కాంత్‌.. ప‌రిశ్ర‌మ‌లో అజాత శ‌త్రువుగా పేరు పొందాడు. త‌న ప‌ని త‌న‌దే.. త‌ప్ప ఇత‌రుల విష‌యాల్లో జోక్యం చేసుకోడు. అయితే అలాంటి హీరోకి అవ‌మానం ఎదురైంది. అదీ హీరోయిన్ల చేతిలో. శ్రీ‌కాంత్ సినిమా అంటే ఏ హీరోయినూ... సినిమా చేయ‌డానికి ఒప్పుకోవడం లేద‌ట‌. శ్రీ‌కాంత్ అయితే మేం చేయం.. అనేస్తున్నార్ట‌. కేవ‌లం హీరోయిన్లు దొర‌క్క‌పోవ‌డం వ‌ల్లే కొన్ని సినిమాల్ని శ్రీ‌కాంత్ వ‌దులుకోవాల్సివ‌చ్చింద‌ట‌. ఈ విష‌యాన్ని శ్రీ‌కాంత్ స్వ‌యంగా చెప్పుకొచ్చాడు.

ఇప్ప‌టి హీరోయిన్లు పెద్ద‌గా స‌హ‌క‌రించ‌డం లేద‌ని, వాళ్ల దృష్టి వేరే విష‌యాల‌పై ప‌డింద‌ని, అందుకని త‌న‌బోటి వాళ్ల‌తో సినిమాలు చేయ‌డానికి ముందుకు రావ‌ట్లేద‌ని ఈ త‌రం హీరోయిన్ల‌పై సంచ‌ల‌న‌వ్యాఖ్య‌లు చేశాడు శ్రీ‌కాంత్‌. అప్ప‌ట్లో క‌థానాయిక‌లు క‌థ న‌చ్చితే ఎంత చిన్న హీరో అయినా న‌టించ‌డానికి ఓకే చెప్పేవార‌ని, ఇప్ప‌ట్లో ఆ వాతావ‌ర‌ణం లేద‌ని, పెద్ద హీరోయిన్లు దొర‌క్క‌, కొత్త క‌థానాయిక‌ల‌తో సినిమాలు చేయ‌లేక సినిమాలు ఆగిపోతున్నాయ‌ని, ఈ విష‌యంలో హీరోయిన్లు పెద్ద మ‌న‌సు చేసుకోవాల‌ని అంటున్నాడు శ్రీ‌కాంత్‌. మ‌రి ఇప్ప‌టి హీరోయిన్ల‌కు ఈ విష‌యం చెవికెక్కుతుందా??