మ‌న సినిమాలన్నీ 'శుభం' కార్డుతో ముగియాల్సిందే. హ్యాపీ ఎండింగ్ లేక‌పోతే.. అలాంటి క‌థ‌లు తెలుగు ప్రేక్ష‌కుల‌కు మింగుడుప‌డ‌వు. హీరో చ‌నిపోయినా, ప్రేమ‌క‌థ సుఖాంతం కాక‌పోయినా ఆ సినిమాపై బోల్డ‌న్ని డౌట్లు వ‌స్తుంటాయ్‌. అయితే.. క్రిష్ మాత్రం ఈ సెంటిమెంట్‌కి ఎదురీదాల‌ని నిర్ణ‌యించుకొన్నట్టు టాక్‌.

ఆయ‌న ద‌ర్శ‌కత్వం వ‌హిస్తున్న చిత్రం `కంచె`. మెగా హీరో వ‌రుణ్ తేజ్ క‌థానాయ‌కుడిగా న‌టిస్తున్నాడు. రెండో ప్ర‌పంచ‌యుద్ధం కాలం నాటి క‌థ ఇది. ఇందులో వ‌రుణ్ ఓ సైనికుడిగా న‌టిస్తున్నాడు. అటు దేశ‌భ‌క్తి, ఇటు ప్రేమ‌క‌థ మిళిత‌మైన ఈ సినిమా యాంటీ క్లైమాక్స్‌తో ముగుస్తుంద‌ట‌. ఇందులో క‌థానాయ‌కుడు త‌న దేశం కోసం, ప్రేమ కోసం ప్రాణ‌త్యాగం చేయ‌డతో విషాదాంతంగా ముగియ‌బోతోంద‌ని టాక్‌. ఈ త‌ర‌హా క‌థ‌లు తెలుగు ప్రేక్ష‌కుల‌కు అంత‌గా న‌చ్చ‌వు. క‌థ డిమాండ్ చేసినా స‌రే... ఆ జోలికి అస్స‌లు వెళ్ల‌రు మ‌న ద‌ర్శ‌కులు. మ‌రి కంచె విష‌యంలో ఈ సెంటిమెంట్ ఎంత బ‌లంగా ప‌నిచేస్తుందో తెలియాలంటే... ఇంకొన్ని రోజులు ఆగాల్సిందే.