మమ్మీ సినిమాకు ఎంపికైన బాలీవుడ్ హీరోయిన్..!
on Apr 24, 2016
బాలీవుడ్ భామలకు హాలీవుడ్ రెడ్ కార్పెట్ వేసి మరీ ఆహ్వానం పలుకుతోంది. దీపికా పడుకోనే, ప్రియాంకా చోప్రాలు హాలీవుడ్ లో హల్ చల్ చేయడం కోసం వెళ్లిపోయారు. ప్రియాంక క్వాంటికో టీవీ సీరీస్ తో, ఇప్పుడు బేవాచ్ సినిమాతో ఫ్యామస్ అయితే, దీపికా 'ట్రిపుల్ ఎక్స్: జాండర్ కేగ్ రిటర్న్స్ ' మూవీలో ఛాన్స్ కొట్టేసింది. తాజాగా మరో బాలీవుడ్ భామ హాలీవుడ్ బాట పడుతోంది. అది కూడా అలాంటిలాంటి సినిమా కాదు. ఏకంగా హాలీవుడ్ సూపర్ స్టార్ టామ్ క్రూజ్ నటిస్తున్న సినిమా. ద గ్యాంగ్స్ ఆఫ్ వస్సేపూర్ సినిమాతో బాలీవుడ్ లో కాస్త గుర్తింపు తెచ్చుకున్న హ్యూమా ఖురేషీ, హాలీవుడ్ లో మమ్మీ సీరీస్ లో థర్ట్ పార్ట్ కు ఎంపికైంది. దీనికోసం నిర్వహించిన ఆడిషన్లో ఆమె సక్సెస్ అయిందని, హ్యూమా అధికార ప్రతినిధి ప్రకటించాడు. మమ్మీ సీరస్ ప్రపంచవ్యాప్తంగా ఎంత ఆదరణ పొందాయో చెప్పనక్కర్లేదు. అలాంటి సూపర్ హిట్ సీరీస్ లో టామ్ క్రూజ్ పక్కన అవకాశం రావడమంటే ఖురేషీ పంట పండినట్టే అంటున్నాయి బాలీవుడ్ వర్గాలు.