రాక రాక ఓ విజ‌యం వ‌చ్చింది ర‌వికుమార్ చౌద‌రికి. అదీ... పిల్లా నువ్వు లేని జీవితంతో. కానీ ఆ హ్యాపీనెస్ కూడా ఇప్పుడు ఎగిరిపోయింది. చిరు ఫ్యాన్స్‌కి కెలికి పెద్ద త‌ప్పిద‌మే చేశాడీ ద‌ర్శ‌కుడు. పిల్లా నువ్వు లేని జీవితం స‌క్సెస్‌మీట్‌లో ''నేను బాల‌య్య అభిమానిని'' అని పొర‌పాటున నోరుజారాడు. ఆ త‌రవాత చౌద‌రి ఫేస్ బుక్‌లో కామెంట్ల మోత ఎక్కువైంది. ర‌వికుమార్ కూడా త‌క్కువ తిన‌లేదు. ''మీ బెల్ట్ హీరోలు'' అంటూ కులాన్ని గుర్తు చేస్తూ ఓ కామెంట్ పోస్ట్ చేశాడు. దాంతో ర‌చ్చ ర‌చ్చ అయ్యింది. ర‌వికుమార్‌కు ఘాటైన స‌మాధానాలు ఇచ్చారు మెగా అభిమానులు. ఫేస్ బుక్‌లో ఈ రాద్దాంతం భ‌రించ‌లేక ఆ ఫేస్ బుక్ ఎకౌంట్ హ్యాక్ అయ్యింద‌ని.. ఆ కామెంట్ల‌తో నాకేం సంబంధం లేద‌ని క్లారిటీ ఇవ్వ‌బోయాడు ఈ ద‌ర్శ‌కుడు. అంతేకాదు... ఇప్పుడు ఫేస్ బుక్ నుంచి కూడా బ‌య‌ట‌కు వ‌చ్చేశాడ‌ట‌. ఇక జ‌న్మ‌లో సోష‌ల్ నెట్ వ‌ర్క్ జోలికి పోకూడ‌ద‌ని గ‌ట్టిగా ఫిక్స‌య్యాడ‌ట‌. పాపం... ర‌వికుమార్ చౌద‌రికి ఇలా జ్ఞానోద‌యం అయ్యింద‌న్న‌మాట‌.