బ్రహ్మోత్సవం ఎన్టీఆర్ మిస్సయ్యాడు..!
on May 23, 2016
స్టార్ హీరోలకు ఒక స్థాయి ఉంటుంది. ప్రేక్షకుడు థియేటర్ కు వచ్చిన ప్రతీసారీ, ఆ హీరోను అలాగే చూడాలనుకుంటాడు. ఆ అంచనాల్లో ఏమాత్రం తేడా వచ్చినా, సినిమా ఫలితం ఘోరంగా ఉంటుంది. ప్రస్తుతం మహేష్ చేసిన బ్రహ్మోత్సవం అలాగే టార్గెట్ ను మిస్సయ్యింది. సీతమ్మ వాకిట్లో కాంబినేషన్ కాబట్టి అలాగే ఉంటుందని ఊహించి హాల్ కు వెళ్లిన ఆడియన్స్ కు, అసలు కథే లేని సినిమా చూసి కళ్లు తిరిగిపోతున్నాయి. శ్రీకాంత్ అడ్డాల బంగారం లాంటి అవకాశాన్ని చేజేతులా వృథా చేసుకున్నాడంటూ సినీజనాలంటున్నారు. ఇంతకీ మీకో ఇంట్రస్టింగ్ విషయం తెలుసా.. ఈ సినిమా మొదట ఎన్టీఆర్ తో చేద్దామనుకుని, ఆయన్ను అప్రోచ్ అయ్యాడంట శ్రీకాంత్. అయితే అదే సమయంలో తారక్ నాన్నకు ప్రేమతో స్క్రిప్ట్ కూడా వింటున్నాడు. ఫ్యామిలీయా, లేక థ్రిల్లర్ చెయ్యాలా అన్న మీమాంసలో తారక్ సుక్కు సినిమాకే ఓటేశాడు. దీంతో బ్రహ్మోత్సవాన్ని మిస్సయ్యాడు. అదే స్క్రిప్ట్ ను మహేష్ ఓకే చేశాడు. స్క్రిప్ట్ అంటే, కేవలం ఒక లైన్ విని, నమ్మకంగా ఊకొట్టేశాడు మహేష్. ఇదే ఇప్పుడు మహేష్ కు కెరీర్లోనే బిగ్గెస్ట్ డిజాస్టర్ ను తెచ్చి పెట్టింది. మహేష్ అభిమానులైతే, సినిమాను ఆయన అసలు ఎలా ఒప్పుకున్నాడబ్బా అంటూ గుర్రుగా ఉన్నారు. మొత్తమ్మీద వరస ఫ్లాపుల నుంచి ఇప్పుడిప్పుడే కోలుకుంటున్న ఎన్టీఆర్ జస్ట్ లో మరో భారీ ఫ్లాప్ ను మిస్సయ్యాడన్నమాట.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
