రామ్ గోపాల్ వర్మ ప్రస్తుతం అరడజనుకుపైగా సినిమా చిత్రీకరణలతో ఫుల్ బిజీగా కాలం గడుపుతున్నారు. ఆయన తీస్తున్న మూవీల్లో ఒకటైన ‘ఎఫైర్’ షూటింగ్ కోసం మూవీ యూనిట్ తో ఆరేళ్ల తర్వాత విదేశానికి వెళ్లారు. రొమాంటిక్ థ్రిల్లర్ గా తెరకెక్కుతున్న ఈ మూవీలో సచిన్ జోషి, మీరా చోప్రా హీరోహీరోయిన్లుగా నటిస్తున్నారు. ఇప్పటికే ఈ మూవీకి సంబంధించి మేజర్ పోర్షన్ షూటింగ్ కంప్లీట్ అయింది. రెండు మూడు పాటలతోపాటు మరికొన్ని కీలక సన్నివేశాలు మాత్రమే షూట్ చేయాల్సి వుంది. ఆ సీన్లను కంప్లీట్ చేయడం కోసమే ఈ చిత్రం యూనిట్ పొలాండ్ కి పయనమైంది. ఈ నేపథ్యంలోనే హీరో సచిన్ తాను, వర్మ, మీరా ముగ్గురు కలిసి వున్న సెల్ఫీ ఫోటోను ట్విట్టర్ లో అప్ లోడ్ చేశాడు.