LATEST NEWS
1999లో ఎయిర్‌పోర్టుల గురించి ఎవరూ పెద్దగా ఆలోచించని సమయంలోనే.. సీఎం చంద్రబాబు నాయుడు శంషాబాద్‌లో అంతర్జాతీయ విమానాశ్రయం నిర్మాణంపై దృష్టి పెట్టారు. నేడు ఆ విమానాశ్రయం వల్ల ఏటా రూ.75 వేల కోట్ల ఆర్థిక కార్యకలాపాలు జరుగుతున్నాయి” అని జీఎంఆర్ గ్రూప్ ఛైర్మన్ గ్రాంధి మల్లికార్జున రావు అన్నారు.
ఏపీ పారిశ్రామిక భవిష్యత్తుకు సరికొత్త దిశ.!
విశాఖపట్నంలో జరుగుతున్న 31వ సీఐఐ భాగస్వామ్య సదస్సు–2026లో జీఎంఆర్ గ్రూప్ ఛైర్మన్ గ్రాంధి మల్లికార్జున రావు ప్రసంగించారు. ఆంధ్రప్రదేశ్‌లో పెట్టుబడులకు ఉన్న అవకాశాలు, రాష్ట్ర పారిశ్రామిక భవిష్యత్తు, ప్రభుత్వ విధానాలపై తన అభిప్రాయాలను వెల్లడించారు. ప్రపంచ వాణిజ్యం, సాంకేతికత, విశ్వాసం, నాయకత్వం కీలకంగా మారుతున్న ప్రస్తుత పరిస్థితుల్లో ఏపీకి అపారమైన అవకాశాలున్నాయని పేర్కొన్నారు.
పారిశ్రామిక ప్రగతితో యువతకు ఉపాధి.!
రాష్ట్రంలో అంతర్జాతీయ స్థాయి మౌలిక సదుపాయాలు, ఓడరేవులు, విమానాశ్రయాలు, కార్గో కనెక్టివిటీ అభివృద్ధి చెందితే ఏపీ ప్రపంచ వాణిజ్యంలో కీలక పాత్ర పోషిస్తుందని ఆయన అభిప్రాయపడ్డారు. ముఖ్యంగా పారిశ్రామిక రంగంలో పెట్టుబడులు పెరగడం వల్ల స్థానిక యువతకు పెద్దఎత్తున ఉద్యోగ, ఉపాధి అవకాశాలు లభిస్తాయని తెలిపారు. ఉద్యోగాల కోసం ఇతర రాష్ట్రాలకు, విదేశాలకు వలస వెళ్లాల్సిన అవసరం తగ్గుతుందని పేర్కొన్నారు.
చంద్రబాబు నాయకత్వంపై ప్రశంసలు.!
పెట్టుబడిదారులు ఒక రాష్ట్రంలో పెట్టుబడులు పెట్టాలంటే ప్రభుత్వంపై నమ్మకం, విధానాల్లో పారదర్శకత, నిర్ణయాల్లో వేగం ఎంతో ముఖ్యమని మల్లికార్జున రావు అన్నారు. ముఖ్యమంత్రి చంద్రబాబు నాయుడుకు ఉన్న ముందుచూపు, దీర్ఘకాలిక అభివృద్ధి లక్ష్యాలు పారిశ్రామికవేత్తల్లో విశ్వాసాన్ని పెంచుతున్నాయని ప్రశంసించారు. రాబోయే 25 ఏళ్ల భవిష్యత్తును దృష్టిలో పెట్టుకుని ప్రభుత్వం తీసుకుంటున్న నిర్ణయాలు రాష్ట్ర ప్రగతికి దోహదపడతాయని పేర్కొన్నారు.
పెట్టుబడులకు ఏపీ సరైన గమ్యస్థానం.!
కేంద్ర ప్రభుత్వంతో సమన్వయం చేసుకుంటూ రాష్ట్రాన్ని అభివృద్ధి పథంలో నడిపిస్తున్న తీరు అభినందనీయమన్నారు. బలమైన నాయకత్వం, వేగవంతమైన నిర్ణయాలు, ప్రభుత్వ సహకారం ఉన్న ఆంధ్రప్రదేశ్‌లో పెట్టుబడులు పెట్టేందుకు ఇదే సరైన సమయమని పారిశ్రామికవేత్తలకు పిలుపునిచ్చారు. రాష్ట్రంలో పరిశ్రమలు, మౌలిక సదుపాయాలు అభివృద్ధి చెందితే లక్షలాది కుటుంబాల ఆర్థిక పరిస్థితి మెరుగుపడటంతో పాటు యువతకు ఉజ్వల భవిష్యత్తు లభిస్తుందని ఆశాభావం వ్యక్తం చేశారు.
మీకు నచ్చవచ్చు: సజ్జనార్ యూనిఫామ్‌లో ఉన్న క్రిమినల్..సీబీఐ మాజీ డైరెక్టర్ సంచలన వ్యాఖ్యలు.!
మీకు నచ్చవచ్చు: హైదరాబాద్ పోలీస్ బాస్ మార్పు.. సజ్జనార్ స్థానంలో మహేశ్ భగవత్.!
[ CII Partnership Summit 2026, CM Chandrababu Naidu, GMR Group, Grandhi Mallikarjuna Rao, Shamshabad Airport, Hyderabad Airport ]
ఇంట్లో ఆడపిల్ల జన్మిస్తే ఆ ఇంటికి మహాలక్ష్మి వచ్చినట్టేనని పెద్దలు అంటారు. పంజాబ్‌లో చోటుచేసుకున్న ఒక అరుదైన ఘటన ఈ నానుడిని అక్షరాలా నిజం చేసింది. తీవ్ర ఆర్థిక ఇబ్బందుల్లో కూరుకుపోయిన ఒక పేద కుటుంబానికి, పుట్టిన పసిపాప అదృష్టాన్ని మోసుకొచ్చింది. చిన్నారి వెలుగు చూసిన ఒక్క రోజూ తిరగకముందే ఆ తండ్రిని కోట్లలో సంపద వరించింది.
పంజాబ్‌లోని మాన్సా జిల్లా బరేటా ప్రాంతానికి చెందిన యుధ్‌వీర్ సింగ్ వడ్రంగి పని చేస్తూ జీవనం సాగిస్తున్నాడు. రోజువారీ సంపాదనతో కుటుంబాన్ని నెట్టుకొస్తున్న అతనికి, ఇల్లు కట్టే క్రమంలో చేసిన అప్పులు పెరిగిపోయాయి. భార్య హర్మన్ కౌర్ గర్భవతిగా ఉన్న సమయంలో కుటుంబ పోషణ భారం మరింత భారంగా మారింది.
ఈ తరుణంలో నవంబర్ 4న భార్యను ఆసుపత్రికి తీసుకెళ్తున్న సమయంలో మార్గమధ్యంలో ఒక లాటరీ స్టాల్ కనిపించింది. భార్య వారించినప్పటికీ, ఆమె పేరు మీదే రూ. 200 పెట్టి ఒక ‘పంజాబ్ స్టేట్ డియర్ 200 మంత్లీ’ లాటరీ టికెట్‌ను యుధ్‌వీర్ కొనుగోలు చేశాడు. జీవితంలో తొలిసారి అతను ఈ ప్రయోగం చేయడం విశేషం.
ఆ తర్వాత నవంబర్ 6న హర్మన్ కౌర్ పండంటి ఆడబిడ్డకు జన్మనిచ్చింది. ఇంట్లో సిరిమల్లె లాంటి పాప అడుగుపెట్టడంతో ఆ దంపతుల ఆనందానికి అవధులు లేకుండా పోయాయి. అయితే, ఆ సంతోషం మరవకముందే మరుసటి రోజు అనగా నవంబర్ 7న వచ్చిన లాటరీ ఫలితాలు ఆ కుటుంబాన్ని నివ్వెరపరిచాయి.
ఇది కూడా చదవండి: హైదరాబాద్ పోలీస్ బాస్ మార్పు.. సజ్జనార్ స్థానంలో మహేశ్ భగవత్.!
యుధ్‌వీర్ కొన్న ఆ ఒక్క లాటరీ టికెట్‌కు నంబర్ వన్ ప్రైజ్ తగిలింది. ఏకంగా రూ. 1.5 కోట్ల భారీ బహుమతి ఆ కుటుంబం సొంతమైంది. బిడ్డ పుట్టిన 24 గంటలు కూడా గడవకముందే కోటీశ్వరులు కావడంతో బంధుమిత్రులు సైతం ఆశ్చర్యపోతున్నారు. తమ ఇంటికి సాక్షాత్తు మహాలక్ష్మి రూపంలో కూతురు వచ్చిందని భావించి ఆ దంపతులు చిన్నారికి ‘బర్కత్’ అని నామకరణం చేశారు.
ఈ అనూహ్య పరిణామంపై యుధ్‌వీర్ స్పందిస్తూ.. దేవుడు తమ కష్టాలను కనుమరులు చేసేందుకే బిడ్డ రూపంలో ఈ అదృష్టాన్ని ప్రసాదించాడని ఆనందం వ్యక్తం చేశాడు. వచ్చిన డబ్బుతో ముందుగా అప్పులన్నీ తీర్చేస్తానని, మిగిలిన మొత్తాన్ని కూతురి భవిష్యత్తు కోసం పక్కాగా పెట్టుబడి పెడతానని తెలిపాడు.
నిరుపేద కుటుంబంలో పుట్టిన ఆ చిన్నారి పుట్టుకతోనే ఇంట సంపదను నింపడం స్థానికంగా చర్చనీయాంశమైంది. ఈ అరుదైన సంఘటన ప్రస్తుతం సోషల్ మీడియాలో సైతం వైరల్ అవుతుండటంతో ఆ కుటుంబానికి అందరూ అభినందనలు తెలుపుతున్నారు. భవిష్యత్తులో ఆ పాప ఉన్నత చదువులు చదివి కుటుంబానికి మరింత పేరు తెస్తుందని స్థానికులు ఆశాభావం వ్యక్తం చేస్తున్నారు.
మీకు నచ్చవచ్చు: NVIDIA సీఈవో పదవికి జెన్సన్ హువాంగ్ రాజీనామా.. అసలు కారణం ఇదేనా.!
మీకు నచ్చవచ్చు: ఏపీకి కియా భారీ పెట్టుబడులు.. పెనుకొండలో మరో ప్లాంట్.!
[ Punjab State Dear Lottery, Mansa Bareta Punjab, Carpenter wins lottery, Punjab lottery winner,
15 crore lottery jackpot ]
.webp)
తెలంగాణ రాష్ట్రంలో పోలీస్ యంత్రాంగాన్ని ప్రక్షాళన చేసే దిశగా రాష్ట్ర ప్రభుత్వం అత్యంత కీలకమైన నిర్ణయం తీసుకుంది. ఇందులో భాగంగా రాష్ట్రవ్యాప్తంగా పలువురు సీనియర్ అధికారులను బదిలీ చేస్తూ అధికారిక ఉత్తర్వులు జారీ అయ్యాయి. పరిపాలనా సంస్కరణలు శాంతిభద్రతల పరిరక్షణ లక్ష్యంగా ఈ భారీ కసరత్తు చేపట్టినట్లు తెలుస్తోంది.
ఈ తాజా బదిలీల జాబితాలో మొత్తం 21 మంది ఐపీఎస్ అధికారులకు స్థానచలనం కల్పిస్తూ ప్రభుత్వం ఉత్తర్వులు వెలువరించింది. లా అండ్ ఆర్డర్, ఏసీబీ, సీఐడీ, మహిళా భద్రత, ట్రాఫిక్ విభాగాలతో పాటు పలు కీలక విభాగాధిపతులను మారుస్తూ తీసుకున్న ఈ నిర్ణయం రాజకీయ పోలీసు వర్గాల్లో తీవ్ర చర్చనీయాంశమైంది.
ఈ భారీ మార్పుల్లో భాగంగా హైదరాబాద్ పోలీస్ కమిషనరేట్‌కు నూతన సారథిని నియమించారు. ఇప్పటివరకు లా అండ్ ఆర్డర్ డీజీపీగా బాధ్యతలు నిర్వర్తించిన సీనియర్ ఐపీఎస్ అధికారి మహేష్ మురళీధర్ భగవత్‌ను హైదరాబాద్ నగర నూతన పోలీస్ కమిషనర్‌గా ప్రభుత్వం నియమించింది.
ఇప్పటివరకు హైదరాబాద్ సీపీగా సేవలు అందించిన ప్రముఖ ఐపీఎస్ అధికారి వీసీ సజ్జనార్‌ను అక్కడి నుంచి తప్పించి, తెలంగాణ ఫైర్, డిజాస్టర్ రెస్పాన్స్, ఎమర్జెన్సీ అండ్ సివిల్ డిఫెన్స్ విభాగం డైరెక్టర్ జనరల్‌గా (డీజీ) బదిలీ చేశారు. ఆయనకు అదనంగా స్పెషల్ ప్రొటెక్షన్ ఫోర్స్ (ఎస్పీఎఫ్) డీజీ బాధ్యతలను కూడా ప్రభుత్వం అప్పగించింది.
ఇక ఇతర కీలక నియామకాలను పరిశీలిస్తే, రాష్ట్ర శాంతిభద్రతల అదనపు డీజీపీగా అకున్ సబర్వాల్ నియమితులయ్యారు. ఆయనతో పాటు అవినీతి నిరోధక శాఖ (ఏసీబీ), సీఐడీ, జైళ్ల శాఖ, ఆర్టీసీ ట్రాఫిక్ మేనేజ్‌మెంట్ వంటి ప్రధాన విభాగాల్లోనూ ఉన్నత స్థాయి మార్పులు చోటు చేసుకున్నాయి.
ఇది కూడా చదవండి: ఏపీకి కియా భారీ పెట్టుబడులు.. పెనుకొండలో మరో ప్లాంట్.!
పరిపాలనా పరమైన అవసరాలు, అధికారుల పనితీరు సమర్థవంతమైన సేవలను అందించడమే లక్ష్యంగా ప్రభుత్వం ఈ నిర్ణయం తీసుకున్నట్లు అధికారిక వర్గాలు వెల్లడించాయి. గత కొంతకాలంగా రాష్ట్రంలో మారుతున్న పరిస్థితులకు అనుగుణంగా కీలక శాఖల్లో అనుభవజ్ఞులైన అధికారులకు బాధ్యతలు అప్పగించడం ప్రాధాన్యత సంతరించుకుంది.
కొత్తగా బాధ్యతలు చేపట్టిన ఉన్నత అధికారులు త్వరలోనే తమ విధుల్లో చేరనున్నారు. ఈ భారీ బదిలీల ద్వారా నూతన పోలీసు బాస్‌ల నేతృత్వంలో శాఖాపరమైన పనితీరు మరింత వేగవంతం అవుతుందని, ముఖ్యంగా నేరాల నియంత్రణ ప్రజా భద్రత విషయంలో కఠిన చర్యలు ఉంటాయని ప్రజలు మరియు వర్గాలు ఆశిస్తున్నాయి.
1. హైదరాబాద్ పోలీస్ కమిషనర్: మహేశ్ మురళీధర్ భగవత్ (1995 బ్యాచ్) ప్రస్తుతం డీజీపీ (లా అండ్ ఆర్డర్)గా ఉన్న ఆయనను హైదరాబాద్ పోలీస్ కమిషనర్‌గా నియమించారు. వీసీ సజ్జనార్ స్థానంలో బాధ్యతలు చేపట్టనున్నారు.
2. మహిళా భద్రత విభాగం డీజీపీ: డాక్టర్ సౌమ్య మిశ్రా (1994 బ్యాచ్). ప్రస్తుతం జైళ్ల శాఖ డీజీపీగా ఉన్న ఆమెను మహిళా భద్రత, షీ టీమ్స్, భరోసా విభాగాల డీజీపీగా నియమించారు. డీజీపీ ఆర్గనైజేషన్, డీజీపీ లీగల్ బాధ్యతలు కూడా అదనంగా అప్పగించారు.
3. జైళ్ల శాఖ డీజీపీ: స్వాతి లఖ్రా (1995 బ్యాచ్). డీజీపీ ఆర్గనైజేషన్, హోంగార్డ్స్ విభాగాల నుంచి జైళ్ల శాఖ డీజీపీగా బదిలీ చేశారు. డీజీపీ హోంగార్డ్స్ బాధ్యతలు అదనంగా అప్పగించారు.
4. ఏసీబీ డీజీపీ: చారు సిన్హా (1996 బ్యాచ్). ప్రస్తుతం సీఐడీ, మహిళా భద్రత, షీ టీమ్స్, భరోసా, ఏసీబీ బాధ్యతలు నిర్వహిస్తున్న ఆమెకు ఏసీబీ డీజీపీగా పూర్తి బాధ్యతలు అప్పగించారు. సీఐడీ డీజీపీగా అదనపు బాధ్యతలు కొనసాగుతాయి.
5. ఆర్టీసీ వైస్ చైర్మన్ అండ్ ఎండీ: డాక్టర్ అనిల్ కుమార్ (1996 బ్యాచ్). గ్రేహౌండ్స్, ఆక్టోపస్ డీజీపీగా ఉన్న ఆయనను తెలంగాణ రాష్ట్ర రోడ్డు రవాణా సంస్థ ఎండీగా నియమించారు.
6తెలంగాణ ఫైర్ సర్వీసెస్ డీజీ.. వీసీ సజ్జనార్(1996 బ్యాచ్). హైదరాబాద్ పోలీస్ కమిషనర్ పదవి నుంచి బదిలీ చేసి అగ్నిమాపక, విపత్తుల నిర్వహణ, అత్యవసర సేవలు, పౌర రక్షణ విభాగాల డీజీగా నియమించారు. ఎస్పీఎఫ్ డీజీ బాధ్యతలు అదనంగా అప్పగించారు.
7. పౌరసరఫరాల శాఖ కమిషనర్: వై. నాగిరెడ్డి (1997 బ్యాచ్). ఆర్టీసీ ఎండీ పదవి నుంచి బదిలీ చేసి పౌరసరఫరాల శాఖ కమిషనర్‌గా, ప్రభుత్వ ప్రత్యేక ప్రధాన కార్యదర్శిగా నియమించారు. పౌరసరఫరాల సంస్థ ఎండీ, లీగల్ మెట్రాలజీ కంట్రోలర్ బాధ్యతలు కూడా అదనంగా అప్పగించారు.
8. గ్రేహౌండ్స్, ఆక్టోపస్ డీజీపీ: విక్రమ్ సింగ్ మాన్ (1998 బ్యాచ్). ఫైర్ సర్వీసెస్ డీజీ పదవి నుంచి బదిలీ చేసి గ్రేహౌండ్స్, ఆక్టోపస్ డీజీపీగా నియమించారు. పోలీస్ హౌసింగ్ కార్పొరేషన్ డీజీపీ బాధ్యతలు అదనంగా అప్పగించారు.
9. ట్రాఫిక్ మేనేజ్‌మెంట్ డైరెక్టర్: ఎం. స్టీఫెన్ రవీంద్ర (1999 బ్యాచ్). పౌరసరఫరాల శాఖ నుంచి బదిలీ చేసి తెలంగాణ ట్రాఫిక్ మేనేజ్‌మెంట్, రోడ్ అండ్ రైల్ సేఫ్టీ బ్యూరో (టీజీ-టీమార్స్) డైరెక్టర్‌గా నియమించారు.
10. అదనపు డీజీపీ (లా అండ్ ఆర్డర్): అకున్ సబర్వాల్ (2001 బ్యాచ్). అదనపు డీజీపీగా నియమితులయ్యారు. కోఆర్డినేషన్, టెక్నికల్ సర్వీసెస్ (టి-స్పార్క్) బాధ్యతలు అదనంగా అప్పగించారు.
ఐజీ, డీఐజీ స్థాయిలోనూ కీలక మార్పులు.!
11. ఏసీబీ డైరెక్టర్: ఎస్. చంద్రశేఖర్ రెడ్డి (2004 బ్యాచ్). మల్టీ జోన్-1 ఐజీ నుంచి ఏసీబీ డైరెక్టర్‌గా బదిలీ.
12. మల్టీ జోన్-1 ఐజీ: కార్తికేయ (2006 బ్యాచ్). ఇంటెలిజెన్స్ ఐజీ నుంచి మల్టీ జోన్-1కు బదిలీ. ఐసీసీసీ డైరెక్టర్ బాధ్యతలు అదనంగా అప్పగించారు.!
13. రైల్వేస్ ఐజీ: కె. రమేష్ నాయుడు (2006 బ్యాచ్). రైల్వేస్ అండ్ రోడ్ సేఫ్టీ ఐజీ నుంచి రైల్వేస్ ఐజీగా నియామకం. టీజీ-టీమార్స్ డైరెక్టర్‌కు రిపోర్టు చేయనున్నారు.
14. రోడ్డు భద్రత, ట్రాఫిక్ జాయింట్ డైరెక్టర్: డి. జోయల్ డేవిస్ (2010 బ్యాచ్). హైదరాబాద్ ట్రాఫిక్ జాయింట్ కమిషనర్ నుంచి టీజీ-టీమార్స్‌కు బదిలీ. హైదరాబాద్ ట్రాఫిక్ జాయింట్ కమిషనర్ బాధ్యతలు అదనంగా కొనసాగుతాయి.
15. జోగులాంబ జోన్-7 డీఐజీ: జి. చందన దీప్తి (2012 బ్యాచ్). ఫ్యూచర్ సిటీ కమిషనరేట్ జాయింట్ కమిషనర్‌గా ఉన్న ఆమెకు జోగులాంబ జోన్-7 డీఐజీ బాధ్యతలు అదనంగా అప్పగించారు.
16. ఇంటెలిజెన్స్ డీఐజీ: ఆర్. భాస్కరన్ (2012 బ్యాచ్). సీఐ సెల్ డీఐజీగా ఉన్న ఆయనకు ఇంటెలిజెన్స్ డీఐజీ బాధ్యతలు అదనంగా అప్పగించారు.
17. బాసర జోన్-2 డీఐజీ: కె. నారాయణ నాయక్ (2009 బ్యాచ్). సీఐడీ, రాష్ట్ర నేర గణాంకాల విభాగం (ఎస్‌సీఆర్‌బీ) డీఐజీగా ఉన్న ఆయనకు బాసర జోన్-2 బాధ్యతలు అదనంగా అప్పగించారు.
18. డీఐజీ కోఆర్డినేషన్: ఎల్.ఎస్. చౌహాన్(2009 బ్యాచ్). బదిలీపై డీఐజీ కోఆర్డినేషన్‌గా నియమితులయ్యారు. చార్మినార్ జోన్-6 డీఐజీ బాధ్యతలు అదనంగా అప్పగించారు.
19. టీజీ-టీమార్స్ డిప్యూటీ డైరెక్టర్ (అడ్మిన్): శ్రీ బాలాదేవి (ఐపీఎస్, ఎస్‌పీఎస్). పోస్టింగ్ కోసం ఎదురుచూస్తున్న ఆమెకు ఈ బాధ్యతలు అప్పగించారు.
20. డీసీపీ, ఎస్‌ఎం అండ్ ఐటీ, హైదరాబాద్: వి. అరవిందబాబు (ఐపీఎస్, ఎస్‌పీఎస్). పోస్టింగ్ కోసం ఎదురుచూస్తున్న ఆయనను హైదరాబాద్ నగర పోలీస్ విభాగంలో నియమించారు.
అదనపు బాధ్యతలు.!
21. ఏడీజీపీ శిక్షణ: సంజయ్ కుమార్ జైన్ (1997 బ్యాచ్). టీజీఎస్పీ ఏడీజీపీగా కొనసాగుతూనే ఏడీజీపీ శిక్షణ బాధ్యతలు అదనంగా నిర్వహించనున్నారు.
మీకు నచ్చవచ్చు: NVIDIA సీఈవో పదవికి జెన్సన్ హువాంగ్ రాజీనామా.. అసలు కారణం ఇదేనా.!
మీకు నచ్చవచ్చు: మహిళల రాజకీయ, ఆర్థిక భాగస్వామ్యం మరింత పెరగాలి: సీఎం చంద్రబాబు
[ Telangana IPS Transfers, Mahesh Bhagwat, Akun Sabharwal, Hyderabad Police Commissioner, Telangana Police Reshuffle, VC Sajjanar ]
టెక్ ప్రపంచాన్ని దిగ్భ్రాంతికి గురిచేస్తూ ప్రముఖ కృత్రిమ మేధ గ్రాఫిక్స్ దిగ్గజం 'ఎన్విడియా' (NVIDIA) సంస్థలో సంచలన పరిణామం చోటుచేసుకుంది. ఆ సంస్థ చీఫ్ ఎగ్జిక్యూటివ్ ఆఫీసర్ (CEO) పదవికి జెన్సన్ హువాంగ్ అకస్మాత్తుగా రాజీనామా చేయడం కార్పొరేట్ వర్గాల్లో తీవ్ర చర్చనీయాంశమైంది.
అత్యంత ప్రతిష్టాత్మకమైన ఈ సంస్థను దశాబ్దాలుగా విజయవంతంగా ముందుకు నడిపిన ఆయన, ఇలాంటి కీలక తరుణంలో పదవి నుంచి వైదొలగడం టెక్ మార్కెట్లో తీవ్ర కలకలం రేపింది. ఈ అనూహ్య పరిణామం పెట్టుబడిదారులను, వినియోగదారులను ఒక్కసారిగా విస్మయానికి గురిచేసింది.
ఈ అనూహ్య నిర్ణయం వెనుక వ్యక్తిగత కారణాలు ఉన్నట్లు తెలుస్తోంది. చైనా దేశానికి చెందిన ఒక గూఢచారితో ఆయనకు వివాహేతర సంబంధం ఉందనే తీవ్ర ఆరోపణలు రావడంతో ఈ పరిణామాలు వేగంగా మారాయి. ఈ ఆరోపణల నేపథ్యంలో కంపెనీ ప్రతిష్టను దృష్టిలో ఉంచుకుని హువాంగ్ ఈ కఠిన నిర్ణయం తీసుకున్నట్లు సమాచారం.
ఈ వ్యవహారంపై ఎన్విడియా బోర్డు అత్యవసరంగా స్పందించింది. హువాంగ్ పై వచ్చిన ఆరోపణల నిజానిజాలను నిగ్గు తేల్చేందుకు ఒక స్వతంత్ర దర్యాప్తునకు ఆదేశించనున్నట్లు కంపెనీ యాజమాన్యం అధికారికంగా ప్రకటించింది. ఈ విచారణలో పూర్తి నిజాలు వెలుగులోకి వస్తాయని కంపెనీ వర్గాలు పేర్కొన్నాయి.
జెన్సన్ హువాంగ్ స్థానంలో కంపెనీ తాత్కాలిక సీఈవోగా ప్రస్తుత చీఫ్ ఫైనాన్షియల్ ఆఫీసర్ (CFO) కోలెట్ క్రెస్‌ను బోర్డు నియమించింది. ఆమె తక్షణమే బాధ్యతలు స్వీకరించి కంపెనీ నిర్వహణను పర్యవేక్షిస్తారని సంస్థ స్పష్టం చేసింది. ప్రస్తుత క్లిష్ట పరిస్థితుల్లో సంస్థ నౌకను సురక్షితంగా నడిపించే బాధ్యత ఆమెపై పడింది.
ఈ పరిణామాల ప్రభావం వాల్‌స్ట్రీట్ మార్కెట్లపై తీవ్రంగా పడింది. అమెరికా స్టాక్ మార్కెట్లో ఎన్విడియా షేర్లు భారీ నష్టాలను చవిచూశాయి. ఒక్కసారిగా షేర్ల విలువ పడిపోవడంతో మదుపరులు ఆందోళన చెందుతున్నారు. సంస్థ భవిష్యత్తు వ్యాపార వ్యూహాలపై ఇది ఏ రకమైన ప్రభావం చూపుతుందనే దానిపై మార్కెట్ నిపుణులు విశ్లేషణలు జరుపుతున్నారు.
టెక్ రంగంలో ఎన్విడియా సాధించిన విజయాల వెనుక హువాంగ్ కృషి ఎంతో ఉంది. ఇప్పుడు ఆయన నిష్క్రమణతో సంస్థ భవిష్యత్తు ఎలా ఉంటుందనేది ఆసక్తికరంగా మారింది. దర్యాప్తు నివేదిక వచ్చాక మరిన్ని కీలక విషయాలు బయటకు వచ్చే అవకాశం ఉంది.
రాబోయే రోజుల్లో కంపెనీ కొత్త నాయకత్వంలో ఎలాంటి నిర్ణయాలు తీసుకుంటుంది, మార్కెట్లో తన ఆధిపత్యాన్ని ఎలా నిలబెట్టుకుంటుంది అనేదానిపై సర్వత్రా ఉత్కంఠ నెలకొంది. స్టాక్ మార్కెట్ ఒడుదొడుకులను తట్టుకుని ఎన్విడియా తిరిగి పుంజుకుంటుందా లేదా అనేది రాబోయే కాలం తేల్చనుంది.
[ Nvidia CEO, Jensen Huang resignation, Colette Kress, Tech News Telugu, Nvidia stock market impact ]
.webp)
మహిళలు రాజకీయంగా, ఆర్థికంగా అన్ని రంగాల్లోనూ సమాన భాగస్వాములుగా ఎదిగినప్పుడే నిజమైన అభివృద్ధి సాధ్యమవుతుందని ముఖ్యమంత్రి నారా చంద్రబాబు నాయుడు స్పష్టం చేశారు. మహిళల భాగస్వామ్యం రాజకీయ, ఆర్థిక రంగాల్లో 50 శాతానికి మించినప్పుడే తనకు సంపూర్ణ సంతృప్తి కలుగుతుందని అన్నారు. మహిళా పారిశ్రామికవేత్తలను ప్రోత్సహించేందుకు ప్రత్యేకంగా టెక్ పార్క్ ఏర్పాటు చేసి, ఉచితంగా భూమితో పాటు అవసరమైన ప్రోత్సాహకాలు అందిస్తామని ప్రకటించారు.
విశాఖపట్నంలో సీఐఐ భాగస్వామ్య సదస్సులో భాగంగా నిర్వహించిన ‘ఉమెన్ అండ్ గ్రోత్ సమ్మిట్’లో ముఖ్యమంత్రి పాల్గొని ప్రసంగించారు. ‘ది ఉమెన్ హూ విల్ షేప్ ది నెక్స్ట్ ఎకానమీ: లీడర్‌షిప్, క్యాపిటల్, అంబిషన్’ అనే థీమ్‌తో జరిగిన ఈ సదస్సులో కేంద్ర మాజీ మంత్రి స్మృతి ఇరానీ, సీఐఐ ప్రతినిధులు, అలయన్స్ ఫర్ గ్లోబల్ గుడ్ సభ్యులు, పారిశ్రామికవేత్తలు, మహిళా నాయకులు పాల్గొన్నారు.
మహిళలకు అవకాశాలిస్తే అద్భుత విజయాలు.!
మహిళలకు సమాన అవకాశాలు కల్పిస్తే వారు అద్భుతమైన విజయాలు సాధిస్తారని ముఖ్యమంత్రి అన్నారు. పుట్టుక నుంచే మహిళల పట్ల వివక్ష చూపే ధోరణి సమాజంలో ఉందని, కొడుకు కుటుంబంతోనే ఉంటాడని, కూతురికి పెళ్లి చేసి పంపించేస్తామనే ఆలోచన మారాలని చెప్పారు. దేశ ఆర్థిక వ్యవస్థను కేంద్ర ఆర్థిక మంత్రి నిర్మలా సీతారామన్ సమర్థంగా నడిపించడం మహిళా సామర్థ్యానికి నిదర్శనమన్నారు.
విద్య, ఉద్యోగ రంగాల్లో మహిళలకు 33 శాతం రిజర్వేషన్లు కల్పించిన విషయాన్ని గుర్తుచేశారు. స్థానిక సంస్థల్లో 50 శాతం మహిళలకు ప్రాతినిధ్యం కల్పించామని, అత్యంత విద్యావంతులైన మహిళలకు మేయర్లు, చైర్‌పర్సన్లు, జెడ్పీ చైర్‌పర్సన్లుగా అవకాశాలు కల్పిస్తున్నామని తెలిపారు.
ఇటీవల జరిగిన కార్పొరేషన్ ఎన్నికల్లో ఐదు స్థానాలు మహిళలకు లభించినప్పటికీ, తాము ఎనిమిది మంది మహిళలకు మేయర్లుగా అవకాశం కల్పించామని చెప్పారు. విశాఖ మేయర్ కూడా మహిళేనని గుర్తుచేశారు. చట్టసభల్లో మహిళలకు 33 శాతం రిజర్వేషన్లు కల్పించే దిశగా అన్ని రాజకీయ పార్టీలు కృషి చేయాలని పిలుపునిచ్చారు. సమాజంలోని ప్రతి ఒక్కరికీ అవకాశాలు కల్పించి, అందరూ అభివృద్ధి చెందాలన్నదే తన సంకల్పమని స్పష్టం చేశారు.
డ్వాక్రా మహిళలు దేశానికే ఆదర్శం.!
ఆంధ్రప్రదేశ్‌లో మహిళా స్వయం సహాయక సంఘాలు సాధించిన విజయాలు దేశానికే ఆదర్శంగా నిలుస్తున్నాయని ముఖ్యమంత్రి అన్నారు. రాష్ట్రంలో 1.13 కోట్ల మంది మహిళలు స్వయం సహాయక సంఘాల సభ్యులుగా ఉన్నారని, ఈ సంఘాల వద్ద రూ.30 వేల కోట్ల కార్పస్ ఫండ్ ఉందని తెలిపారు. ప్రస్తుతం ఈ సంఘాలు దాదాపు రూ.లక్ష కోట్ల టర్నోవర్ సాధిస్తున్నాయని వెల్లడించారు. డ్వాక్రా మహిళలు తాము తీసుకున్న రుణాల్లో 99.6 శాతం తిరిగి చెల్లిస్తున్నారని, మహిళలకు ఆర్థిక క్రమశిక్షణ, వ్యాపార నిర్వహణ సామర్థ్యం ఎంతగా ఉన్నాయో ఇది తెలియజేస్తోందన్నారు.
మహిళల వద్ద రూ.10 ఉంటే దానిని రూ.100గా మార్చగల వ్యాపార నైపుణ్యం వారిలో ఉందని వ్యాఖ్యానించారు. స్వయం ఏపీ బ్రాండ్‌తో మహిళా సంఘాల ఉత్పత్తులకు మార్కెట్ కల్పించేందుకు ప్రభుత్వం కృషి చేస్తోందని చెప్పారు. మహిళలు కేవలం స్వయం ఉపాధికే పరిమితం కాకుండా, పెద్దఎత్తున పారిశ్రామికవేత్తలుగా ఎదగాలని ఆకాంక్షించారు.
ప్రస్తుతం ఆంధ్రప్రదేశ్‌లో మహిళా శ్రామిక శక్తి 35.8 శాతంగా ఉందని, దీనిని త్వరలోనే 50 శాతానికి తీసుకెళ్లడమే లక్ష్యమని ముఖ్యమంత్రి ప్రకటించారు. రాష్ట్రానికి వస్తున్న భారీ పెట్టుబడులు మహిళలకు విస్తృతంగా ఉపాధి అవకాశాలను కల్పిస్తాయని చెప్పారు. విశాఖలోని బాండెక్స్ దుస్తుల తయారీ కేంద్రంలో 20 వేల మంది మహిళలు పనిచేస్తున్నారని, గ్లోబల్ టాయ్ పార్క్ ద్వారా మహిళలకు 30 వేల ఉద్యోగాలు కల్పించే అవకాశాలున్నాయని తెలిపారు.
కుప్పం, అనంతపురం సహా రాష్ట్రంలోని వివిధ ప్రాంతాలకు పెట్టుబడులు వస్తున్నాయని, ఈ పరిశ్రమల్లో మహిళలకు అధిక సంఖ్యలో ఉద్యోగాలు లభిస్తాయని వివరించారు. మహిళలకు ఆర్థిక భద్రత కల్పించడంలో ఆస్తి హక్కులు కీలకమని పేర్కొన్నారు. ఇటీవల విశాఖపట్నం, విజయవాడ, మంగళగిరిలో సుమారు రూ.50 వేల కోట్ల విలువైన 60 వేల ఇళ్ల పట్టాలను అందించామని తెలిపారు. మహిళల పేరుతో ఆస్తులు ఉంటే వాటిని భద్రంగా కాపాడుకుంటారనే నమ్మకం ఉందని, ఇది వారికి సామాజిక భద్రతను కూడా కల్పిస్తుందని చెప్పారు.
సమాజంలో అసమానతలు రూపుమాపాలి.!
సమాజంలో పేదరికం, ఆర్థిక అసమానతలను తొలగించేందుకు పీ4 (P4), పబ్లిక్ ప్రైవేట్ పార్టనర్‌షిప్ విధానాలు ఎంతో ఉపయోగపడుతున్నాయని ముఖ్యమంత్రి తెలిపారు. సమాజంలో సంపన్నులుగా ఉన్న 10 శాతం మంది అత్యల్ప ఆదాయ వర్గాల్లోని 20 శాతం కుటుంబాలకు అండగా నిలవాలన్నదే ఎంబీకే విధానం లక్ష్యమని వివరించారు. కేవలం సంక్షేమ పథకాలతో పేదరికాన్ని నిర్మూలించలేమని, పేద కుటుంబాల ఆదాయ మార్గాలను పెంచి, వారి జీవన ప్రమాణాలను మెరుగుపరచాలని అన్నారు.
లేదంటే పేదరికం శాశ్వతంగా కొనసాగుతుందని, సంపన్నులు మరింత సంపన్నులుగా, పేదలు మరింత పేదలుగా మిగిలిపోయే ప్రమాదం ఉందని హెచ్చరించారు. పేదరికం పెరిగితే సమాజంలో అనేక విపరిణామాలు చోటుచేసుకుంటాయని, యూరోపియన్ దేశాల్లో ప్రస్తుతం కనిపిస్తున్న పరిణామాలు దీనికి ఉదాహరణగా పేర్కొన్నారు.
రాష్ట్రంలో పేదరికంలో ఉన్న కోటి 10 లక్షల కుటుంబాల అభ్యున్నతికి, ముఖ్యంగా మహిళల ఆర్థిక స్వావలంబనకు ప్రభుత్వం కృషి చేస్తుందని హామీ ఇచ్చారు. కార్పొరేట్ సోషల్ రెస్పాన్సిబిలిటీ (CSR) ద్వారా ఆశించిన స్థాయిలో ఫలితాలు రావడం లేదని, కార్పొరేట్ సంస్థలు పీ4 కార్యక్రమంలో భాగస్వాములై బంగారు కుటుంబాలను దత్తత తీసుకోవాలని పిలుపునిచ్చారు. సమాజం నుంచి ప్రయోజనం పొందినవారు తిరిగి సమాజానికి సేవ చేసేలా మహిళలు కూడా ఆదర్శంగా నిలవాలని సూచించారు.
మహిళా పారిశ్రామికవేత్తలకు దావోస్‌లో అవకాశం.!
మహిళా పారిశ్రామికవేత్తలను ప్రోత్సహించేందుకు ప్రభుత్వం ప్రత్యేక రాయితీలు అందిస్తోందని ముఖ్యమంత్రి తెలిపారు. వచ్చే దావోస్ సదస్సుకు ఆంధ్రప్రదేశ్ నుంచి ఐదుగురు మహిళా పారిశ్రామికవేత్తలు హాజరయ్యేలా ప్రభుత్వం సహకరిస్తుందని ప్రకటించారు. రాష్ట్రంలో 54 చేనేత క్లస్టర్లు ఉన్నాయని, వీటిలో అనేక క్లస్టర్లు మహిళా సంఘాల నేతృత్వంలో పనిచేస్తున్నాయని చెప్పారు.
మహిళా పారిశ్రామికవేత్తలు మరింతగా ఎదిగేందుకు అవసరమైన అన్ని విధాలా ప్రభుత్వం అండగా ఉంటుందని భరోసా ఇచ్చారు. అటు ప్రకృతి వ్యవసాయంలోనూ మహిళలు అద్భుతమైన ఫలితాలు సాధిస్తున్నారని ముఖ్యమంత్రి అన్నారు. రైతులకు శిక్షణ ఇవ్వడం నుంచి ప్రకృతి వ్యవసాయాన్ని విస్తరించడం వరకు మహిళలు కీలక పాత్ర పోషిస్తున్నారని తెలిపారు.
రాష్ట్రంలో ఇప్పటికే 25 లక్షల ఎకరాల్లో ప్రకృతి వ్యవసాయం జరుగుతోందని వెల్లడించారు. కుప్పంలో ఇటుకల తయారీ కేంద్రంలో కార్మికురాలిగా పనిచేసిన ఒక మహిళ, తన కష్టం...తెలివితేటలతో అదే సంస్థకు యజమానిగా ఎదిగారని ఉదాహరించారు. ప్రస్తుతం ఆమె ఏడాదికి రూ.25 లక్షల ఆదాయం సంపాదిస్తున్నారని తెలిపారు. సరైన అవకాశాలు, శిక్షణ, ప్రోత్సాహం అందిస్తే మహిళలు ఎంతటి విజయాలైనా సాధించగలరని ఈ ఉదంతం నిరూపిస్తోందన్నారు.
మహిళలు టెక్నాలజీని వినియోగించుకోవాలి.!
మారుతున్న సాంకేతిక పరిజ్ఞానాన్ని అందిపుచ్చుకుని మహిళలు అన్ని రంగాల్లోనూ ముందుకు రావాలని ముఖ్యమంత్రి పిలుపునిచ్చారు. గతంలో ఐటీ గురించి ఎక్కువగా మాట్లాడేవాడినని, ఇప్పుడు ఆర్టిఫిషియల్ ఇంటెలిజెన్స్ (AI) గురించి ఎక్కువగా ప్రస్తావిస్తున్నానని చెప్పారు. డేటా సెంటర్లు, క్వాంటం టెక్నాలజీ, స్పేస్, డ్రోన్లు, ఎలక్ట్రానిక్స్, సెమీకండక్టర్ల రంగాల్లో ఆంధ్రప్రదేశ్ అద్భుతమైన పురోగతి సాధించే దిశగా అడుగులు వేస్తోందన్నారు.
తిరుపతిని సెమీకండక్టర్ల తయారీ కేంద్రంగా అభివృద్ధి చేస్తున్నామని, గ్లోబల్ డిజైన్ క్యాపిటల్‌గా తీర్చిదిద్దాలన్న లక్ష్యంతో పనిచేస్తున్నామని తెలిపారు. భవిష్యత్తులో యుద్ధాల్లో డ్రోన్లు, రోబోటిక్స్ కీలక పాత్ర పోషిస్తాయని, కర్నూలులో తయారైన డ్రోన్‌ను ఆపరేషన్ సిందూర్‌లోనూ వినియోగించారని గుర్తుచేశారు. స్కైరూట్ వంటి సంస్థలు ఆధునిక సాంకేతికతతో సాధ్యమయ్యే విజయాలను నిరూపిస్తున్నాయని అన్నారు. మహిళలు కూడా సాంకేతిక రంగాలపై దృష్టి సారించి, అందుబాటులో ఉన్న అవకాశాలను అందిపుచ్చుకోవాలని సూచించారు. అలాగే, రాష్ట్రంలో మహిళల భద్రతకు అత్యంత ప్రాధాన్యత ఇస్తున్నామని, ఈ విషయంలో ఎక్కడా రాజీపడే ప్రసక్తే లేదని స్పష్టం చేశారు.
సీఎం చంద్రబాబు ప్రోత్సాహమే భారత్ బయోటెక్‌కు పునాది : సుచిత్ర
సదస్సులో మాట్లాడిన సీఐఐ ప్రెసిడెంట్ సుచిత్రా ఎల్లా ముఖ్యమంత్రి చంద్రబాబు నాయకత్వాన్ని ప్రశంసించారు. హైదరాబాద్‌కు ఐటీ రంగాన్ని తీసుకురావడంలో, ఆంధ్రప్రదేశ్‌ను బయోటెక్నాలజీ, లైఫ్ సైన్సెస్ రంగాల్లో ముందంజలో నిలపడంలో చంద్రబాబు కీలక పాత్ర పోషించారని అన్నారు.
1996లో హైదరాబాద్‌లో భారత్ బయోటెక్ సంస్థను స్థాపించడానికి చంద్రబాబు అందించిన మార్గదర్శకత్వం, ప్రోత్సాహం ఎంతో ఉపయోగపడ్డాయని గుర్తుచేశారు. కరోనా సమయంలో కోట్లాది మంది ప్రాణాలను కాపాడటంలో భారత్ బయోటెక్ వ్యాక్సిన్లు కీలక పాత్ర పోషించాయని పేర్కొన్నారు. భారతదేశ అభివృద్ధిలో మహిళలు ముందుండాలని, వారు కేవలం ఉద్యోగులుగా కాకుండా పారిశ్రామికవేత్తలు, పెట్టుబడిదారులు, ఆవిష్కర్తలుగా ఎదగాలని ఆకాంక్షించారు.
కేంద్ర మాజీ మంత్రి స్మృతి ఇరానీ మాట్లాడుతూ, ప్రధాని నరేంద్ర మోదీ నాయకత్వంలో మహిళలు దేశాభివృద్ధిలో కీలక పాత్ర పోషిస్తున్నారని తెలిపారు. అన్ని రంగాల్లో మహిళల పరివర్తన, సాధికారత మరింత వేగంగా జరగాల్సిన అవసరం ఉందన్నారు. మహిళలకు మూలధనం, మార్కెట్ అవకాశాలు, సాంకేతిక పరిజ్ఞానం, నైపుణ్యాలు, నాయకత్వ శిక్షణ అందించడం ద్వారా భవిష్యత్ ఆర్థిక వ్యవస్థను నిర్మించే శక్తిగా వారిని తీర్చిదిద్దాలన్న అంశంపై సదస్సులో చర్చించారు.
మీకు నచ్చవచ్చు: CII Summit: మంత్రి లోకేష్ సమక్షంలో తొలిరోజు పెట్టుబడుల ప్రవాహం.!
మీకు నచ్చవచ్చు: ఏపీలో పారిశ్రామిక పురోగతి: ఈజ్ ఆఫ్ డూయింగ్ బిజినెస్.!
[ CII Partnership Summit in Visakhapatnam, Women and Growth Summit, CM Chandrababu, CII President Suchitra Ella, Smriti Irani ]
ALSO ON TELUGUONE N E W S
సాయిపల్లవి.. ఎనీ క్యారక్టర్ మెస్మరైజ్ చేసి పడేయగలదు. రామాయణలో సీతగా బాక్స్ ఆఫీస్ ని షేక్ చేసే పనిలో ఉన్న సాయి పల్లవి ఈ నెల 20న ధనుష్ తో కలిసి 'ఓం' తో తమిళంతో పాటు పాన్ ఇండియా వ్యాప్తంగా అడుగుపెట్టనుంది.
సాయి పల్లవి పోలీస్ ఆఫీసర్ గా కనిపిస్తుండగా పోలీస్ ఆఫీసర్ గా ఇటీవల ఆమె లుక్ రిలీజ్ చేసినప్పుడు వైరల్ గా మారడంతో పాటు ఓం పై అంచనాలని పెంచేసింది.
ఆ క్యారక్టర్ వెనుక ఒక ఆసక్తికరమైన నిజం దాగుంది. తాజాగా ఇచ్చిన ఒక ఇంటర్వ్యూలో ఓం దర్శకుడు రాజ్‌కుమార్ పెరియసామి మాట్లాడుతు సాయిపల్లవి పోషించిన పోలీస్ క్యారక్టర్ పూర్తిగా కల్పితం కాదని, కేరళకు చెందిన రియల్ లైఫ్ ఐపీఎస్ ఆఫీసర్ మెరిన్ జోసెఫ్ జీవితం, ఆమె పనితీరు నుంచి స్ఫూర్తి పొంది సాయి పల్లవి క్యారెక్టర్‌ని డిజైన్ చేసినట్లు ఆయన స్పష్టం చేశారు.
కేరళ కేడర్‌కు చెందిన మెరిన్ జోసెఫ్ తన కెరీర్ ప్రారంభం నుంచే అత్యంత పిన్న వయస్సులో ఐపీఎస్ సాధించిన మహిళా అధికారిగా చరిత్ర సృష్టించారు. సివిల్ సర్వీసెస్ పరీక్షలో ఆమె 188వ ర్యాంకు సాధించారు. 2019లో కొల్లం పోలీస్ కమిషనర్‌గా ఉన్నప్పుడు ఆమె పేరు దేశవ్యాప్తంగా వినిపించింది. లింగ వివక్షపై ఆమె బహిరంగంగానే గళం విప్పారు.
ఇది కూడా చదవండి:ఇట్లు అర్జున మూవీ రివ్యూ
2016లో మహిళా ఐఏఎస్, ఐపీఎస్ అధికారులని అందం ఆధారంగా ర్యాంకులు ఇస్తూ వచ్చిన ఒక పత్రికా కథనాన్ని ఆమె తీవ్రంగా విమర్శించారు. అంతేకాకుండా, ఆమె ఎంచుకున్న కేసులు, విధి నిర్వహణలో చూపిన తెగింపు, రాజీ పడని తత్వం, ప్రజలతో మమేకమయ్యే విధానం ఎంతోమంది యువతకు ఆదర్శంగా నిలిచాయి.
దర్శకుడు రాజ్‌కుమార్ పెరిసామి మెరిన్ జోసెఫ్ పనితీరును నిశితంగా పరిశీలించి, ఒక మహిళా ఆఫీసర్ సమాజంలో ఎదుర్కొనే సవాళ్లను, వాటిని ధైర్యంగా ఎదుర్కొనే తీరును సాయిపల్లవి పాత్రలో ప్రతిబింబించేలా చేశారు. సినిమాలోని ప్రతి చిన్న సీన్‌లోనూ ఆ ఐపీఎస్ ఆఫీసర్ హావభావాలు, ఆమె నిలబడే తీరు, మాట్లాడే శైలిని సాయిపల్లవి అద్భుతంగా అనుకరించారు. దర్శకుడు కేవలం ఒక ఇన్స్పిరేషన్‌గా మాత్రమే తీసుకున్నప్పటికీ, సాయిపల్లవి తన అసాధారణమైన నటనతో ప్రాణం పోసినట్టుగా పరిశ్రమ వర్గాల టాక్.
మీకు నచ్చవచ్చు:మాయలేడి మూవీ రివ్యూ!
మీకు నచ్చవచ్చు:డిఎన్ కె రివ్యూ
[Sai Pallavi Om, Merin Joseph, rajkumar periasamy, Dhanush]
సినిమా షూటింగ్స్‌లో నటీనటులు ఎన్నో ప్రమాదాలను ఎదుర్కొంటుంటారు. కొన్ని సందర్భాల్లో చిన్న చిన్న గాయాలతో బయటపడితే, మరికొన్ని సంఘటనలు మాత్రం జీవితాంతం గుర్తుండిపోతాయి. అలాంటి భయంకరమైన అనుభవం తనకు ఎదురైందని హీరోయిన్ కాజల్ అగర్వాల్ తాజాగా వెల్లడించారు. కమల్ హాసన్ హీరోగా శంకర్ దర్శకత్వంలో తెరకెక్కిన 'ఇండియన్ 2' సినిమా షూటింగ్ సమయంలో తాను తృటిలో ప్రాణాపాయం నుంచి బయటపడ్డానని చెప్పారు. తన కళ్ల ముందే 100 అడుగుల భారీ క్రేన్ కూలిపోవడం, ఎవరో గుర్తుతెలియని వ్యక్తి తనను పక్కకు లాగడంతో ప్రాణాలతో బయటపడటం గురించి ఆమె వివరించారు.
2020 ఫిబ్రవరిలో చెన్నై సమీపంలోని ఈవీపీ ఫిల్మ్ సిటీలో 'ఇండియన్ 2' సినిమా షూటింగ్ జరుగుతోంది. ఆ సమయంలో ఒక భారీ యాక్షన్ సీక్వెన్స్ చిత్రీకరిస్తుండగా, లైటింగ్ ఏర్పాట్ల కోసం ఉపయోగిస్తున్న సుమారు 100 అడుగుల ఎత్తైన క్రేన్ ఒక్కసారిగా కుప్పకూలింది. ఈ ప్రమాదంలో అసిస్టెంట్ డైరెక్టర్ కృష్ణ, ఆర్ట్ అసిస్టెంట్ చంద్రన్, ప్రొడక్షన్ అసిస్టెంట్ మధు అనే ముగ్గురు సినిమా సిబ్బంది ప్రాణాలు కోల్పోయారు. మరో తొమ్మిది మంది గాయపడ్డారు. ఈ ప్రమాదం జరిగిన సమయంలో కాజల్ అగర్వాల్, కమల్ హాసన్ కూడా అక్కడే ఉన్నారు.
తాజాగా 'హ్యూమన్స్ ఆఫ్ బాంబే' ఇంటర్వ్యూలో పాల్గొన్న కాజల్ ఈ సంఘటనను గుర్తు చేసుకున్నారు. ఆ రోజు రాత్రి షూటింగ్ జరుగుతున్న సమయంలో తాను 80 ఏళ్ల వృద్ధురాలిగా కనిపించేందుకు ప్రోస్థెటిక్ మేకప్ వేసుకొని ఉన్నానని చెప్పారు. సాధారణంగా షూటింగ్ సమయంలో నటీనటులు మానిటర్ దగ్గర కూర్చుంటారు. ఆ రోజు కూడా తాను అక్కడే ఉన్నానని, ఒక్కసారిగా అందరూ పరుగులు తీయడం మొదలుపెట్టడంతో తాను కూడా ఏం జరుగుతుందో తెలియక పరుగెత్తానని చెప్పారు.
ఇది కూడా చదవండి: ‘DNK’ మూవీ రివ్యూ
అలా పరుగెత్తుతున్న సమయంలో ఒక కన్సోల్ టేబుల్‌కు తగిలి కింద పడిపోయానని, అసలు అందరూ ఎందుకు పరుగెడుతున్నారో తెలుసుకోవడానికి వెనక్కి తిరిగి చూశానని కాజల్ తెలిపారు. అప్పుడే తన వైపుగా 100 అడుగుల భారీ క్రేన్ కూలిపోతుండటం కనిపించిందట. అంతా క్షణాల్లో జరిగిపోయిందని, ఆ దృశ్యం చూసి ఒక్కసారిగా భయంతో స్తంభించిపోయానని చెప్పారు. అదే సమయంలో ఎవరో తనను బలంగా పక్కకు లాగారని, క్రేన్ తన పక్కనే పడిపోయిందని వెల్లడించారు.
ఆ తర్వాత తన స్టాఫ్ వచ్చి క్షేమంగా ఉన్నావా అని అడిగారని, తనను ఎవరు పక్కకు లాగారని వారిని అడిగానని కాజల్ చెప్పారు. అయితే తన స్టాఫ్‌లో ఎవరూ తన దగ్గర లేరని తెలిసిందట. అసలు ఆ సమయంలో తనను కాపాడింది ఎవరో ఇప్పటికీ తెలియదని, ఆ భగవంతుడే తనను కాపాడాడని నమ్ముతున్నానని చెప్పారు. ఈ సంఘటన తర్వాత చాలా రోజులు భయంతో పాటు ప్రాణాలతో బయటపడినందుకు కృతజ్ఞతతో ఉన్నానని, జీవితాన్ని చూసే విధానమే మారిపోయిందని ఆమె వెల్లడించారు.
మీకు నచ్చవచ్చు:
కంగనా రనౌత్‌తో రవిబాబు ప్రయోగం.. హిందీలో తొలి సినిమా ఎనౌన్స్ చేసిన డైరెక్టర్.!
ఐశ్వర్యారాయ్ అందం చూసి పోటీ నుంచి త‌ప్పుకోవాల‌నుకున్న మిస్ యూనివ‌ర్స్‌.!
[KajalAggarwal, Indian2, KamalHaasan, Shankar, Indian2Accident]
-సినిమా పేరు: మాయలేడీ
-నటీనటులు:రాకేష్ వర్రే, మధుమిత సర్కార్, సురేష్, ఇంద్రజ, సత్య, మధురిమ, లావణ్య రెడ్డి తదితరులు
-సినిమాటోగ్ర‌ఫీ: యదు రాధాకృష్ణన్
-ఎడిటింగ్: రవితేజా గిరజాలా
-మ్యూజిక్: విశాల్ చంద్రశేఖర్
-నిర్మాత: రాకేష్ వర్రే
-బ్యానర్: క్రేజీ ఆంట్స్ ప్రొడక్షన్
-రచన,దర్శకత్వం: ప్రశాంకర్
-రిలీజ్ డేట్ : నవంబర్ 13 ,2026
ప్రచార చిత్రాలతో క్రేజ్ తెచ్చుకున్న మూవీ 'మాయలేడి'. బాహుబాలి ఫేమ్ రాకేష్ వర్రే హీరో. నటనలో ఎన్నో అవార్డ్స్ గెలుచుకున్న బెంగాలీ భామ 'మధుమిత సర్కార్' హీరోయిన్ తో పాటు టైటిల్ రోల్. మరి మూవీ ఎలా ఉందో చూద్దాం.
కథ
రిషి( రాకేష్) ఆదర్శ భావాలు గల వ్యక్తి. సెల్ఫ్ డిఫెన్స్ సెంటర్ నడుపుతూ ఆడవాళ్లు సొసైటీ నుంచి ఏర్పడే ఇబ్బందుల వల్ల భయపడకుండా దైర్యంగా ఉండాలని మార్షల్ ఆర్ట్స్ లో ట్రైనింగ్ ఇస్తుంటాడు. తన భావాలకి, భావజాలానికి సరిపోయే అమ్మాయిని పెళ్లి చేసుకోవాలని, లేదంటే సింగిల్ గా ఉండాలని అనుకునే మెంటాలిటీ. ఆష(మధుమిత సర్కార్).. ఎవరైనా తమ లైఫ్ లో మెమొరీబిల్ గా భావించే వస్తువులని పోగొట్టుకుంటే వాటిని వెతికి ఇచ్చే సంస్థని నడుపుతూ ఉంటుంది. ఆ సంస్థ యొక్క ముఖ్య ఉద్దేశ్యం పదిశాతం కమర్షియల్, తొంబై శాతం ఎమోషనల్. చాలా మంచి తనం,పద్ధతి గల అమ్మాయి.రూప( మధుమిత సర్కార్) చాలా ఫాస్ట్ గర్ల్. నైట్ పబ్ లకి వెళ్లే రకం. ఫుల్ బాటిల్ మద్యం తాగే కెపాసిటీ తన సొంతం.తనని ఎవరైనా హర్ట్ చేసినా, తాను నా సొంతమే అనుకున్న వాళ్ళు ఇబ్బంది పెట్టినా చిన్న సైజు సైకోలో మారిపోయే రకం. ఆష, రూప ఇద్దరు రిషిని ప్రాణానికి ప్రాణంగా ప్రేమిస్తారు. రిషి కూడా ఇద్దరని అంతే ప్రాణంగా ప్రేమిస్తాడు.కానీ ఆ తర్వాత ఆష, రూప గురించి రిషికి ఒక భయంకరమైన నిజం తెలుస్తుంది. రిషికి ఆ ఇద్దరి గురించి తెలిసిన నిజం ఏంటి? ఆదర్శ భావాలు గల వ్యక్తి ఇద్దరిని ఎలా ప్రేమించాడు? అసలు మాయలేడి అంటే ఏంటి అనేదే ఈ చిత్రం.
ఎనాలసిస్
ముందుగా మాయలేడి అని ఎందుకు టైటిల్ గా ఫిక్స్ అయ్యారో తెలియదు. ఎందుకంటే కొంత మంది ప్రేక్షకులు మగ వాళ్ళని మోసం చేసే అమ్మాయి కాబట్టి ఆ టైటిల్ ఉంచారమో అనుకునే ప్రమాదం ఉంది. కాబట్టి క్రేజీ లేడీ లాంటి ఇన్నోసెంట్ టైటిల్స్ ని ఫిక్స్ అయ్యుండాల్సిందేమో. మూవీ విషయానికి వస్తే ఫస్ట్ నుంచి చివరి వరకు మంచి స్క్రీన్ ప్లే తో సాగింది. కాకపోతే ప్రీ క్లైమాక్స్, క్లైమాక్స్ పై మరింత శ్రద్ద పెట్టాల్సింది.
మాయలేడి లాంటి కథలకి ఎంటర్ టైన్ మెంట్ కోణంలోనే ఎండ్ చేయాలి. హీరో క్యారక్టరయిజేషన్ కూడా ఎంటర్ టైన్ మెంట్ కోణంలోనే ఎస్టాబ్లిష్ చేసి ఉండాల్సింది. మొదటి భాగంలో చూసుకుంటే హీరో ఇంట్రడక్షన్ సీన్స్, ఫ్యామిలీ సీన్స్ రొటీన్. ఎప్పుడైతే ఆషా క్యారక్టర్ ఎంటర్ అయ్యిందో మూవీకి మంచి బూస్టప్ వచ్చింది. ముఖ్యంగా ఆష నడిపే సంస్థ యొక్క కాన్సెప్ట్ సూపర్. ఆ బేస్ పైనే ఎంటర్ టైన్ మెంట్ కోణంలో రిషి, రిషి ఫ్రెండ్ గణేష్( సత్య) ఆషా మధ్య సీన్స్ బాగా ఎస్టాబ్లిష్ చేసుండాల్సింది. రూప, రిషి మధ్య సీన్స్ చాలా బాగున్నాయి.
ఇంటర్వెల్ ట్విస్ట్ అయితే ఒక రేంజ్. సెకండ్ హాఫ్ లో వచ్చిన చాలా ట్విస్ట్ లు మెస్మరైజ్ చేస్తాయి. ముఖ్యంగా ఆష, రూప మధ్య వేరియేషన్ తో నడిచిన కథనం, రిషి వెనక్కి వెళ్లిపోకుండా ప్రేమ కోసం నిలబడటం చాలా బాగుంది. ప్రీ క్లైమాక్స్ క్లైమాక్స్ విషయంలో మరింత శ్రద్ద చూపించాల్సింది.
నటీనటులు, సాంకేతిక నిపుణల పని తీరు
రిషి క్యారక్టర్ లో ఎన్ని రకాల వేరియేషన్స్ ఉన్నాయో, అన్నిటిలోను రాకేష్ వర్రే అద్భుతంగా పెర్ఫార్మ్ చేసాడు. కానీ హీరో కట్ అవుట్ లుక్ మాత్రం కలగలేదనేది నిజం. ఆష, రూపగా మధుమిత సర్కార్ అవార్డు విన్నింగ్ పెర్ఫార్మ్ ఇచ్చింది. అంతలా రెండు క్యారక్టర్ లలో మెస్మరైజ్ చేసే పెర్ఫార్మ్ తో సెల్యులాయిడ్ ని రఫ్ఫాడించింది. మూవీకి అతి పెద్ద బలంగా కూడా నిలిచింది. సత్య రొటీన్ కామెడీ. బాడీ లాంగ్వేజ్ మార్చుకోకపోతే బోర్ కొట్టేసే ప్రమాదం ఉంది. సురేష్ తో పాటు మిగతా క్యారెక్టర్స్ కూడా తమకి ఇచ్చిన క్యారెక్టర్స్ కి న్యాయం చేశారు. ప్రశాంకర్ దర్శకుడిగా భారీ స్థాయిలోనే మెప్పించాడు. రచయితగా హీరో బ్యాక్ గ్రౌండ్ పై మరింత శ్రద్ద చూపించాల్సింది. నిర్మాణ విలువలు, ఫొటోగ్రఫీ, బ్యాక్ గ్రౌండ్ స్కోర్ ప్రధాన హైలెట్.
బలాలు
1 .మధుమిత సర్కార్ వన్ ఉమెన్ షో
2 . దర్శకత్వం
బలహీనతలు
1 .క్లైమాక్స్
ప్రేక్షకులని పూర్తి స్థాయిలో మెప్పించడానికి వచ్చి, పర్వాలేదనిపించారు.. హీరోయిన్ క్యారక్టర్ ప్రధాన బలం.
రేటింగ్ 2 .5 /5
అరుణాచలం
.webp)
టాలీవుడ్‌లో ప్రస్తుతం ఎన్టీఆర్, త్రివిక్రమ్ కాంబినేషన్‌లో తెరకెక్కాల్సిన 'గాడ్ ఆఫ్ వార్' సినిమాపై ఆసక్తికరమైన చర్చ నడుస్తోంది. ఈ సినిమా ప్రకటన వచ్చినప్పటి నుంచి అభిమానుల్లో భారీ అంచనాలు ఉన్నాయి. అయితే గత రెండు రోజులుగా ఈ ప్రాజెక్ట్ గురించి కొన్ని రూమర్స్ సోషల్ మీడియాలో వైరల్ అవుతున్నాయి.
దర్శకుడు త్రివిక్రమ్, నిర్మాత చినబాబు మధ్య విభేదాలు వచ్చాయని.. దీంతో ఆయన హారిక అండ్ హాసిని క్రియేషన్స్ బ్యానర్ నుంచి త్రివిక్రమ్ బయటకు వచ్చేస్తున్నారనే ప్రచారం జరిగింది. ఈ క్రమంలో హారిక అండ్ హాసిని క్రియేషన్స్, ఎన్టీఆర్ ఆర్ట్స్ నిర్మాణంలో.. ఎన్టీఆర్‌తో త్రివిక్రమ్ చేయాల్సిన 'గాడ్ ఆఫ్ వార్' సినిమా కూడా ఆగిపోయే అవకాశం ఉందంటూ వార్తలు వచ్చాయి. దీంతో తారక్ అభిమానుల్లో ఆందోళన మొదలైంది.
కట్ చేస్తే.. ఈ రూమర్స్‌కు సమాధానం చెప్పేలా మూవీ టీమ్ తాజాగా ఓ ఫొటోను విడుదల చేసింది. ఇందులో నిర్మాత చినబాబు, ఎన్టీఆర్, త్రివిక్రమ్, కళ్యాణ్ రామ్ నలుగురూ కలిసి నవ్వుతూ కనిపించారు. దీంతో వీరి మధ్య విభేదాలు వచ్చాయన్న ప్రచారానికి ఈ ఒక్క ఫొటోతోనే గట్టి కౌంటర్ ఇచ్చినట్లయింది.
ఇక 'గాడ్ ఆఫ్ వార్' విషయానికి వస్తే.. ఇది సుబ్రహ్మణ్యస్వామి నేపథ్యంలో తెరకెక్కనున్న భారీ మైథలాజికల్ మూవీ. ఈ సినిమా స్క్రిప్ట్ ఇప్పటికే సిద్ధమైందని త్రివిక్రమ్ స్వయంగా గతంలో వెల్లడించారు. అంతేకాదు 'గాడ్ ఆఫ్ వార్'ను భారీ బడ్జెట్ తో తెరకెక్కించబోతున్నట్లు తెలుస్తోంది. 'వారణాసి' తర్వాత అత్యంత భారీ బడ్జెట్ తో రూపొందనున్న సినిమాగా ఇది నిలవనుంది అంటున్నారు.
ఇది కూడా చదవండి: ‘గాడ్ ఆఫ్ వార్’కి బ్రేక్.. చిరంజీవితో త్రివిక్రమ్ సినిమా.?
గతంలో ఎన్టీఆర్, త్రివిక్రమ్ కాంబినేషన్‌లో వచ్చిన 'అరవింద సమేత వీర రాఘవ' మంచి విజయాన్ని అందుకుంది. ఇప్పుడు వీరిద్దరూ మరోసారి కలవబోతుండటంతో ఈ సినిమాపై భారీ అంచనాలు ఉన్నాయి. ముఖ్యంగా త్రివిక్రమ్ తొలిసారి పౌరాణిక నేపథ్యాన్ని ఎంచుకోవడం, ఎన్టీఆర్ కార్తికేయుడి పాత్రలో కనిపించనుండటం సినిమాపై ఆసక్తిని పెంచుతోంది.
మొత్తానికి చినబాబు, త్రివిక్రమ్ మధ్య విభేదాలంటూ వచ్చిన వార్తలకు ఈ ఫొటోతో తెరపడింది. ఎన్టీఆర్ ప్రస్తుతం ప్రశాంత్ నీల్ దర్శకత్వంలో చేస్తున్న 'డ్రాగన్' పూర్తయిన తర్వాత ఈ భారీ ప్రాజెక్ట్ సెట్స్‌పైకి వెళ్లే అవకాశముంది.
మీకు నచ్చవచ్చు:
నిర్మాతగా మారుతున్న బాలయ్య కుమార్తె.. హీరో, డైరెక్టర్ ఎవరో తెలుసా.?
బాక్సాఫీస్ ప్రభంజనం.. 8 రోజుల్లోనే 1000 కోట్ల క్లబ్‌లోకి ‘రామాయణ’.!
[God Of War, Jr NTR, Trivikram Srinivas, Chinnababu, Kalyan Ram]
Cast: Aniesh, Anaswara Rajan, Vennela Kishore, Kalaiyarasan, Elango Kumaravel, Mukesh Rishi, Brahmaji
Crew:
Presented by King Nagarjuna
Written by Manasa Sharma, Mahesh Uppala
Music by S Thaman
Cinematography by Raja Mahadevan
Editing by Koti K
Directed by Mahesh Uppala
Produced by Venky Kudumula
Aniesh debuted with Itllu Arjuna and he received massive support from King Nagarjuna, Jr. NTR and Ram Charan. They endorsed his efforts to play a mute character. S Thaman gave his best score in recent times. Venky Kudumula debuted as producer and Mahesh Uppala as a director. The movie released on 13th November after long delays. Let's discuss about the movie in detail.
Plot:
Arjun (Aniesh) is a mute kid but his father (Mime Gopi) is a thief. Arjun grows under his wing as a person who is skilled in robbery and gets arrested during young age. He continously remains under high police surveilleance and suspicion. He falls in love with Keerthi (Anaswara Rajan) who stays a flat above his house. Entire society marks Arjun and his father as thieves but Arjun never leaves as he wants to just find one glance of Keerthi and talk to her closely at least once.
Keerthi finds her mother's attitude suffocating as she thinks playing according to society rules is the best. She wants to party, club and enjoy life but fears her mother too much. When her mother goes to training to Delhi and then plans to shift to US, Keerthi takes the opportunity to escape and live with freedom. Arjun becomes her go-to in helping her maintain the facade.
Meanwhile, Peddanna (Mukesh Rishi) gang tracks a pen drive for Rs.1000 crore transfer and his son is killed by his own henchman (Kalaiyarasan). Who robbed the pen-drive? What is the connection of all this to Arjun? Watch the film to know more.
Analysis:
Aniesh is very confident and matured in his performance as Arjun, who is differently abled and cannot talk. His dedication is visible in every micro moment. He learnt sign language, pulled off fun comic timing without talking, danced like a dream with grace and he is able to make audiences feel what he is trying to convey without words. He is a talent to look forward and his agility in fight scenes is also commendable.
Anaswara Rajan got a very common "heroine" dumb character but she managed to perform well in it. Her chemistry with Aniesh stands out as well. Kalaiyarasan, Mukesh Rishi, Vennela Kishore, Elango Kumaravel are good but Vennela Kishore punches could have been much better. Writing wise film takes many convenient twists and goes into a zone of complacency at places sticking to cliches.
Also Read: DNK Movie Review
Much better effort in bringing the twists together and building undercurrent tension would have worked wonders for the film. Mahesh Uppala is talented in framing and composing shots as there are many meta references, framing devices that he used to elevate the feel. But he could have trusted leading characters and designed them even better. Certain shots and frames excite a cinephile yet many seem to have been composed in a random manner.
The characters other than leads needed to be too larger-than-life for Aniesh to shine even better. At places, it feels like for the sake of comedy, the scenes have been diluted down further. Even the impossible tasks needed a certain build up rather than just giving feel like a game as if player entered a new level and suddenly, we are offered new information and task.
S Thaman did his best work in recent times as his songs and score are very good. Cinematography stands out as the composition of many frames is very fresh for TFI. Editing feels very random with several sequences feel over edited or re-written on edit table. Overall, Aniesh and Anaswara Rajan with Thaman's score make this romantic thriller a good watch.
Positives:
Aniesh's matured performance
Anaswara Rajan's cuteness
S Thaman's songs and BGM
Techncial values
Production values
Negatives:
Writing could've been better
Some set-up and pay-off feel little random
Undercurrent tension needed to be built better
Bottomline: Aniesh impresses with his talents and Itllu Arjuna becomes an easy watch.
Rating: 2.5/5
Check Out: NBK's voice to make Dada even more Dhamakhedar
Aniesh says Itllu Arjuna will be more grounded and realistic
Disclaimer: The views/opinions expressed in this review are personal views/opinions shared by the writer and organisation does not hold a liability to them. Viewers' discretion is advised before reacting to them.
నటీనటులు: మౌళి త‌నూజ్ ప్రశాంత్, సుస్మితా శెట్టి, అలీ, ర‌ఘుబాబు, గుండు సుద‌ర్శ‌న్‌, ర‌జిత, ప్రియ, భ‌ద్రం తదితరులు
సంగీతం: సింజిత్ ఎర్ర‌మిల్లి
సినిమాటోగ్ర‌ఫీ: సూర్య బాలాజీ
ఎడిటింగ్: శ్రీ‌ధ‌ర్ సోంప‌ల్లి
నిర్మాత‌లు: న‌వీన్ ఎర్నేని, వై.ర‌విశంక‌ర్‌
బ్యానర్: మైత్రి మూవీ మేకర్స్
రచన, దర్శకత్వం: శ్రీ‌ను కంభాల
విడుదల తేదీ: 13.11.2026
ఇటీవ‌లికాలంలో వస్తున్న మాస్, యాక్షన్, అతి వ‌యెలెన్స్ సినిమాల మ‌ధ్య‌లో కొన్ని కామెడీ సినిమాలు, యూత్‌కి న‌చ్చే అంశాలతో కూడిన సినిమాలు వ‌స్తున్నాయి. అలా వచ్చిన లిటిల్ హార్ట్స్ వంటి సినిమాలు ప్రేక్ష‌కాద‌ర‌ణ పొందాయి. తాజాగా కామెడీతోపాటు కొంత క్రైమ్‌ని కూడా మిక్స్ చేసి దొంగ నాకొడుకు(DNK) అనే డిఫ‌రెంట్ టైటిల్‌తో ఓ సినిమా ప్రేక్షకుల ముందుకు వచ్చింది. ఈ సినిమాలో మౌళి హీరోగా న‌టించాడు. ఇంత‌కుముందు అతను చేసిన సినిమాల‌కు ప్రేక్ష‌కాద‌ర‌ణ ఉండ‌డంతో టాలీవుడ్‌లోనే పెద్ద నిర్మాణ సంస్థ అయిన మైత్రి మూవీ మేకర్స్ ఈ చిత్రాన్ని నిర్మించింది. దాంతో సినిమాకి హైప్ వచ్చింది. మరి ఈ సినిమా ఎలా ఉంది? దొంగ నా కొడుకు తన కామెడీతో ప్రేక్ష‌కుల్ని ఆక‌ట్టుకున్నాడా? అనేది ఈ స‌మీక్ష‌లో తెలుసుకుందాం
కథ:
అత‌ని పేరు ఈశ్వర్(మౌళి). చ‌దువు, సంధ్య లేకుండా గాలికి తిరుగుతూ బెట్టింగ్ యాప్‌ల‌లో డబ్బు పోగొట్టుకుంటూ వుంటాడు. దాంతో అతనికి అప్పులు పెరిగిపోతాయి. అతనికి ఒక ప్రియురాలు ఉంటుంది. ఆమె దగ్గర ఉన్న బంగారాన్ని తీసుకొని తాక‌ట్టు పెట్టి మ‌రీ బెట్టింగ్ పెడుతుంటాడు. ఈ విషయంలో ఆ అమ్మాయి త‌ల్లిదండ్రుల‌కు తెలుస్తుంది. అప్ప‌టివ‌ర‌కు తన కూతురు దగ్గర 10 లక్షల వరకు ఈశ్వర్ తీసుకున్నాడ‌ని తేలుతుంది. ఆ డబ్బు క‌ట్ట‌మ‌ని అత‌ని ఇంటికి వచ్చి గొడ‌వ చేస్తాడు ఆ అమ్మాయి తండ్రి. ఈ అప్పులు తీరాలంటే పెద్ద‌దేదో చెయ్యాల‌ని తన ఫ్రెండ్‌తో క‌ల‌సి ప్లాన్ చేస్తాడు. ఆ ఊళ్లో ఫేమ‌స్ అయిన గుండు బాస్ జ్యూయ‌ల‌రీలో దొంగ‌త‌నానికి వెళ‌తారు. అయితే అప్ప‌టికే ఆ షాప్‌ను ఎవరో దోచేస్తారు. ఆ తర్వాత అనుకోకుండా వారికి ఒక పెద్ద బ్యాగ్ దొరుకుతుంది. అందులో ఆ షాప్‌లో దోచుకున్న బంగారం క‌నిపిస్తుంది. ఆ బంగారాన్ని అమ్మాల‌ని ట్రై చేస్తారు. కానీ, అది రోల్డ్‌గోల్డ్ అని తేలుతుంది. అంతేకాదు, ఆ బ్యాగ్‌లో బంగారంతోపాటు మరో వ‌స్తువును చూసి షాక్ అవుతారు. ఆ బ్యాగ్ ఎవ‌రిది? అందులో రోల్డ్‌గోల్డ్ న‌గ‌ల‌ను ఎవరు పెట్టారు? ఆ బ్యాగ్‌లో ఉన్న మరో వస్తువు ఏమిటి? ఆ బ్యాగ్ వల్ల ఈశ్వర్ ఎలాంటి ఇబ్బందులు ఎదుర్కొన్నాడు? ఆ గోల్డ్ షాప్‌లోని బంగారాన్ని దోచుకున్న అసలు దొంగ ఎవరు? అనేది మిగతా కథ.
విశ్లేష‌ణ:
ఇది అర్థం ప‌ర్థం లేని కథ, కథనం, డైలాగులతో రూపొందిన సినిమా. సినిమా ప్రారంభం నుంచి చివరి వరకు ఎలాంటి ఆసక్తి క‌లిగించ‌ని విధంగా తెర‌కెక్కించ‌డంలో డైరెక్టర్ హండ్రెడ్ ప‌ర్సెంట్ సక్సెస్ అయ్యాడు. ఏమాత్రం న‌వ్వు తెప్పించ‌ని కామెడీ సీన్స్‌తో, డైలాగులతో ప్రేక్షకుల స‌హ‌నాన్ని ప‌రీక్షించారు. పైగా ఒక్కో సీన్‌ను వీలైనంత లాగి బోర్ కొట్టించే ప్రయత్నం చేశారు. అన్నింటినీ మించి సినిమాలో న‌టించిన న‌టీన‌టులంతా తమ ఓవ‌ర్ యాక్ష‌న్‌తో ఇరిటేష‌న్ తెప్పించారు. అవ‌స‌రానికి మించి, అన‌వస‌రం అనిపించే ఎన్నో ట్విస్టుల‌తో సినిమాను ప‌రిగెత్తించాల‌నుకున్నాడు డైరెక్టర్. కానీ, థియేట‌ర్‌ని వ‌దిలి ప్రేక్షకులు బ‌య‌టికి ప‌రిగెత్తేలా ఆ సీన్స్ వచ్చాయని సినిమా చూస్తున్న‌వారికి తెలుస్తుంది. అన్నింటినీ మించి గే కామెడీతో ఆడియ‌న్స్‌ని ఎంటర్టైన్ చెయ్యాల‌నుకున్న డైరెక్టర్ ప్లాన్ ఫెయిల్ అయింది.
నటీనటులు:
హీరో దగ్గర నుంచి మిగతా న‌టీన‌టులంతా డైరెక్టర్ చెప్పిన‌ట్టు చెయ్య‌డంలో సక్సెస్ అయ్యార‌ని చెప్పొచ్చు. ప్రతి ఆర్టిస్టుతో ఓవ‌ర్ యాక్షన్ చేయించ‌డంలో డైరెక్టర్ సక్సెస్ అయ్యాడు. ఫ‌లానా ఆర్టిస్టు బాగా చేశార‌ని చెప్ప‌డానికి ఈ సినిమాలో ఏమీ లేదు.
సాంకేతిక నిపుణులు:
కథ, క‌థ‌నాలు ఎలా ఉన్నా సూర్య బాలాజీ ఫోటోగ్ర‌ఫీ బాగుంది. ప్రతి సీన్‌ను రిచ్‌గా చూపించే ప్రయత్నం చేశాడు. ఎడిటింగ్ విషయానికి వస్తే కొన్ని సీన్స్ లెంగ్త్ ఎక్కువ కావడం వల్ల ఆడియ‌న్స్‌కి విసుగు అనిపిస్తుంది. సంగీత ప‌రంగా సింజిత్ ఏమాత్రం ఆక‌ట్టుకోలేక‌పోయాడు. పాట‌లుగానీ, బ్యాక్‌గ్రౌండ్ స్కోర్‌గానీ సినిమాకి ఏమాత్రం ఉప‌యోగ‌ప‌డ‌లేదు. మైత్రి మూవీ మేకర్స్ ప్రొడక్షన్ వేల్యూస్ బాగానే ఉన్నాయి. డైరెక్టర్ గురించి చెప్పాలంటే కథ, స్క్రీన్‌ప్లే, మాటలు.. వీటిలో దేనిలోనూ ప్రత్యేకత క‌నిపించ‌లేదు. సినిమాలో హ‌డావిడి బాగా క‌నిపిస్తుంది కానీ, స‌బ్జెక్ట్‌లో అంత విషయం లేదు అనేది సినిమా ప్రారంభంలోనే తెలిసిపోతుంది. సినిమా ఎప్పుడు పూర్త‌వుతుందా, ఎప్పుడు థియేట‌ర్‌లో నుంచి బ‌య‌ట ప‌డ‌దామా అని ప్రేక్ష‌కుల్ని కంగారు పెట్ట‌డంలో మాత్రం డైరెక్టర్ శ్రీ‌ను కంభాల సక్సెస్ అయ్యాడు.
ఫైన‌ల్‌గా చెప్పాలంటే..
‘దొంగ నాకొడుకు’ ట్రైల‌ర్‌లో చెప్పిన‌ట్టుగానే ఇది MOST CHILLAR FILM OF THE YEAR.
రేటింగ్: 2/5
- జి.హ‌రా
[DNKMovieReview, DongaNakoduku, TeluguMovieReview, MythriMovieMakers]
నందమూరి ఫ్యామిలీ నుంచి ఇప్పటికే ఎంతోమంది సినిమా రంగంలోకి అడుగుపెట్టారు. నటులుగానే కాకుండా నిర్మాతలుగా కూడా తమ అదృష్టాన్ని పరీక్షించుకున్నారు. ఇప్పుడు ఈ జాబితాలోకి నందమూరి బాలకృష్ణ చిన్న కుమార్తె తేజస్విని కూడా చేరబోతున్నారు. ఓ ఆసక్తికరమైన కాన్సెప్ట్‌తో రూపొందనున్న సినిమాతో ఆమె నిర్మాతగా పరిచయం కాబోతున్నట్లు సమాచారం.
ఈ సినిమాకు మరో ప్రత్యేకత కూడా ఉంది. ఇప్పటివరకు నిర్మాతగా సినిమాలు చేసిన భువన్.. ఈ చిత్రంతో దర్శకుడిగా కొత్త ప్రయాణాన్ని ప్రారంభించబోతున్నారు. నిఖిల్ హీరోగా ఆయన నిర్మించిన 'స్వయంభు' సినిమా విడుదల కావాల్సి ఉంది. ఇప్పుడు భువన్ మెగాఫోన్ పట్టుకుని ఓ కొత్త కథను ప్రేక్షకుల ముందుకు తీసుకురాబోతున్నారు.
ఇక ఈ సినిమాలో యువ నటుడు అన్వేష్ హీరోగా నటించబోతున్నారు. సీనియర్ నిర్మాత సింధూర పువ్వు కృష్ణారెడ్డి తనయుడే ఈ అన్వేష్. 'వినవయ్యా రామయ్యా', 'ఏంజెల్' వంటి సినిమాల్లో హీరోగా నటించారు.
నవంబర్ 23 నుంచి విశాఖపట్నంలోని గీతం ఇంజినీరింగ్ కాలేజీలో ఈ సినిమా షూటింగ్ ప్రారంభం కానుంది. తమిళ నటుడు బాబీ సింహా కీలక పాత్రలో కనిపించనున్నారని సమాచారం.
ఇది కూడా చదవండి: బాలయ్య నన్ను ‘ఏరా పెద్దిరెడ్డి’ అని పిలుస్తారు.. ‘దాదా’ సినిమా ఎలా ఉండబోతుందంటే.?
తేజస్విని ఇప్పటికే తండ్రి బాలకృష్ణ సినిమాల నిర్మాణ వ్యవహారాల్లో కీలకంగా వ్యవహరిస్తున్నారు. ముఖ్యంగా బాలయ్య హోస్ట్‌గా చేసిన 'అన్‌స్టాపబుల్ విత్ ఎన్‌బీకే' షో సక్సెస్ వెనుక కూడా ఆమె క్రియేటివ్ ఇన్‌పుట్స్ ఉన్నాయి. అలాగే 'అఖండ 2' వంటి సినిమాల నిర్మాణ వ్యవహారాల్లోనూ ఆమె భాగస్వామిగా ఉన్నారు.
అయితే ఇప్పటివరకు తండ్రి సినిమాల వెనుక ఉండి బాధ్యతలు నిర్వహించిన తేజస్విని.. ఇప్పుడు యువ నటుడితో ఓ కొత్త కాన్సెప్ట్ మూవీని నిర్మించేందుకు ముందుకు రావడం ఆసక్తికరంగా మారింది. మరి ఈ సినిమా ఎలాంటి కథతో తెరకెక్కనుంది? పూర్తిస్థాయి నిర్మాతగా తేజస్విని తొలి ప్రయత్నం ఎలాంటి ఫలితాన్ని అందుకుంటుంది? అన్నది చూడాలి.
మీకు నచ్చవచ్చు:
‘వారణాసి’ స్టోరీ లీక్.. రావణుడి నవరత్నాల హారం చుట్టూ అసలు కథ.!
‘గాడ్ ఆఫ్ వార్’కి బ్రేక్.. చిరంజీవితో త్రివిక్రమ్ సినిమా.. ప్రొడ్యూసర్ ఎవరో తెలిస్తే షాక్.!
[Nandamuri Tejaswini, Balakrishna Daughter, Tejaswini Producer Debut, Anvesh, Bhuvan Director]
Cast: Mouli Tanuj Prashanth, Sushmitha Shetty, Ali, Rajitha, Raghu Babu, Gundu Sudharshan, Babloo
Crew:
Music Direction by Sinjith Yerramilli
Cinematography by Surya Balaji
Edited by Sreedhar Sompally
Written & Directed by Sreenu Kambala
Produced by Naveen Yerneni, Y. Ravi Shankar
DNK aka Donga Naa Koduku movie stars Little Stars fame Mouli in the leading role. He acquired good name and fame with his Youtube videos and Little Hearts established him as a box office actor. Now, he is testing the waters with DNK, that too, in the production of Mythri Movie Makers. The movie released today and let's discuss about it at length.
Plot:
Eeshwar (Mouli), son of Aadi Narayana (Ali), is a carefree guy and doesn't take anything serious in life. He wants to earn loads of cash in less time and chooses betting as his only pursuit. He loses money but still he keeps trying his luck. His lady love, Deepa (Susmitha Shetty), who is smitten by him, helps him to sell off her gold rings and further bet. Her father, Pullaiah (Raghu Babu) finds out and confronts him to return Rs.10 lakhs.
Aadi Narayana works at a Gundu Boss (Gundu Sudharshan) Jewellers shop. He introduces Eeshawar to his boss but he fails to impress him for a job. But Gundu Boss offers him a robbery job to steal jewels from his ship. Before he could, another group completes the job and he is left in the custody of police. What will he do next? Who robbed the shop before he did? Why Gundu Boss needed to set up this robbery in first place? Watch the movie to know more.
Analysis:
Mouli is good in few scenes with his usual comic timing. But he fails to rise above the script and amplify the writing material. He tried his best to turn the routine gags funny but the crude humor turns more crass and farce with each passing scene. Mouli seems to have understood that there is nothing to salvage after a point. Sushmita Shetty is used as eye-candy and nothing much is offered to her.
Babloo tries his usual style comedy which he does pull off in his Youtube sketches. Nothing substantially works in his favor or movie's favor and there are few lines which he could land in the second hour. But the makers failed to utilise Ali, Rajitha kind of senior actors. Even Raghu Babu, Gundu Sudharshan are wasted. The jokes on each one of them are so crass that it is hard to even sit through at times.
Also Read: January 12 Vidudala plans a huge US promotional tour
The surprise or not so big surprise cameo and gay comical scenes are so poorly written and so outdated that it is hard to even tickle a funny bone to laugh at these lines. Sreenu Kambala tried to infuse every scene with some sort of a punchline and the attempt at dark comedy is visible yet the taste of humor is not at all good. Not that every punch needs to be clean but this sort of a film, did not warrant for over usage of double meaning innuendos.
Overall, music by Srinjith Yerramilli, production values of Mythri Movie Makers are also passable. The movie felt like a low effort output from start to finish. Little Hearts had all sorts of comedy coming together and working for all groups of audiences. But this one is stark opposite to it all. A complete misfire from Mouli and his gang.
Positives:
Mouli's one-liners at places
Sushmita Shetty's appearance
Few punchlines here and there
Negatives:
Lethargic Screenplay
Low effort writing
Too much double meaning innuendos
Jokes poking at LGBTQ preferred people
Crude and crass humor in the name of dark humor
Bottomline: Crude and crass unfunny humor makes it unbearable!
Rating: 2/5
Check Out: Sekhar Master escapes unhurt from accident
Did Anirudh opt out of Simbu's Arasan?
Disclaimer: The views/opinions expressed in this review are personal views/opinions shared by the writer and organisation does not hold a liability to them. Viewers' discretion is advised before reacting to them.
దర్శకధీరుడు రాజమౌళి సినిమా అంటేనే అంచనాలు ఆకాశాన్ని తాకుతాయి. అందులోనూ సూపర్‌స్టార్ మహేష్ బాబుతో తొలిసారి సినిమా చేస్తుండటంతో ‘వారణాసి’పై దేశవ్యాప్తంగా భారీ ఆసక్తి నెలకొంది. ఈ సినిమా నుంచి వచ్చే చిన్న అప్‌డేట్ కూడా అభిమానుల్లో పెద్ద చర్చకు దారితీస్తోంది. అయితే ఇప్పుడు ఈ మూవీ విడుదల తేదీకి సంబంధించి షాకింగ్ న్యూస్ వినిపిస్తోంది.
ముందుగా ప్రకటించిన షెడ్యూల్ ప్రకారం ‘వారణాసి’ 2027 ఏప్రిల్ 7న ప్రపంచవ్యాప్తంగా థియేటర్లలో విడుదల కావాల్సి ఉంది. అయితే ఈ సినిమా ఆగస్టుకు వాయిదా పడే అవకాశముందని సోషల్ మీడియాలో ప్రచారం జరుగుతోంది.
‘వారణాసి’ సినిమా వాయిదా పడటం అనేది మహేష్ అభిమానులకు నిరాశ కలిగించే వార్తే అయినప్పటికీ.. కొత్త విడుదల తేదీ ఆగస్టు కావడం వారికి సంతోషాన్ని కలిగించవచ్చు. ఎందుకంటే ఆగస్టు 9న మహేష్ పుట్టినరోజు. ఒకవేళ నిజంగానే ‘వారణాసి’ ఆగస్టులో విడుదలైతే అభిమానులకు అది డబుల్ సెలబ్రేషన్ అనే చెప్పాలి. సినిమా విడుదల, బర్త్‌డే వేడుకలు ఒకే నెలలో వస్తే అభిమానులకు నెలంతా పండగే.
2027లో వారణాసి నగరాన్ని శంభవి అనే భారీ గ్రహశకలం ఢీకొట్టే ప్రమాదం నేపథ్యంలో ఈ సినిమా కథ సాగుతుందని సమాచారం. ఈ విపత్తును అడ్డుకునేందుకు పురాతన కాలానికి చెందిన ఒక శక్తివంతమైన వస్తువు కోసం అన్వేషణ మొదలవుతుంది. ఈ ప్రయాణంలో హీరో ఎదుర్కొనే సవాళ్లు సినిమాకు ప్రధాన ఆకర్షణగా నిలవనున్నాయి.
ఇది కూడా చదవండి: చరిత్ర సృష్టించిన ‘వారణాసి’.. తెలుగు రాష్ట్రాల్లో ఊహించని డీల్.!
ఈ సినిమాలో మహేష్ బాబు రుద్ర పాత్రలో కనిపించనున్నారు. రామాయణ ఎపిసోడ్‌లో కాసేపు శ్రీరాముడిగానూ కనువిందు చేయనున్నారు. ప్రియాంక చోప్రా మందాకిని పాత్ర పోషిస్తుండగా, మలయాళ నటుడు పృథ్వీరాజ్ సుకుమారన్ కుంభగా కనిపించనున్నారు.
మైథలాజికల్, టైమ్ ట్రావెల్ అంశాలతో కూడిన ఈ గ్లోబల్ అడ్వెంచర్ ఫిలింలో విభిన్న ప్రాంతాలు, కాలాలు ప్రేక్షకులకు సరికొత్త అనుభూతిని ఇవ్వనున్నాయి. ఇప్పటికే ఈ సినిమా షూటింగ్ దాదాపు పూర్తయింది. ప్రస్తుతం పోస్ట్ ప్రొడక్షన్ వర్క్స్ జరుగుతున్నాయి. మెరుగైన అవుట్ పుట్ కోసం రాజమౌళి మరింత సమయం తీసుకోవాలి అనుకుంటున్నారా? అందుకే ఆగస్టుకి వాయిదా వేసే ఆలోచనలో ఉన్నారా? లేక ఈ వాయిదా వార్తలు ప్రచారానికే పరిమితమవుతాయా? అనేది చూడాలి.
మీకు నచ్చవచ్చు:
50 ఏళ్ల ‘ఊరుమ్మడి బతుకులు’.. స్టార్ హీరోలు లేకుండానే జాతీయ అవార్డు కొట్టిన సినిమా.!
అసలు ఈ విడాకుల కథ ఏంటి?.. భార్యాభర్తల మధ్య గొడవేంటి.?
[Varanasi August 2027 Release, Varanasi Postponed, Mahesh Babu, SS Rajamouli, Priyanka Chopra]
-సినిమా పేరు: ఇట్లు అర్జున
-నటీనటులు: అనీష్, అనస్వర రాజన్, ముఖేష్ రిషి, కలైయరసన్, ఇలంగో కుమరవేల్, బ్రహ్మాజీ, -వెన్నెల కిషోర్ తదితరులు
-సినిమాటోగ్ర‌ఫీ: రాజా మహాదేవన్
-ఎడిటింగ్: కోటి కె
-మ్యూజిక్: థమన్
-నిర్మాత: వెంకీ కుడుముల
-బ్యానర్: వాట్ నెక్స్ట్ ఎంటర్‌టైన్‌మెంట్స్
-సమర్పణ: కింగ్ నాగార్జున
-రచన,దర్శకత్వం: మహేష్ ఉప్పల
-రిలీజ్ డేట్ : నవంబర్ 13 ,2026
కింగ్ నాగార్జున, రామ్ చరణ్, ఎన్టీఆర్ ల ప్రమోషన్స్ తో ప్రేక్షకుల దృష్టిని ఆకట్టుకున్న నయా మూవీ ఇట్లు అర్జున..డెబ్యూ హీరో అనీష్, అనశ్వర రాజన్ హీరో, హీరోయిన్. ఈ రోజు సెల్యులాయిడ్ పై సైన్ చేశారు. మరి మూవీ ఎలా ఉందో చూద్దాం.
కథ
పెద్దన్న(ముకేశ్ రుషి) నేర ప్రవృతి గల సామ్రాజ్యనికి అధిపతి. ఆడ, మగ నేర స్వభావం గల వాళ్ళందర్నీ కుటంబవ్యవస్గగా మార్చుకొని తన ఆధీనంలోనే( గేటెడ్ కమ్యూనిటీ) గా ఉంచుకుంటాడు.1000 కోట్ల హవాలా డబ్బుతో కొడుకు కోసం సొంత రాజకీయ పార్టీ పెట్టాలనే లక్ష్యంతో ఉంటాడు. అర్జున( అనీష్) దొంగతనాలు చేసుకుని బతికే కుటుంబానికి చెందిన వ్యక్తి..అలా అని అసాంఘిక శక్తి కాదు. మంచి వ్యక్తే.. మాటలు రావు. చిన్నప్పటి నుంచే తన అపార్ట్మెంట్ లోనే ఉండే కీర్తి(అనశ్వర రాజన్) ని ఇష్టపడుతుంటాడు. కీర్తి ఒక క్రిస్టియన్.చాలా మంచి అమ్మాయి.
నైట్ పార్టీలకి వెళ్తూ సరదాగా బతకాలని ఉన్నా కూడా, ఆడపిల్ల చాలా హుందాగా బాధ్యతగా, పద్దతిగా ఉండాలని తల్లి అంటుంటుంది. ఈ మూడు పార్శ్యాల మధ్య ఏం జరిగిందనేదే ఇట్లు అర్జున.
ఎనాలసిస్
మూవీ మొత్తం చాలా రిచ్ గా ఉంది. కథనం ఎక్కడా బోర్ కొట్టకుండా సాగినా, మెయిన్ పాయింట్ విషయంలో కొంచం కన్ఫ్యూజ్.అలా కాకుండా అర్జునకి సంబంధం లేకుండానే 1000 కోట్ల హవాలా డబ్బులో తన ప్రేయసి కీర్తితో కలిసి ఇబ్బందులు ఎదుర్కొన్నాడనే ఎస్టాబ్లిష్ తోనే మూవీని ఎండ్ చెయ్యాలసింది. ఎందుకంటే కీర్తిని తీసుకొని 1000 కోట్ల హవాలా డబ్బు కాజేసిన వ్యక్తి ఇంటికి అర్జున్ వెళ్ళడు కదా!. ఫస్ట్ హాఫ్ లో చూసుకుంటే మొదటి పావుగంట వచ్చిన సన్నివేశాలతో కొత్త రకం స్క్రీన్ ప్లే తో మూవీ చూస్తున్నామని విషయం అర్ధమవుతుంది. అందుకు తగ్గట్టుగానే సన్నివేశాలు వచ్చి మెస్మరైజ్ చేసాయి.
తెలుగు తెరపై చాలా రోజుల తర్వాత మెరిసిన ఫార్మేట్ అని కూడా అనుకోవచ్చు. కీర్తి, అర్జున మధ్య వచ్చిన సన్నివేశాలు చాలా బాగున్నాయి. అందుకు తగ్గట్టే సాంగ్స్ సైతం ఉన్నాయి. పెద్దన్న ఎపిసోడ్ ని బాగా ఎస్టాబ్లిష్ చేసుండాల్సింది. వెన్నెల కిషోర్ ట్రాక్ కూడా మరింతగా ఉండాల్సింది. ఉన్నంతలో మెస్మరైజ్ చేసాయి. బ్రహ్మ( నెగిటివ్ క్యారక్టర్) బ్రహ్మాజీ సీన్స్ సైతం కథకి హెల్ప్ అయ్యాయి. 1000 కోట్ల హవాలా డబ్బులో కీర్తి, అర్జున ఇరుక్కునే ప్రాసెస్ మొత్తం కూడా సూపర్. ఇంటర్వెల్ బ్లాంగ్ పేలింది. సెకండ్ హాఫ్ లో చూసుకునే కథనం మొత్తం చాలా ఫాస్ట్ గా, క్యూరియాసిటీగా సాగింది.
పోలీస్ క్యారక్టర్ ఎపిసోడ్ తో పాటు అర్జున, కీర్తి మధ్య మదించిన టోటల్ ఎపిసోడ్ బాగుంది. పైన ఫస్ట్ లోనే చెప్పుకున్నట్టు హవాలా డబ్బు విషయంలో అర్జునకి ఏం తెలియదనే ఎస్టాబ్లిష్ చేసి, కీర్తిని కూడా పెద్దన్న దగ్గరే బందీగా ఉంచాల్సిందేమో. ఏది ఏమైనా చివర్లో కొన్ని సీన్స్ సిల్లీగా తేలిపోయాయి. ఉదాహరణకి అర్జున శరీరంలో బుల్లెట్స్ దిగినా మాములుగా చూపించడం. అదే విధంగా క్లైమాక్స్ లో కీర్తికి తన ప్రేమని వ్యక్తపరిచే ఎపిసోడ్ కి పవన్ కళ్యాణ్, భూమిక ల ఖుషి ట్రైన్ ఎపిసోడ్ ని ఇన్స్పిరేషన్ గా తీసుకొని ఎస్టాబ్లిష్ చేసుండాల్సింది. దాంతో క్యూరియాసిటీ పెరిగేది. ఈ సబ్జెట్ కి అది అవసరం కూడా.
నటీనటులు, సాంకేతిక నిపుణల పని తీరు
మొదటి సినిమా అయినా అనీష్ అన్ని రకాల వేరియేషన్స్ లో అత్యద్భుతంగా పెర్ఫార్మ్ చేసాడు. డాన్స్, ఫైట్స్, ఎంటర్టైన్ మెంట్ తాలూకు బాడీ లాంగ్వేజ్ ని, భావజాలాన్ని ప్రదర్శించడంలో భారీగానే సక్సెస్ అయ్యాడు. తెలుగు తెరకి ఇంకో మంచి హీరో దొరికినట్టే. అనస్వర రాజన్ మరో సారి తన క్యూట్ పెర్ఫార్మ్ తో మెప్పించింది. కొన్ని సన్నివేశాల్లో అయితే ఆమె పెర్ఫార్మ్ నిండు పున్నమి వెన్నెలని తలపించింది.ముకేశ్ రుషి, బ్రహ్మాజీ తో పాటు మిగతా అన్ని క్యారెక్టర్స్ లలో చేసిన వాళ్ళందరూ తమ నటనతో కథకి ప్రాణం పోశారు. ముఖ్యంగా బ్రహ్మ గా చేసిన విలన్ క్యారక్టర్ అయితే తెలుగులో బిజీ అవ్వడం ఖాయం. వెన్నెల కిషోర్ మరో సారి నవ్వుల్లో ముంచెత్తాడు. ఫొటోగ్రఫీ నెక్స్ట్ లెవెల్. థమన్ ఆర్ ఆర్, సాంగ్స్ కూడా అదే పరిస్థితి. తనదైన మ్యూజిక్ మాయాజాలంతో ఇట్లు అర్జున్ కి అదనపు వన్నె తీసుకొచ్చాడు. వెంకీ కుడుమల నిర్మాణ విలువలు చాలా హుందాగా, రిచ్ గా ఉన్నాయి, మహేష్ దర్సకుడిగా భారీగా సక్సెస్ అయ్యాడు. తనదైన టేకింగ్ తో ప్రతి సన్నివేశాన్ని పరుగెత్తించాడు. రచయితగా కొన్ని లాజిక్స్ మర్చిపోయాడు.
బలాలు
1 . అనీష్, అనశ్వర రాజన్ తో ఆల్ ఆర్టిస్ట్స్ పెర్ఫార్మెన్స్
2 .డైరెక్షన్
3 . బ్యాక్ గ్రౌండ్ స్కోర్
4 . ఫొటోగ్రఫీ
బలహీనతలు
1.లాజిక్ లేని కొన్ని సీన్స్
ఇట్లు అర్జున కథనంలో కొన్ని లాజిక్స్ ని మిస్ అయినా ఎక్కడా బోర్ కొట్టకుండా సాగింది.
రేటింగ్ 2 .5 /5 అరుణాచలం
చలికాలం ప్రారంభం కాగానే వాతావరణంలో వచ్చే మార్పుల కారణంగా అనేక రకాల ఆరోగ్య సమస్యలు మనల్ని చుట్టుముడుతుంటాయి. ముఖ్యంగా ఈ శీతాకాలంలో జీర్ణక్రియ మందగించడం వల్ల చాలామందిలో మలబద్ధకం సమస్య ఎక్కువగా వేధిస్తుంటుంది. ఈ సమస్య నుంచి తక్షణ ఉపశమనం పొందడానికి మార్కెట్లో విరివిగా లభించే క్యాప్సికమ్ లేదా బెల్ పెప్పర్ ఒక అద్భుతమైన ఎంపిక.
క్యాప్సికమ్‌లో తగినంత నీటి శాతం మరియు డైటరీ ఫైబర్ (పీచు పదార్థం) సమృద్ధిగా ఉండటం వల్ల జీర్ణవ్యవస్థ పనితీరు మెరుగవుతుంది. చలికాలంలో తరచూ క్యాప్సికమ్ తినటం వల్ల ప్రేగు కదలికలు సక్రమంగా సాగి మలబద్ధకం వంటి ఇబ్బందులను సమర్థవంతంగా నివారించవచ్చు.
సాధారణంగా చలికాలంలో శారీరక శ్రమ తగ్గి చాలామంది బరువు పెరిగే అవకాశం ఉంది. అయితే క్యాప్సికమ్‌లో కేలరీలు చాలా తక్కువగా మరియు ఫైబర్ అధికంగా ఉండటం వల్ల ఇది బరువును అదుపులో ఉంచడంలో కీలక పాత్ర పోషిస్తుంది. దీనిని ఆహారంలో భాగం చేసుకోవడం ద్వారా ఎక్కువసేపు కడుపు నిండిన భావన కలుగుతుంది, తద్వారా అతిగా తినడాన్ని (ઓવర్‌ఈటింగ్) సులభంగా తగ్గించవచ్చు. ఇది ఎలాంటి అదనపు కొవ్వును చేరనివ్వకుండా ఆరోగ్యకరమైన రీతిలో శరీరాన్ని ఫిట్‌గా ఉంచుతుంది.
ఈ శీతాకాలపు కూరగాయలో విటమిన్ సి మరియు శక్తివంతమైన యాంటీఆక్సిడెంట్లు పుష్కలంగా లభిస్తాయి. ఇవి కాలానుగుణంగా వచ్చే వ్యాధులు, వైరల్ ఇన్ఫెక్షన్లతో పోరాడే రోగనిరోధక శక్తిని (ఇమ్యూనిటీ) శరీరానికి అందిస్తాయి. అంతేకాకుండా, ఫ్రీ రాడికల్స్ వల్ల కణాలకు జరిగే నష్టాన్ని ఈ యాంటీఆక్సిడెంట్లు సమర్థవంతంగా అడ్డుకుంటాయి. దీనివల్ల శరీరం దృఢంగా మారడమే కాకుండా చర్మం కూడా కాంతివంతంగా మారుతుంది.
ఇది కూడా చదవండి:డయాబెటిస్ ఉన్నవారు బార్లీ నీళ్లు తాగవచ్చా? నిపుణులు ఏం చెప్తున్నారంటే!
క్యాప్సికమ్‌లో ఉండే పొటాషియం రక్తపోటును (బ్లడ్ ప్రెజర్) అదుపులో ఉంచడంలో ఎంతగానో సహాయపడుతుంది. ఇది గుండె కండరాలను బలోపేతం చేసి, గుండె జబ్బుల ముప్పును గణనీయంగా తగ్గిస్తుంది. అలాగే శరీరంలో ఐరన్ లోపాన్ని తగ్గించడంలోనూ క్యాప్సికమ్ తోడ్పడుతుంది. ఇది రక్తహీనత (అనీమియా) సమస్యను ఎదుర్కొనేందుకు శరీరానికి అవసరమైన సహజమైన పోషకాలను అందిస్తుంది.
శరీరంలో రోగనిరోధక శక్తిని పెంచడంతో పాటు కంటి చూపును మెరుగుపరచడంలోనూ క్యాప్సికమ్ బాగా పనిచేస్తుంది. ఇందులో ఉండే విటమిన్ ఎ మరియు బీటా క్యారోటిన్ కంటి ఆరోగ్యాన్ని రక్షించి, వయసురీత్యా వచ్చే దృష్టి లోపాలను దూరం చేస్తాయి. చలికాలంలో కూరల్లో, సలాడ్స్‌లో లేదా వేడివేడి సూప్స్‌లో క్యాప్సికమ్‌ను భాగం చేసుకోవడం ద్వారా అద్భుతమైన రుచితో పాటు పరిపూర్ణమైన ఆరోగ్యాన్ని సులభంగా సొంతం చేసుకోవచ్చు.
మీకు నచ్చవచ్చు:ఆంధ్ర స్టైల్ ఎండు రొయ్యల కారం పొడి.. పర్ఫెక్ట్ కొలతలతో సులభంగా తయారుచేయండి!
దిష్టి కాయ కాదు.. రోగాలను తరిమికొట్టే సంజీవని: బూడిద గుమ్మడి జ్యూస్ నిజాలు!
Capsicum Health Benefits, Bell Peppers Immunity, Vitamin C Rich Foods, Nutrition Facts Of Capsicum, Healthy Vegetable Tips, Doctor Health Advice, Health Tips In Telugu.
(13).webp)
వాతావరణం చల్లగా మారినప్పుడు వేడివేడిగా ఏదైనా రుచికరమైనది తినాలనిపించడం సహజం. అలాంటి సమయంలో గుప్పెడు నల్ల శెనగలను ఉడకబెట్టి గుగ్గిళ్లుగా చేసుకుని తింటే ఆ రుచే వేరు. ఇది కేవలం రుచిని అందించడమే కాకుండా, శరీరానికి అద్భుతమైన ఆరోగ్యాన్ని చేకూరుస్తుంది. ఎందుకంటే నల్ల శెనగలు పోషకాల ఖజానాగా నిలుస్తాయి. వీటిలో శరీరానికి అవసరమైన ప్రొటీన్లు, విటమిన్లు, ఫైబర్, మెగ్నీషియం వంటి ఎన్నో పోషక విలువలు పుష్కలంగా లభిస్తాయి. ఇవి గుండె ఆరోగ్యాన్ని మెరుగుపరచడంలోనూ, శరీరాన్ని దృఢంగా ఉంచడంలోనూ కీలక పాత్ర పోషిస్తాయి.
సాధారణంగా మనం బలం కోసం కేజీల కొద్ది మటన్ లేదా లీటర్ల కొద్దీ పాలను తీసుకుంటూ ఉంటాం. కానీ, కేవలం రెండు గుప్పెళ్ల నల్ల శెనగ గుగ్గిళ్లను క్రమం తప్పకుండా తీసుకుంటే హాస్పిటల్స్ చుట్టూ తిరగాల్సిన అవసరమే ఉండదని ఆరోగ్య నిపుణులు చెబుతున్నారు. ఈ నల్ల శెనగలు అంతటి అద్భుతమైన శక్తిని ఇస్తాయి. మీరు వీటిని మీ ఆహారంలో వారంలో కనీసం రెండు నుంచి మూడు సార్లు తింటే రోజంతా ఉత్సాహంగా, ఆరోగ్యంగా ఉండవచ్చు. కాబట్టి ఈ అపురూపమైన శక్తి వనరును అస్సలు మిస్ కాకుండా మీ డైట్‌లో భాగం చేసుకోండి.
శక్తి నిల్వల విషయానికి వస్తే, ఒక కోడిగుడ్డు ద్వారా మనకు కేవలం 72 కేలరీల శక్తి మాత్రమే లభిస్తుంది. కానీ, శెనగ గుగ్గిళ్ల విషయానికి వస్తే, కేవలం 100 గ్రాముల శెనగలు ఏకంగా 340 నుంచి 350 కేలరీల శక్తిని శరీరానికి అందిస్తాయి. అంటే కేజీ మటన్ తిన్నా రానటువంటి శక్తి కంటే నాలుగు రెట్లకు పైగా బలం ఈ నల్ల శెనగల గుగ్గిళ్లలో నిక్షిప్తమై ఉంది. ఉదాహరణకు, సోయా చిక్కుడు గింజలను పరిశీలిస్తే, 20 గ్రాముల సోయాలో కేవలం 200 కేలరీల శక్తి మాత్రమే లభిస్తుంది. దీన్ని బట్టి నల్ల శెనగలు ఎంతటి శక్తివంతమైన ఆహారమో అర్థం చేసుకోవచ్చు.
మనం ఖరీదైన మటన్ మరియు లీటర్ల కొద్దీ పాల కోసం పెట్టే ఖర్చుతో పోలిస్తే, ఈ నల్ల శెనగలకు పెట్టే ఖర్చు చాలా తక్కువ మరియు ఎంతో లాభదాయకం. వీటిని రోజువారీ ఆహారంలో చేర్చుకోవడం వల్ల పిల్లలు శారీరకంగా, మానసికంగా ఆరోగ్యంగా ఎదుగుతారు. అనారోగ్యాల బారిన పడకుండా ఉంటూ వివిధ రకాల మందుల మీద ఆధారపడాల్సిన దుస్థితి తప్పుతుంది. ఈ పోషకాహారాన్ని పిల్లలకు అలవాటు చేస్తే, వారు ఇతర జంక్ ఫుడ్స్ మరియు అనారోగ్యకరమైన చిరుతిళ్ల వైపు వెళ్లకుండా ఉంటారు.
ఇది కూడా చదవండి:చక్కెర బదులు బెల్లం వాడుతున్నారా? డాక్టర్ల షాకింగ్ హెచ్చరిక!
మన నిత్య జీవితంలో బొబ్బర్లతో పాటు నల్ల శెనగలను కూడా సులభంగా ఆహారంలో తీసుకోవచ్చు. ఇవి మార్కెట్లో ఎప్పుడూ అందుబాటులో ఉండటంతో పాటు చాలా తక్కువ ధరకే లభిస్తాయి. వీటిని సరిగ్గా ఉడకబెట్టి, తగిన మోతాదులో తీసుకోవడం వల్ల శరీరానికి కావలసిన కండరాల బలం, రోగ నిరోధక శక్తి ఇట్టే అందుతాయి. రోజువారీ పనుల్లో అలసటను తగ్గించి, శరీరాన్ని రోజంతా యాక్టివ్‌గా ఉంచడంలో ఇవి అద్భుతంగా పనిచేస్తాయి.
అయితే, ఏదైనా సరే పరిమితంగా తీసుకోవడం ఆరోగ్యానికి మంచిది. ఈ ఆహారపు అలవాట్లను మీ దైనందిన జీవితంలో పాటించే ముందు మీ శరీర తత్వానికి తగినట్లుగా వైద్యుల లేదా పోషకాహార నిపుణుల సలహా తీసుకోవడం చాలా ముఖ్యం. ఇక్కడ అందించిన సమగ్ర వివరాలు కేవలం మీ ప్రాథమిక అవగాహన కోసం మాత్రమే. ఒకవేళ మీకు ఆరోగ్యరీత్యా ఎలాంటి ప్రత్యేక సమస్యలు ఉన్నా నేరుగా వైద్య నిపుణులను సంప్రదించడం ఎప్పుడూ శ్రేయస్కరం.
మీకు నచ్చవచ్చు:మహిళల ఆరోగ్యం కోసం దివ్యౌషధం! ఐరన్, కాల్షియంతో నిండిన రుచికరమైన లడ్డూ!
పిల్లల మెదడుపై స్క్రీన్ టైమ్ దాడి: పరిశోధనల్లో వెల్లడైన షాకింగ్ నిజాలు!
Black Chickpeas Benefits, Kala Chana Energy, Soaked Black Gram, High Protein Vegetarian Foods, Stamina Boosting Diet, Doctor Health Advice, Health Tips In Telugu.
కంటిచూపును సహజంగా మెరుగుపరచుకోవడానికి మరియు ముఖానికి అడ్డుగా ఉన్న కళ్ళద్దాలను పూర్తిగా పక్కన పెట్టడానికి కొన్ని జీవనశైలి మార్పులు మరియు సహజ పోషకాహారం ఎంతగానో సహాయపడతాయని నిపుణులు వెల్లడిస్తున్నారు. నేటి ఆధునిక డిజిటల్ యుగంలో సెల్ ఫోన్‌లు, కంప్యూటర్లు మన దైనందిన జీవితంలో కీలక భాగంగా మారినప్పటికీ, వాటి నుంచి వెలువడే కాంతి కళ్ళపై తీవ్రమైన ఒత్తిడిని కలిగిస్తుంది. ముఖ్యంగా, తక్కువ వెలుతురులో చిన్న అక్షరాలను ఎక్కువసేపు చూడటం కంటిచూపును తీవ్రంగా దెబ్బతీస్తుంది. అత్యవసర పనులు, మెసేజ్‌ల కోసం స్మార్ట్‌ఫోన్‌ను వాడినా, ఎక్కువ సమయం కూర్చుని చేసే పనులను ల్యాప్‌టాప్ లేదా పెద్ద స్క్రీన్‌లపై చేయడం వల్ల కళ్ళకు పడే శ్రమ చాలా వరకు తగ్గుతుంది.
కంటి ఆరోగ్యానికి తగినంత నిద్ర తీసుకోవడం అత్యంత ప్రాముఖ్యమైన రెండవ నియమం. శరీరానికి సరిపడా విశ్రాంతి లేకపోవడం వల్ల వార్తాపత్రికలలోని చిన్న అక్షరాలు స్పష్టంగా కనిపించకపోవడం, కళ్ళకు శ్రమ పెరగడం వంటి సమస్యలు ఉత్పన్నమవుతాయి. నిద్రపోతున్న సమయంలో కంటి లోపలి లెన్సులు, రక్తనాళాలు మరియు ఇతర సూక్ష్మ వ్యవస్థలు విశ్రాంతి తీసుకుని పూర్తిగా రీఛార్జ్ అవుతాయి. ప్రస్తుత బిజీ జీవనశైలిలో కనీసం ఆరు నుండి ఏడు గంటల నిద్ర కూడా కరువవుతోంది, కానీ ప్రతిరోజూ కనీసం 7 నుండి 8 గంటల గాఢ నిద్రను తప్పనిసరిగా అలవాటు చేసుకోవాలి.
వీలైనప్పుడల్లా పగటిపూట కూడా 1 నుండి 1.5 గంటల పాటు చిన్న కునుకు తీయడం కంటి ఆరోగ్యానికి ఎంతో ప్రయోజనకరంగా ఉంటుందని నిపుణులు సూచిస్తున్నారు. పిల్లలకు కూడా తగినంత నిద్రపోయే వాతావరణం కల్పించడం ద్వారా వారి చిన్న వయసులోనే కంటిచూపు పదునుగా ఉండేలా కాపాడుకోవచ్చు. ఇక మూడవ ముఖ్యమైన అంశం విటమిన్ 'ఏ' సమృద్ధిగా లభించే పౌష్టికాహారాన్ని తీసుకోవడం. కంటిచూపు మెరుగుదలకు విటమిన్ 'ఏ' అత్యవసరమైన పోషకం కాగా, మునగాకు మరియు కరివేపాకు వంటివి దీనికి అద్భుతమైన సహజ వనరులుగా పనిచేస్తాయి.
క్యారెట్, టమోటా, బీట్‌రూట్, కీరా దోస, పొట్లకాయ, సొరకాయ, బీరకాయ వంటి తాజా కూరగాయలతో తయారుచేసే వెజిటబుల్ జ్యూస్‌లలో కొద్దిగా కరివేపాకు లేదా మునగాకు రసాన్ని జోడించి తీసుకోవచ్చు. మునగాకు పచ్చిగా తినడం ఇష్టం లేని వారు దానిని పప్పులలో, ఫ్రైలలో లేదా రోటీల పిండిలో కలిపి సులభంగా తమ ఆహారంలో భాగం చేసుకోవచ్చు. ప్రతిరోజూ మధ్యాహ్న భోజనంలో కనీసం ఒక ఆకుకూరను చేర్చుకోవడం తప్పనిసరి అని, ఆకుకూరలలో లభించే 'బీటా కెరోటిన్' కాలేయంలో విటమిన్‌గా మారుతుందని నిపుణులు స్పష్టం చేస్తున్నారు.
ఇది కూడా చదవండి:ప్రపంచంలోనే తొలిసారి! డయాబెటిస్‌ను నయం చేసే గిఫ్ట్ బ్యాక్టీరియా.. చైనా శాస్త్రవేత్తల ప్రయోగం!
ఇది కంటికి రక్త ప్రసరణను మెరుగుపరిచి, ఐరన్‌ను అందించడం ద్వారా కంటిచూపును వేగంగా వృద్ధి చేస్తుంది. అలాగే డిన్నర్ సమయంలో ఉడికించిన ఆహారాలకు బదులుగా తాజా పండ్లు, నానబెట్టిన డ్రై నట్స్ మరియు డ్రై ఫ్రూట్స్ వంటి సహజ సిద్ధమైన ఆహారాలను తీసుకోవడం వలన శరీరానికి పోషకాలు పూర్తిస్థాయిలో అందుతాయి. ఈ సహజ ఆహారాలలో లభించే శక్తివంతమైన యాంటీ ఆక్సిడెంట్లు కంటి కణజాలం దెబ్బతినకుండా రక్షణ కల్పిస్తాయి.
ఈ సరళమైన మూడు నియమాలను క్రమం తప్పకుండా పాటిస్తే, కాలక్రమేణా కంటిచూపు అద్భుతంగా మెరుగుపడుతుందని నిపుణులు భరోసా ఇస్తున్నారు. క్రమంగా కళ్ళద్దాల పవర్‌ను తగ్గించుకుంటూ, చివరకు వాటిని పూర్తిగా వదిలించుకునే అవకాశం ఈ సహజ జీవనశైలి ద్వారా లభిస్తుందని నమ్ముతారు. ఆరోగ్యకరమైన మునగాకు ఆధారిత ఆహారపు అలవాట్లతో కళ్ళను కాపాడుకుంటూ నిత్యం స్పష్టమైన చూపును సొంతం చేసుకోండి.
మీకు నచ్చవచ్చు:పాము కాటుకు గురైన వ్యక్తిని నిద్రపోనివ్వకూడదా? సైన్స్ ఏం చెబుతోందంటే!
బ్యాంక్ నిర్లక్ష్యం: చిన్న తప్పుతో చర్చి ఖాతా సీజ్.. అప్పుల్లో మునిగిన గ్రామీణులు!
Drumstick Leaves Benefits, Improve Eyesight Naturally, Moringa Leaves For Eyes, Natural Vision Remedies, Eye Health Foods, Doctor Health Advice, Health Tips In Telugu.
.webp)
ప్రస్తుత రోజుల్లో చిన్న వయసులోనే చాలామంది కీళ్ల నొప్పులు, మోకాళ్ల నొప్పులతో బాధపడుతున్నారు. వయసు పెరిగిన తర్వాత మాత్రమే వచ్చే సమస్యగా భావించే ఆర్థరైటిస్ ఇప్పుడు యువతలో కూడా కనిపిస్తోంది. అసలు చిన్న వయసులోనే కీళ్ల నొప్పులు రావడానికి కారణాలేంటి? రుమటాయిడ్ ఆర్థరైటిస్ (Rheumatoid Arthritis) అంటే ఏమిటి? ఈ సమస్యకు వ్యాయామానికి ఉన్న సంబంధం ఏమిటి? కీళ్ల ఆరోగ్యాన్ని కాపాడుకోవడానికి ఎలాంటి జాగ్రత్తలు తీసుకోవాలి?
కీళ్లు మన శరీర కదలికలకు ఎంతో కీలకం. నడవడం, మెట్లు ఎక్కడం, కూర్చోవడం, నిలబడటం వంటి రోజువారీ పనులన్నీ కీళ్ల సహకారంతోనే సాధ్యమవుతాయి. అయితే శారీరక శ్రమ తగ్గడం, ఎక్కువసేపు ఒకే చోట కూర్చోవడం, సరైన వ్యాయామం లేకపోవడం వంటి కారణాలు కీళ్ల ఆరోగ్యంపై ప్రభావం చూపవచ్చు. ముఖ్యంగా మోకాళ్లపై ఒత్తిడి పెరిగినప్పుడు నొప్పి, బిగుతుగా అనిపించడం, కదలికల్లో ఇబ్బంది వంటి సమస్యలు ఎదురవుతాయి.
కీళ్ల నొప్పులు రాకుండా ఉండటానికి, మోకాళ్ల ఆరోగ్యాన్ని మెరుగుపరుచుకోవడానికి రోజువారీ వ్యాయామం ఎంతో ఉపయోగపడుతుంది.
ఈ వీడియోలో Dr. Bhaskarకీళ్ల ఆరోగ్యం, ఆర్థరైటిస్, రుమటాయిడ్ ఆర్థరైటిస్ గురించి ముఖ్యమైన విషయాలను వివరించారు. అలాగే మోకాళ్ల కదలికలు మెరుగుపడటానికి, కండరాలు బలపడటానికి, కీళ్లపై ఒత్తిడిని తగ్గించుకోవడానికి ఉపయోగపడే ఐదు వ్యాయామాల గురించి తెలియజేశారు.
ఈ ఐదు వ్యాయామాలను ఎలా చేయాలి? వాటిని రోజువారీ జీవితంలో ఎలా భాగం చేసుకోవాలి? కీళ్ల నొప్పులతో బాధపడేవారు వ్యాయామం చేసేటప్పుడు ఎలాంటి జాగ్రత్తలు తీసుకోవాలి? ఇప్పటికే ఆర్థరైటిస్ సమస్య ఉన్నవారు ఎలాంటి వ్యాయామాలను ఎంచుకోవాలి? అనే విషయాలను ఈ వీడియోలో తెలుసుకోవచ్చు.
ఇది కూడా చదవండి పిండికూరతో కిడ్నీ రాళ్లు కరుగుతాయా.. డాక్టర్ ఏం చెబుతున్నారు
కీళ్ల నొప్పులు ఉన్న ప్రతి ఒక్కరికీ ఒకే రకమైన వ్యాయామాలు సరిపోవు. ముఖ్యంగా రుమటాయిడ్ ఆర్థరైటిస్ లేదా తీవ్రమైన మోకాళ్ల నొప్పులతో బాధపడేవారు వైద్యుల సలహా తీసుకున్న తర్వాతే తమకు తగిన వ్యాయామాలను ఎంచుకోవాలి. నొప్పి పెరిగేలా బలవంతంగా వ్యాయామాలు చేయకూడదు.
కీళ్ల ఆరోగ్యాన్ని కాపాడుకోవడానికి, మోకాళ్ల నొప్పుల పట్ల అవగాహన పెంచుకోవడానికి డాక్టర్ భాస్కర్ అందిస్తున్న ఈ విలువైన సమాచారాన్ని పూర్తిగా తెలుసుకోండి.
మరిన్ని ఆరోగ్య విషయాలు, నిపుణుల సలహాలు, ఉపయోగకరమైన సమాచార వీడియోల కోసం TeluguOne Healthను ఫాలో అవ్వండి.
మనం రోజూ తినే ఆహారంలో కొన్ని కాంబినేషన్స్ ట్రై చేస్తుంటాం. కానీ ఏ ఆహార పదార్థాన్ని వేటితో కలిపి తింటే మన శరీరానికి ఎక్కువ పోషకాలు అందుతాయనే విషయం మీద చాలామందికి స్పష్టత ఉండదు. మనం తినే వాటిలో కొన్ని కాంబినేషన్ లు ఆరోగ్యానికి అద్భుతమైన ఫలితాలను ఇస్తాయి. అలాంటి కొన్ని అరుదైన , అత్యంత ప్రయోజనకరమైన ఫుడ్ కాంబినేషన్ లు ఏవో.. వాటిని తినడం వల్ల కలిగే ప్రయోజనం ఏమిటో గురించి వివరంగా తెలుసుకుంటే..
పుచ్చకాయ.. ఉప్పు..
మనలో చాలా మందికి పుచ్చకాయ అనగానే గుర్తుకు వచ్చేది కేవలం తియ్యటి రుచి మాత్రమే. అయితే పుచ్చకాయ ముక్కల మీద కొద్దిగా ఉప్పు చల్లుకొని తింటే దాని రుచితో పాటు ఆరోగ్య ప్రయోజనాలు కూడా రెట్టింపు అవుతాయి. పుచ్చకాయలో పొటాషియం సమృద్ధిగా ఉంటుంది. అలాగే ఉప్పులో సోడియం లభిస్తుంది. ఈ రెండు కలిసి శరీరంలో ఎలక్ట్రోలైట్స్ సమతుల్యంగా ఉండేలా చూస్తాయి. ముఖ్యంగా ఎండకాలంలో లేదా వర్కవుట్లు చేసిన తర్వాత ఈ కాంబినేషన్ శరీరాన్ని తక్షణ శక్తితో పాటు హైడ్రేట్ గా ఉంచడానికి చాలా బాగా సహాయపడుతుంది.
బాదం..డార్క్ చాక్లెట్..
బాదం పప్పులను డార్క్ చాక్లెట్ తో కలిపి తీసుకోవడం మరొక మంచి అలవాటు. బాదం పప్పులో శరీరానికి అవసరమైన ఆరోగ్యకరమైన కొవ్వులు , విటమిన్ ఈ లభిస్తాయి. అలాగే డార్క్ చాక్లెట్లో యాంటీ ఆక్సిడెంట్స్ గుణాలు ఎక్కువగా ఉండే ఫ్లావనాయిడ్స్ ఉంటాయి. ఈ రెండింటి కలయిక శరీరంలో యాంటీ ఆక్సిడెంట్స్ శక్తిని గణనీయంగా పెంచుతుంది. ఇది గుండె ఆరోగ్యానికి ఎంతో మేలు చేస్తుంది , గుండె సంబంధిత సమస్యలు రాకుండా రక్షించడంలో కీలక పాత్ర పోషిస్తుంది.
ఓట్స్.. పెరుగు..
ఉదయం పూట బ్రేక్ ఫాస్ట్ లో ఓట్స్ తినడం చాలా మందికి అలవాటు. అయితే ఈ ఓట్స్ ను పెరుగుతో కలిపి తీసుకోవడం ద్వారా జీర్ణ వ్యవస్థకు అద్భుతమైన లాభాలు కలుగుతాయి. ఓట్స్ లో ప్రీబయోటిక్స్ ఉంటాయి. అలాగే పెరుగులో మంచి బ్యాక్టీరియాను అందించే ప్రోబయోటిక్స్ ఉంటాయి. ఈ రెండు కలిసి కడుపులోని జీర్ణక్రియను మెరుగుపరచడంలో , గట్ హెల్త్ ని ఆరోగ్యంగా ఉంచడంలో అద్భుతంగా పనిచేస్తాయి. పొట్టకు సంబంధించిన సమస్యలు ఉన్నవారికి ఈ ఆహార కాంబినేషన్ మంచి ఫలితాన్ని ఇస్తుంది.
ఇది కూడా చదవండి మీకు తెలుసా ..ఈ విటమిన్లు లోపిస్తే లివర్ దెబ్బతింటుంది..!
గ్రీన్ టీ.. నిమ్మరసం..
బరువు తగ్గాలనుకునేవారు లేదా ఆరోగ్యం మీద శ్రద్ధ పెట్టేవారు గ్రీన్ టీ తాగడం సాధారణం. అయితే గ్రీన్ టీ లో కొద్దిగా నిమ్మరసం పిండుకొని తాగితే దాని ప్రయోజనాలు పూర్తిగా శరీరానికి అందుతాయి. నిమ్మకాయలో ఉండే విటమిన్ సి గ్రీన్ టీ లోని యాంటీ ఆక్సిడెంట్లను శరీరం వేగంగా గ్రహించేలా సహాయపడుతుంది. సాధారణంగా గ్రీన్ టీ తాగడం వల్ల అందే పోషకాలు నిమ్మకాయ కలవడం వల్ల మరింత మెరుగ్గా పనిచేస్తాయి.
పసుపు పాలు.. మిరియాల పొడి..
మన ఇంట్లో తరచూ చేసుకునే పాలలో చిటికెడు పసుపు వేసుకొని తాగడం మన సాంప్రదాయం. అయితే ఈ పసుపు పాలలో చిటికెడు మిరియాల పొడి కూడా కలిపితే ఫలితం మరింత ఎక్కువగా ఉంటుంది. మిరియాలలో పైపరిన్ అనే గుణం ఉంటుంది. ఇది పసుపులోని కర్క్యుమిన్ అనే మూలకాన్ని శరీరం త్వరగా , పూర్తిగా గ్రహించడానికి సహాయపడుతుంది. దీనివల్ల శరీరంలో రోగ నిరోధక శక్తి పెరగడంతో పాటు ఎముకల నొప్పులు , ఇతర ఆరోగ్య సమస్యల నుంచి మంచి ఉపశమనం లభిస్తుంది.
ఆరోగ్యకరమైన జీవితాన్ని గడపడానికి మనం తినే ఆహారంలో చిన్న చిన్న మార్పులు చేసుకుంటే సరిపోతుంది. ఏ ఆహారాన్ని ఏ పదార్థంతో కలిపి తినాలో తెలుసుకొని పాటిస్తే శరీరం ఆరోగ్యంగా ఉండటంతో పాటు రోగాల బారిన పడకుండా కాపాడుకోవచ్చు. ఈ అద్భుతమైన ఆహార కాంబినేషన్ లను దైనందిన జీవితంలో భాగం చేసుకొని పూర్తి ఆరోగ్యాన్ని సొంతం చేసుకోండి.
*రూపశ్రీ.
మీకు నచ్చవచ్చు ఇలా చేస్తే చాలు... పిల్లలు ఫోన్ పక్కన పెట్టి పుస్తకాలంటే ఇష్టపడతారు..!
.webp)
ప్రతిరోజూ ఉదయం గొంతుకు హాయిగా ఉండేలా వేడి వేడిగా టీ తాగి రోజును ప్రారంభించడం చాలా మందికి అలవాటు. అయితే ఆ రొటీన్ టీకి బదులుగా అప్పుడప్పుడు కొన్ని సుగంధ ద్రవ్యాలు , మూలికలను జోడించి తయారు చేసుకునే పానీయాలు శరీరానికి ఎంతో మేలు చేస్తాయి. వీటిని హెర్బల్ టీలు అని అంటారు.
మన వంటింట్లో సులభంగా లభించే మసాలా దినుసులతోనే ఈ టీల ను తయారు చేసుకుని తాగవచ్చు. అలా వంటిట్లో ఉండే మసాలా దినుసుల్లో అనాస పువ్వు కూడా ఒకటి. ఈ అనాస పువ్వుతో తయారు చేసే టీ ఆరోగ్యానికి ఎన్నో అద్భుతమైన ప్రయోజనాలను అందిస్తుంది. ఈ చిన్న పువ్వు కేవలం వంటకాలకు రుచిని ఇవ్వడమే కాకుండా, అనేక ఆరోగ్య సమస్యలకు సహజసిద్ధమైన ఔషధంగా పనిచేస్తుంది. ఈ టీ తాగడం వల్ల కలిగే ఆరోగ్య ప్రయోజనాలు ఏమిటో తెలుసుకుంటే..
అనాస పువ్వు టీ..
ప్రస్తుత కాలంలో మారుతున్న వాతావరణ పరిస్థితుల కారణంగా వైరల్ ఫీవర్స్ , ఇతర ఇన్ఫెక్షన్లు త్వరగా వ్యాపిస్తుంటాయి. ఇలాంటి సమయంలో శరీర రోగనిరోధక శక్తిని పెంపొందించుకోవడం చాలా ముఖ్యం. జ్వరం లేదా ఏదైనా వైరస్ లేదా శ్వాసకోశ సమస్యలు తలెత్తినప్పుడు ప్రకృతి మనకు ప్రసాదించిన అనాస పువ్వును ఉపయోగించి సులభంగా హెర్బల్ టీ తయారు చేసుకోవచ్చు. అనాస పువ్వును చిన్న ముక్కలుగా చేసి, నీటిలో మరిగించి టీలా తయారు చేసుకుని తాగడం వల్ల శరీరానికి మంచి ఉపశమనం లభిస్తుంది.
ప్రయోజనాలు..
వైరల్ ఫీవర్.. శ్వాసకోశ సమస్యలు..
వాతావరణం మారినప్పుడు వచ్చే జలుబు, దగ్గు, వైరస్ జ్వరాలు సర్వసాధారణం. అనాస పువ్వులో యాంటీ వైరల్ , యాంటీ మైక్రోబయల్ గుణాలు పుష్కలంగా ఉంటాయి. ఇవి శరీరంలోకి ప్రవేశించే హానికారక వైరస్‌లతో పోరాడటానికి సహాయపడతాయి. శ్వాసనాళాల్లో చేరిన శ్లేష్మాన్ని కరిగించి, గొంతు నొప్పి , ఊపిరితిత్తుల ఇబ్బంది నుంచి త్వరగా ఉపశమనం కలిగిస్తాయి.
జీర్ణక్రియ ..
తిన్న ఆహారం సరిగా అరగకపోవడం, గ్యాస్, కడుపు ఉబ్బరం, అజీర్తి వంటి సమస్యలతో బాధపడేవారికి ఈ టీ చాలా బాగా పనిచేస్తుంది. అనాస పువ్వులోని పోషకాలు జీర్ణవ్యవస్థను ఉత్తేజపరిచి, జీర్ణక్రియ సజావుగా సాగేలా చేస్తాయి. భోజనం తర్వాత లేదా ఉదయం పూట ఈ టీ తాగడం వల్ల పొట్ట తేలికగా ఉంటుంది.
ఇది కూడా చదవండి షుగర్ పేషెంట్లు తప్పక తెలుసుకోవాలి ! ముఖ్యమైన డాక్టర్ సూచనలు
రోగనిరోధక శక్తి పెంపు..
శరీరంలో ఇమ్యూనిటీ తక్కువగా ఉంటే చిన్నచిన్న అనారోగ్యాలు కూడా త్వరగా చుట్టుముడతాయి. అనాస పువ్వు టీలో ఉండే యాంటీ ఆక్సిడెంట్లు శరీర రోగనిరోధక శక్తిని బలోపేతం చేస్తాయి. రోజూ దీన్ని తీసుకోవడం వల్ల శరీరం శక్తివంతంగా మారుతుంది , ఇన్ఫెక్షన్ల బారిన పడకుండా రక్షణ లభిస్తుంది.
కీళ్ల నొప్పులు, వాపులు తగ్గించడం..
శరీరంలో ఎక్కడైనా వాపులు లేదా కీళ్ల నొప్పులు ఉన్నప్పుడు ఈ టీ సహజ నివారణగా పనిచేస్తుంది. దీనిలో ఉండే కొన్ని ప్రత్యేక సమ్మేళనాలు శరీరంలో మంటను, వాపులను తగ్గించడంలో సహాయపడతాయి. వయసు మళ్లిన వాళ్ళలో లేదా కీళ్ల నొప్పులతో ఇబ్బంది పడేవారికి ఇది మంచి ఉపశమనాన్ని ఇస్తుంది.
మానసిక ప్రశాంతత , నిద్రలేమి నివారణ..
రోజంతా పడిన అలసట, ఒత్తిడి కారణంగా రాత్రిపూట సరిగ్గా నిద్ర పట్టకపోవడం జరుగుతుంది. అనాస పువ్వు టీలో ఉండే సువాసన , మృదువైన గుణాలు నాడీ వ్యవస్థను ప్రశాంతపరుస్తాయి. ఇది మనసును రిలాక్స్ చేసి చక్కగా నిద్ర పట్టేలా సహాయపడుతుంది.
చర్మ సౌందర్యం..
శరీరంలో వ్యర్థాలు పేరుకుపోవడం వల్ల మొటిమలు, చర్మ సమస్యలు వస్తుంటాయి. ఈ హెర్బల్ టీ శరీరాన్ని శుభ్రపరిచి, రక్తాన్ని శుద్ధి చేయడంలో సహాయపడుతుంది. దీనివల్ల చర్మం కాంతివంతంగా మారడానికి దోహదపడుతుంది.
*రూపశ్రీ.
మీకు నచ్చవచ్చు థైరాయిడ్ PCOS గట్ హెల్త్.. వీటి మధ్య సంబంధం ఏమిటి.!
మహిళలు అస్సలు నిర్లక్ష్యం చేయకూడని అండాశయ క్యాన్సర్ లక్షణాలివే!
What Happens to Your Body When You Drink Star Anise Tea,Amazing Benefits Revealed,Star Anise Tea,Amazing Benefits for Your Body