LATEST NEWS
వందేళ్లు దాటినా తగ్గని ఉత్సాహం.. 101 ఏళ్ల వృద్ధుడి ఆరోగ్య రహస్యాలు ఇవే.!
ఆరోగ్యంగా నిండు నూరేళ్లు జీవించాలని ఎవరికి మాత్రం ఉండదు? వయసు పెరుగుతున్నా శరీరం సహకరించాలని, అనారోగ్య సమస్యలు దరిచేరకుండా ఉత్సాహంగా జీవితాన్ని ఆస్వాదించాలని ప్రతి ఒక్కరూ కోరుకుంటారు. కానీ నేటి ఉరుకుల పరుగుల జీవితంలో మారుతున్న ఆహారపు అలవాట్లు, శారీరక శ్రమ లేకపోవడం, పెరుగుతున్న ఒత్తిడి కారణంగా చిన్న వయసులోనే అనేక ఆరోగ్య సమస్యలు ఎదురవుతున్నాయి. ఇలాంటి పరిస్థితుల్లో 101 ఏళ్ల వయసులోనూ ఆరోగ్యంగా, ఉత్సాహంగా జీవిస్తున్న ఓ శతాధిక వృద్ధుడి జీవనశైలి అందరి దృష్టిని ఆకర్షిస్తోంది.
ఆరోగ్యానికి వయసు అడ్డంకి కాకూడదు.!
వందేళ్లు దాటినా చురుగ్గా జీవించడం వెనుక అదృష్టం ఒక్కటే కారణం కాదు. మనం ప్రతిరోజూ పాటించే అలవాట్లు కూడా ఆరోగ్యంపై ప్రభావం చూపుతాయి. జన్యుపరమైన అంశాలు ఆయుష్షును ప్రభావితం చేసినప్పటికీ, ఆహారం, వ్యాయామం, నిద్ర, మానసిక ప్రశాంతత వంటి అంశాలు ఆరోగ్యకరమైన వృద్ధాప్యంలో కీలక పాత్ర పోషిస్తాయి. చిన్న చిన్న మార్పులతో ఆరోగ్యానికి మేలు చేసుకోవచ్చనే విషయాన్ని ఈ పెద్దాయన జీవన ప్రయాణం గుర్తుచేస్తోంది.
శారీరక శ్రమే అసలైన బలం.!
వయసు పెరిగిందని శారీరక చురుకుదనానికి దూరం కావాల్సిన అవసరం లేదు. ఆరోగ్య పరిస్థితులకు అనుగుణంగా నడక, తేలికపాటి వ్యాయామం వంటి కార్యకలాపాలను దినచర్యలో భాగం చేసుకోవడం మంచిది. ఇవి కండరాల బలాన్ని, శరీర సమతుల్యతను కాపాడుకోవడానికి, గుండె ఆరోగ్యానికి తోడ్పడతాయి. అయితే వయసు పైబడినవారు తమ శారీరక సామర్థ్యాన్ని బట్టి వ్యాయామం ఎంచుకోవడం, అవసరమైతే వైద్యుల సలహా తీసుకోవడం ముఖ్యం.
ఆహారమే ఆరోగ్యానికి పునాది.!
ఆరోగ్యకరమైన జీవనశైలిలో ఆహారానికి ప్రత్యేక స్థానం ఉంది. తాజా పండ్లు, కూరగాయలు, పప్పుధాన్యాలు, తృణధాన్యాలు, గింజలు వంటి పోషకాలు సమృద్ధిగా ఉండే ఆహారాన్ని తీసుకోవడం ప్రయోజనకరం. అధికంగా ప్రాసెస్ చేసిన ఆహారాలు, ఉప్పు, చక్కెర వినియోగాన్ని తగ్గించడం కూడా మంచిదే. వయసు పెరిగేకొద్దీ శరీరానికి అవసరమైన పోషకాలు, ప్రొటీన్లు, ద్రవాలు అందేలా చూసుకోవాలి.
మనసు ప్రశాంతంగా ఉంటే.. జీవితంలో ఉత్సాహం.!
శారీరక ఆరోగ్యంతో పాటు మానసిక ప్రశాంతత కూడా ఎంతో ముఖ్యం. కుటుంబ సభ్యులతో సమయం గడపడం, స్నేహితులతో మాట్లాడటం, ఇష్టమైన పనులు చేయడం, తగినంత నిద్రపోవడం మానసిక ఉల్లాసానికి దోహదపడతాయి. ఒత్తిడిని తగ్గించుకునే అలవాట్లు రోజువారీ జీవితంలో భాగం కావాలి. వయసు పెరిగినా సామాజిక సంబంధాలను కొనసాగించడం ఒంటరితనాన్ని తగ్గించడంలో సహాయపడుతుంది.
చిన్న అలవాట్లే.. పెద్ద మార్పులకు పునాది.!
నేటి తరంలో చాలామంది ఆరోగ్యంపై శ్రద్ధ చూపాలని భావిస్తున్నా, బిజీ జీవితంలో దానికి తగిన సమయం కేటాయించలేకపోతున్నారు. అయితే ఆరోగ్యాన్ని కాపాడుకోవడానికి ఒకేసారి పెద్ద మార్పులు చేయాల్సిన అవసరం లేదు. ప్రతిరోజూ కొంత సమయం నడవడం, సమతుల ఆహారం తీసుకోవడం, నిద్రకు ప్రాధాన్యం ఇవ్వడం వంటి చిన్న అడుగులతో ప్రారంభించవచ్చు.
101 ఏళ్ల వృద్ధుడి జీవన ప్రయాణం సుదీర్ఘ జీవితంపై ఆసక్తిని కలిగిస్తున్నప్పటికీ, ప్రతి ఒక్కరికీ ఇదే ఫలితం వస్తుందని చెప్పలేం. ఆయుష్షుపై జన్యువులు, పరిసరాలు, వైద్య సదుపాయాలు, వ్యక్తిగత ఆరోగ్య పరిస్థితులు కూడా ప్రభావం చూపుతాయి. అయినప్పటికీ, ఆరోగ్యకరమైన అలవాట్లను అలవరుచుకోవడం ద్వారా మెరుగైన జీవన నాణ్యతను పొందే అవకాశం ఉంటుంది. వయసు పెరగడం సహజం.. కానీ ఆరోగ్యంపై శ్రద్ధ చూపడం మన చేతుల్లోనే ఉంది. ప్రతి రోజూ మన ఆరోగ్యం కోసం తీసుకునే చిన్న నిర్ణయాలే భవిష్యత్తులో మెరుగైన జీవితానికి పునాదిగా నిలుస్తాయి.
[ 101 Year Old Longevity Secrets, Healthy Lifestyle Tips in Telugu, Long Life Habits, Centenarian Health Advice, Healthy Aging, TeluguOne Health News ]
హైదరాబాద్ నగరం సైబర్ నేరాలకు కేరాఫ్ అడ్రస్‌గా మారుతున్న తరుణంలో, అమాయకులను లక్ష్యంగా చేసుకుని సాగుతున్న మోసాలు కలకలం రేపుతున్నాయి. సోషల్ మీడియా వేదికగా అందమైన యువతుల ముఖాలతో నకిలీ ప్రొఫైల్స్ సృష్టించి, ఆపై వలపు వల విసిరి నిండా ముంచేస్తున్న ఘటనలు ప్రజలను షాక్‌కు గురిచేస్తున్నాయి. తాజాగా వెలుగులోకి వచ్చిన ఓ షాకింగ్ ఘటనలో, హైదరాబాద్‌కు చెందిన 70 ఏళ్ల వయసున్న ఓ రిటైర్డ్ ఉద్యోగి కేటుగాళ్ల హనీట్రాప్ వలలో చిక్కుకుని ఏకంగా రూ.38 లక్షలు పోగొట్టుకున్న ఉదంతం తీవ్ర సంచలనం సృష్టించింది. సోషల్ మీడియా ఎంత ప్రమాదకరంగా మారుతుందో చెప్పడానికి ఈ ఘటనే ప్రత్యక్ష నిదర్శనంగా నిలుస్తోంది.
ఈ భారీ మోసానికి సంబంధించిన పూర్తి వివరాల్లోకి వెళితే.. బాధితుడైన వృద్ధుడికి ఫేస్‌బుక్‌లో ఓ అపరిచిత మహిళా ఐడీ నుంచి ఫ్రెండ్ రిక్వెస్ట్ వచ్చింది. దాన్ని నిజమని నమ్మి అభ్యర్థన స్వీకరించిన ఆ వృద్ధుడితో సదరు కేటుగాళ్ళు చాటింగ్ ప్రారంభించారు. రోజువారీ కబుర్లతో మొదలైన పరిచయం క్రమంగా వ్యక్తిగత సాన్నిహిత్యానికి దారితీసింది. నిందితులు అత్యంత వ్యూహాత్మకంగా ఆయనతో మాట్లాడుతూ, తమకు ఆర్థిక అవసరాలున్నాయని, కుటుంబ పరిస్థితులు బాగాలేవని నమ్మించి విడతలవారీగా డబ్బులు డిమాండ్ చేయడం మొదలుపెట్టారు. అంతేకాకుండా, ఈ మోసంలో మరో వ్యక్తి రంగ ప్రవేశం చేసి తాను ఆ మహిళా బంధువునంటూ ఫోన్లో బెదిరింపులకు దిగాడు.
ఒక దశలో వీరిద్దరూ కలిసి వృద్ధుడితో జరిపిన ప్రైవేట్ సంభాషణలను, చాటింగ్‌లను రికార్డు చేసి వాటిని అడ్డం పెట్టుకుని అసలు బ్లాక్‌మెయిల్ పర్వానికి తెరలేపారు. మీరు మైనర్ బాలికను లైంగికంగా వేధించారంటూ లేనిపోని ఆరోపణలు చేస్తూ భయభ్రాంతులకు గురిచేశారు. ఈ నకిలీ కేసుల వ్యవహారంలో కొందరు పోలీసు అధికారులమంటూ మరికొందరు నకిలీ ఫోన్లు చేసి బెదిరింపులను తీవ్రతరం చేశారు. పోలీసుల పేరు చెప్పి భయపెట్టడంతో తీవ్ర మానసిక ఒత్తిడికి గురైన ఆ 70 ఏళ్ల వృద్ధుడు, వారు అడిగినప్పుడల్లా భయంతో డబ్బులు బదిలీ చేస్తూ వచ్చాడు. అలా వివిధ లావాదేవీల రూపంలో మొత్తం రూ.38 లక్షల భారీ మొత్తాన్ని ఆ కేటుగాళ్లకు సమర్పించుకోవాల్సి వచ్చింది.
ఈ మోసాన్ని ఆలస్యంగా గ్రహించిన బాధితుడు వెంటనే హైదరాబాద్ సైబర్ క్రైమ్ పోలీసులను ఆశ్రయించి ఫిర్యాదు చేయడంతో ఈ గుట్టు రట్టయింది. రంగంలోకి దిగిన సైబర్ క్రైమ్ పోలీసులు సాంకేతిక ఆధారాల సహాయంతో దర్యాప్తు చేపట్టి, ఆంధ్రప్రదేశ్‌లోని పశ్చిమ గోదావరి జిల్లాకు చెందిన నిందితుడిని అదుపులోకి తీసుకున్నారు. నిందితుల నుంచి రెండు మొబైల్ ఫోన్‌లను స్వాధీనం చేసుకుని, ఐటీ చట్టం మరియు భారతీయన్యాయ సంహిత (BNS) సెక్షన్ల కింద కేసు నమోదు చేసి దర్యాప్తును మరింత ముమ్మరం చేశారు. సోషల్ మీడియాలో వచ్చే వింత వ్యక్తుల రిక్వెస్ట్‌లను అంగీకరించవద్దని, ఆకర్షణీయమైన మాటలకు మోసపోయి వ్యక్తిగత విషయాలు పంచుకుంటే ఇలాంటి భారీ మూల్యం చెల్లించుకోవాల్సి వస్తుందని పోలీసులు తీవ్రంగా హెచ్చరిస్తున్నారు. ఎవరైనా సైబర్ మోసాల బారిన పడితే వెంటనే 1930 నంబర్‌కు కాల్ చేయాలని లేదా నేషనల్ సైబర్ క్రైమ్ రిపోర్టింగ్ పోర్టల్‌లో ఫిర్యాదు చేయాలని అధికారులు కోరుతున్నారు.
[ Hyderabad honey trap, cyber crime scam, senior citizen cheated, facebook honey trap, sextortion hyderabad, cyber fraud arrest, Pavan, Saidabad Police Arrest, WhatsApp Blackmail Fraud, Cyber Crime Telangana, Social Media Honeytrap ]
బాలీవుడ్ ప్రముఖ నటుడు టైగర్ ష్రాఫ్‌ను లక్ష్యంగా చేసుకుని జరిగిన కాల్పుల ఘటన దేశవ్యాప్తంగా సంచలనం సృష్టించింది. ఈ సంచలన కేసులో ముంబై పోలీసులు ఇతర రాష్ట్రాల పోలీసులు సంయుప్తంగా చేసిన గాలింపు చర్యల్లో అత్యంత కీలకమైన పురోగతి లభించింది. ఈ కేసుకు సంబంధించి ముగ్గురు అనుమానిత నిందితులను పోలీసులు అరెస్ట్ చేశారు. రాజస్థాన్‌లోని కోటా ప్రాంతంలో అనుమానాస్పదంగా రైలులో ప్రయాణిస్తున్న ముగ్గురు వ్యక్తులను స్థానిక పోలీసుల సహకారంతో అదుపులోకి తీసుకోవడం జరిగింది. పట్టుబడిన నిందితులలో ఇద్దరు హరియాణా రాష్ట్రానికి చెందిన వారు కాగా, మరొకరు బిహార్‌కు చెందిన యువకుడిగా పోలీసులు గుర్తించారు. ప్రాథమిక విచారణలో ఈ ముగ్గురు వ్యక్తులకు మోస్ట్ వాంటెడ్ గ్యాంగ్‌స్టర్ లారెన్స్ బిష్ణోయ్ గ్యాంగ్‌తో సంబంధాలు ఉన్నట్లు పోలీసులు స్పష్టం చేశారు.
ఈ దాడికి సంబంధించిన దర్యాప్తులో విస్తుపోయే నిజాలు వెలుగులోకి వస్తున్నాయి. ఈ కాల్పులకు పాల్పడింది సాధారణ దుండగులు కాదని, అత్యంత నిపుణులైన ప్రొఫెషనల్ షూటర్లని జాతీయ మీడియా ద్వారా పోలీసులు వెల్లడించారు. నటుడిపై దాడి చేయడానికి ముందు నిందితులు పక్కాగా పథకం రచించారు. టైగర్ ష్రాఫ్ ప్రతి ఆదివారం క్రమం తప్పకుండా ముంబైలోని జుహు ఫుట్‌బాల్ మైదానానికి వెళ్లే అలవాటును నిందితులు ముందుగానే గమనించారు. ఆయన కదలికలపై నిఘా పెట్టి సుదీర్ఘంగా రెక్కీ నిర్వహించిన తర్వాతే ఈ దారుణానికి ప్లాన్ వేసినట్లు దర్యాప్తు వర్గాలు తేల్చాయి. నటుడు తన కారులో అక్కడి నుంచి బయలుదేరే సమయంలో సరిగ్గా అదను చూసి దాడి చేసేందుకు వారు ప్రణాళికలు రూపొందించినట్లు విచారణలో తేలింది.
కాల్పుల అనంతరం నిందితులు పోలీసుల కంట పడకుండా అత్యంత చాకచక్యంగా తప్పించుకునేందుకు ప్రయత్నించారు. అంధేరి వెస్ట్ రైల్వే స్టేషన్ సమీపంలో తాము ప్రయాణించిన మోటార్ సైకిల్‌ను వదిలిపెట్టి, అక్కడి నుంచి బోరివాలి వైపు వెళ్లే రైలును ఎక్కారు. ఆ తర్వాత మహారాష్ట్ర సరిహద్దులను దాటి వేగంగా పొరుగున ఉన్న గుజరాత్ రాష్ట్రంలోకి ప్రవేశించినట్లు పోలీసుల సాంకేతిక దర్యాప్తులో నిర్ధారణ అయింది. అయితే, నిందితుల కదలికలను నిరంతరం ట్రాక్ చేసిన భద్రతా బలగాలు రాజస్థాన్‌లోని కోటా వద్ద వారిని పట్టుకోవడంలో విజయవంతమయ్యాయి. ఈ కేసులో మరింత మందికి ప్రమేయం ఉందనే కోణంలో పోలీసులు లోతైన దర్యాప్తును కొనసాగిస్తున్నారు.
[ Tiger Shroff, shooting case, arrested, Lawrence Bishnoi gang, Mumbai police, Bollywood news, Rajasthan Police, Bollywood actor murder plot, Kota railway station, Juhu football ground, Telugu One, Telugu News ]
.webp)
ఆంధ్రప్రదేశ్ రాజకీయాల్లో ప్రస్తుతం అధికార తెలుగుదేశం కూటమి పార్టీల మధ్య సీట్ల సర్దుపాట్లు హాట్ టాపిక్ గా మారాయి. స్థానిక సమరం సమయంలో తెలుగుదేశం జనసేన పార్టీల మధ్య నెలకొన్న పొత్తుల సమీకరణాలపై క్షేత్రస్థాయిలో అసమ్మతి, అసంతృప్తి రచ్చకెక్కడం పొలిటికల్ గా సెన్సేషనల్ గా మారింది. ముఖ్యంగా కొన్ని నియోజకవర్గాల్లో సీట్ల సర్దుబాటుపై స్థానిక నాయకులు, కార్యకర్తలు తీవ్ర స్థాయిలో అభ్యంతరాలు వ్యక్తం చేస్తున్నారు. అధిష్టానం తీసుకున్న నిర్ణయాలకు భిన్నంగా కొందరు నేతలు వ్యవహరిస్తుండటంతో కలకలం రేపుతోంది. కేడర్ నుంచి వస్తున్న ఒత్తిళ్ల నేపథ్యంలో పార్టీల మధ్య సమన్వయం ప్రశ్నార్థకంగా మారుతున్న దృశ్యం స్పష్టంగా గోచరిస్తోంది.
క్షేత్రస్థాయిలో పార్టీల బలాబలాలను అంచనా వేయకుండా కేవలం ఉమ్మడి నిర్ణయాల పేరుతో సీట్లను కేటాయించడం పట్ల తెలుగుదేశం, జనసేన శ్రేణులలో తీవ్ర అసహనం వ్యక్తమౌతోంది. గొల్లప్రోలు మున్సిపాలిటీ పరిధిలో జరుగుతున్న పరిణామాలు ఇందుకు ప్రధాన ఉదాహరణగా నిలుస్తున్నాయి. ఇక్కడ దశాబ్దాలుగా పార్టీని నమ్ముకుని కష్టపడిన కార్యకర్తలను, స్థానిక నాయకులను విస్మరించి సీట్ల కేటాయింపు జరగడంపై విమర్శలు వెల్లువెత్తుతున్నాయి. మిత్రపక్షాల కోటా కింద స్థానిక నాయకత్వాన్ని పక్కన పెట్టడం సమజంసం కాదన్న అసంతృప్తి, ఆగ్రహం ఇరు పార్టీల నేతలలోనూ బాహాటంగా వ్యక్తమౌతోంది. దశాబ్దాల రాజకీయ అనుభవం ఉన్న సీనియర్ నేతలు సైతం క్షేత్రస్థాయి వాస్తవాలను అధిష్టానానికి స్పష్టం చేయడంలో విఫలమవుతున్నారంటూ క్యాడర్ తిరుగుబావుటా ఎగురవేస్తున్న పరిస్థితి ప్రస్ఫుటంగా ద్యోతకమౌతోంది.
కూటమి ధర్మాన్ని పాటించే క్రమంలో కొన్ని ప్రాంతాల్లో స్థానిక కేడర్ మనోభావాలు దెబ్బతింటున్నాయన్నది వాస్తవమని పరిశీలకులు సైతం విశ్లేషిస్తున్నారు. ఏళ్ల తరబడి ఎన్నో కష్టనష్టాలకోర్చి పార్టీ కోసం శ్రమించిన కార్యకర్తలకు గుర్తింపు కరవవుతోంద విమర్శలు వెల్లువెత్తుతున్నాయి. వార్డుల వారీగా అభ్యర్థుల ఎంపికలో ఏకాభిప్రాయం కుదరకపోవడం వల్ల పార్టీ శ్రేణుల్లో ఆగ్రహం వ్యక్తం అవుతోంది. కొద్ది రోజుల పాటు కూర్చొని పార్టీల అధ్యక్షులు ఎంతో కష్టపడి రూపొందించిన సీట్ల సర్దుబాటు సూత్రాలు గ్రౌండ్ లెవెల్ లో అమలు కావడంలో తీవ్ర ఇబ్బందులు ఎదురవుతున్నాయి. ఒకరికొకరు సహకరించుకోవాల్సిన చోట, సీట్ల సర్దుబాటుపై ఎవరికి వారే యమునా తీరే అన్నట్లుగా వ్యవహరిస్తుండటం కూటమి ఐక్యతకు సవాల్ గా పరిణమించింది.
ఇలాంటి పరిణామాలు కేవలం ఒక ప్రాంతానికే పరిమితం కాకుండా రాష్ట్రంలోని పలు మున్సిపాలిటీలు, నియోజకవర్గాల్లోనూ కనిపిస్తోంది. తిరుపతి, ఏలూరు, శ్రీకాకుళం, సాలూరు, పిఠాపురం ఇలా రాష్ట్ర వ్యాప్తంగా పలు చోట్ల సీట్ల సర్దుపాట్లు కూటమి శ్రేణుల మధ్య అగాధాన్ని పెంచుతూ ఐక్యతను ప్రశ్నార్థకం చేస్తున్నాయి. అధిష్టానాలు ఒక ఒప్పందానికి వచ్చి సీట్లను ఖరారు చేసినప్పటికీ, క్షేత్రస్థాయిలో రాజకీయ సమీకరణాలు, నాయకుల వ్యక్తిగత ఆకాంక్షల కారణంగా ఆ నిర్ణయాలు అమలుకు నోచుకోవడం లేదు. దీనివల్ల క్షేత్రస్థాయిలో కూటమి పార్టీల మధ్య విభేదాలు భగ్గుమనడమే కాకుండా, ఐక్యత విచ్ఛిన్నమయ్యే పరిస్థితులు తలెత్తుతున్నాయి. ఎన్నికల వేళ ఈ తరహా అంతర్గత కుమ్ములాటలు కూటమి విజయావకాశాలను దెబ్బతీస్తాయన్న ఆందోళన పార్టీల క్యాడర్ లలో వ్యక్తమౌతోంది.
ఈ వివాదాలు మరింత ముదరకుండా కూటమి పార్టీల అధిష్ఠానాలు రంగంలోని దిగి పరిస్థితిని చక్కదిద్దాల్సిన అవసరం ఎంతైనా ఉందని పరిశీలకులు అంటున్నారు. ఈ విభేదాల పర్వం ఇలాగే కొనసాగితే.. స్థానక సమరంలో తెలుగుదేశం కూటమి ఇబ్బందులకు ఎదుర్కొనటం తథ్యమని అంటున్నారు. క్షేత్రస్థాయిలో అభ్యర్థుల ఎంపికలో పారదర్శకత లోపించడం, కార్యకర్తల అభిప్రాయాలను పరిగణనలోకి తీసుకోకపోవడం వల్లనే ఈ పరిస్థితి తెలెత్తిందని చెబుతున్నారు. ఈ నేపథ్యంలో కూటమి పార్టీల పెద్దలు ఈ అసంతృప్తి జ్వాలలను ఎలా చల్లారుస్తారన్న ఉత్కంఠ సర్వత్రా వ్యక్తమౌతోంది.
[Local body Elections Kutami Seat Sharing, Gollaprolu Municipal Elections, TDP Janasena Alliance Disputes, Andhra Pradesh Politics, CBN, PK,
TeluguOne]
.webp)
ఆంధ్రప్రదేశ్ మాజీ ముఖ్యమంత్రి, వైసీపీ అధినేత.. పులివెందుల ఎమ్మెల్యే జగన్ పార్టీపై పట్టు కోల్పోతున్నారా? ఆయన ఎంత గట్టిగా హెచ్చరించినా.. పార్టీ నేతలు ఆయన మాటలను పట్టించుకోవడం లేదా? హెచ్చరికలను లెక్క చేయడం లేదా? ఆదేశాలను బేఖాతరు చేస్తున్నారా? అంటే పరిశీలకులు ఔననే విశ్లేషిస్తున్నారు. ఆయన సొంత ఇలాకాలోనే పార్టీ నేతలూ, శ్రేణులూ ధిక్కార స్వరం వినిపిస్తున్నారని చెబుతున్నారు. అందుకు ఉదాహరణగా ఆయన సొంత ఇలాకా కడపలోనే స్థానిక ఎన్నికలలో వైసీపీ కనీసం సగం స్థానాలలో కనీసం నామినేషన్ కూడా దాఖలు చేయకపోవడాన్ని ఎత్తి చూపుతున్నారు.
వైసీపీ అధినేత, మాజీ ముఖ్యమంత్రి వైఎస్ జగన్మోహన్ రెడ్డి సొంత గడ్డ అయిన ఉమ్మడి కడప జిల్లాలో ఆ పార్టీకి తీవ్ర రాజకీయ ప్రతికూలత ఎదురౌతోందని చెప్పడానికి స్థానిక సంస్థల ఎన్నికల నామినేషన్ల ప్రక్రియే నిలువెత్తు నిదర్శనంగా చెబుతున్నారు. జిల్లాలోని మొత్తం 10 మున్సిపాలిటీలకు గాను కేవలం మూడు చోట్లలో మాత్రమే వైకాపా అభ్యర్థులు నామినేషన్లు దాఖలు చేయగలిగారు.
తాజాగా వెలువడిన వివరాల ప్రకారం, కడప కార్పొరేషన్ మేయర్ అభ్యర్థిగా బండి దీప్తి, పులివెందులలో జగన్ బంధువు వైఎస్ ప్రమీలాదేవి, ప్రొద్దుటూరు మున్సిపల్ చైర్మన్ అభ్యర్థిగా నరసింహారెడ్డి మాత్రమే బరిలో నిలిచారు. మిగిలిన ఎర్రగుంట్ల, రాజంపేట, బద్వేల్, మైదుకూరు, జమ్మలమడుగు, రాయచోటి, కమలాపురం నియోజకవర్గాల్లో పార్టీ తరఫున నామినేషన్లు దాఖలు కాకపోవడంతో ఆయా స్థానాలు తెలుగుదేశం పార్టీకి ఏకగ్రీవం అయనట్లే. జగన్ సొంత జిల్లాలోనే సగానికి పైగా స్థానాల్లో పార్టీ పోటీకి దూరంగా ఉండటం ఆ పార్టీ దయనీయ స్థితికి అద్దం పడుతోంది.
ఈ పరిణామం వైసీపీ అధినాయకత్వానికి గట్టి ఎదురుదెబ్బగా పరిశీలకులు విశ్లేషిస్తున్నారు. జగన్ కంచుకోటగా భావించే కడప జిల్లాలోనే ఇలాంటి పరిస్థితులు ఉత్పన్నం కావడం పార్టీ కార్యకర్తల మనోధైర్యాన్ని దెబ్బతీయడం ఖాయమని చెబుతున్నారు.
[YCP Faces Adverse Conditions Kadapa Forte, Municipal Elections, Pulivendula, Andhra Pradesh Politics, Telugu One]
ALSO ON TELUGUONE N E W S
Megastar Chiranjeevi is known for his leaks as Chiru leaks before official announcements. He revealed his character name from Kaaka, before makers did it public. Now, his younger look from the movie has leaked online. A short video, shot secretly on the sets, is going viral, offering a glimpse of the actor in a stylish avatar that the makers have kept under wraps so far.
Chiranjeevi is seen sporting sunglasses and smoking a cigar while interacting with actor Muralidhar Goud. Directed by Bobby Kolli, Kaaka presents Chiranjeevi in two contrasting shades. The film’s title glimpse, released on the actor’s birthday in August, introduced him as K. Satyam, a supervisor working in the aquaculture industry.
The glimpse then shifted gears to showcase a younger, action-oriented version of the character, hinting at a violent past. The leaked footage has now offered fans a closer look at this younger avatar, further raising curiosity about the character’s backstory. Whether the makers will officially unveil the look following the leak remains to be seen.
Produced by KVN Productions, Kaaka features Anaswara Rajan, Nivetha Pethuraj, Kabir Duhan Singh, Anurag Kashyap and Getup Srinu in important roles. S. Thaman is composing the music for the film, which marks Chiranjeevi’s second collaboration with Bobby Kolli after Waltair Veerayya. Kaaka is scheduled to hit theatres on January 13, 2027, during the Sankranthi season.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
మెగాస్టార్ చిరంజీవి నటిస్తున్న తాజా చిత్రం ‘కాకా’ నుంచి ఓ వీడియో సోషల్ మీడియాలో వైరల్ అవుతోంది. ఇప్పటివరకు మేకర్స్ బయటపెట్టని చిరంజీవి యంగ్ లుక్ ఈ వీడియోలో కనిపించడంతో అభిమానుల్లో ఆసక్తి పెరిగింది. సెట్స్‌లో రహస్యంగా చిత్రీకరించినట్లు చెబుతున్న ఈ వీడియో ఇప్పుడు చర్చనీయాంశంగా మారింది.
వైరల్ అవుతున్న ఈ వీడియో నిడివి 20 సెకన్లలోపే ఉంది. ఇందులో చిరంజీవి స్టైలిష్ గెటప్‌లో, కళ్లకు సన్‌గ్లాసెస్ ధరించి, సిగార్ తాగుతూ కనిపిస్తున్నారు. నటుడు మురళీధర్ గౌడ్‌తో ఆయన మాట్లాడుతున్న దృశ్యాలు కనిపిస్తున్నాయి. ఇప్పటివరకు ఈ లుక్‌ను అధికారికంగా విడుదల చేయకపోవడంతో, లీకైన వీడియోలో మెగాస్టార్‌ను చూసి అభిమానులు ఫిదా అవుతున్నారు. డ్రెస్సింగ్ స్టైల్, వాకింగ్ స్టైల్ అదిరిపోయాయి. ముఖ్యంగా హెయిర్ స్టైల్, కోర మీసం, చెవి రింగ్స్ ప్రత్యేక ఆకర్షణగా నిలిచాయి.
దర్శకుడు బాబీ కొల్లి తెరకెక్కిస్తున్న ‘కాకా’లో చిరంజీవి రెండు భిన్నమైన అవతారాల్లో కనిపించనున్నారు. ఇప్పటికే విడుదలైన టైటిల్ గ్లింప్స్ లో ఒకవైపు సాధారణ మధ్యతరగతి వ్యక్తిగా కనిపించి ఆకట్టుకున్నారు. ఇక తాజాగా లీకైన వీడియోలో యంగ్ అండ్ స్టైలిష్ లుక్‌తో అదరగొడుతున్నారు.
మరి ఈ వీడియో బయటకు రావడంతో చిత్రబృందం త్వరలోనే ఆ లుక్‌కు సంబంధించిన అధికారిక పోస్టర్‌ను విడుదల చేస్తుందా? లేక ఈ లుక్‌ను తెరపైనే చూసేలా సస్పెన్స్‌లో ఉంచుతుందా? అనేది ఆసక్తికరంగా మారింది.
ఇది కూడా చదవండి: మెగా షాక్.. రామ్ చరణ్ ‘RC17’ మూవీ లాంచ్‌కి బ్రేక్.!
[Chiranjeevi Young Look from Kaaka, Chiranjeevi Kaaka Movie, Kaaka Leaked Look, Chiranjeevi Viral Video, Kaaka Leaked Video, Chiranjeevi Kaaka, Kaaka Movie, Megastar Chiranjeevi, Bobby Kolli, Telugu Film News]
భారతీయ సినీ సంగీత ప్రపంచంలో తన మధురమైన గానంతో ప్రత్యేక గుర్తింపు సంపాదించుకున్న గాయని పి. సుశీల జీవితాన్ని వెండితెరపై ఆవిష్కరించాలనే ఆలోచన ఆసక్తిని రేకెత్తిస్తోంది. ఎన్నో భాషల్లో వేలాది పాటలు పాడి ప్రేక్షకుల హృదయాల్లో చెరగని ముద్ర వేసిన సుశీల జీవితంలో ఎన్నో ఆసక్తికరమైన ఘట్టాలు ఉన్నాయి. ఆమె సంగీత ప్రయాణం, సినీ పరిశ్రమలో ఎదుర్కొన్న సవాళ్లు, సాధించిన విజయాలను బయోపిక్ రూపంలో చూపిస్తే ప్రేక్షకులకు ఓ ప్రత్యేకమైన అనుభూతి కలిగే అవకాశం ఉంది.
ఈ ప్రాజెక్టుకు సంబంధించి ప్రముఖ సంగీత దర్శకుడు ఏఆర్ రెహమాన్ పేరు ప్రస్తావనకు రావడం కూడా ఆసక్తికరంగా మారింది. సంగీతానికి ప్రాధాన్యమున్న బయోపిక్కు రెహమాన్ వంటి దిగ్గజ సంగీత దర్శకుడు పనిచేస్తే, ఆ సినిమాపై అంచనాలు పెరిగే అవకాశం ఉంటుంది. అయితే ఆయన ఈ ప్రాజెక్టులో ఏ పాత్రలో భాగం కానున్నారు? సంగీత బాధ్యతలు తీసుకుంటారా? నిర్మాణంలో భాగస్వామిగా ఉంటారా? అనే విషయాలపై అధికారిక స్పష్టత అవసరం.
ఇక రుక్మిణి వసంత్ పేరు కూడా ఈ వార్తలో ప్రస్తావనకు రావడంతో, ఆమె ఈ బయోపిక్‌లో నటించనున్నారా అనే ఆసక్తి నెలకొంది. ఒక ప్రముఖ గాయని జీవితాన్ని తెరపై ఆవిష్కరించాలంటే నటనతో పాటు ఆ పాత్రకు తగిన రూపం, హావభావాలు, సంగీతంపై అవగాహన కూడా కీలకంగా ఉంటాయి. అయితే రుక్మిణి వసంత్ ఎంపిక ఖరారైందా? ఆమె ఏ పాత్రలో కనిపించనున్నారు? అనే వివరాలు అధికారికంగా ధ్రువీకరించాల్సి ఉంది.
[P Susheela Biopic, AR Rahman, Rukmini Vasanth, Legendary Singer, Indian Music, Biographical Film]
సూపర్స్టార్ రజనీకాంత్ నటించిన 'జైలర్ 2' విడుదలతో సోషల్ మీడియాలో మరోసారి ఫ్యాన్ వార్ మొదలైంది. ఈసారి రజనీకాంత్, మెగాస్టార్ చిరంజీవి అభిమానుల మధ్య పోలికలు చర్చనీయాంశంగా మారాయి. రజనీకాంత్‌కు ఉన్న క్రేజ్, ఆయన సినిమాలకు వస్తున్న స్పందనను ప్రస్తావిస్తూ కొందరు నెటిజన్లు చిరంజీవిని టార్గెట్ చేస్తూ పోస్టులు పెడుతున్నారు. దీంతో ఈ ఇద్దరు అగ్ర కథానాయకుల అభిమానుల మధ్య సోషల్ మీడియా వేదికగా వాదోపవాదాలు జరుగుతున్నాయి.
రజనీకాంత్‌కు తమిళంతో పాటు తెలుగు రాష్ట్రాల్లోనూ భారీ అభిమానగణం ఉంది. ఆయన స్టైల్, మేనరిజమ్స్, మాస్ సినిమాలకు ప్రేక్షకుల్లో ప్రత్యేకమైన ఆదరణ ఉంటుంది. 'జైలర్' సాధించిన విజయంతో మరింత క్రేజ్ సంపాదించుకున్న రజనీకాంత్.. ఇప్పుడు 'జైలర్ 2'తోనూ అభిమానుల్లో ఆసక్తిని పెంచారు. ఈ నేపథ్యంలో ఆయన అభిమానులు తమ హీరోను ప్రశంసిస్తూ పోస్టులు పెడుతుండగా, కొందరు చిరంజీవితో పోల్చుతూ కామెంట్లు చేస్తున్నారు. ఈ పోలికలు మెగా అభిమానులకు ఆగ్రహం తెప్పిస్తున్నాయి.
మరోవైపు చిరంజీవి అభిమానులు కూడా వెనక్కి తగ్గడం లేదు. చిరంజీవి నటన, డ్యాన్స్‌లు, కామెడీ టైమింగ్, మాస్ ఇమేజ్‌ను ప్రస్తావిస్తూ తమ హీరో ప్రత్యేకతను వివరిస్తున్నారు. తెలుగు సినిమా పరిశ్రమలో చిరంజీవి సాధించిన విజయాలను గుర్తుచేస్తూ రజనీకాంత్‌తో పోల్చడం సరికాదని కొందరు అభిప్రాయపడుతున్నారు. ఇద్దరు హీరోలకూ తమదైన శైలి, ప్రత్యేకమైన అభిమానగణం ఉందని మరికొందరు నెటిజన్లు పేర్కొంటున్నారు.
నిజానికి రజనీకాంత్, చిరంజీవి ఇద్దరూ దశాబ్దాలుగా భారతీయ సినీ పరిశ్రమలో తమకంటూ ప్రత్యేకమైన గుర్తింపు సంపాదించుకున్న నటులు. ఇద్దరి సినిమాలకూ భారీ అంచనాలు ఉండటంతో పాటు, వారి స్టైల్, నటన, బాక్సాఫీస్ విజయాలపై అభిమానులు ఎప్పటికప్పుడు చర్చించుకుంటుంటారు. అయితే ఒక హీరోను ప్రశంసించడానికి మరో హీరోను తక్కువ చేసి మాట్లాడాల్సిన అవసరం లేదని సినీ అభిమానుల్లో కొందరు అభిప్రాయపడుతున్నారు. 'జైలర్ 2' విడుదల నేపథ్యంలో మొదలైన ఈ చర్చ సోషల్ మీడియాలో ఎలాంటి మలుపులు తీసుకుంటుందో చూడాలి.
[Jailer 2, Rajinikanth, Chiranjeevi, Rajinikanth vs Chiranjeevi, Mega Fans, Superstar Rajinikanth, Telugu Cinema]
మెగా పవర్ స్టార్ రామ్ చరణ్, దర్శకుడు సుకుమార్ కాంబినేషన్‌లో తెరకెక్కనున్న #RC17 సినిమా కోసం అభిమానులు ఎంతో ఆసక్తిగా ఎదురుచూస్తున్నారు. ‘రంగస్థలం’ వంటి బ్లాక్‌బస్టర్ తర్వాత వీరిద్దరూ కలిసి పనిచేస్తుండటంతో ఈ ప్రాజెక్ట్‌పై భారీ అంచనాలు ఉన్నాయి. అయితే ఈ సినిమా ప్రారంభోత్సవానికి సంబంధించి తాజాగా ఓ అప్‌డేట్ బయటకు వచ్చింది. తొలుత అక్టోబర్ 20న పూజా కార్యక్రమం నిర్వహించాలని భావించినప్పటికీ.. ఇప్పుడు ఆ కార్యక్రమాన్ని వాయిదా వేసినట్టు సమాచారం.
అక్టోబర్ 20న అనుకున్న పూజా కార్యక్రమానికి అనుకూలమైన ముహూర్తం లేకపోవడంతో.. అక్టోబర్ 25 తర్వాత మరో మంచి ముహూర్తాన్ని చూసి సినిమాను లాంఛనంగా ప్రారంభించాలని మేకర్స్ భావిస్తున్నారట. అయితే కొత్త తేదీపై అధికారిక ప్రకటన రావాల్సి ఉంది. దీంతో ఈ నెలాఖరులో ప్రారంభోత్సవం ఉంటుందా? లేదా మరింత ఆలస్యమవుతుందా? అన్న ఆసక్తి నెలకొంది.
ఇప్పటికే హైదరాబాద్‌లో ఈ సినిమా కోసం ప్రత్యేకంగా ప్రొడక్షన్ ఆఫీస్‌ను ఏర్పాటు చేశారు. అక్టోబర్ 14న ఆ కార్యాలయానికి సంబంధించిన పూజా కార్యక్రమం కూడా నిర్వహించారు. అయితే అది సినిమా ప్రారంభోత్సవం కాదని, అసలు లాంచ్ ఈవెంట్‌ను తర్వాత నిర్వహించనున్నారని వార్తలు వచ్చాయి. ఇప్పుడు ముహూర్తం కారణంగా ఆ కార్యక్రమం మరింత ఆలస్యమయ్యే అవకాశాలు కనిపిస్తున్నాయి.
ఇక రామ్ చరణ్, సుకుమార్ కాంబినేషన్‌లో వస్తున్న ఈ సినిమాపై అంచనాలు భారీగా ఉన్నాయి. ‘రంగస్థలం’తో బ్లాక్‌బస్టర్ అందుకున్న ఈ జోడీ.. ‘పుష్ప’ సిరీస్ తర్వాత సుకుమార్ తెరకెక్కించనున్న కొత్త ప్రాజెక్ట్‌తో మరోసారి ప్రేక్షకుల ముందుకు రానుంది. మైత్రీ మూవీ మేకర్స్, సుకుమార్ రైటింగ్స్ సంయుక్తంగా ఈ చిత్రాన్ని నిర్మిస్తున్నాయి. డిసెంబర్‌లో రెగ్యులర్ షూటింగ్ ప్రారంభించే అవకాశం ఉందని ప్రచారం జరుగుతోంది.
ఇది కూడా చదవండి: తెలుగు రాష్ట్రాల్లో ‘జైలర్ 2’ కలెక్షన్స్.. నాగవంశీ నమ్మకం నిలబడినట్టేనా.?
[RC17 Pooja Ceremony Postponed, RC17 Movie Launch, Ram Charan Sukumar Movie, Ram Charan New Movie, Ram Charan, Sukumar, RC17 Movie, Dasara 2026, Telugu Film News]
సూపర్స్టార్ రజినీకాంత్ హీరోగా నటించిన 'జైలర్ 2'లో ఆయన మనవడి పాత్రలో కనిపించిన బాలనటుడు రిత్విక్ ఇప్పుడు వార్తల్లో నిలిచాడు. సినిమాలో రజినీకాంత్‌తో కలిసి కనిపించిన ఈ చిన్నారి తన నటనతో ప్రేక్షకుల దృష్టిని ఆకర్షించాడు. దీంతో అసలు ఈ బాలనటుడికి సినిమా కోసం ఎంత పారితోషికం ఇచ్చారనే ఆసక్తికర చర్చ మొదలైంది.
సినీ వర్గాల్లో ప్రచారమవుతున్న సమాచారం ప్రకారం.. 'జైలర్ 2'లో నటించిన రిత్విక్‌కు సుమారు రూ.5 లక్షల నుంచి రూ.10 లక్షల వరకు పారితోషికం ఇచ్చినట్లు తెలుస్తోంది. అయితే ఈ మొత్తం అధికారికంగా ధ్రువీకరణ కాలేదు. సాధారణంగా స్టార్ హీరోల సినిమాల్లో చిన్నపిల్లల పాత్రలు కూడా కథకు కీలకంగా మారుతుంటాయి. అలాంటి పాత్రలో రజనీకాంత్ మనవడిగా నటించే అవకాశం రావడంతో రిత్విక్ పేరు ఇప్పుడు సినీ వర్గాల్లో చర్చనీయాంశంగా మారింది.
నెల్సన్ దిలీప్‌కుమార్ దర్శకత్వంలో తెరకెక్కిన 'జైలర్ 2'లో రజనీకాంత్‌తో పాటు పలువురు ప్రముఖ నటీనటులు కీలక పాత్రలు పోషించారు. అనిరుధ్ రవిచందర్ సంగీతం అందించిన ఈ చిత్రాన్ని సన్ పిక్చర్స్ నిర్మించింది. రజనీకాంత్ నటన, ఇతర నటీనటుల పాత్రలతో పాటు సినిమాలోని చిన్న పాత్రల వెనుక ఉన్న ఆసక్తికర విషయాలు కూడా ప్రేక్షకుల్లో చర్చకు వస్తున్నాయి.
[Jailer 2, Rajinikanth, Rithvik, Rajinikanth Grandson, Jailer 2 Remuneration, Nelson Dilipkumar, Tamil Cinema]
సూపర్స్టార్ రజనీకాంత్‌కు తెలుగు రాష్ట్రాల్లోనూ మంచి మార్కెట్ ఉందని మరోసారి నిరూపిస్తోంది ‘జైలర్ 2’. విడుదలకు ముందు ఈ సినిమా తెలుగు థియేట్రికల్ బిజినెస్‌పై కొంత సందేహం కనిపించినా.. ఇప్పుడు వసూళ్ల విషయంలో పుంజుకుంటున్నట్టు ట్రేడ్ వర్గాల్లో చర్చ జరుగుతోంది. ముఖ్యంగా శనివారం, ఆదివారం వసూళ్లు పెరగడంతో ఈ సినిమా బాక్సాఫీస్ దగ్గర నిలకడగా కొనసాగుతుందనే అంచనాలు మొదలయ్యాయి.
అక్టోబర్ 15న ప్రేక్షకుల ముందుకు వచ్చిన ఈ సినిమాలో రజనీకాంత్ మరోసారి టైగర్ ముత్తువేల్ పాండియన్‌గా కనిపించారు. నెల్సన్ దిలీప్‌కుమార్ దర్శకత్వం వహించగా, అనిరుధ్ రవిచందర్ సంగీతం అందించారు. రజనీ స్టైల్, యాక్షన్ ఎలివేషన్లు, బ్యాక్‌గ్రౌండ్ మ్యూజిక్ ఈ సినిమాకు ప్రధాన ఆకర్షణలుగా నిలుస్తున్నాయి.
తెలుగు రాష్ట్రాల్లో ‘జైలర్ 2’ ఇప్పటికే సుమారు రూ.45 కోట్ల గ్రాస్ వసూళ్లు సాధించింది. తెలుగు థియేట్రికల్ బిజినెస్‌కు సంబంధించిన బ్రేక్ ఈవెన్ లక్ష్యాన్ని చేరుకునే దిశగా సినిమా ముందుకు సాగుతోందని ట్రేడ్ వర్గాల అంచనా.
మరో రూ.35 కోట్ల గ్రాస్ రాబడితే ఈ సినిమా తెలుగులో హిట్ స్టేటస్ దక్కించుకున్నట్టే. సినిమాకి పాజిటివ్ టాక్ రావడం, దసరా సెలవలు కలిసి రావడంతో జైలర్ 2 సేఫ్ జోన్ లోకి వెళ్లడం ఖాయంగా కనిపిస్తోంది.
ఈ సినిమా తెలుగు రాష్ట్రాల థియేట్రికల్ హక్కులను సూర్యదేవర నాగవంశీ సొంతం చేసుకున్నారు. విడుదలకు ముందు భారీ ధరకు హక్కులు కొనుగోలు చేయడం రిస్క్‌గా భావించినవారు కూడా ఉన్నారు. అయితే సినిమా ప్రదర్శన మెరుగుపడటంతో నాగవంశీ నమ్మకం ఫలించేలా కనిపిస్తోందని ట్రేడ్ వర్గాల్లో చర్చ జరుగుతోంది.
మొత్తానికి, ‘జైలర్ 2’ తెలుగు రాష్ట్రాల్లో మంచి హోల్డ్ చూపిస్తుండటం రజనీకాంత్ అభిమానులకు, పంపిణీదారులకు సంతోషాన్నిస్తోంది. అయితే మిగిలిన వసూళ్లను రాబట్టి బ్రేక్ ఈవెన్ చేరుకోవాలంటే రాబోయే రోజుల్లోనూ ఇదే జోరు కొనసాగడం కీలకం. మరి తలైవా సినిమా తెలుగు రాష్ట్రాల్లో పంపిణీదారులకు ఎంత లాభాన్ని అందిస్తుందో చూడాలి.
ఇది కూడా చదవండి: తెలంగాణ కోడలు అనిపించుకున్న రష్మిక.. బతుకమ్మ వేడుకల్లో స్పెషల్ అట్రాక్షన్.!
[Jailer 2 Telugu Collections, Jailer 2 Break Even Telugu, Jailer 2 Box Office, Jailer 2 Collections, Jailer 2 Movie, Rajinikanth, Naga Vamsi, Nelson Dilipkumar, Anirudh Ravichander, Telugu Film News]
రష్మిక మందన్న పేరు ఇప్పుడు మరోసారి సోషల్ మీడియాలో మార్మోగిపోతోంది. సినిమాలతోనే కాదు.. తన వ్యక్తిగత జీవితంతోనూ తరచూ వార్తల్లో నిలిచే ఈ నటి, తాజాగా హైదరాబాద్‌లో జరిగిన సద్దుల బతుకమ్మ వేడుకల్లో ప్రత్యేక ఆకర్షణగా నిలిచారు. భర్త విజయ్ దేవరకొండతో కలిసి పూల పండుగలో పాల్గొని సందడి చేశారు.
హైదరాబాద్‌లోని హుస్సేన్ సాగర్ తీరాన ట్యాంక్‌బండ్‌పై తెలంగాణ ప్రభుత్వం ఆధ్వర్యంలో సద్దుల బతుకమ్మ వేడుకలు ఘనంగా జరిగాయి. రంగురంగుల పూలతో పేర్చిన బతుకమ్మలు, మహిళల ఆటపాటలు, కోలాటాలు, సాంస్కృతిక కార్యక్రమాలు, లేజర్ షో, బాణసంచా వెలుగులతో ట్యాంక్‌బండ్ పరిసరాలు పండుగ శోభను సంతరించుకున్నాయి. ఈ వేడుకల్లో విజయ్ దేవరకొండ, రష్మిక మందన్న పాల్గొనడంతో సినీ సందడి కూడా తోడైంది.
పెళ్లి తర్వాత తొలిసారి బతుకమ్మ వేడుకల్లో పాల్గొన్న రష్మిక.. అక్కడి ప్రజలతో కలిసి ఉత్సాహంగా డ్యాన్స్ చేశారు. తనకు బతుకమ్మ పండుగను ఇంత ఘనంగా చూడాలని ఉందని, అందరితో కలిసి ఆడిపాడాలని అనుకున్నానని ఆమె చెప్పుకొచ్చారు. పెళ్లి తర్వాత బతుకమ్మ సంబరాలు జరిగే ప్రాంతానికి తీసుకెళ్తానని విజయ్ మాట ఇచ్చారని కూడా రష్మిక గుర్తుచేసుకున్నారు. ఆ మాటను నిలబెట్టుకున్నందుకు విజయ్‌తో కలిసి ఈ వేడుకల్లో పాల్గొనడం తనకు ప్రత్యేకమని ఆమె వ్యాఖ్యల సారాంశం.
కన్నడ చిత్ర పరిశ్రమ నుంచి వచ్చి, తెలుగు సినిమాలతో ప్రేక్షకులకు దగ్గరైన రష్మిక.. విజయ్ దేవరకొండతో వివాహం తర్వాత తెలంగాణ సంప్రదాయాలను ఎంతో గౌరవిస్తున్నారు. ఇప్పటికే తెలంగాణ యాసతో అందరి మెప్పు పొందుతున్న ఆమె.. ఇప్పుడు తెలంగాణ పండుగలోనూ ఉత్సాహంగా పాల్గొనడం అభిమానులకు ఆనందాన్ని కలిగిస్తోంది. రష్మిక తెలంగాణ కోడలు అనిపించుకుంది అంటూ ఫ్యాన్స్ మురిసిపోతున్నారు.
మరోవైపు, ఈ వేడుకల్లో విజయ్, రష్మిక సంప్రదాయ దుస్తుల్లో కనిపించడం కూడా ప్రత్యేక ఆకర్షణగా నిలిచింది. గవర్నర్ శివప్రతాప్ శుక్లా, ఆయన సతీమణి జానకి, మంత్రి జూపల్లి కృష్ణారావు, మంత్రి సీతక్క తదితర ప్రముఖులు కూడా ఈ కార్యక్రమానికి హాజరయ్యారు. రష్మిక, విజయ్ పాల్గొన్న విషయాన్ని మంత్రి జూపల్లి సోషల్ మీడియాలో పంచుకున్నారు.
మొత్తానికి, సినిమాలకు సంబంధించిన కార్యక్రమాలతో బిజీగా ఉండే విజయ్ దేవరకొండ, రష్మిక మందన్న.. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ వేడుకల్లో పాల్గొని అందరి దృష్టిని ఆకర్షించారు.
ఇది కూడా చదవండి: 2027 బాక్సాఫీస్ వార్.. 5 భారీ పాన్ ఇండియా సినిమాలు.. వెయ్యి కోట్ల హీరో ఎవరు.?
https://x.com/jupallyk_rao/status/2111856385810219196
[Rashmika Mandanna At Bathukamma Celebrations, Rashmika Bathukamma, Telangana Daughter in Law, Rashmika Mandanna, Vijay Deverakonda, Bathukamma 2026, Saddula Bathukamma, Rashmika Vijay, Telugu Film News]
.webp)
Rajinikanth’s Jailer 2 is continuing its strong box office run, with the Nelson Dilipkumar directorial grossing Rs.445 crore worldwide in its first four days. The film has nearly touched the Rs.210 crore mark in India nett collections, setting up a strong opening weekend for the superstar’s latest release.
Jailer 2 opened with Rs.59.70 crore net in India on Thursday, October 15. After collecting Rs.37.10 crore on Friday, the film picked up over the weekend, earning Rs.47.25 crore on Saturday and Rs.55.85 crore on Sunday. The Day 4 figure marks a significant jump over Saturday, indicating that the film sustained audience interest.
The film’s Tamil version is driving the domestic business, while its Telugu release has also contributed to the overall collections. The overseas market has played a major role in the worldwide total, with the film reportedly earning around Rs.195 crore gross internationally in its first four days.
With the worldwide gross already past Rs.400 crore, Jailer 2 looks set to cross Rs.500 crores gross by the end of Monday, which is also a holiday. With 20th October being most widely, a National Holiday, movie could go past Rs.550 crores gross mark set to cross Jailer, lifetime collections in the first week itself.
While the makers are hoping that it would touch the coveted Rs.1000 crore gross mark, becoming a first for Tamil cinema, Sun Pictures head Kalanithi Maran, is busy with the wedding preparations of his daugther Kavya Maran with music composer Anirudh Ravichander, who has been the backbone of this film.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
టాలీవుడ్‌లో స్టార్ హీరోల సినిమాల కోసం అభిమానులు ఎంతో ఆసక్తిగా ఎదురుచూస్తుంటారు. అయితే 2027 మాత్రం మరింత ప్రత్యేకంగా ఉండబోతుంది. ఎందుకంటే ప్రభాస్, మహేశ్ బాబు, ఎన్టీఆర్, అల్లు అర్జున్ వంటి స్టార్ హీరోలు తమ భారీ ప్రాజెక్టులతో ప్రేక్షకుల ముందుకు వచ్చేందుకు సిద్ధమవుతున్నారు.
ప్రభాస్ నటిస్తున్న ప్రతిష్టాత్మక చిత్రం ‘ఫౌజీ’. హను రాఘవపూడి దర్శకత్వంలో తెరకెక్కుతున్న ఈ పీరియాడిక్ యాక్షన్ డ్రామాపై భారీ అంచనాలు ఉన్నాయి. స్వాతంత్ర్యానికి పూర్వం నాటి నేపథ్యంతో రూపొందుతున్న ఈ సినిమా 2027 సమ్మర్‌లో ప్రేక్షకుల ముందుకు రానుంది. మార్చి 18 రిలీజ్ డేట్ గా లాక్ చేశారని టాక్.
రాజమౌళి దర్శకత్వంలో మహేశ్ బాబు నటిస్తున్న ‘వారణాసి’పై ప్రపంచవ్యాప్తంగా ఆసక్తి నెలకొంది. ప్రియాంక చోప్రా జోనస్, పృథ్వీరాజ్ సుకుమారన్ కీలక పాత్రల్లో నటిస్తున్నారు. రాజమౌళి మార్క్ విజువల్స్, భారీ యాక్షన్ సన్నివేశాలతో ఈ సినిమాను అంతర్జాతీయ స్థాయిలో రూపొందిస్తున్నారు. ఈ చిత్రం 2027 ఏప్రిల్ 7న విడుదల కానుంది.
మ్యాన్ ఆఫ్ మాసెస్ ఎన్టీఆర్, ప్రశాంత్ నీల్ కాంబినేషన్‌లో తెరకెక్కుతున్న ‘డ్రాగన్’ మరో భారీ యాక్షన్ ప్రాజెక్ట్. ప్రశాంత్ నీల్ సినిమాల్లో కనిపించే పవర్ఫుల్ ఎలివేషన్లు, ఎన్టీఆర్ నటన కలిస్తే బాక్సాఫీస్ దగ్గర భారీ ప్రభావం చూపించే అవకాశం ఉంది. ఈ సినిమాను 2027 జూన్ 11న విడుదల చేయనున్నారు.
‘యానిమల్’ తర్వాత సందీప్ రెడ్డి వంగా తెరకెక్కిస్తున్న సినిమా ‘స్పిరిట్’. ప్రభాస్ ఇందులో పోలీస్ ఆఫీసర్ పాత్రలో కనిపించనున్నారు. త్రిప్తి డిమ్రి హీరోయిన్ గా నటిస్తున్న ఈ సినిమాపై ఇప్పటికే భారీ అంచనాలు ఉన్నాయి. తొలుత 2027 మార్చి 5న విడుదల చేయాలని భావించినప్పటికీ, తాజాగా విడుదల తేదీని అక్టోబర్ 29, 2027గా ప్రకటించారు.
‘పుష్ప’ తర్వాత అల్లు అర్జున్ నటిస్తున్న భారీ చిత్రం ‘రాకా’. అట్లీ దర్శకత్వంలో రూపొందుతున్న ఈ ప్రాజెక్ట్‌పై దేశవ్యాప్తంగా అంచనాలు ఉన్నాయి. భారీ విజువల్ ఎఫెక్ట్స్, కమర్షియల్ అంశాలతో ఈ సినిమాను పాన్ ఇండియా స్థాయిలో తెరకెక్కిస్తున్నారు. 2027 చివర్లో, ముఖ్యంగా డిసెంబర్‌లో విడుదలయ్యే అవకాశం ఉందని ప్రచారం జరుగుతోంది.
ఈ ఐదు సినిమాల్లో ప్రతి ఒక్కటీ భారీ స్థాయి ప్రాజెక్టే. స్టార్ హీరోలు, పేరున్న దర్శకులు, పాన్ ఇండియా మార్కెట్‌ను దృష్టిలో పెట్టుకున్న కథలు.. ఇలా అన్ని సినిమాలకూ ప్రత్యేకమైన ఆకర్షణలు ఉన్నాయి. ప్రతి సినిమాకు బాక్సాఫీస్ దగ్గర కనీసం రూ.1,000 కోట్ల గ్రాస్ రాబట్టగల సత్తా ఉంది. మరి 2027లో టాలీవుడ్ నుంచి ఏ సినిమా బాక్సాఫీస్‌ను షేక్ చేస్తుంది? ఏ హీరో కొత్త రికార్డులు సృష్టిస్తారు? అనేది చూడాలి.
ఇది కూడా చదవండి: ఢిల్లీలో ‘బ్లడీ రోమియో’ షూటింగ్.. నాని టార్గెట్ ఇదే.!
[Tollywood Pan India Movies 2027, Telugu Movies 2027, Prabhas Fauzi, Mahesh Babu Varanasi, NTR Dragon, Prabhas Spirit, Allu Arjun Raaka, SS Rajamouli, Sandeep Reddy Vanga, Telugu Cinema News]
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జరిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్రపంచ యుద్ధ సమయంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది.
అదంటే మరి ఆమెకు ప్రాణ స‌మానం. చాలా కాలం దొరుకుతుంద‌ని, తర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్నపిల్లల ఆస్ప‌త్రి డైరెక్ట‌ర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్.
రెండో ప్రపంచ యుద్ధ సమయంలో నాజీల ఆదేశాలను చార్లెట్ తండ్రి వ్య‌తిరేకించారు. ఆయన ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం తన న‌గ‌రంలోని ఒక బ్యాంక్‌లో భ‌ద్ర ప‌ర‌చ‌మ‌ని ఇచ్చార‌ట. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట తర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి తన దగ్గర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి తన వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే కదా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు! అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆసక్తి వున్న‌ప్ప‌టికీ శ‌క్తి సామ‌ర్ధ్యాలు లేవు. అందుక‌నే త్వ‌ర‌లో ఎవ‌రిక‌యినా అమ్మేసీ వచ్చిన సొమ్మును పిల్ల‌ల‌కు పంచుదామ‌నుకుంటోందిట! చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్లలు ఉన్నారు. అంద‌రూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం తర్వాత ఇల్లు చేరిన క‌ళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్, ఎంపీ అరవింద్ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వ‌రుస ట్వీట్లు చేశారు. వ్యక్తిగత ప్రయోజనాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయన ఓ ట్వీట్లో అన్నారు. ఆనంద్ శర్మ అన‌వ‌స‌రంగా కాంగ్రెస్‌ను లక్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయన ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూటమికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ, విభజన రాజకీయాలు చేస్తున్న బీజేపీకి చెక్ పెట్ట‌డానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం.
ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది.
ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి 91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్ ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’ సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది. నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి మాత్రం పశ్చిమ బెంగాల్ పైనే వుంది.
పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.
పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.
ఇప్పటికే తెలంగాణ బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు. అలాగే, దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
పండుగల రోజు ఇంటిల్లిపాదికీ నచ్చే, సులభంగా తయారుచేసుకోగలిగే ప్రసాదాలలో పెసరపప్పు అటుకుల పాయసం ఎంతో ప్రత్యేకమైన స్థానం సంపాదించుకుంది. ముఖ్యంగా కృష్ణాష్టమి, ఉగాది, నవరాత్రులు వంటి పవిత్రమైన పర్వదినాలలో అమ్మవారికి లేదా దేవునికి నైవేద్యంగా దీనిని అత్యంత భక్తిశ్రద్ధలతో సమర్పిస్తుంటారు. ఈ సాంప్రదాయ వంటకం కేవలం పూజా కార్యక్రమాలకే పరిమితం కాకుండా, ఇంట్లో ఏ చిన్న వేడుక జరిగినా నోరూరించే తియ్యటి వంటకంగా అందరి ప్రశంసలు అందుకుంటుంది. ఒక్కసారి ఈ అద్భుతమైన రుచి చూస్తే చాలు, ప్రతి పండగకూ ఇదే పాయసం వండాలని ఇష్టపడతారు. దీని తయారీలో వాడే ప్రతి పదార్ధం, కొలతలు ఈ పాయసానికి అద్భుతమైన రుచిని, సువాసనను తెచ్చిపెడతాయి.
ఈ కమ్మని పాయసం తయారీకి కావలసిన పదార్థాలను పరిశీలిస్తే: అర కప్పు పెసరపప్పు, ఒక కప్పు అటుకులు, ఒకటింపావు కప్పు బెల్లం (తీపి తక్కువగా కావాలనుకునేవారు ఒక కప్పు వాడుకోవచ్చు), పెసరపప్పు నానబెట్టడానికి రెండు కప్పుల నీళ్లు, బెల్లం కరిగించడానికి పావు కప్పు నీళ్లు, మూడు కప్పుల పాలు, రెండు టేబుల్ స్పూన్ల నెయ్యి, అర టీస్పూన్ యాలకుల పొడి, తగినన్ని పచ్చి లేదా ఎండు కొబ్బరి ముక్కలు, అలాగే రుచిని పెంచడానికి తగినంత జీడిపప్పు, బాదం పప్పు అవసరమవుతాయి.
తయారీ విధానం చాలా సులభం. ముందుగా ఒక వెడల్పాటి పాన్‌లో అర కప్పు పెసరపప్పును లో నుంచి మీడియం ఫ్లేమ్‌లో కలుపుతూ కమ్మటి సువాసన వచ్చే వరకు వేయించుకోవాలి. పెసరపప్పు రంగు కొద్దిగా మారిన తర్వాత స్టవ్ ఆపి, ఒక గిన్నెలోకి తీసుకోవాలి. ఈ పప్పును రెండుసార్లు శుభ్రంగా కడిగి, రెండు కప్పుల నీళ్లు పోసి 10 నుంచి 15 నిమిషాల పాటు నానబెట్టాలి. పప్పు ఎంత బాగా నానితే అంత త్వరగా, మృదువుగా ఉడుకుతుంది. పప్పు నానే లోపు, బెల్లం సిరప్ సిద్ధం చేసుకోవాలి. ఒక గిన్నెలో ఒకటింపావు కప్పు బెల్లం వేసి, పావు కప్పు నీళ్లు పోసి కరిగించుకోవాలి. బెల్లం పూర్తిగా కరిగి, ఒక పొంగు రాగానే స్టవ్ ఆపి, వేడిగా ఉన్నప్పుడే ఫిల్టర్ చేసుకోవాలి. ఇది పూర్తిగా చల్లారే వరకు పక్కన పెట్టుకోవాలి; వేడిగా ఉన్నప్పుడు ఫిల్టర్ చేస్తే సిరప్ చిక్కబడకుండా పర్ఫెక్ట్‌గా ఉంటుంది.
ఇప్పుడు అదే పాన్‌లో ఒక టేబుల్ స్పూన్ నెయ్యి వేసి, ఒక కప్పు అటుకులు వేసి లో నుంచి మీడియం ఫ్లేమ్‌లో క్రిస్పీగా, కరకరలాడేంత వరకు వేయించుకోవాలి. అటుకులు వేగిన తర్వాత కొద్దిగా పొంగినట్లుగా కనిపిస్తాయి. వీటిని ఒక ప్లేట్‌లోకి తీసుకుని పక్కన పెట్టుకోవాలి. అదే పాన్‌లో నానబెట్టిన పెసరపప్పును వేసి, ఒక టీస్పూన్ నెయ్యి కూడా కలిపి మీడియం ఫ్లేమ్‌లో ఉడికించుకోవాలి. పప్పు మరీ పేస్ట్ లాగా కాకుండా, కొద్దిగా పలుకులుగా మెత్తబడేంత వరకు ఉడికించాలి. ఇలా చేయడం వల్ల పాయసం తినేటప్పుడు పప్పు తగులుతూ ఎంతో రుచికరంగా ఉంటుంది. పప్పు ఉడికే లోపు, మరొక గిన్నెలో మూడు కప్పుల పాలు పోసి ఒక పొంగు వచ్చే వరకు కాచి, మూత పెట్టి పక్కన పెట్టుకోవాలి.
ఉడికించిన పెసరపప్పులో వేయించిన అటుకులు వేసి బాగా కలుపుకోవాలి. మంటను సిమ్‌లో ఉంచి, కాచి పెట్టుకున్న పాలను కూడా పోసి 5 నిమిషాల పాటు ఉడికించుకోవాలి. అటుకులు కొద్దిగా మెత్తబడేంత వరకు ఉడికించడం ముఖ్యం. ఈ పాయసం ఉడికేటప్పుడు కొంచెం పల్చగా అనిపించినా, చల్లారాక గట్టిపడుతుంది కాబట్టి కొద్దిగా పల్చగానే దించుకోవడం మంచిది. అటుకులు సరిగ్గా ఉడికిన తర్వాత స్టవ్ ఆఫ్ చేయాలి. స్టవ్ ఆఫ్ చేసిన తర్వాతే యాలకుల పొడి, పూర్తిగా చల్లారిన బెల్లం సిరప్‌ను పాయసంలో వేసి బాగా కలుపుకోవాలి. బెల్లం సిరప్ కలిపిన తర్వాత, తిరిగి స్టవ్ ఆన్ చేసి మరో రెండు నిమిషాల పాటు తక్కువ మంటపై ఉడికించాలి. చివరగా, చిన్న పాన్‌లో ఒక టేబుల్ స్పూన్ నెయ్యి వేసి, సన్నగా తరిగిన కొబ్బరి ముక్కలు, జీడిపప్పు, బాదం పప్పు వేసి ఎర్రగా వేయించుకోవాలి. ఈ వేయించిన డ్రై ఫ్రూట్స్‌ను పాయసంలో వేసి బాగా కలిపి వెంటనే స్టవ్ ఆఫ్ చేయాలి. అంతే, నోరూరించే కమ్మని పెసరపప్పు అటుకుల పాయసం ప్రసాదం సిద్ధం!
Atukulu Pesara Pappu Payasam, poha moong dal payasam, festive special naivedyam recipes, Andhra style payasam recipe, poha moong dal kheer, festival sweet recipes, traditional payasam recipe.
.webp)
ఆంధ్రప్రదేశ్ రుచుల్లో గోంగూర పచ్చడికి ఉండే క్రేజే వేరు. వేడి వేడి అన్నంలో కొద్దిగా నెయ్యి వేసుకుని అచ్చమైన ఆంధ్రా స్టైల్ గోంగూర పచ్చడితో కలిపి తింటే ఆ రుచి అమృతంలా ఉంటుంది. ముఖ్యంగా అమ్మమ్మ కాలం నాటి పద్ధతిలో తయారు చేసే ఈ పులిహోర గోంగూర పచ్చడిని ఇంట్లోనే చాలా సులభంగా ఎలా తయారు చేయాలో ఇప్పుడు తెలుసుకుందాం. ముందుగా మూడు గోంగూర కట్టలను తీసుకుని శుభ్రంగా ఆకులు వలిచి, నీళ్లతో ఒకటి రెండు సార్లు కడిగి పక్కన పెట్టుకోవాలి.
ఇప్పుడు ఒక పాన్‌లో ఒక టేబుల్ స్పూన్ నూనె వేసి వేడి అయ్యాక, కారం రుచికి తగినట్లుగా 15 నుంచి 20 ఎండుమిర్చిని లో ఫ్లేమ్‌లో మాడిపోకుండా వేయించుకోవాలి. కారం ఎక్కువ కావాలనుకునేవారు 20 వరకు, తక్కువ కావాలనుకునేవారు 15 ఎండుమిర్చిని వేసుకోవచ్చు. వేగిన తర్వాత వీటిని ఒక ప్లేట్‌లోకి తీసుకుని పక్కన పెట్టుకోవాలి. అదే నూనెలో పావు టీస్పూన్లో సగం మెంతులు వేసి వేయించాలి. మెంతులు వేగిన తర్వాత రెండు టీస్పూన్ల మినపగుళ్ళు, రెండు టీస్పూన్ల ధనియాలు, ఒక టీస్పూన్ జీలకర్ర వేసి లో ఫ్లేమ్‌లో ఎర్రగా అయ్యేంత వరకు వేయించుకోవాలి. ఇవి చక్కగా వేగిన తర్వాత ఒక గిన్నెలోకి తీసుకుని పక్కన పెట్టుకోవాలి.
తర్వాత అదే పాన్‌లో మరొక టేబుల్ స్పూన్ నూనె వేసి వేడెక్కిన తర్వాత, మూడు మధ్యస్థాయి టమాటాలను ముక్కలుగా కట్ చేసి వేసుకోవాలి. టమాటాలను ఒకసారి కలిపి మూత పెట్టి, మధ్యమధ్యలో కలుపుతూ మెత్తగా ఉడికించుకోవాలి. టమాటోలు బాగా ఉడికిన తర్వాత, ముందుగా శుభ్రం చేసి పెట్టుకున్న మూడు గోంగూర కట్టల ఆకులను వేయాలి. గోంగూర ఆకులు టమాటోలో బాగా కలిసేలా కలుపుతూ, గోంగూర పూర్తిగా మెత్తబడేంత వరకు ఉడికించాలి. గోంగూర మెత్తబడిన తర్వాత, చిన్న ఉసిరికాయ అంత చింతపండు, పావు టీస్పూన్ పసుపు వేసి అంతా బాగా కలిసేలా కలుపుకోవాలి. మూతపెట్టి లో ఫ్లేమ్‌లో మధ్యమధ్యలో కలుపుతూ గోంగూర పచ్చిదనం పోయి, నూనె పైకి తేలే వరకు ఉడికించుకోవాలి. ఆ తర్వాత స్టవ్ ఆఫ్ చేసి, ఈ మిశ్రమాన్ని పూర్తిగా చల్లారనివ్వాలి.
గోంగూర మిశ్రమం చల్లారే లోపు పచ్చడికి కావలసిన తాలింపు సిద్ధం చేసుకోవాలి. ఒక పాన్‌లో రెండు టేబుల్ స్పూన్ల నూనె వేసి వేడి అయ్యాక, పావు టీస్పూన్ ఆవాలు, పావు టీస్పూన్ జీలకర్ర, ఒక టీస్పూన్ మినపగుళ్ళు, ఒక టీస్పూన్ పచ్చిశనగపప్పు వేసి వేయించుకోవాలి. పోపు వేగిన తర్వాత, ఐదు వెల్లుల్లి రెబ్బలను దంచి వేయాలి. అలాగే రెండు ఎండుమిర్చిని తుంచి, కొంచెం కరివేపాకు కూడా వేసి వేయించుకోవాలి. ఇవి కూడా వేగిన తర్వాత స్టవ్ ఆఫ్ చేసి, చిటికెడు ఇంగువ వేసి ఒకసారి కలిపి పక్కన పెట్టుకోవాలి.
ఇప్పుడు మిక్సీ జార్‌లో పూర్తిగా చల్లారిన వేయించిన ఎండుమిర్చి వేసి కొంచెం బరకగా గ్రైండ్ చేసుకోవాలి. తర్వాత వేయించిన ధనియాలు, మినపగుళ్ళు, జీలకర్ర, రుచికి సరిపడినంత ఉప్పు వేసి మళ్ళీ కొంచెం బరకగా గ్రైండ్ చేయాలి. దీనిలో 10 వెల్లుల్లి రెబ్బలు వేసి రుబ్బుకోవాలి. ఆ తర్వాత చల్లారిన గోంగూర టమాటో మిశ్రమాన్ని మిక్సీ జార్‌లో వేయించిన కారపొడితో బాగా కలిసేలా కలపాలి. కారం ఎక్కువ అవుతుందేమో అనిపిస్తే, ఈ దశలో కారపొడిలో కొంత తీసి పక్కన పెట్టుకోవచ్చు. మిక్సీలో రెండు మూడు సార్లు పల్స్ ఇస్తే సరిపోతుంది. మరీ మెత్తగా కాకుండా, కచ్చాపచ్చాగా రుబ్బుకోవాలి. ఇలా రోట్లో రుబ్బినట్లు కచ్చాపచ్చాగా రుబ్బడం వల్ల అచ్చమైన పాతకాలపు రుచి వస్తుంది. చివరగా తయారుచేసుకున్న పచ్చడిని రెడీగా ఉన్న తాలింపులోకి వేసుకోవాలి. ఇందులో ఒక గుప్పెడు పెద్ద ముక్కలుగా తరిగిన పచ్చి ఉల్లిపాయలను విడివిడిగా వేసుకోవాలి. ఈ పచ్చి ఉల్లిపాయలు పచ్చడికి అద్భుతమైన మరింత రుచిని ఇస్తాయి. ఉల్లిపాయలు, తాలింపు పచ్చడిలో బాగా కలిసేలా కలుపుకోవాలి. ఒకసారి ఉప్పు సరి చూసుకుంటే చాలు, కమ్మ కమ్మని అమ్మమ్మ కాలం నాటి పులిహోర గోంగూర పచ్చడి సిద్ధం!
Pulihora Gongura Pachadi, traditional Gongura pickle, Andhra style Gongura Pachadi recipe, authentic Andhra Gongura Chutney, grandmother style Gongura recipe, spicy sorrel leaves chutney.
నేటి ఆధునిక జీవనశైలిలో శరీర బరువును అదుపులో ఉంచుకోవడం, ముఖ్యంగా మొండినైన పొట్ట కొవ్వును కరిగించుకోవడం చాలా మందికి ఒక పెద్ద సవాలుగా మారింది. ఈ ఉరుకుల పరుగుల జీవితంలో జీవక్రియ మందగించడం వల్ల కేలరీలు సులభంగా కరగవు. దీనికోసం సాధారణ పాలు కలిపిన టీ లేదా కాఫీకి బదులుగా బ్లాక్ కాఫీ తాగడం బరువు తగ్గే ప్రణాళికలో ఉన్నవారికి ఎంతో మేలు చేస్తుందని నిపుణులు చెబుతున్నారు. బ్లాక్ కాఫీలో ఉండే కెఫిన్, పాలిఫెనాల్స్ వంటి ముఖ్యమైన పోషకాలు శరీర మెటబాలిజాన్ని వేగవంతం చేసి నిల్వ ఉన్న కొవ్వును సమర్థవంతంగా కరిగించడంలో సహాయపడతాయి. అయితే ఈ సాధారణ బ్లాక్ కాఫీకి కేవలం చిటికెడు జాజికాయ పొడిని జత చేసుకుంటే, బరువు తగ్గే ప్రక్రియ ఊహించని విధంగా మరింత వేగవంతం అవుతుంది. ఈ శక్తివంతమైన కాంబినేషన్ కేవలం బరువు తగ్గించడమే కాకుండా మొత్తం ఆరోగ్యాన్ని మెరుగుపరుస్తుంది.
జాజికాయ పొడిలో శరీరానికి అవసరమైన విటమిన్లు, మినరల్స్, ముఖ్యంగా మాంగనీస్ సమృద్ధిగా లభిస్తాయి. ఇవి శరీరంలో నిల్వ ఉండే కొవ్వులను కరిగించడంలో ప్రధాన పాత్ర పోషిస్తాయి. ఈ పొడిని బ్లాక్ కాఫీలో పావు చెంచా లేదా కేవలం రెండు చిటికెల మోతాదులో కలుపుకుని సేవించడం ద్వారా అద్భుతమైన ఆరోగ్య ప్రయోజనాలు పొందవచ్చు. ముఖ్యంగా జాజికాయ పొడి ఆకలిని అదుపులో ఉంచుతుంది. దీన్ని పగటిపూట బ్లాక్ కాఫీతో తీసుకున్నప్పుడు, కాఫీ తాగిన వెంటనే కడుపు నిండిన భావన కలుగుతుంది. దీనివల్ల రెండు ప్రధాన భోజనాల మధ్యలో అనవసరమైన జంక్ ఫుడ్స్, అధిక కేలరీల ఆహారాన్ని లేదా స్నాక్స్ తీసుకోవాలనే కోరిక పూర్తిగా అణచివేయబడుతుంది.
అంతేకాకుండా, ఈ అద్భుతమైన పానీయం శరీరాన్ని లోపలి నుంచి డిటాక్స్ చేయడానికి అద్భుతంగా పనిచేస్తుంది. బ్లాక్ కాఫీలో జాజికాయ పొడిని కలుపుకుని తాగడం వల్ల శరీరంలో పేరుకుపోయిన హానికరమైన వ్యర్థాలు, విష పదార్థాలు పూర్తిగా బయటకు వెళ్లిపోతాయి. ఇది అజీర్ణం, వికారం వంటి జీర్ణ సంబంధిత సమస్యలను తొలగించి, జీర్ణ మార్గం సజావుగా సాగేలా చేస్తుంది. జీవక్రియ మెరుగైతేనే శరీరంలో కొవ్వు త్వరగా కరుగుతుంది. రోజుకు 1 లేదా 2 కప్పుల మోతాదులో దీన్ని సేవించడం వల్ల పొట్ట దగ్గర ఉన్న కొవ్వు క్రమంగా కరిగి బరువు నియంత్రణలోకి వస్తుంది.
సాధారణంగా నిద్రలేమి సమస్య ఉన్నవారు బ్లాక్ కాఫీ తాగితే రాత్రిపూట నిద్ర కరువవుతుందని భయపడుతుంటారు. కానీ జాజికాయ పొడి కలిపిన బ్లాక్ కాఫీ నాడీ వ్యవస్థను శాంతపరచి మనసుకు ప్రశాంతతను చేకూరుస్తుంది. దీనివల్ల రాత్రిపూట ప్రశాంతమైన, గాఢమైన నిద్ర పడుతుంది. శరీర బరువును అదుపులో ఉంచుకోవడానికి సరైన నిద్ర అత్యంత అవసరం. ఈ విధంగా మెటబాలిజాన్ని పెంచడం, ఆకలిని నియంత్రించడం, శరీరాన్ని డిటాక్స్ చేయడం మరియు నిద్రలేమి సమస్యను దూరం చేయడం ద్వారా ఈ శక్తివంతమైన కలయిక ఆరోగ్యకరమైన రీతిలో బరువు తగ్గడానికి అద్భుతంగా సహకరిస్తుంది.
black coffee weight loss hack, cinnamon black coffee weight loss, weight loss coffee powder, burn belly fat with black coffee, fat burning black coffee recipe, coffee secret ingredient weight loss.
.webp)
షుగర్ వ్యాధి ఉన్నవారిలో కిడ్నీ సమస్యలు ఎందుకు వచ్చే అవకాశం ఉంది? రక్తంలో చక్కెర స్థాయిలు ఎక్కువ కాలం నియంత్రణలో లేకపోతే మూత్రపిండాల పనితీరుపై ఎలాంటి ప్రభావం పడుతుంది? కిడ్నీలు ఆరోగ్యంగా ఉండాలంటే ఎలాంటి జాగ్రత్తలు తీసుకోవాలి? ఈ విషయాలను తెలుసుకోవడం ప్రతి డయాబెటిస్ పేషెంట్‌కు ఎంతో ముఖ్యం.
ఈ TeluguOne Health వీడియోలో డాక్టర్ చిట్టిబొట్ల మధుసూదన శర్మ షుగర్ వ్యాధి, కిడ్నీల ఆరోగ్యం, సంప్రదాయ వైద్య విధానాల్లో ఉపయోగించే ఔషధ మొక్కల గురించి వివరిస్తారు. ముఖ్యంగా తెల్ల గలిజేరు అని పిలిచే పునర్నవ మొక్క, పల్లేరు గింజలు, పండ్ల సంప్రదాయ ఉపయోగాల గురించి తెలుసుకోవచ్చు. ఈ మూలికలను సంప్రదాయ వైద్యంలో ఎలా పరిగణిస్తారు, వాటిని ఉపయోగించేటప్పుడు ఎలాంటి జాగ్రత్తలు అవసరమో తెలుసుకోవచ్చు.
డయాబెటిస్ వల్ల కిడ్నీలపై ఎలాంటి ప్రభావం పడవచ్చు? షుగర్ పేషెంట్లు మూత్రపిండాల ఆరోగ్యాన్ని కాపాడుకోవడానికి ఎలాంటి జాగ్రత్తలు పాటించాలి? పునర్నవ (తెల్ల గలిజేరు) మొక్కకు సంప్రదాయ వైద్యంలో ఉన్న ప్రాధాన్యత ఏమిటి? పల్లేరు గింజలు, పండ్లను సంప్రదాయ వైద్య విధానాల్లో ఎలా ఉపయోగిస్తారు? మూలికలతో తయారుచేసే ఔషధాలను వాడేటప్పుడు ఎలాంటి జాగ్రత్తలు తీసుకోవాలి? కిడ్నీ సమస్యలను ముందుగానే గుర్తించడానికి వైద్య పరీక్షలు ఎందుకు ముఖ్యం? వంటి అంశాలను ఈ వీడియోలో తెలుసుకోవచ్చు.
డయాబెటిస్ ఉన్నవారు కిడ్నీల ఆరోగ్యంపై ప్రత్యేక శ్రద్ధ చూపాలి. రక్తంలో గ్లూకోజ్ స్థాయిలను నియంత్రణలో ఉంచుకోవడం, వైద్యుల సూచనల ప్రకారం మందులు వాడటం, అవసరమైన కిడ్నీ పరీక్షలు చేయించుకోవడం చాలా ముఖ్యం. కిడ్నీ సమస్యలు ప్రారంభ దశలో ఉన్నప్పుడు స్పష్టమైన లక్షణాలు కనిపించకపోవచ్చు. అందువల్ల క్రమం తప్పకుండా వైద్య పరీక్షలు చేయించుకోవాలి.
షుగర్ వ్యాధి ఉన్నవారు తమ కిడ్నీలను ఆరోగ్యంగా ఉంచుకోవడానికి తీసుకోవాల్సిన జాగ్రత్తలు, పునర్నవ మరియు పల్లేరు గురించి మరిన్ని వివరాలు తెలుసుకోవడానికి డాక్టర్ చిట్టిబొట్ల మధుసూదన శర్మ వివరణతో కూడిన ఈ TeluguOne Health వీడియోను పూర్తిగా చూడండి.
గమనిక:
ఈ వీడియోలోని సమాచారం ఆరోగ్య అవగాహన కోసం మాత్రమే. మూలికలు కిడ్నీ వ్యాధులను నయం చేస్తాయని నిర్ధారిత ఆధారాలు లేవు. వైద్యుల సూచన లేకుండా షుగర్ మందులను ఆపకండి లేదా మూలికలను వైద్య చికిత్సకు ప్రత్యామ్నాయంగా ఉపయోగించకండి.
ఆరోగ్యంగా ఉండాలని చాలామంది విటమిన్ సప్లిమెంట్లు, ఇతర మందులు వాడుతుంటారు. అయితే ఏ మందును ఎంత మోతాదులో తీసుకోవాలి? ఎన్ని రోజులు వాడాలి? ఇతర మందులతో కలిపి తీసుకోవచ్చా? అనే విషయాలు తెలుసుకోకుండా మందులు వాడితే అనవసరమైన ఆరోగ్య సమస్యలు ఎదురయ్యే అవకాశం ఉంది. ముఖ్యంగా Vitamin D, Vitamin B12 వంటి సప్లిమెంట్లను వైద్యుల సూచనల మేరకు తీసుకోవడం ఎంతో ముఖ్యం.
మందులు వాడేటప్పుడు చేసే చిన్న పొరపాట్లు కూడా ఆరోగ్యంపై ప్రభావం చూపవచ్చు. వైద్యులకు తమ ఆరోగ్య సమస్యలను పూర్తిగా చెప్పకపోవడం, వాడుతున్న మందుల వివరాలను తెలియజేయకపోవడం, సొంతంగా మందుల మోతాదును మార్చుకోవడం వంటి అలవాట్లు చికిత్సకు ఆటంకం కలిగించవచ్చు.
ప్రపంచ రోగుల భద్రతా దినోత్సవం (World Patient Safety Day) సందర్భంగా, రోగుల భద్రతకు సంబంధించిన ముఖ్యమైన విషయాలను హోమియోపతి వైద్యులు డాక్టర్ ప్రవీణ్ కుమార్ ఈ వీడియోలో వివరించారు.
Vitamin D, B12 సప్లిమెంట్లు వాడేటప్పుడు ఏం జాగ్రత్తలు తీసుకోవాలి?
Vitamin D శరీరంలో కాల్షియం శోషణకు, ఎముకల ఆరోగ్యానికి ముఖ్యమైనది. Vitamin B12 నరాల పనితీరుకు, ఎర్ర రక్తకణాల తయారీకి అవసరం. ఈ విటమిన్ల లోపం ఉన్నప్పుడు వైద్యులు తగిన పరీక్షలు చేసి, అవసరాన్ని బట్టి సప్లిమెంట్లను సూచించవచ్చు.
అయితే ఈ మందులను ఎక్కువ మోతాదులో తీసుకుంటే త్వరగా ఆరోగ్యం మెరుగుపడుతుందని భావించడం సరైంది కాదు. ముఖ్యంగా Vitamin D అధిక మోతాదులో తీసుకోవడం వల్ల రక్తంలో కాల్షియం స్థాయులు పెరిగి ఆరోగ్య సమస్యలు రావచ్చు. అందువల్ల వైద్యుల సలహా లేకుండా మోతాదును పెంచడం లేదా ఎక్కువకాలం కొనసాగించడం చేయకూడదు.
వైద్యులకు మీ ఆరోగ్య సమస్యలను ఎందుకు పూర్తిగా చెప్పాలి?
కొంతమంది తమకు ఉన్న లక్షణాలను, గతంలో ఎదురైన ఆరోగ్య సమస్యలను లేదా ప్రస్తుతం వాడుతున్న మందులను వైద్యులకు పూర్తిగా తెలియజేయరు. మరికొందరు ఇతరుల సలహాతో మందులు వాడుతుంటారు. ఇలాంటి వివరాలు దాచడం వల్ల సరైన చికిత్స నిర్ణయించడంలో ఇబ్బందులు ఎదురవుతాయి.
మీకు ఉన్న లక్షణాలు, అలర్జీలు, ఇప్పటికే వాడుతున్న మందులు, విటమిన్ సప్లిమెంట్లు, గతంలో తీసుకున్న చికిత్సల గురించి వైద్యులకు స్పష్టంగా చెప్పాలి. ఈ సమాచారం సరైన చికిత్స అందించడానికి, మందుల మధ్య అవాంఛిత ప్రతిచర్యల ప్రమాదాన్ని తగ్గించడానికి ఉపయోగపడుతుంది.
మందుల మోతాదులో చేసే పొరపాట్లు ఎంత ప్రమాదకరం?
వైద్యులు సూచించిన మోతాదు కంటే ఎక్కువగా లేదా తక్కువగా మందులు తీసుకోవడం, సమయానికి తీసుకోకపోవడం, ఒకరి మందులను మరొకరు వాడటం వంటి పొరపాట్లను నివారించాలి. మందుల పేర్లు, మోతాదు, తీసుకోవాల్సిన సమయం, వాడే కాలం గురించి స్పష్టత లేకపోతే వైద్యుడిని లేదా ఫార్మసిస్ట్‌ను అడిగి తెలుసుకోవాలి.
మందుల వల్ల ఏవైనా అసాధారణ లక్షణాలు కనిపిస్తే వాటిని నిర్లక్ష్యం చేయకుండా వైద్యులను సంప్రదించాలి. వైద్యుల సలహా లేకుండా సూచించిన చికిత్సను నిలిపివేయడం లేదా మోతాదును మార్చడం కూడా సరికాదు.
రోగుల భద్రతలో మన బాధ్యత ఏమిటి?
రోగుల భద్రత అనేది వైద్యుల బాధ్యత మాత్రమే కాదు. రోగులు కూడా తమ ఆరోగ్యం గురించి అవగాహన కలిగి ఉండాలి. మందుల వివరాలను సరిచూసుకోవడం, వైద్యులు సూచించిన విధంగా వాడటం, సందేహాలు ఉంటే అడగడం, అవసరమైన పరీక్షలు చేయించుకోవడం వంటి అలవాట్లు చికిత్సను మరింత సురక్షితంగా మార్చడంలో సహాయపడతాయి.
ప్రపంచ రోగుల భద్రతా దినోత్సవం సందర్భంగా డాక్టర్ ప్రవీణ్ కుమార్ అందించే ఈ వీడియోలో Vitamin D, Vitamin B12 మందుల వినియోగంలో తీసుకోవాల్సిన జాగ్రత్తలు, వైద్యులకు ఆరోగ్య వివరాలను చెప్పడం ఎందుకు అవసరం, మందుల మోతాదులో పొరపాట్లను ఎలా నివారించాలి, సురక్షితమైన చికిత్స కోసం రోగులు పాటించాల్సిన పద్ధతులు వంటి ముఖ్యమైన విషయాలను తెలుసుకోండి.
గమనిక: ఈ సమాచారం ఆరోగ్య అవగాహన కోసం మాత్రమే. మీ ఆరోగ్య పరిస్థితికి అనుగుణంగా మందులు, విటమిన్ సప్లిమెంట్లు వాడేందుకు వైద్యులను సంప్రదించండి. వైద్యుల సూచన లేకుండా మందుల మోతాదును మార్చవద్దు.
శరీర సౌందర్యాన్ని కాపాడుకోవడానికి , చిన్నచిన్న అనారోగ్య సమస్యలను తగ్గించుకోవడానికి మన పెద్దలు ఎన్నో రకాల గృహ వైద్యాలను సూచించారు. అలాంటి వాటిలో నాభిలో నూనె వేసుకోవడం అనేది చాలా కాలంగా వస్తున్న ఒక సాంప్రదాయ పద్ధతి. ముఖ్యంగా శీతాకాలం లేదా మారుతున్న కాలానికి తగినట్లుగా చర్మం పొడిబారడం, పెదవులు పగిలిపోవడం వంటి సమస్యలు సర్వసాధారణం. ఈ నేపథ్యంలో రాత్రి పడుకునే ముందు నాభిలో కొన్ని చుక్కల ఆవనూనె రాసుకోవడం వల్ల ఎలాంటి ప్రయోజనాలు కలుగుతాయి, దాని వెనుక ఉన్న వాస్తవాలు ఏమిటో వివరంగా తెలుసుకుంటే..
చర్మానికి తేమను అందిస్తుంది..
సాంప్రదాయం వైద్యంలో, ఇంటి చిట్కాలలోనూ, రోజువారీ అలవాట్ల లోనూ నాభికి నూనె రాయడం వల్ల శరీరానికి ఎంతో మేలు జరుగుతుందని నమ్ముతారు. ఆవనూనెలో సహజ సిద్ధమైన కొవ్వు ఆమ్లాలు, విటమిన్ ఇ వంటి పోషకాలు పుష్కలంగా ఉంటాయి. ఇవి చర్మానికి అవసరమైన తేమను అందించడంలో సహాయపడతాయి. రాత్రి సమయంలో నిద్రపోయే ముందు బొడ్డు ప్రాంతంలో ఆవనూనెను రాసుకోవడం ద్వారా చర్మం లోపలి నుండి పోషణ పొందుతుంది. ఆయుర్వేదంలో శరీరానికి నూనెతో మర్దన చేయడం ఆరోగ్యానికి మంచిదని చెబుతారు.
పొడి చర్మానికి రక్షణ..
మారుతున్న వాతావరణం కారణంగా చాలా మందిలో చర్మం తేమను కోల్పోయి పొడిబారుతుంది. దీనివల్ల చర్మంపై పీచు వలె గరుకుగా మారడం, లాగడం వంటి సమస్యలు వస్తాయి. ఇలాంటి సమయంలో ఆవనూనెలో ఉండే కొవ్వు పదార్థాలు చర్మం పైపొరను మృదువుగా మార్చడానికి సహాయపడతాయి. కేవలం నాభి చుట్టూ మాత్రమే కాకుండా, ఈ నూనె రాయడం వల్ల శరీరంలోని ఇతర భాగాల చర్మానికి కూడా మంచి అనుభూతి కలుగుతుంది. అయితే తీవ్రమైన పొడి చర్మం ఉన్నవారు నేరుగా మంచి మాయిశ్చరైజర్లను ఉపయోగించడం మరింత వేగంగా ఫలితాన్ని ఇస్తుంది.
పగిలిన పెదాలను రిపేర్ చేస్తుంది..
చలికాలం లేదా ఎండ తీవ్రత కారణంగా పెదవులు పగిలిపోవడం చాలా మందిలో కనిపిస్తుంది. పెదవులు పగిలి రక్తం రావడం లేదా ఇబ్బందిగా అనిపించడం జరుగుతుంది. ప్రతిరోజూ రాత్రి పడుకునే ముందు నాభిలో రెండు లేదా మూడు చుక్కల ఆవనూనె వేసి సున్నితంగా మర్దన చేయడం వల్ల పెదవులు పొడిబారకుండా మృదువుగా మారుతాయని చెబుతారు. అయితే దీనితో పాటు పెదవుల సంరక్షణ కోసం సాధారణ లిప్ బామ్ లేదా పెట్రోలియం జెల్లీని ఉపయోగించడం కూడా మంచి ఫలితాలను ఇస్తుంది.
జీర్ణవ్యవస్థ కు మంచిది..
జీర్ణవ్యవస్థ విషయానికి వస్తే, కడుపులో తేలికపాటి అసౌకర్యం లేదా నొప్పిగా ఉన్నప్పుడు పొట్ట భాగంలో గోరువెచ్చని నూనెతో మర్దన చేయడం వల్ల ఉపశమనం లభిస్తుంది. ఆవనూనె వంటి వాటితో మసాజ్ చేయడం వల్ల ఆ ప్రాంతంలో రక్త ప్రసరణ మెరుగుపడుతుంది. దీనివల్ల కండరాలు రిలాక్స్ అవ్వడానికి సహాయపడుతుంది.
మహిళల నెలసరిలో..
ముఖ్యంగా మహిళలకు నెలసరి సమయాల్లో పొత్తికడుపులో వచ్చే నొప్పుల నుంచి ఉపశమనం పొందడానికి ఈ పద్ధతి కొంత వరకు మానసిక ప్రశాంతతను , మంచి నిద్రను ఇస్తుంది.
ఎలా ఉపయోగించాలి?
ఆవనూనెను నాభిలో ఎలా ఉపయోగించాలనే సరైన పద్ధతిని తెలుసుకోవడం చాలా ముఖ్యం. రాత్రి పడుకునే ముందు నాభి ప్రాంతాన్ని శుభ్రంగా కడిగి పొడిగా ఉంచుకోవాలి. ఆ తర్వాత రెండు నుంచి మూడు చుక్కల ఆవనూనెను తీసుకుని, నాభిలో , దాని చుట్టూ ఉన్న చర్మంపై సున్నితంగా రాయాలి. దీనిని చాలా గట్టిగా రుద్దాల్సిన అవసరం లేదు అలాగే అతిగా నూనె పోయాల్సిన పని కూడా లేదు. కొద్దిపాటి నూనెతో సున్నితంగా మర్దన చేస్తే సరిపోతుంది.
అయితే ఈ పద్ధతి అందరికీ ఒకేలా సరిపోతుంది అని చెప్పలేము. సున్నితమైన చర్మం ఉన్నవారికి లేదా ఆవనూనె పడని వారికి దీనివల్ల చికాకు, ఎరుపుదనం, దురద లేదా అలర్జీ వచ్చే అవకాశం ఉంటుంది. ఒకవేళ నూనె రాసిన తర్వాత ఏమైనా అసౌకర్యంగా అనిపిస్తే వెంటనే కడిగివేయాలి. ఎలాంటి సమస్యలు లేనివారు ఈ చిట్కాను పాటిస్తూ చర్మాన్ని సంరక్షించుకోవచ్చు.
*రూపశ్రీ.