LATEST NEWS
.webp)
తమిళనాడు ముఖ్యమంత్రి విజయ్ ఆంధ్రప్రదేశ్ పర్యటనలో భాగంగా మంగళవారం (అక్టోబర్ 13) ఆంధ్రప్రదేశ్ ముఖ్యమంత్రి నారా చంద్రబాబుతో భేటీ అయ్యారు. అంతకు ముందు ఆయన బెజవాడ ఇంద్రకీలాద్రిపై కొలువై ఉన్న బెజవాడ కనకదుర్గమ్మను దర్శించుకుని ప్రత్యేక పూజలు నిర్వహించారు. ఇక చంద్రబాబుతో భేటీలో తెలుగు గంగ ద్వారా చెన్నైకు నీటి విడుదలపై చర్చించారు. చెన్నైలో తాగునీటి అవసరాలు, జలాశయాల్లో నిల్వలు, తెలుగు గంగ ద్వారా అందుతున్న నీటి పరిమాణం వంటి అంశాలపై వీరి మధ్య చర్చ జరిగింది.
రాష్ట్రంలోని సాగునీటి, తాగునీటి అవసరాలు, జలాశయాల్లో నీటి నిల్వలు, భవిష్యత్తు అవసరాలను అంచనా వేసిన తర్వాతే అదనపు నీటి విడుదలపై స్పష్టత వచ్చే అవకాశం ఉంది. ఏపీ నుంచి ఈ ఏడాది చెన్నైకి 4.08 టీఎంసీల నీరు అందిందని చెప్పిన విజయ్.. నీటి విడుదల పెంచాలని చంద్రబాబును కోరారు. నీటి లభ్యతను బట్టి నిర్ణయం తీసుకుంటామని ఈ సందర్బంగా చంద్రబాబు అన్నారు. అలాగే ఈ భేటీలో నదుల అనుసంధానంపై కూడా ఇరు రాష్ట్రాల సీఎంల మధ్య చర్చ జరిగింది. కాగా చంద్రబాబుతో భేటీ అనంతరం తమిళనాడు సీఎం విజయ్ విజయవాడ ఉత్సవ్ లో పాల్గొన్నారు.
[Chandrababu Naidu Vijay Meeting, Telugu Ganga Water Release, Tamil Nadu CM Vijay, Chennai Drinking Water, Godavari Cauvery River Linking, Andhra Pradesh Tamil Nadu Water Sharing, Telugu One]
.webp)
వైసీపీ హయాంలో మంచీచెడూ అన్న విచక్షణ లేకండా అనుచిత భాషా ప్రయోగంతో అప్పటి విపక్ష నేత చంద్రబాబు, పవన్ కల్యాణ్ లోకేష్ లపై విరుచుకుపడిన మాజీ ఎమ్మెల్యే వల్లభనేని వంశీ.. 2024 ఎన్నికలలో వైసీపీ పరాజయం తరువాత కలికానిక్కూడా కనిపించకుండా, వినిపించకుండా సైలెంట్ అయిపోయారు. అప్పటి సీఎం జగన్ మెప్పు పొందడమన్న ఏకైన లక్ష్యంతో కన్నూ మిన్నూ గానకుండా అహంకారంతో విర్రవీగారు. ఆ తరువాత తత్వం బోధపడి బహిరంగ క్షమాపణలు చెప్పినా జరగాల్సిన నష్టం జరిగిపోయింది. తనకు తిరుగే లేదనుకున్న గన్నవరంలో ఘోర పరాజయం పాలవ్వడమే కాకుండా, ఆ తరువాత నియోజకవర్గంలో అడుగు పెట్టడానికి కూడా ఒకటికి రెండు సార్లు ఆలోచించాల్సిన పరిస్థితి ఏర్పడింది.
ఓటమి తరువాత ఈ 30 నెలల కాలంలో ఆయన దాదాపు రాజకీయాలకు దూరంగానే ఉన్నారు. అడపాదడపా తప్ప బహిరంగంగా జనాల మధ్యకు వచ్చిందే లేదు. సరే పలు కేసులలో అరెస్టై కొన్ని నెలల పాటు జైలులో గడిపి బయటకు వచ్చారు. ఆ తరువాత అయితే పూర్తిగా అజ్ణాత వాసంలో ఉన్నారా అన్నట్లుగా వంశీ పూర్తిగా మౌనం వహించారు. ఇంత సుదీర్ఘ విరామం తరువాత ఏమైందో ఏమో కానీ.. ఒక్కసారిగా తాను రాజకీయంగా యాక్టివ్ అవుతున్నట్లు ప్రకటించారు. తాను గన్నవరం వదిలి వెళ్లేది లేదని చెబుతూ.. వైసీపీ అధినేత జగన్ తన వెంట ఉన్నారనీ, గన్నవరంలో మళ్లీ మరింత బలం పుంజుకుంటాననీ ధీమా వ్యక్తం చేశారు.
ఆయన ధీమా సంగతి అటుంచితే.. గన్నవరంలో వల్లభనేని వంశీ మళ్లీ మునుపటి పట్టు సాధించడం అంత సులభం కాదని పరిశీలకులు విశ్లేషిస్తున్నారు. సుదీర్ఘకాలం పాటు నియోజకవర్గానికి దూరంగా ఉండటం, అలాగే తీవ్రమైన అవినీతి ఆరోపణల కారణంగా నియోజకవర్గంలో పార్టీ క్యాడర్, ద్వితీయ శ్రేణి నాయకత్వం గణనీయంగా తగ్గిపోయింది. ఈ ప్రతికూల పరిస్థితులను అధిగమించడం వల్లభనేని వంశీకి పెను సవాలేనని అంటున్నారు.
తాజాగా వంశీ మాటలను బట్టి 2029 సార్వత్రిక ఎన్నికల్లో గన్నవరం అసెంబ్లీ స్థానం నుంచి వైసీపీ అభ్యర్థిగా ఆయన పోటీ చేయడం దాదాపు ఖాయం అని అవగతమౌతుంది. అయితే క్షేత్రస్థాయిలో ప్రజా మద్దతు సంపాదించుకోవడం వంశీకి ఎంత వరకూ సాధ్యమౌతుందన్న అనుమానాలు వైసీపీ క్యాడర్ లోనే వ్యక్తమౌతున్నాయి.
[Vallabhaneni Vamsi Active Politics Again, Gannavaram Politics, YCP Vamsi ReEntry, Vallabhaneni Vamsi, AP Politics, Gannavaram Constituency, Telugu One]
కరోనా మహమ్మారి బారినపడి కోలుకున్నప్పటికీ, ప్రపంచవ్యాప్తంగా లక్షలాది మంది ప్రజలు ఇప్పటికీ 'లాంగ్ కొవిడ్' తీవ్ర దుష్ప్రభావాలతో సతమతమవుతున్నారు. ఈ దీర్ఘకాలిక సమస్యలకు అసలు కారణమేమిటో స్పష్టం చేస్తూ బ్రిటన్ శాస్త్రవేత్తలు ఓ కీలక విషయాన్ని కనుగొన్నారు. బాధితుల శరీరంలో చోటుచేసుకునే బ్యాక్టీరియా సమతుల్యతలో మార్పులే దీనికి మూలమని పరిశోధకులు స్పష్టం చేశారు.
శాస్త్రవేత్తల పరిశోధన ప్రకారం.. కరోనా సోకిన ఐదు నుంచి ఆరు నెలల వ్యవధిలో రోగుల నోటి ప్రాంతంతో పాటు ఊపిరితిత్తులలో ఉండే సూక్ష్మజీవుల (మైక్రోబయోమ్) మిశ్రమంలో స్పష్టమైన వ్యత్యాసాలు ప్రత్యక్షమయ్యాయి.
శ్వాసకోశ వ్యవస్థలోని సూక్ష్మజీవుల్లో వచ్చే ఈ హెచ్చుతగ్గులే ప్రధానంగా బాధితులలో దీర్ఘకాలిక శ్వాస రుగ్మతలు, జీర్ణక్రియ లోపాలు మరియు విషయగ్రహణ లోపాలకు కారణమవుతున్నాయని తేలింది.ఈ అధ్యయనం కోసం శాస్త్రవేత్తలు ఫిబ్రవరి 2020 నుంచి మార్చి 2021 మధ్యకాలంలో బ్రిటన్‌లోని ఒక ప్రముఖ ఆసుపత్రిలో కొవిడ్ చికిత్స పొంది డిశ్చార్జ్ అయిన 771 మంది బాధితులను నిశితంగా పరిశీలించారు. బాధితులు ఆసుపత్రి నుంచి కోలుకుని వెళ్లిన ఆరు నెలల తర్వాత, వారి నోటి లాలాజలం మరియు ఊపిరితిత్తుల కఫం శాంపిళ్లను ప్రత్యేకంగా సేకరించారు.
సేకరించిన శాంపిళ్లలోని సూక్ష్మజీవులను విశ్లేషించడానికి పరిశోధకులు అత్యాధునిక డీఎన్ఏ సీక్వెన్సింగ్ సాంకేతికతను వినియోగించారు. ఈ విశ్లేషణలో తీవ్రమైన లాంగ్ కొవిడ్ సంకేతాలతో బాధపడుతున్న వారి నోరు, ఊపిరితిత్తులలో సాధారణ వ్యక్తుల కంటే గణనీయమైన బ్యాక్టీరియా తేడాలు ఉన్నట్లు వెల్లడైంది. ఫలితంగా వీరిలో ఊపిరితిత్తుల సామర్థ్యం కూడా క్షీణించినట్లు నమోదైంది. కేవలం శ్వాసకోశ సమస్యలే కాకుండా, బాధితుల్లో మానసిక ఆరోగ్య సమస్యలు కూడా తీవ్రమవుతున్నట్లు పరిశోధకులు గుర్తించారు. మెదడును మబ్బు కమ్మేసినట్లు ఉండే 'బ్రెయిన్ ఫాగ్', జ్ఞాపకశక్తి తగ్గడం, ఏకాగ్రత కొరవడటం వంటి లక్షణాలున్న వారిలో ఈ బ్యాక్టీరియా హెచ్చుతగ్గులు అధికంగా ఉన్నాయి. దీంతో పాటు ఒళ్లు నొప్పులు, వికారం, విరేచనాలు, ఆకలి మందగించడం వంటి జీర్ణసంబంధిత రుగ్మతలకు కూడా ఇవే వ్యత్యాసాలు కారణమని తేలింది.
అంతేకాకుండా, లాంగ్ కొవిడ్ బాధితులలో ల్యాక్టిక్ ఆమ్లాన్ని విపరీతంగా ఉత్పత్తి చేసే బ్యాక్టీరియా పరిమాణం అసాధారణంగా పెరిగినట్లు శాస్త్రవేత్తలు గుర్తించారు. ఈ బ్యాక్టీరియా అధికమవడం వల్ల శరీరంలో అంతర్గత వాపులు (ఇన్‌ఫ్లమేషన్) ఏర్పడి, కణజాలం మరియు అవయవ వ్యవస్థపై ఒత్తిడి పెరుగుతోందని అధ్యయనం వివరించింది. ఈ కొత్త అధ్యయనంతో లాంగ్ కొవిడ్ బాధితులకు లక్ష్య ఆధారిత చికిత్సలు అందించేందుకు బాటలు పడినట్లయింది. భవిష్యత్తులో నోరు, ఊపిరితిత్తులలోని బ్యాక్టీరియా సమతుల్యతను పునరుద్ధరించే ప్రొబయోటిక్ లేదా ప్రత్యేక మందుల ద్వారా లాంగ్ కొవిడ్ లక్షణాలకు చెక్ పెట్టవచ్చని వైద్య నిపుణులు భావిస్తున్నారు.
[ Long Covid problems, UK research Covid, lung bacteria, brain fog symptoms, oral microbes DNA, Covid After Effects, Long Covid Mystery, Medical Research, Health News, Latest Science News, COVID Research ]
సంతానం కలగలేదన్న కారణంతో భార్యను తప్పుబడుతూ విడాకులు కోరలేరని మద్రాసు హైకోర్టు కీలక తీర్పు వెలువరించింది. పిల్లలు పుట్టకపోవడాన్ని భార్య చేసిన తప్పుగా పరిగణించలేమని, దానిని భర్తపై మానసిక క్రూరత్వంగా ఆపాదించడానికి వీల్లేదని స్పష్టం చేసింది. వివాహం అనేది కేవలం సంతానోత్పత్తి కోసమే కాదని, సంతానం లేదన్న ఒక్క కారణంతో వైవాహిక బంధంలో భాగస్వామి విఫలమైనట్లు నిర్ధారించలేమని న్యాయస్థానం వ్యాఖ్యానించింది.
చెన్నైకి చెందిన ఓ దంపతుల విడాకుల కేసులో ఈ తీర్పు వెలువడింది. తమకు వివాహమై చాలా ఏళ్లు గడిచినా పిల్లలు కలగలేదని, భార్య తనను బహిరంగంగా దూషించడంతో పాటు చెప్పుతో కొట్టిందని ఆరోపిస్తూ భర్త విడాకులు కోరారు. అయితే, తాను వైవాహిక జీవితాన్ని నిలబెట్టుకోవడానికి ఎంతో ప్రయత్నించానని భార్య కోర్టుకు వివరించింది. తన గర్భాశయంలో 8 సెంటీమీటర్ల ఫైబ్రాయిడ్ సమస్య ఉన్నప్పటికీ శస్త్రచికిత్స చేయించుకున్నానని, ఫెర్టిలిటీ చికిత్సలు, హార్మోన్ ఇంజెక్షన్లు తీసుకున్నానని తెలిపింది. సంతానం కోసం ఆమె ఎదుర్కొన్న శారీరక, మానసిక వేదనను న్యాయస్థానం ప్రత్యేకంగా పరిగణనలోకి తీసుకుంది.
ఫెర్టిలిటీ చికిత్స అనేది సాధారణ వైద్య ప్రక్రియ కాదని ధర్మాసనం పేర్కొంది. తరచూ స్కానింగ్‌లు, రక్త పరీక్షలు, ఇంజెక్షన్ల కారణంగా మహిళలు శారీరక ఇబ్బందులతో పాటు తీవ్ర భావోద్వేగ ఒత్తిడిని ఎదుర్కొంటారని వివరించింది. ఇన్ని కష్టాలు భరిస్తూ భార్య చికిత్సలు చేయించుకోవడం, వైవాహిక బంధాన్ని కొనసాగించాలన్న ఆమె ప్రయత్నానికి నిదర్శనమని స్పష్టం చేసింది. దీనిని మానసిక క్రూరత్వంగా పరిగణించలేమని పేర్కొంది.
హిందూ వివాహ చట్టం, 1955లోని సెక్షన్ 13(1)(ia) ప్రకారం మానసిక క్రూరత్వాన్ని విడాకులకు ప్రాతిపదికగా చూపాలంటే తగిన ఆధారాలు అవసరం. భర్త చేసిన ఆరోపణలకు సరైన ఆధారాలు లేవని భావించిన మద్రాసు హైకోర్టు ఆయన విడాకుల పిటిషన్‌ను కొట్టివేసింది.
సుప్రీంకోర్టు న్యాయవాది అమిత్‌రాజ్ కౌశల్ అభిప్రాయం ప్రకారం, కేవలం సంతానం కలగలేదన్న కారణంతోనే విడాకులు పొందలేరు. విడాకులు కోరే వ్యక్తి తన వాదనకు చట్టపరమైన ఆధారాలు చూపించాల్సి ఉంటుంది. మొత్తంగా, సంతానలేమి లేదా ఫెర్టిలిటీ చికిత్సలు విఫలమవడాన్ని మాత్రమే మానసిక క్రూరత్వంగా పరిగణించలేమన్న ఈ తీర్పు వైవాహిక బంధాల్లో మహిళలపై సంతానం విషయంలో నిందలు మోపే ధోరణిపై కీలక సందేశాన్ని ఇస్తోంది.
[ Madras High Court, Divorce Case, Childless Marriage, Mental Cruelty, Hindu Marriage Act 1955, Section 13(1)(ia), Fertility Treatment, Infertility, Husband Wife Dispute, Divorce Petition, Chennai Couple, High Court Verdict, Marital Rights, Supreme Court Advocate Amit Raj Kaushal, Telugu News, Telugu One News ]
శారీరక వైకల్యాన్ని జయించి..అమెజాన్‌లో కొలువు కొట్టిన నిట్ గ్రాడ్యుయేట్.!
శారీరక పరిమితులు ఏవీ కూడా మనిషి పట్టుదలకు, కఠిన శ్రమకు ఎప్పుడూ అడ్డుకావని నిరూపించవచ్చు. సంకల్పం దృఢంగా ఉంటే ఏ రంగంలోనైనా ఉన్నత శిఖరాలను అధిరోహించవచ్చని కొందరు తమ విజయాల ద్వారా నిరూపిస్తుంటారు. అలాంటి కోవకే చెందుతారు ఓ యువ ప్రతిభావంతుడు. ప్రముఖ జాతీయ సాంకేతిక సంస్థ నేషనల్ ఇన్‌స్టిట్యూట్ ఆఫ్ టెక్నాలజీ (NIT) వరంగల్ నుంచి ఇంజినీరింగ్ పూర్తి చేసిన ఒక యువకుడు ప్రపంచ ప్రఖ్యాత టెక్ దిగ్గజం అమెజాన్‌లో అడుగుపెట్టారు. పుట్టుకతోనే ఒక చేయి సరిగా లేకపోయినా, తన ప్రతిభ ఆధారంగా భారీ ప్యాకేజీతో ఉద్యోగాన్ని చేజిక్కించుకున్నారు.
తాజాగా వెలుగులోకి వచ్చిన ఈ సంచలన విజయం ప్రకారం, ఆ యువకుడు అమెజాన్‌లో సాఫ్ట్‌వేర్ డెవలప్‌మెంట్ ఇంజినీర్-2 (SDE-II) హోదాలో బాధ్యతలు నిర్వహిస్తున్నారు. ఈ ఉద్యోగం ద్వారా ఆయన వార్షికంగా సుమారు రూ.50 లక్షలకు పైగా వేతనాన్ని అందుకుంటున్నట్లు సమాచారం. సాఫ్ట్‌వేర్ రంగంలో అత్యంత పోటీ వాతావరణం నెలకొన్న తరుణంలో, ఇటువంటి ప్రతిష్టాత్మక హోదాను అందుకోవడం సామాజికింగా ఎంతో ప్రాముఖ్యత సంతరించుకుంది. శారీరక లోపాలను తన బలహీనతగా మార్చుకోకుండా, వాటినే తన ఎదుగుదలకు మెట్లుగా మలచుకున్న తీరు అందరినీ ఆకట్టుకుంటోంది.
కళాశాల రోజుల్లో ఆయనతో కలిసి చదువుకున్న తోటి విద్యార్థులు, స్నేహితులు ఈ సందర్భంగా ఆయన పట్టుదలను గుర్తుచేసుకుంటున్నారు. ఎప్పుడూ చిరునవ్వుతో ఉంటూ, కష్టపడే స్వభావంతో ఉండేవాడని, తోటివారికి సహాయం చేసేందుకు ముందుండేవారని వారు పేర్కొన్నారు. సామాజిక మాధ్యమాలలో ఈ విజయానికి సంబంధించిన విశేషాలు వైరల్ కావడంతో నెటిజన్లు ఆ యువకుడిని విశేషంగా అభినందిస్తున్నారు. ఎలాంటి సవాళ్లు ఎదురైనా ఆత్మవిశ్వాసంతో ముందడుగు వేస్తే విజయం తథ్యమని ఆయన ప్రయాణం మరోసారి రుజువు చేస్తోంది. నిరుత్సాహంతో సతమతమయ్యే యువతకు, ముఖ్యంగా శారీరక ఇబ్బందులతో పోరాడే వారికి ఈ సక్సెస్ స్టోరీ ఒక గొప్ప ప్రేరణగా మారుతోంది. భవిష్యత్తులో టెక్నాలజీ రంగంలో మరింత పెద్ద శిఖరాలను అధిరోహిస్తూ, మరిన్ని ఉన్నత స్థాయి అవకాశాలను అందుకోవాలని ఆశిద్దాం.
[ NIT Warangal, Sai Bharath, Amazon job, Rs 50 lakh package, SDE-II job success story, Amazon, Telugu News, Telugu One ]
ALSO ON TELUGUONE N E W S
సినిమా ఇండస్ట్రీలో భారీ విజయాలు సాధించాలంటే స్టార్ హీరోలు, కోట్ల రూపాయల బడ్జెట్, భారీ ప్రమోషన్లు ఉండాల్సిన అవసరం లేదని మరోసారి నిరూపిస్తోంది కన్నడ చిత్రం ‘ప్రేమద ఊరలి’. పెద్దగా అంచనాలు లేకుండా థియేటర్లలో విడుదలైన ఈ సినిమా ఇప్పుడు బాక్సాఫీస్‌ వద్ద సంచలన వసూళ్లతో దూసుకెళ్తోంది. సుమారు రూ.2.5 కోట్ల బడ్జెట్‌తో రూపొందిన ఈ చిత్రం దాదాపు రూ.70 కోట్ల వసూళ్లకు చేరువ కావడం సినీ వర్గాలను ఆశ్చర్యపరుస్తోంది. సెప్టెంబర్‌ 25న విడుదలైన ఈ సినిమా ప్రేక్షకుల ఆదరణతో రోజురోజుకూ తన వసూళ్లను పెంచుకుంటోంది.
మనోజ్‌ కుమార్ దర్శకత్వం వహించిన ‘ప్రేమద ఊరలి’లో శ్రీరామ్, రంగాయణ రఘు, తపస్విని పూనాచ్చా, రమిక శివు ప్రధాన పాత్రల్లో నటించారు. గ్రామీణ నేపథ్యంలో సాగే కుటుంబ కథా చిత్రంగా దీన్ని రూపొందించారు. ప్రేమ, కుటుంబ సంబంధాలు, తరాల మధ్య ఆలోచనల తేడాలు వంటి అంశాలను కథలో చూపించారు. ముఖ్యంగా తండ్రీకొడుకుల మధ్య బంధం, సంప్రదాయ కుటుంబంలోకి వచ్చిన యువతి ఎదుర్కొనే పరిస్థితులు ప్రేక్షకులకు దగ్గరయ్యాయి.
వాస్తవానికి ఈ సినిమా మొదటి రోజు పెద్దగా వసూళ్లు సాధించలేదు. ప్రారంభంలో పరిమిత సంఖ్యలోనే షోలు ప్రదర్శించారు. అయితే సినిమా చూసిన ప్రేక్షకుల నుంచి మంచి స్పందన రావడంతో క్రమంగా థియేటర్ల సంఖ్య పెరిగింది. ప్రేక్షకుల నోటి మాటతోనే సినిమాపై ఆసక్తి పెరిగి, రెండో వారంలోనూ మంచి వసూళ్లు నమోదయ్యాయి. మూడో వారంలో కూడా సినిమా బలమైన వసూళ్లు సాధించడం విశేషం. భారీ ప్రచారం కంటే కథ, భావోద్వేగాలు ప్రేక్షకులను థియేటర్లకు రప్పించగలవని ఈ సినిమా విజయ ప్రయాణం చెబుతోంది.
ఇదిలా ఉంటే.. ఈ చిత్ర దర్శకుడు మనోజ్‌ కుమార్ గతంలో ‘అక్షి’ సినిమాతో జాతీయ అవార్డును అందుకున్నారు. అయినప్పటికీ తదుపరి సినిమా చేయడానికి ఆయనకు ఆర్థికపరమైన ఇబ్బందులు ఎదురైనట్లు వార్తలు వచ్చాయి. చివరకు నిర్మాత దేవేంద్ర సహకారంతో ‘ప్రేమద ఊరలి’ రూపొందింది. ప్రమోషన్లకు పెద్దగా డబ్బు లేకపోవడంతో సాధారణ పద్ధతులకు భిన్నంగా ప్రజల్లోకి వెళ్లి సినిమాను పరిచయం చేశారు. ఆ ప్రయత్నాలకు ప్రేక్షకుల ఆదరణ తోడవడంతో సినిమా బాక్సాఫీస్‌ వద్ద విజయవంతమైన ప్రయాణాన్ని కొనసాగిస్తోంది.
మొత్తంగా.. పెద్ద హీరోలు లేకపోయినా, చిన్న బడ్జెట్ సినిమాలు కూడా బలమైన కథతో ప్రేక్షకులను ఆకట్టుకోగలవని ‘ప్రేమద ఊరలి’ మరోసారి చాటిచెబుతోంది. ప్రస్తుతం అందుబాటులో ఉన్న వసూళ్ల లెక్కలు ట్రేడ్ అంచనాల ఆధారంగా మారుతున్నప్పటికీ, ఈ చిత్రం సాధించిన విజయం మాత్రం కన్నడ చిత్ర పరిశ్రమలో ఆసక్తికర చర్చకు దారితీస్తోంది.
[Premada Ooralli, Premada Ooralli Box Office, Premada Ooralli Collection, Kannada Movie Box Office, Premada Ooralli Budget, Shree Raam, Rangayana Raghu, Manoj Kumar Director, Kannada Cinema News, Small Budget Movie Hit, Premada Ooralli 70 Crore, Sandalwood Box Office]
Nithiin impressed audiences with his middle-class man avatar as writer Krishna in the announcement glimpse of Alias Rukmini. Now, the makers have introduced the female lead, Aafiya Sayed, as Rukmini, and her character glimpse leaves an interesting impression. The romantic entertainer is written and directed by Murali Kanth Devasoth, with Nani presenting the film and Deepthi Ganta producing it under Unanimous Productions.
Rukmini is introduced as a strict school teacher, with her students branding her Devil, Hitler and Homework Police. They even draw a picture depicting her strict nature and put it on the school notice board. Interestingly, instead of reacting angrily, Rukmini simply signs her name on the drawing, leaving the students stunned. The sequence suggests that she is well aware of her strict image and perhaps even enjoys it.
There is another interesting side to Rukmini, as she is seen reading a novel at school. This contrast between her disciplinarian nature and her love for books adds an appealing dimension to the character. Aafiya Sayed makes a promising impression with her looks and performance, while the makers are keeping the dynamics between her and Nithiin's Krishna under wraps, building curiosity about their relationship.
With two intriguing character glimpses, Murali Kanth appears to be building interest around the central characters and their relationship. Vijai Bulganin is composing the music for the film, which is gearing up for a worldwide theatrical release on December 4. The shoot is in its final stages, with post-production progressing simultaneously.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
జీ తెలుగు పాపులర్ సెలబ్రిటీ టాక్ షో ‘జయమ్ము నిశ్చయమ్మురా విత్ జగపతి’ రెండో సీజన్ ప్రారంభం కానుంది. ప్రేక్షకులు ఎంతో ఆసక్తిగా ఎదురుచూస్తోన్న ఈ సీజన్ తొలి ఎపిసోడ్‌కు స్టార్ హీరోయిన్ సాయి పల్లవి అతిథిగా హాజరుకానున్నారు. సహజమైన నటనతో, ప్రత్యేకమైన స్క్రీన్ ప్రెజెన్స్‌తో, అన్ని వర్గాల ప్రేక్షకుల అభిమానాన్ని సంపాదించుకున్న సాయి పల్లవి.. ఈ షో గ్రాండ్ లాంచ్ ఎపిసోడ్‌లో సందడి చేయనున్నారు. మనసులోని మాటలను నిక్కచ్చిగా బయటకు తెలిజ‌యేసే సంభాషణలు, వ్యక్తిగత జ్ఞాపకాలు, ఆసక్తికరమైన విషయాలు, వినోదభరితమైన విశేషాలతో ఈ కొత్త సీజన్ ప్రేక్షకులను అలరించనుంది.
ప్రముఖ నటుడు జగపతిబాబు హోస్ట్‌గా వ్యవహరిస్తున్న ‘జయమ్ము నిశ్చయమ్మురా’ షో.. వెండితెరపై కనిపించే తారల వ్యక్తిగత జీవితాల్లోని ఆసక్తికరమైన విషయాలను ప్రేక్షకులకు పరిచయం చేస్తూ తెలుగు ఎంటర్‌టైన్‌మెంట్‌లో తనకంటూ ప్రత్యేక గుర్తింపు తెచ్చుకుంది. తొలి సీజన్‌లో అక్కినేని నాగార్జున, శ్రీలీల వంటి ప్రముఖులు అతిథులుగా పాల్గొని, తమ వ్యక్తిగత జీవిత విశేషాలు, సినీ ప్రయాణం, అనుబంధాల గురించి పలు ఆసక్తికరమైన విషయాలను పంచుకున్నారు.
హోస్ట్ జగపతిబాబు, సెలబ్రిటీల మధ్య జరిగే సహజమైన సంభాషణలే ఈ షోకు ప్రధాన ఆకర్షణ. తమ జీవితాలను మలుపు తిప్పిన అనుభవాలు, ఇప్పటివరకు పెద్దగా బయటకు రాని జ్ఞాపకాలు, తమ ఎదుగుదలలో కీలక పాత్ర పోషించిన వ్యక్తులు, మరచిపోలేని సంఘటనల గురించి సెలబ్రిటీలు మనసు విప్పి మాట్లాడే అవకాశం ఈ షో కల్పిస్తోంది. ఇప్పుడు రెండో సీజన్ కూడా ఇదే ప్రత్యేకమైన సంభాషణల శైలిలో మరిన్ని వ్యక్తిగత విశేషాలు, ఆసక్తికరమైన ముచ్చట్లతో ప్రేక్షకులను అలరించేందుకు సిద్ధమవుతోంది.
జయమ్ము నిశ్చయమ్మురా కొత్త సీజన్ సాయి ప‌ల్ల‌వితో ప్రారంభం కానుంది. సహజత్వానికి ప్రాధాన్యమిస్తూ, భావోద్వేగాలతో పాటు ప్రత్యేకమైన వ్యక్తిత్వం ఉన్న పాత్రలతో ఆమె ప్రేక్షకులకు దగ్గరయ్యారు. త్వరలో ప్రేక్షకుల ముందుకు రానున్న ‘రామాయణ’ చిత్రంలో సీతగా సాయి పల్లవి ఎలా కనిపించబోతున్నారనే ఆసక్తి నెలకొన్న నేపథ్యంలో ఈ ఎపిసోడ్‌కు మరింత ప్రాధాన్యత సంతరించుకుంది.
ఈ సీజన్ తొలి ఎపిసోడ్‌లో సాయి పల్లవి, జగపతిబాబుతో కలిసి ఆహ్లాదకరంగా, ఆసక్తికరంగా మాట్లాడ‌బోతున్నారు. తన సినీ ప్రయాణం, వ్యక్తిగత జ్ఞాపకాలు, ఇప్పటివరకు ప్రేక్షకులకు పెద్దగా తెలియని పలు ఆసక్తికరమైన విషయాలను ఆమె ఈ సందర్భంగా తెలియ‌జేయ‌నున్నారు. ఆమె వ్యక్తిత్వం, ఆలోచనలు, జీవితంలో ఎదురైన అనుభవాల గురించి తెలుసుకునే అవకాశం ఈ ఎపిసోడ్ ద్వారా ప్రేక్షకులకు లభించనుంది.
‘జయమ్ము నిశ్చయమ్మురా విత్ జగపతి’ రెండో సీజన్ అక్టోబర్ 16 నుంచి జీ5లో స్ట్రీమింగ్ కానుంది. అలాగే అక్టోబర్ 18, ఆదివారం సాయంత్రం 7:30 గంటలకు జీ తెలుగులో టెలివిజన్ ప్రసారం కానుంది. తొలి ఎపిసోడ్‌లో సాయి పల్లవి సందడి చేయనుండటంతో ఈ సీజన్‌పై ప్రేక్షకుల్లో ఆసక్తి నెలకొంది.
ఇది కూడా చదవండి: పెళ్లి తర్వాత బోల్డ్ ఫోటోషూట్.. అక్కినేని కోడలి కొత్త ఫోటోలు వైరల్.!
[Jayammu Nischayammu Raa Season 2, Jayammu Nischayammu Raa with Jagapathi, Jagapathi Babu, Sai Pallavi, Ramayana Movie, Jayammu Nischayammu Raa, Telugu Film News]
హాలీవుడ్‌లో తనకంటూ ఒక బ్రాండ్ క్రియేట్ చేసుకున్న ప్రముఖ నటి సెల్మా బ్లెయిర్ విమాన ప్రయాణంలో సృష్టించిన బీభత్సం అంతర్జాతీయంగా సంచలనం సృష్టించింది. లాస్ ఏంజెలెస్ నుంచి న్యూయార్క్ వెళ్తున్న డెల్టా ఎయిర్‌లైన్స్ (Delta Air Lines) విమానంలో ఈ అనూహ్య ఘటన చోటుచేసుకుంది. ప్రయాణం మధ్యలో ఆమె ఒక్కసారిగా తీవ్ర ఆగ్రహానికి గురై విమాన సిబ్బందిపై విచక్షణారహితంగా దాడికి దిగడంతో ప్రయాణికులంతా ఖంగుతిన్నారు.
విమానంలో ఉన్న ఇద్దరు ఫ్లైట్ అటెండెంట్లపై ఆమె భౌతిక దాడికి పాల్పడటమే కాకుండా, వారిని కొరికినట్లు ఫిర్యాదులు అందడం గమసార్హం. ఈ హఠాత్పరిణామంతో విమానంలో తీవ్ర గందరగోళ వాతావరణం నెలకొంది. ఆదివారం రాత్రి న్యూయార్క్‌లోని ప్రఖ్యాత జాన్ ఎఫ్. కెన్నెడీ (JFK) అంతర్జాతీయ విమానాశ్రయంలో విమానం ల్యాండ్ అయిన వెంటనే, భద్రతా సిబ్బంది మరియు పోలీసులు అప్రమత్తమై రంగంలోకి దిగారు. విమానంలో ప్రయాణికులతో అసభ్యంగా ప్రవర్తించి, సిబ్బందిని గాయపరిచిన ఆరోపణలతో 54 ఏళ్ల నటి సెల్మా బ్లెయిర్‌ను పోలీసులు అదుపులోకి తీసుకున్నారు. ఈ ఘటనలో తీవ్రంగా గాయపడిన ఇద్దరు ఫ్లైట్ అటెండెంట్లలో ఒకరిని మెరుగైన వైద్య పరీక్షలు మరియు చికిత్స నిమిత్తం వెంటనే సమీప ఆసుపత్రికి తరలించారు. అయితే ఆసుపత్రికి తరలించే క్రమంలో లేదా వైద్య పరీక్షల సమయంలో ఆమె అక్కడ విధుల్లో ఉన్న నర్సుపై, అలాగే పోలీసు అధికారులపై కూడా దురుసుగా ప్రవర్తించి దాడికి యత్నించినట్లు అధికారిక వర్గాలు వెల్లడించాయి.
ఇది కూడా చదవండి: రాజాసాబ్ ఎందుకు ప్లాప్ అయ్యిందో చెప్పేసిన నిర్మాత: డార్లింగ్ ఫ్యాన్స్ వింటే షాక్ అవుతారు!
ఈ పరిణామాల నేపథ్యంలో రంగంలోకి దిగిన ఫెడరల్ బ్యూరో ఆఫ్ ఇన్వెస్టిగేషన్ (FBI) అధికారులు ఈ ఘటనపై కూలంకషంగా దర్యాప్తు ప్రారంభించారు. మరోవైపు ఈ వివాదంపై సెల్మా బ్లెయిర్ ప్రతినిధులు మరియు న్యాయవాది స్పందిస్తూ.. ప్రయాణ సమయానికి ఆమె తీవ్రమైన అనారోగ్య సమస్యలతో బాధపడుతున్నారని, ఆ సమయంలో ఆమె మానసిక పరిస్థితి సరిగ్గా లేదని కోర్టుకు వివరణ ఇచ్చారు. విరామం లేకుండా ఎక్కువ గంటలు పనిచేయడం, తీవ్రమైన అలసట, మరియు గతంలో ఆమెకి తగిలిన గాయాల ప్రభావం వల్లనే ఆమె అలా ప్రవర్తించి ఉండవచ్చని, ఇది ఉద్దేశపూర్వకంగా చేసింది కాదని వారు వాదించారు.
[Selma Blair Flight Arrest Chaos,Selma Blair, Selma Blair flight arrest, Hollywood actress news, Delta Air Lines incident, Telugu Cinema, TeluguCinema News, Tollywood, Tollywood News]
The ENE gang is ready to return to the big screens with ENE Repeat. Vishwak Sen, Abhinav Gomatam, Venkatesh Kakumanu and Srinath Maganti are reuniting for the sequel, directed by Tharun Bhascker. The makers have announced November 19 as the worldwide theatrical release date, unveiling a new poster featuring the gang ready to board a flight with their luggage packed.
The original Ee Nagaraniki Emayyindi developed a cult following among Telugu audiences, particularly youngsters, for its relatable characters, effortless humour and authentic portrayal of friendship. The combination of Tharun Bhascker's writing and the lead actors' comic timing made it a memorable buddy comedy. The reunion of the original gang has now raised expectations for the sequel.
Unlike a routine continuation, ENE Repeat is said to feature a fresh storyline while retaining the spirit of the original. The latest poster hints at another entertaining journey for the gang, with the makers promising a youthful entertainer packed with humour and friendship. Shivatmika Rajasekhar and Anisha Ambrose play the female leads.
Produced by Srujan Yarabolu and Sandeep Nagireddy, the film features music by Vivek Sagar, whose work was an integral part of the original film's appeal. With the release date locked, the makers are expected to unveil further details about the film and its promotional campaign in the coming days. The reunion of this popular gang is set to bring back the nostalgia of Ee Nagaraniki Emayyindi.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
The conversations that stay with us are often the ones that go beyond the familiar, revealing the person behind the public image. Zee Telugu’s popular celebrity talk show Jayammu Nischayammu Raa with Jagapathi returns with its second season, opening with an eagerly anticipated guest, Sai Pallavi. Beloved by audiences for her natural performances, distinctive screen presence and the affection she inspires across generations, the actress graces the grand launch episode, setting the stage for a season of candid conversations, personal recollections and entertaining revelations.
Hosted by acclaimed actor Jagapathi Babu, Jayammu Nischayammu Raa carved out its space in Telugu entertainment by bringing film personalities into conversations that extend beyond their on-screen identities. The first season featured prominent guests, including Akkineni Nagarjuna and Sreeleela, offering audiences glimpses into their personal lives, career journeys and relationships. The show's appeal lies in the interplay between its host and guests, allowing familiar stars to revisit formative experiences, share lesser-known memories and speak about the people and moments that have shaped them. Season 2 builds on this conversational format, returning with the promise of more personal stories and engaging exchanges.
Sai Pallavi is a fitting choice to lead the new season. Known for bringing an unaffected authenticity to her performances, she has cultivated a strong connection with audiences through characters that balance emotional depth with individuality. Her portrayal of Sita has further strengthened the affection many viewers feel for her, with audiences embracing her as “our Sita”. With anticipation surrounding her portrayal of Sita in the upcoming Ramayana, the episode carries added significance, featuring what is being positioned as Sai Pallavi’s first exclusive interview following the film’s title announcement. Beyond her filmography, her grounded public persona and candid approach to conversations have made her a distinctive presence in contemporary Indian cinema.
In the season premiere, Sai Pallavi joins Jagapathi Babu for a warm, lively conversation that explores her journey, memories and moments audiences may not have encountered before. Against the backdrop of growing interest in her association with Ramayana, the conversation offers viewers an opportunity to discover the experiences, thoughts and personal stories behind her familiar screen image. With Jagapathi Babu steering the exchange, the interaction brings together the spontaneity of a celebrity chat and the personal warmth of a conversation between two familiar personalities.
The launch also sets the tone for a new season designed to bring Telugu audiences closer to the people they admire on screen. By combining humour, nostalgia, candid exchanges and personal anecdotes, Jayammu Nischayammu Raa offers an alternative to conventional promotional interviews, placing the conversation and the individual at its centre.
Jayammu Nischayammu Raa with Jagapathi Season 2 premieres on ZEE5 on 16 October 2026, with the television telecast scheduled for Sunday, 18 October 2026, at 7:30 PM on Zee Telugu. With Sai Pallavi leading its opening episode, the show returns with a familiar promise: stories that emerge when the spotlight shifts from the star to the person behind it.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
అక్కినేని నాగచైతన్యతో పెళ్లి తర్వాత శోభిత ధూళిపాళ పేరు తెలుగు ప్రేక్షకుల్లో మరింతగా వినిపిస్తోంది. అయితే నటిగా తనకంటూ ప్రత్యేక గుర్తింపు తెచ్చుకున్న ఈ అమ్మడు.. ఇప్పుడు మరోసారి తన స్టైలిష్ లుక్స్‌తో సోషల్ మీడియాలో చర్చనీయాంశంగా మారింది. ప్రముఖ మ్యాగజైన్ ‘ది హాలీవుడ్ రిపోర్టర్ ఇండియా’ కవర్ పేజీ కోసం చేసిన లేటెస్ట్ ఫోటోషూట్‌లో శోభిత కనిపించిన తీరు అందరి దృష్టిని ఆకర్షిస్తోంది.
గ్రే కలర్ క్రాప్డ్ ఫాక్స్ ఫర్ జాకెట్‌, బ్లాక్ అవుట్‌ఫిట్‌, గోల్డ్ బెల్ట్‌తో శోభిత ఇచ్చిన కవర్ లుక్‌ ప్రత్యేకంగా నిలిచింది. మరో లుక్‌లో బ్లాక్ హాల్టర్ నెక్ డ్రెస్‌, స్ట్రాపీ కట్-అవుట్స్‌తో కనిపించింది. ప్లమ్ కలర్ బాడీసూట్‌, మెజెంటా వన్‌-షోల్డర్ డ్రేప్‌, క్రిస్టల్ ఫ్రింజ్‌తో కూడిన హై బూట్స్‌తోనూ కెమెరాకు పోజులిచ్చింది.
2024 డిసెంబర్‌లో నాగచైతన్యను పెళ్లి చేసుకున్న శోభిత.. తన వ్యక్తిగత జీవితంతో పాటు కెరీర్‌పైనా దృష్టి పెడుతోంది. మ్యాగజైన్ కవర్ షూట్‌లో ఆమె ఎంచుకున్న దుస్తులు, ఇచ్చిన పోజులు ఇప్పుడు నెట్టింట చర్చకు దారితీశాయి. పెళ్లి తర్వాత ఆమె లుక్‌లో వచ్చిన మార్పుల గురించి కొందరు మాట్లాడుకుంటుంటే.. మరికొందరు ఆమె ఫ్యాషన్ సెన్స్‌ను ప్రశంసిస్తున్నారు.
అయితే శోభితను కేవలం గ్లామర్‌ ఫోటోషూట్లతోనే గుర్తించలేం. ‘మేడ్ ఇన్ హెవెన్’, ‘మేజర్’, ‘పొన్నియిన్ సెల్వన్’, ‘మంకీ మ్యాన్’ వంటి ప్రాజెక్టులతో విభిన్న భాషల్లో నటిగా గుర్తింపు తెచ్చుకుంది. పాత్రల ఎంపికలోనూ వైవిధ్యం చూపిస్తూ తన కెరీర్‌ను ముందుకు తీసుకెళ్తోంది.
ప్రస్తుతం శోభిత నటిస్తున్న ప్రాజెక్టుల్లో పా. రంజిత్ దర్శకత్వంలోని ‘వెట్టువమ్‌’ ఒకటి. ఈ సినిమాలో తన పాత్ర గురించి మాట్లాడుతూ.. ఈ రోల్ కోసం తన సర్వస్వం ధారపోశానని, చాలా కాలంగా ఇలాంటి పవర్ఫుల్ పాత్ర కోసం ఎదురుచూస్తున్నానని ఆమె వెల్లడించింది.
ఒకవైపు ఫ్యాషన్ ప్రపంచంలో తన లుక్స్‌తో దృష్టిని ఆకర్షిస్తూనే.. మరోవైపు నటిగా కొత్త తరహా పాత్రలతో ప్రేక్షకుల ముందుకు రావడానికి శోభిత సిద్ధమవుతోంది. మరి ‘వెట్టువమ్‌’లో ఆమె పాత్ర ప్రేక్షకులను ఎంతవరకు ఆకట్టుకుంటుందో చూడాలి.
ఇది కూడా చదవండి: కంగనాపై అశ్లీల AI కంటెంట్‌.. ఢిల్లీ హైకోర్టు కీలక ఆదేశాలు.!
https://www.instagram.com/p/DebNKZEE-OK/
[Sobhita Dhulipala Photoshoot, The Hollywood Reporter India, Sobhita Dhulipala Latest Photos, Sobhita Dhulipala Instagram, Sobhita Photos, Sobhita Dhulipala, Vettuvam Movie, Telugu Film News]
పాన్ ఇండియా రెబల్ స్టార్ ప్రభాస్ నుంచి వచ్చిన 'ది రాజాసాబ్' ఫలితం గురించి తెలిసిన విషయమే. ఫ్యాన్స్ కైతే షాక్ ఇచ్చిందని చెప్పవచ్చు. రీసెంట్ గా రాజా సాబ్ ఫలితంపై ఆ చిత్ర నిర్మాత పీపుల్ మీడియా ఫ్యాక్టరీ అధినేత టీజి విశ్వప్రసాద్ చెప్పిన మాటలు వైరల్ గా మారాయి.
ఆయన మాట్లాడుతు రాజా సాబ్ విషయంలో మొదట జరిగిన అతి పెద్ద ఫండమెంటల్ మిస్టేక్ రిలీజ్ టైం. సినిమా వచ్చిన సీజన్ కరెక్ట్ కాదు. వేరే ఏ సీజన్ లో వచ్చినా రిజల్ట్ మరోలా ఉండేది.టికెట్ రేట్స్ పెంచడానికి కూడా ప్రయతించడం సినిమాపై నెగిటివ్ ప్రభావం చూపించింది. నిజానికి మేము తొలిసారి టికెట్ రేట్స్ పెంచడానికి ప్రయత్నించిన సినిమా. ఆ విధంగా చేయకుండా ఉండాల్సింది. దానివల్ల రిలీజ్ టైం ఆలస్యమయింది. రిలీజ్ రోజే ప్రీమియర్స్ డిలే కావడం,ఇతర సాంకేతిక సమస్యలు సైతం సినిమా ఫలితంపై తీవ్ర ప్రభావం చూపాయని చెప్పుకొచ్చాడు.
ఇది కూడా చదవండి: మృణాల్ ఠాకూర్ ఆసక్తికర వ్యాఖ్యలు: ఆ ప్రత్యేకమైన క్యారక్టర్ కోసమే ఎదురుచూపులు
ఇక ప్రభాస్, సందీప్ రెడ్డి వంగ ప్రాజెక్ట్ స్పిరిట్ ని పీపుల్ మీడియానే డిస్ట్రిబ్యూట్ చేయనుంది. ఈ నెల 17 న గరివిడి లక్ష్మికి పీపుల్ మీడియానే నిర్మించింది. ఆ చిత్ర ప్రమోషన్స్ లోనే రాజా సాబ్ పై మాట్లాడటం జరిగింది.
[Producer Tg Vishwa Prasad About The Raja saab Plop, The Raja Saab, TG Vishwa Prasad, Prabhas movie result, garividi Lakshmi, Telugu Cinema, TeluguCinema News, Tollywood, Tollywood News]
ఇండియన్ సెల్యులాయిడ్ వద్ద కళ్ళతోనే తన క్యారక్టర్ తాలూకు భావజాలాన్ని ప్రదర్శించే అతి తక్కువ మంది నటీమణుల్లో మృణాల్ ఠాకూర్ ఒకరు. అందుకే ఆటోమేటిక్ గా భారీ ఫ్యాన్ బేస్ ని తక్కువ సమయంలోనే పొందింది. ఎంతలా అంటే తన కట్ అవుట్ కనపడటం ఆలస్యం పనులు మానుకుని కూడా థియేటర్ కి వెళ్లేంతలా.
డెకాయిట్ తర్వాత కొత్త ప్రాజెక్ట్స్ ఏవి ప్రకటించని నేపథ్యంలో ఆమె తాజాగా ఒక ఇంటర్వ్యూ లో మాట్లాడుతు 'ఇటీవల కాలంలో నేను ఎన్నో వైవిధ్యభరితమైన స్క్రిప్ట్‌లు విన్నాను. అయితే మనసును హత్తుకునే సరికొత్త క్యారక్టర్ కోసం ఎంతో ఆసక్తిగా ఎదురుచూస్తున్నాను. పాత్ర ఏదైనా అందులో బలమైన భావోద్వేగాలు ఉండాలి.ప్రేక్షకుల హృదయాల్లో చిరస్థాయిగా నిలిచిపోయేలా తన రోల్ ఉండాలని చెప్పుకొచ్చింది. ఆ మాటల్ని బట్టే అర్ధమవుతుంది. ఒక మూవీలో తన క్యారక్టర్ ఎంత ఇంపార్టెన్స్ ఇస్తుందో అని.
ఇది కూడా చదవండి: విజయ్ సేతుపతి, శృతి హాసన్ ట్రైన్ రిలీజ్ డేట్ వచ్చేసింది: ఫ్యాన్స్ సంబరాలు!
ఇప్పటికి వరకు తన నుంచి వచ్చిన అన్ని చిత్రాలు ఆ కోవకి చెందినవే. హీరో కట్ అవుట్ ఏదైనా సరే తన జైత్రయాత్ర స్పష్టంగా కనిపిస్తుంది
[Mrunal Thakur latest Interview, Mrunal Thakur up coming projects, Mrunal Thakur, Tollywood actress, Mrunal Thakur new project,Telugu Cinema, TeluguCinema News, Tollywood, Tollywood News]
Tamannaah Bhatia is reportedly in contention to headline The Dirty Picture 2, the sequel to Vidya Balan's National Award-winning film. Ektaa Kapoor, who produced the 2011 blockbuster, has confirmed that the sequel is in development, and speculation about its lead actress and storyline has now begun. Triptii Dimri's name is also doing the rounds for the project.
According to the latest industry buzz, the sequel will not revisit the life of Silk Smitha, whose story inspired the original. Instead, the film is expected to explore the darker side of the entertainment industry, including the discrimination and sexual exploitation faced by women. However, the makers are yet to confirm the storyline or the lead actress.
Tamannaah appears to be a strong contender, given her popularity across Hindi and South Indian cinema. Her recent high-profile dance numbers have also strengthened her bold screen image, making her an interesting choice for a film carrying the legacy of The Dirty Picture. Triptii Dimri, who gained wider recognition with Animal, is another name being discussed for the role.
Meanwhile, speculation suggests that the sequel could draw inspiration from the tragic life of actress Nisha Noor, who worked predominantly in Tamil and Malayalam cinema during the 1980s. However, there is no confirmation that her life will form the basis of the film.
The original The Dirty Picture, directed by Milan Luthria, featured Vidya Balan alongside Naseeruddin Shah, Emraan Hashmi and Tusshar Kapoor. Vidya won the National Film Award for Best Actress for her performance. With Tamannaah and Triptii now linked to the sequel, the casting is likely to remain a major talking point until Ektaa Kapoor makes an official announcement.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్రపంచ యుద్ధ సమయంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది.
అదంటే మరి ఆమెకు ప్రాణ స‌మానం. చాలా కాలం దొరుకుతుంద‌ని, తర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్ట‌ర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్.
రెండో ప్రపంచ యుద్ధ సమయంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయన ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం తన న‌గ‌రంలోని ఒక బ్యాంక్‌లో భ‌ద్ర ప‌ర‌చ‌మ‌ని ఇచ్చార‌ట. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట తర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి తన దగ్గర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి తన వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే కదా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు! అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆసక్తి వున్న‌ప్ప‌టికీ శ‌క్తి సామ‌ర్ధ్యాలు లేవు. అందుక‌నే త్వరలో ఎవ‌రిక‌యినా అమ్మేసీ వచ్చిన సొమ్మును పిల్ల‌ల‌కు పంచుదామ‌నుకుంటోందిట! చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్లలు ఉన్నారు. అంద‌రూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం తర్వాత ఇల్లు చేరిన క‌ళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్‌, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్‌.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్‌, ఎంపీ అరవింద్‌ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్‌ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్‌, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వ‌రుస ట్వీట్లు చేశారు. వ్యక్తిగత ప్ర‌యోజ‌నాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయన ఓ ట్వీట్లో అన్నారు. ఆనంద్ శర్మ అన‌వ‌స‌రంగా కాంగ్రెస్‌ను ల‌క్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయన ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూటమికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ, విభజన రాజకీయాలు చేస్తున్న బీజేపీకి చెక్ పెట్ట‌డానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం.
ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది.
ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి 91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్ ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’ సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది. నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి మాత్రం పశ్చిమ బెంగాల్ పైనే వుంది.
పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.
పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.
ఇప్పటికే తెలంగాణ బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు. అలాగే, దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
ఇంట్లో కుటుంబ సభ్యులు మన ప్రతి చిన్న విషయంలోనూ తలదూర్చడం లేదా ప్రతిదానికీ అతిగా సలహాలు ఇవ్వడం వల్ల ఎంతోమంది మానసిక ప్రశాంతతని కోల్పోతుంటారు. ప్రేమతో చెప్పే విషయాలైనా కొన్నిసార్లు అది వ్యక్తిగత స్వేచ్ఛకు అడ్డుగా మారుతుంది. అయితే ఈ సమస్యను గొడవలు పడకుండా, పెద్దల మనసు నొచ్చకుండా పరిష్కరించుకోవాలి . అందుకోసం ఏం చేయాలో తెలుసుకుంటే...
గోప్యత..
మన జీవితంలో కొన్ని విషయాలు పూర్తిగా మన వ్యక్తిగతమైనవి. ఉద్యోగం, ఆర్థిక విషయాలు, జీవన శైలి లేదా మన రోజువారీ నిర్ణయాలు అన్నీ కుటుంబ సభ్యులతో పంచుకోవాలని లేదు. అవసరం లేని విషయాలను ఇంట్లో వాళ్ళతో ప్రస్తావించకుండా ఉండటమే చాలాసార్లు గొడవలకు దూరంగా ఉండేలా చేస్తుంది. మీ వ్యక్తిగత విషయాలపై గోప్యత పాటించడం నేర్చుకుంటే చాలా వరకు అనవసర జోక్యం తగ్గుతుంది.
అర్థమయ్యేలా చెప్పడం..
ఒకవేళ కుటుంబ సభ్యులు ఏదైనా విషయంలో ఎక్కువగా జోక్యం చేసుకుంటుంటే, వారికి మీ అభిప్రాయాన్ని ప్రశాంతంగా, ప్రేమగా తెలియజేయాలి. మీ నిర్ణయాలను మీరే స్వయంగా తీసుకునే వయసులో ఉన్నామని, ఒకవేళ తప్పు జరిగితే దాని నుంచి నేర్చుకునే అవకాశం ఇవ్వమని వాళ్లకు అర్థమయ్యేలా చెప్పాలి. కోపంతో అరుచుకోవడం వల్ల సమస్య మరింత పెరుగుతుంది కానీ పరిష్కారం దొరకదు.
మంచి చెబితే వినాలి..
కొన్నిసార్లు కుటుంబ సభ్యులు మన మేలు కోరి మాత్రమే సలహాలు ఇస్తుంటారు. అలాంటప్పుడు వారి ఉద్దేశం మంచిదేనని గుర్తించి వాళ్ళని పూర్తిగా తప్పుపట్టాల్సిన అవసరం లేదు. వారి సలహాలను విన్నట్లుగా నటించి, ఆ తర్వాత మీ మనసుకు ఏది సరైనదనిపిస్తే అదే చేయడం మంచిది. దీనివల్ల వారిపై మీకు గౌరవం ఉన్నట్లుంటుంది, అదే సమయంలో మీ నిర్ణయం మీదే నిలబడవచ్చు.
లిమిట్స్..
మన జీవితంలో కొన్ని హద్దులను మనమే స్పష్టంగా గీయాలి. ఎక్కడ మాట్లాడాలి, ఎంతవరకు మన విషయాలను పంచుకోవాలనే దానిపై స్పష్టత ఉండాలి. మీ వ్యక్తిగత స్థలాన్ని కాపాడుకోవడం చాలా ముఖ్యం. కుటుంబ సభ్యులతో ఎప్పుడూ ప్రశాంతంగా మాట్లాడుతూ, మీ అభిప్రాయాలను సున్నితంగా వ్యక్తం చేస్తే కాలక్రమేణా వారు కూడా మీ నిర్ణయాలను గౌరవించడం ప్రారంభిస్తారు.
*రూపశ్రీ.
ఆంధ్రా మరియు తెలంగాణ ఇళ్లలో కూరలు తినబుద్ధి కాకపోయినా, రొటీన్ వంటలతో విసుగొచ్చినా మనందరికీ ముందుగా గుర్తొచ్చే సాంప్రదాయ వంటకం అద్భుతమైన కంది పచ్చడి. ఇంట్లో ఏ కూరగాయలు లేనప్పుడు లేదా హడావిడిగా రుచికరమైన భోజనం చేయాలనుకున్నప్పుడు ఈ పచ్చడి అమృతంలా ఆదుకుంటుంది. కేవలం 10 నిమిషాల్లో ఎంతో సులభంగా సిద్ధమయ్యే ఈ కంది పచ్చడి తయారీ విధానం మరియు దీనికి కావలసిన కొలతలు ఎంతో ప్రత్యేకమైనవి. ఈ అచ్చమైన ఆంధ్రా స్టైల్ పచ్చడి తయారీ కోసం ప్రధానంగా పావు కప్పు కందిపప్పు, 1 టీస్పూన్ మినపప్పు, కారానికి సరిపడా 15 నుండి 20 ఎండుమిరపకాయలు తీసుకోవాలి. వీటితో పాటు పావు కప్పు కరివేపాకు, 1 టీస్పూన్ జీలకర్ర, చిన్న నిమ్మకాయ సైజులో వేడి నీళ్లలో నానబెట్టుకున్న చింతపండు, 3 నుండి 4 వెల్లుల్లి రెబ్బలు మరియు రుచికి సరిపడా ఉప్పు అవసరమవుతాయి. తాలింపు కోసం 1 నుండి 2 టేబుల్ స్పూన్ల నూనె, 1 టీస్పూన్ ఆవాలు, పావు టీస్పూన్ ఇంగువ, పావు టీస్పూన్ పసుపు సిద్ధం చేసుకోవాలి.
మొదటగా స్టవ్‌పై పాన్ పెట్టి పావు కప్పు కందిపప్పు వేసి సన్నటి సెగపై దోరగా, మంచి వాసన వచ్చే వరకు వేయించుకోవాలి. ఆ తర్వాత అందులోనే 1 టీస్పూన్ మినపప్పు వేసి కాస్త వేయించిన తరువాత, 15 నుండి 20 ఎండుమిరపకాయలను జత చేయాలి. ఆపై పావు కప్పు కరివేపాకు వేసి అది క్రిస్పీగా మారేంత వరకు వేయించి, చివరగా 1 టీస్పూన్ జీలకర్ర వేసి స్టవ్ ఆఫ్ చేయాలి. ఈ దినుసులన్నీ పూర్తిగా చల్లారిన తర్వాత వీటిని మిక్సీ జార్‌లోకి తీసుకోవాలి. ఇందులో రుచికి సరిపడా ఉప్పు వేసి ముందుగా పొడిలా గ్రైండ్ చేసుకోవాలి. ఆ తర్వాత నానబెట్టిన చింతపండును దాని నీళ్లతో సహా, పొట్టు తీసిన 3 నుండి 4 వెల్లుల్లి రెబ్బలు వేసి, కాచి చల్లార్చిన నీళ్లను కొద్దికొద్దిగా పోస్తూ రోటి పచ్చడి లాగా బరకగా గ్రైండ్ చేసుకోవాలి.
ఇప్పుడు పచ్చడికి పరిపూర్ణమైన రుచినిచ్చే తాలింపు సిద్ధం చేసుకోవాలి. దీనికోసం చిన్న కడాయిలో 1 నుండి 2 టేబుల్ స్పూన్ల నూనె వేడి చేసి, 1 టీస్పూన్ ఆవాలు, కరివేపాకు, పావు టీస్పూన్ పసుపు, పావు టీస్పూన్ ఇంగువ వేసి దోరగా వేయించాలి. ఈ ఘుమఘుమలాడే తాలింపును ముందుగా సిద్ధం చేసుకున్న కంది పచ్చడిలో వేసి బాగా కలపాలి. కాచి చల్లార్చిన నీటిని వాడటం వల్ల ఈ పచ్చడి ఫ్రిజ్‌లో దాదాపు 10 రోజుల పాటు తాజాగా నిల్వ ఉంటుంది. పొగలు కక్కే వేడివేడి అన్నంలో ఈ కంది పచ్చడిని వేసుకొని, చెంచాడు స్వచ్ఛమైన నెయ్యి వేసుకొని కలుపుకుని తింటే ఆ రుచి స్వర్గానికి బెత్తెడే దూరంలో ఉన్నంత ఆనందాన్ని ఇస్తుంది. పక్కన నంజుకోవడానికి ఉల్లిపాయ లేదా అప్పడం ఉంటే భోజనం మరింత అద్భుతంగా సాగిపోతుంది.
Andhra style Kandi Pachadi, Toor Dal Chutney recipe, 10 minute chutney recipe, authentic Andhra recipes, Kandi Pachadi for rice, traditional Telugu pachadi, quick dal chutney.
ఉరుకుల పరుగుల ఆధునిక జీవనశైలిలో చాలామంది ఉదయం నుంచి రాత్రి వరకు ఆఫీసు పనులు, ఇంటి బాధ్యతలతో బిజీగా గడుపుతుంటారు. ఈ హడావుడిలో చాలామంది రాత్రి భోజనం చేసే సమయాన్ని అసలు పట్టించుకోరు. కొందరు చాలా ఆలస్యంగా రాత్రి 9 లేదా 10 గంటల తర్వాత భోజనం చేస్తుంటే, మరికొందరు తిన్న వెంటనే నేరుగా మంచంపై పడుకుంటున్నారు. అయితే ఇలాంటి చెడు అలవాట్ల వల్ల ఆరోగ్యంపై తీవ్ర ప్రభావం పడుతుందని వైద్య నిపుణులు హెచ్చరిస్తున్నారు. రాత్రి భోజనం చేసే సమయం మన జీర్ణక్రియపై, నిద్ర నాణ్యతపై ప్రత్యక్ష ప్రభావాన్ని చూపుతుంది. అందుకే ఏ సమయంలో తింటున్నాం, పడుకునే ముందు ఎంత విరామం ఇస్తున్నాం అనే విషయాలపై ప్రత్యేక శ్రద్ధ పెట్టడం చాలా ముఖ్యం. సాధారణంగా రాత్రి భోజనానికి, నిద్రపోయే సమయానికి మధ్య కనీసం 2 నుంచి 3 గంటల విరామం కచ్చితంగా ఉండేలా చూసుకోవడం ఆరోగ్యానికి ఎంతో శ్రేయస్కరం. ఉదాహరణకు, మీరు రాత్రి 10 గంటలకు నిద్రపోవాలనుకుంటే, సాయంత్రం 7 నుంచి 8 గంటల మధ్యే మీ భోజనాన్ని పూర్తి చేయడానికి ప్రయత్నించాలి.
మనం భోజనం చేసిన వెంటనే పడుకున్నప్పుడు, జీర్ణ వ్యవస్థ విశ్రాంతి తీసుకోవడానికి బదులుగా ఆహారాన్ని జీర్ణం చేయడానికి తీవ్రంగా శ్రమించాల్సి వస్తుంది. దీనివల్ల కడుపులోని ఆమ్లం అన్నవాహికలోకి తిరిగి ప్రవహించే ప్రమాదం పెరుగుతుంది. ఫలితంగా గుండెల్లో మంట, ఎసిడిటీ, పుల్లటి త్రేన్పులు, కడుపు ఉబ్బరం వంటి తీవ్రమైన అసౌకర్యాలు చుట్టుముడతాయి. ముఖ్యంగా యాసిడ్ రిఫ్లక్స్ లేదా జీర్ణ సంబంధిత సమస్యలు ఉన్నవారిలో ఈ లక్షణాలు మరింత ఎక్కువగా కనిపిస్తాయి. అంతేకాకుండా, రాత్రి సమయంలో ఆలస్యంగా తినడం వల్ల శరీర సహజ సిద్ధమైన జీవ గడియారం (బయోలాజికల్ క్లాక్) సమతుల్యత దెబ్బతింటుంది. రాత్రి వేళల్లో రక్తపోటు (బీపీ) సహజంగా తగ్గాలి, దీనిని నైట్ టైమ్ డిప్పింగ్ అంటారు. కానీ లేట్ నైట్ డిన్నర్ లేదా ఆలస్యంగా తినడం వల్ల రాత్రివేళల్లో కూడా బీపీ తగ్గకుండా ఎక్కువగానే ఉంటుంది. అలాగే ఇన్సులిన్ పనితీరు మందగించి రక్తంలో చక్కెర స్థాయిలు పెరిగే అవకాశం ఉంది. ఒక అధ్యయనం ప్రకారం, రాత్రి 10 గంటలకు భోజనం చేయడం వల్ల సాయంత్రం 6 గంటలకు తినడంతో పోలిస్తే రక్తంలో చక్కెర స్థాయిలు సుమారు 18 శాతం ఎక్కువగా పెరుగుతాయి మరియు రాత్రి సమయంలో కొవ్వు కరిగే ప్రక్రియ సుమారు 10 శాతం వరకు తగ్గుతుంది. దీర్ఘకాలంలో ఇది ఊబకాయం మరియు బరువు పెరగడానికి దారితీస్తుంది.
రాత్రి పూట మనం ఏం తింటున్నాం, ఎంత పరిమాణంలో తింటున్నామనేది కూడా అంతే ముఖ్యం. రాత్రివేళల్లో అధికంగా కారం, మసాలాలు ఉన్న వంటకాలు, బాగా నూనెలో వేయించిన పదార్థాలు తీసుకోవడం వల్ల అజీర్ణం ముప్పు పెరుగుతుంది. అలాగే కాఫీ, టీ, డార్క్ చాక్లెట్లలో ఉండే కెఫీన్ కారణంగా నిద్ర పట్టడం ఆలస్యం కావచ్చు. భోజనం తర్వాత అధికంగా స్వీట్లు లేదా ఐస్‌క్రీమ్‌లు తీసుకోవడం ద్వారా శరీరంలోకి అదనపు కేలరీలు, చక్కెర చేరుతాయి. కాబట్టి రాత్రి భోజనం ఎప్పుడూ సమతుల్యంగా, తేలికపాటి ఆహారంతో ఉండాలి. అన్నం లేదా రొట్టెలతో పాటు కూరగాయలు, పప్పులు, కిచిడీ, గంజి, లేదా వెజిటబుల్ సూప్ వంటి తేలికగా అరిగే పదార్థాలను ఎంచుకోవడం మంచిది. భోజనం చేసిన వెంటనే తీవ్రమైన వ్యాయామాలు లేదా వేగంగా నడవడం చేయకూడదు. కొద్దిసేపు నిశ్శబ్దంగా నడవడం లేదా ఆకలికి తగినట్లుగా మితంగా తినడం ద్వారా సంపూర్ణ ఆరోగ్యాన్ని, ప్రశాంతమైన నిద్రను సొంతం చేసుకోవచ్చు.
best dinner time for diabetes, dinner timing for blood pressure, early dinner benefits, blood sugar control rules, ideal meal times for health, managing hypertension naturally, dinner habits for health.
మన కాళ్లకు సరైన రక్తప్రసరణ అందకపోతే నడవడం దగ్గర నుంచి రోజువారీ పనులు చేసుకోవడం వరకు అనేక ఇబ్బందులు ఎదురవుతాయి. కొంతమందికి కొద్దిదూరం నడవగానే పిక్కల్లో నొప్పి రావడం, పాదాల్లో తీవ్రమైన నొప్పి, కాళ్ల వాపు, చర్మం రంగు మారడం వంటి లక్షణాలు కనిపిస్తాయి. అయితే ఈ సమస్యలన్నీ ఒకే కారణంతో వస్తాయని భావించకూడదు. వీటి వెనుక రక్తనాళాలకు సంబంధించిన వివిధ సమస్యలు ఉండవచ్చు.
కాళ్లకు రక్తాన్ని సరఫరా చేసే ధమనుల్లో కొవ్వు పేరుకుపోవడం వల్ల రక్తప్రవాహం తగ్గవచ్చు. ముఖ్యంగా నడుస్తున్నప్పుడు పిక్కల్లో నొప్పి వచ్చి, విశ్రాంతి తీసుకున్నప్పుడు తగ్గిపోవడం కాళ్ల ధమనుల్లో రక్తప్రసరణ తగ్గడానికి సంకేతం కావచ్చు. అలాగే పాదాలు చల్లబడటం, గాయాలు త్వరగా మానకపోవడం, చర్మం రంగు మారడం వంటి లక్షణాలను కూడా నిర్లక్ష్యం చేయకూడదు.
మరోవైపు, కాళ్లలోని సిరలు రక్తాన్ని తిరిగి గుండెకు చేరవేయడంలో సమస్య ఎదురైతే వెరికోస్ వెయిన్స్ (Varicose Veins) వంటి పరిస్థితులు ఏర్పడవచ్చు. కాళ్లలో వాపు, బరువుగా అనిపించడం, చర్మంపై ఉబ్బిన సిరలు కనిపించడం వంటి లక్షణాలు ఉండవచ్చు. ధమనుల్లో రక్తప్రసరణ తగ్గడం, సిరల్లో రక్తం తిరిగి ప్రవహించడంలో సమస్యలు రెండూ వేర్వేరు పరిస్థితులు.
ఈ వీడియోలో వాస్క్యులర్ సర్జన్ డాక్టర్ ఎస్. శ్రీకాంత్ రాజు గారు కాళ్లకు రక్తప్రసరణ తగ్గడానికి గల కారణాలు, కాళ్ల రక్తనాళాల్లో బ్లాకేజీలు ఏర్పడినప్పుడు కనిపించే లక్షణాలు, వెరికోస్ వెయిన్స్ సమస్య గురించి వివరించారు. అలాగే రక్తప్రసరణను పరీక్షించడానికి ఉపయోగించే డాప్లర్ టెస్ట్ (Doppler Test) గురించి, సమస్య తీవ్రతను బట్టి అందుబాటులో ఉండే చికిత్సా విధానాల గురించి తెలియజేశారు.
రక్తనాళాల్లో బ్లాకేజీలను తొలగించడానికి లేదా రక్తప్రవాహాన్ని మెరుగుపరచడానికి కొన్ని సందర్భాల్లో బెలూన్ యాంజియోప్లాస్టీ (Balloon Angioplasty), స్టెంట్ చికిత్స (Stent Treatment) అవసరమవుతాయి. అయితే ప్రతి ఒక్కరికీ ఈ చికిత్సలు అవసరం ఉండవు. సమస్య ఎక్కడ ఉంది, ఎంత తీవ్రంగా ఉంది, రోగి ఆరోగ్య పరిస్థితి ఎలా ఉంది అనే అంశాల ఆధారంగా వైద్యులు చికిత్సను నిర్ణయిస్తారు.
కాళ్ల నొప్పులను వయసు పెరగడం వల్ల వచ్చే సాధారణ సమస్యగా భావించి నిర్లక్ష్యం చేస్తున్నారా? నడిచేటప్పుడు పిక్కల్లో నొప్పి రావడానికి రక్తప్రసరణ తగ్గడం కూడా కారణమవుతుందా? డాప్లర్ పరీక్ష ఎప్పుడు చేయించుకోవాలి? రక్తనాళాల్లో బ్లాకేజీ ఉంటే ఎలాంటి చికిత్సలు అందుబాటులో ఉన్నాయి? ఈ ప్రశ్నలకు సమాధానాలు తెలుసుకోవడానికి డాక్టర్ ఎస్. శ్రీకాంత్ రాజు గారి పూర్తి వీడియోను చూడండి.
ముఖ్య గమనిక: కాళ్లలో నిరంతర నొప్పి, పాదాల రంగు మారడం లేదా మానని గాయాలు ఉంటే వైద్యులను సంప్రదించండి. అకస్మాత్తుగా తీవ్రమైన కాలి నొప్పి, పాదం చల్లబడటం, పాలిపోయినట్లు లేదా నీలంగా మారడం, తిమ్మిరి లేదా బలహీనత కనిపిస్తే వెంటనే అత్యవసర వైద్య సహాయం పొందండి. ఈ వీడియో అవగాహన కోసం మాత్రమే. వైద్య పరీక్షలు, చికిత్సలకు ప్రత్యామ్నాయం కాదు.
మీ ఆరోగ్య సమస్య ఏదైనా...మన హెల్త్ యూట్యూబ్ ఛానల్‌లో సీనియర్ డాక్టర్స్ చెప్పిన సలహాలు... సూచనలు ఉన్నాయి. మన యూట్యూబ్ ఛానల్ కోసం ఇక్కడ క్లిక్ చేయండి 👉 TeluguOne Health (సబ్‌స్క్రైబ్ చేయడం మర్చిపోకండి!)
శరీరంలో నీరసం, అలసట, చేతులు లేదా కాళ్లలో తిమ్మిర్లు, మంటలు, ఏకాగ్రత తగ్గడం, జ్ఞాపకశక్తి సమస్యలు కనిపిస్తున్నాయా? వీటికి విటమిన్ B12 లోపం కూడా ఒక కారణం కావచ్చు. అయితే, ఇలాంటి లక్షణాలు ఇతర ఆరోగ్య సమస్యల వల్ల కూడా రావచ్చు. అసలు విటమిన్ B12 మన శరీరానికి ఎందుకు అవసరం? దాని లోపాన్ని ఎలా గుర్తించాలి? ఎలాంటి ఆహారం తీసుకోవాలి?
ఈ వీడియోలో సీనియర్ న్యూట్రిషనిస్ట్, డైటీషియన్ డాక్టర్ స్వాతి విటమిన్ B12 ప్రాముఖ్యత, దాని లోపం వల్ల కనిపించే లక్షణాలు, నరాల ఆరోగ్యంపై దాని ప్రభావం గురించి వివరిస్తున్నారు. అలాగే, శరీరానికి అవసరమైన పోషకాలు అందేలా ఆహారపు అలవాట్లను ఎలా మార్చుకోవాలి, విటమిన్ B12 అందించే ఆహార పదార్థాలు ఏమిటి అనే విషయాలను తెలుసుకోవచ్చు.
మరోవైపు, రక్తంలో యూరిక్ యాసిడ్ స్థాయులు పెరగడం వల్ల కొందరిలో కీళ్ల నొప్పులు, వాపులు, గౌట్ వంటి సమస్యలు రావచ్చు. మనం తీసుకునే ఆహారం యూరిక్ యాసిడ్ స్థాయులపై ఎలాంటి ప్రభావం చూపుతుంది? మాంసాహారం ఎక్కువగా తినేవారు ఎలాంటి జాగ్రత్తలు తీసుకోవాలి? యూరిక్ యాసిడ్ నియంత్రణకు ఆహారంలో ఎలాంటి మార్పులు చేసుకోవాలి?
ఈ అంశాలపై డాక్టర్ స్వాతి అందించే పోషకాహార సూచనలను తెలుసుకోండి. విటమిన్ B12 లోపం, యూరిక్ యాసిడ్ సమస్యలు రెండింటినీ ఒకే సమస్యగా భావించకుండా, వాటి కారణాలు, లక్షణాలు, ఆహార అవసరాలను విడివిడిగా అర్థం చేసుకోవడం ముఖ్యం.
ఈ వీడియోలో తెలుసుకోండి:
విటమిన్ B12 లోపం వల్ల కనిపించే ముఖ్యమైన లక్షణాలు
నరాల ఆరోగ్యం, జ్ఞాపకశక్తికి విటమిన్ B12 ఎందుకు అవసరం?
విటమిన్ B12 అందించే ఆహార పదార్థాలు
యూరిక్ యాసిడ్ పెరగడానికి దోహదపడే ఆహారపు అలవాట్లు
గౌట్, కీళ్ల నొప్పులు, వాపుల విషయంలో ఆహారం పాత్ర
యూరిక్ యాసిడ్ నియంత్రణకు ఉపయోగపడే ఆహార మార్పులు
ఆరోగ్యకరమైన ఆహారపు అలవాట్లతో పోషక లోపాలను నివారించుకోవడం ఎలా?
గమనిక: ఈ వీడియోలోని సమాచారం అవగాహన కోసం మాత్రమే. ఇది వైద్య నిర్ధారణకు లేదా చికిత్సకు ప్రత్యామ్నాయం కాదు. విటమిన్ సప్లిమెంట్లు లేదా యూరిక్ యాసిడ్ మందులను నిపుణులైన వైద్యుల సలహా మేరకే తీసుకోవాలి.
మీ ఆరోగ్య సమస్య ఏదైనా...మన హెల్త్ యూట్యూబ్ ఛానల్‌లో సీనియర్ డాక్టర్స్ చెప్పిన సలహాలు... సూచనలు ఉన్నాయి. మన యూట్యూబ్ ఛానల్ కోసం ఇక్కడ క్లిక్ చేయండి 👉 TeluguOne Health (సబ్‌స్క్రైబ్ చేయడం మర్చిపోకండి!)
ఈ రోజుల్లో బరువు తగ్గడానికో లేదా ఆరోగ్యం కోసమో చాలామంది ఉపవాసాలు చేస్తుంటారు. అయితే, సరైన అవగాహన లేకుండా ఉపవాసం చేస్తే వయసు త్వరగా మళ్లినట్లు కనిపిస్తారని, వృద్ధాప్య ఛాయలు త్వరగా వస్తాయని నిపుణులు హెచ్చరిస్తున్నారు. ఇందులో ఎంతవరకు నిజం ఉందో, అసలు ఉపవాసం చేసేటప్పుడు ఎలాంటి తప్పులు చేయకూడదో చాలా మందికి తెలియదు. ఉపవాసం సరైన విధానంలో చేస్తేనే అది శరీరానికి మేలు చేస్తుంది. ఉపవాసం ఎలా చేయాలి? ఉపవాసం తప్పుగా చేస్తే జరిగేది ఏంటి? వివరంగా తెలుసుకుంటే..
ఉపవాసం చేస్తే వృద్ధాప్యం రావడానికి కారణాలు..
పోషకాహార లోపం..
ఉపవాసం ఉండే సమయంలో లేదా ఉపవాసం పూర్తయిన తర్వాత శరీరానికి కావలసినంత విటమిన్లు, మినరల్స్ , ప్రోటీన్లు తీసుకోకపోతే చర్మం తన మెరుపును కోల్పోతుంది. దీనివల్ల ముఖంపై ముడతలు వచ్చి చిన్న వయసులోనే పెద్దవారిలా కనిపిస్తారు.
కండరాల క్షీణత..
సరైన ప్రోటీన్ ఆహారం తీసుకోకుండా ఎక్కువ సమయం ఆకలితో అలమటిస్తే, శరీరం కొవ్వుతో పాటు కండరాల కణజాలాన్ని కరిగించడం ప్రారంభిస్తుంది. కండరాలు తగ్గడం వల్ల శరీరం , ముఖం వేలాడబడినట్లు అయి, వృద్ధాప్య ఛాయలు స్పష్టంగా కనిపిస్తాయి.
డీహైడ్రేషన్..
ఉపవాసం సమయంలో చాలామంది నీళ్లు తాగడం తగ్గించేస్తారు. శరీరంలో నీటి శాతం తగ్గితే చర్మం పొడిబారిపోయి, మెరుపు తగ్గిపోతుంది. ఇది కూడా త్వరగా ముసలితనం రావడానికి ఒక ప్రధాన కారణం.
తీవ్రమైన ఒత్తిడి..
పద్ధతి లేకుండా కఠినమైన ఉపవాసాలు చేయడం వల్ల శరీరంలో కోర్టిసాల్ అనే ఒత్తిడి హార్మోన్ పెరుగుతుంది. ఈ హార్మోన్ అధికమైతే చర్మాన్ని బిగుతుగా ఉంచే కొల్లాజెన్ అనే ప్రోటీన్ దెబ్బతింటుంది.
ఉపవాసం సరిగ్గా చేయాలంటే ఏం చేయాలి?
ఉపవాసం అనేది శరీరంలోని వ్యర్థాలను బయటకు పంపి చర్మాన్ని, ఆరోగ్యాన్ని మెరుగుపరచాలి కానీ దెబ్బతీయకూడదు. అందుకోసం కొన్ని జాగ్రత్తలు తప్పనిసరి..
ఉపవాసం ఉన్న సమయంలో , మిగతా సమయంలో తగినంత నీరు, నిమ్మరసం లేదా కొబ్బరిబోండాలు తాగుతూ శరీరాన్ని హైడ్రేటెడ్‌గా ఉంచుకోవాలి.
ఉపవాసం విరమించేటప్పుడు నూనె పదార్థాలు, జంక్ ఫుడ్ కాకుండా పండ్లు, ఆకుకూరలు, ప్రోటీన్ ఉన్న మంచి పౌష్టికాహారాన్ని మాత్రమే తీసుకోవాలి.
ఒకేసారి కఠినమైన ఉపవాసాలు ప్రారంభించకుండా, చిన్నగా సమయాన్ని పెంచుకుంటూ పోవాలి.
ఆరోగ్య సమస్యలు ఉన్నవారు నిపుణుల లేదా వైద్యుల సలహా తీసుకున్న తర్వాతే ఉపవాసాలు చేయడం శ్రేయస్కరం.
సరైన పద్ధతిలో చేసే ఉపవాసం యవ్వనాన్ని అందిస్తుంది. కానీ అవగాహన లేని ఉపవాసం వృద్ధాప్యానికి దారితీస్తుంది. కాబట్టి ఆరోగ్యకరమైన పద్ధతులను పాటిస్తూ ఉపవాసం ఉండటమే శ్రేయస్కరం.
• రూపశ్రీ.