టీమిండియా మాజీ డాషింగ్ ఓపెనర్ వీరేంద్ర సెహ్వాగ్ సోషల్ మీడియాలో పెట్టే ట్వీట్లు అభిమానులను విపరీతంగా అలరిస్తున్న సంగతి తెలిసిందే. సెహ్వాగ్ ట్వీట్ చేశాడంటే అది వైరల్ కావడం ఖాయం అన్నట్టుగా ఆయన ట్వీట్లు చేస్తుంటాడు. బోర్డర్-గవాస్కర్ ట్రోఫీని టీమిండియా గెలుచుకున్న అనంతరం ట్విట్టర్ కింగ్ సెహ్వాగ్ తనదైన శైలిలో ట్వీట్ చేసి అలరించాడు. ఈ ట్వీట్ లో ఏమన్నాడంటే... ఎట్టకేలకు హోం సీజన్ ముగిసింది. వీరూ ఘరేలూ అవార్డులకి సమయం అసన్నమైంది. అన్నాడు. మరి ఎవరెవరికీ ఏం అవార్డులు ఇచ్చాడో మీరూ ఓ  లుక్కేయండి. అవార్డులు ఇవ్వడమేకాదు దానికి వివరణ కూడా ఇచ్చాడు వీరూ భాయ్.

* పుజరా జట్టుకు అవసరమైనప్పుడు, ఇతరులు ఆడనప్పుడు జట్టుకు అవసరమైన పరుగులు చేశాడు. దీంతో ఇన్వర్టర్ లా ఉపయోగపడ్డాడని తెలిపాడు.
* కేఎల్.రాహుల్ సిరీస్ ఆద్యంతమూ నిలకడగా ఆడాడు. దీంతో అతనిని స్టెబిలైజర్ తో పోల్చాడు.
* ఇక జడేజా తుల్లు పంప్ నీటిని ఎలా ఊడ్చి పడేస్తుందో...అలాగే ఆసీస్ బ్యాట్స్ మన్ వికెట్లు తీశాడని సెహ్వాగ్ తెలిపాడు.
* ఇక డీఆర్ఎస్ వివాదం అనంతరం ఆ సమయంలో తన బుర్ర పని చేయలేదని, అందుకే డ్రెస్సింగ్ రూమ్ వైపు చూశానని స్మిత్ ప్రకటించిన సంగతి తెలిసిందే. దీంతో స్మిత్ బుర్ర ట్యూబ్ లైట్ లో పని చేస్తుందని సింబాలిక్ గా చెప్పాడు.