సైనా నెహ్వాల్ జోరుకు జపాన్ కు చెందిన మినాత్సు మితాని బ్రేక్ వేసింది. వరుస విజయాలతో దూసుకెళ్తున్న సైనా ఫ్రెంచ్ ఓపెన్ ఫైనల్లో రన్నరప్ ట్రోఫీతో సరిపెట్టుకుంది. మహిళ సింగిల్స్ ఫైనల్లో టాప్ సీడ్ సైనా 19-21, 11-21తో మినాత్సు మితాని చేతోలో ఒటమి పాలైంది. ఈ సంవత్సరం రెండు వారాల్లో రెండు వరుస టైటిల్స్ సాధించే అవకాశాన్ని చేజార్చుకుంది.3 9 నిమిషాల పాటు సాగిన పోరులో స్థాయికి తగ్గట్టు రాణించలేకపోయిన మూడో ర్యాంకర్ సైనా వరల్డ్ నెంబర్ 26 చేతిలో వరుస గేమ్‌ల్లో చిత్తుగా ఓడింది.

తొలి గేమ్‌లో ప్రత్యర్థికి గట్టిపోటినిచ్చినా, రెండో గేమ్‌లో తేలిపోయింది. తొలి గేమ్‌లో ఓ దశలో హైదరాబాదీ 19-17తో ఆధిక్యంలో నిలిచినా ప్రత్యర్థికి వరుసగా నాలుగు పాయింట్లు సమర్పించుకుని గేమ్‌ను కోల్పోయింది. ఇక రెండో గేమ్‌లోనూ 9-7తో ముందంజ వేసిన సైనా చతికిలపడింది. మితాని రెండుసార్లు వరుసగా ఆరేసి పాయింట్లతో గేమ్‌తో పాటు మ్యాచ్‌ను సొంతం చేసుకుంది.