రామోజీరావు, జగన్మోహన్ రెడ్డి భేటీ వెనుక తెలంగాణ ముఖ్యమంత్రి కేసీఆర్ హస్తం ఉన్నట్లు ప్రచారం జరుగుతోంది, అందుకే ఫిల్మ్ సిటీకి వెళ్లి రామోజీని కలిసేవరకూ ఏపీ ప్రభుత్వానికి గానీ, ముఖ్యమంత్రి చంద్రబాబుకు గానీ, ఏపీ ఇంటలిజెన్స్ కి గానీ తెలియలేదట. ఉద్యమ సమయంలో ఏవోవో అన్నా, ముఖ్యమంత్రి అయ్యాక మాత్రం రామోజీతో కేసీఆర్ మాంచి రిలేషన్ షిప్ నే మెయింటైన్ చేస్తున్నారు. సీఎం అయ్యాక ఒకసారి కేసీఆర్ ఫిల్మ్ సిటీకి వెళ్లి రామోజీని మర్యాదపూర్వకంగా కలవగా, ఓసారి రామోజీయే వచ్చి క్యాంప్ ఆఫీస్ లో కేసీఆర్ ను కలవడం, ఇలా ఈ ఇద్దరి మధ్యా చిగురించిన స్నేహబంధం బలపడిందని, ఆ చనువుతోనే జగన్ ను రామోజీకి దగ్గర చేసేందుకు కేసీఆర్ మీటింగ్ ఏర్పాటు చేశారని అంటున్నారు.