రాజస్టాన్ లో ఓ దారుణమైన ఘటన జరిగింది. ప్రియుడే గర్బవతైన ప్రియురాలును చంపే ప్రయత్నం చేశాడు. రాజస్ఠాన్ జైపూర్ లో నరేంద్రకుమార్ అనే వ్యక్తి కూరగాయల వ్యాపారం చేసేవాడు. అతను బ్యూటీ పార్లర్ లో పనిచేసే అమ్మాయితో పరిచయం పెంచుకొని పేమించాను, పెళ్లి చేసుకుంటానని నమ్మించాడు. ఫలితం ఆ అమ్మాయి గర్భం దాల్చింది. విషయం తెలిసిన అతను అబార్షన్ చేయించుకోమని చెప్పగా ఆమె లేదు వివాహం చేసుకుందామని అతనిని కోరింది. కాని అమ్మాయిని ఎలాగైనా వదిలించుకోవాలనుకొని పథకం ప్రకారం ఆమెను కొండ ప్రాంతానికి తీసుకెళ్లి ముఖం పై రాయితో మోది కొండ మీద నుండి తోసేశాడు. దాదాపు 12 గంటల తరువాత స్పృహలోకి వచ్చిన ఆమె సహాయం కోసం అరవడంతో అరుపులు విన్నవారు ఆమెను కాపాడి పోలీసులకు సమాచారం అందించారు. ప్రస్తుతం ఆమె ఐసీయూలో చికిత్స పొందుతోంది.