మాజీ ఎంపీ సిరిసిల్ల రాజయ్యతోపాటు ఆయన భార్య, కుమారుడిని పోలీసులు అరెస్టు చేశారు. హన్మకొండలోని రెవిన్యూ కాలనీలోని రాజయ్య ఇంట్లో బుధవారం ఉదయం జరిగిన అగ్ని ప్రమాదంలో ఆయన కోడలు సారిక, మనవళ్ళు అభినవ్, అయోన్, శ్రీయోన్‌లు మరణించిన విషయం తెలిసిందే. ఈ మరణాలపై తమకు హత్య అని అనుమానం వుందని సారిక కుటుంబ సభ్యులు పోలీసులకు ఫిర్యాదు చేయడంతో పోలీసులు కేసు నమోదు చేశారు. ఈ ఘటనపై వాంగ్మూలం నమోదు చేయడం కోసం రాజయ్యతోపాటు ఆయన భార్య, కుమారుడిని పోలీసులు అదుపులోకి తీసుకుని విచారణ జరుపుతున్నారు.