సినీ నటుడు ఆలీ సడన్ గా రాజకీయ తెర పైకి వచ్చాడు. ఆయన కోసం రెండు ప్రధాన రాజకీయ పార్టీలు పావులు కదుపుతున్నాయి. రాజమండ్రి నుంచి కాంగ్రెస్ తరపున జయప్రద పోటి చేస్తుందని వార్తలు వినిపిస్తున్నాయి. అయితే గత ఎన్నికల్లో గెలుపు అంచుల వరకు వెళ్లి ఓటమి పాలైన టిడిపి ఈ సారి ఎలాగైనా గెలిచి తీరాలనే పట్టుదలతో ఆలీని ఇక్కడినుంచి పోటికి దింపాలని చూస్తున్నారు. మరోవైపు సినీ గ్లామర్ లేని వైఎస్సార్ కాంగ్రెస్ …అలీని వలలో వేసుకోవాలని చూస్తోంది. సినిమా విషయంలో కాస్త బలమైన లాబీయింగ్ ఉన్న పార్టీ టీడీపీయే కావడంతో ఈ విషయంలో వైఎస్సార్ కాంగ్రెస్ పని అంత సులువు కాకపోవచ్చు. అలీ స్వంత ఊరు రాజమండ్రిలో నటుడిగా ప్రజల్లో పేరు పొందడమే కాకుండా సామాజిక సేవలో కూడా ఆయన తరిస్తున్నారు. జిల్లాలో పలు సహాయ కార్యక్రమాలు నిర్వహిస్తున్నారు. నియోజకవర్గంలో ఎమ్మెల్యే అయితే ప్రజా సేవను ఇంకా బాగా చేయొచ్చని ఆలీ భావిస్తున్నట్లు సమాచారం. ఏదమైనా అలీ రాజకీయాల్లోకి వస్తే టీడీపీ వైపే మొగ్గు చూపే అవకాశాలు ఎక్కువగా ఉన్నాయట.