నోయిడాలో నైజీరియన్లపై స్థానికులు దాడి చేసిన సంగతి తెలిసిందే. మనీశ్ కారి అనే విద్యార్ది చనిపోయిన నేపథ్యంలో డ్రగ్స్‌ బారిన పడే మనీశ్‌ చనిపోయాడని, అందుకు నైజీరియన్లే కారణం అని వారిపై దాడి చేశారు. ఈ దాడిలో తీవ్రంగా గాయపడిన నైజీరియన్లు కేంద్రమంత్రి సుష్మ స్వరాజ్ ను సాయం కోరుతూ ట్విట్టర్లో ట్వీట్ చేశారు. నోయిడాలో తమ ప్రాణాలకు ముప్పు ఉందని సత్వరమే స్పందించి రక్షణ చర్యలు తీసుకోవాలని కోరారు. ఇక ఈ ట్వీట్ కు స్పందించిన సుష్మ స్వరాజ్.. దాడికి గురైన ఆఫ్రికన్‌ విద్యార్థులకు ఎలాంటి అన్యాయం జరగకుండా చూస్తామని.. ఈ మేరకు యూపీ ముఖ్యమంత్రి యోగి ఆదిత్యనాథ్‌తో మాట్లాడి వివరాలు తెలుసుకున్నానని.. ఆయన తగిన భరోసా ఇచ్చారని చెప్పారు.దీనిపై వెంటనే నివేదిక ఇవ్వాలని కోరారు. దీనిపై పారదర్శకమైన దర్యాప్తు చేపడతామని యూపీ సీఎం హామీ ఇచ్చినట్లు సుష్మ ట్వీట్‌ చేశారు.