గ్రీన్ ఫీల్డ్ భూముల వివాదంలో చిక్కుకున్న ఎమ్మెల్యే శంకర్రావుకి హైదరాబాద్ లో ని కేర్ ఆసుపత్రిలో బైపాస్ సర్జరీ జరిగింది. శంకర్రావుని ప్రశ్నించేందుకు కోర్టు పోలీసులకు అనుమతిచ్చింది. సహకరించకపోతే అరెస్ట్ చేసే అవకాశాన్ని కల్పిస్తూ వారెంట్ కూడా జారీ అయ్యింది. వారెంట్ జారీ అయిన తర్వాత శంకర్రావు హటాత్తుగా మాయమయ్యారు. నాలుగురోజులపాటు ఆచూకీ తెలియలేదు. సడెన్ గా తాను శని సింగణాపూర్ లో ఉన్నానని, నాలుగు రోజుల్లో వస్తానని కుటుంబానికి తెలియజేశారు. హైదరాబాద్ వచ్చీ రాగానే నన్ను అరెస్ట్ చేస్తారా.. దమ్ముంటే చేయండి.. అంటూ తీవ్రస్థాయిలో ఆవేశపడుతూ డిజిపి కార్యాలయం ముందు బైఠాయించారు. బ్లడ్ ప్రెజర్ విపరీతంగా పెరిగిపోవడంతో సొమ్మసిల్లి పడిపోయిన శంకర్రావుని కేర్ ఆసుపత్రిలో చేర్చారు. ఆఖరికి బైపాస్ సర్జరీ చేసేవరకూ పరిస్థితి వెళ్లింది.