శ్రీమంతుడు సినిమా ఆదర్శంగా తీసుకొని ఓ గ్రామాన్ని దత్తత తీసుకోవాలని తెలంగాణ ఐటీ మంత్రి కేటీఆర్ మహేశ్ బాబును కోరడం.. మహేశ్ బాబు కూడా కేటీఆర్ కోరిక మేరకు ఓ గ్రామాన్ని దత్తత తీసుకోవాలని నిర్ణయించుకోవడం తెలిసిందే. అయితే ఏ గ్రామాన్ని దత్తత తీసుకోవాలన్న దానిపై పరిశీలించిన పిమ్మట మహేశ్ బాబు సిద్దాపురం అనే గ్రామాన్ని దత్తత తీసుకుంటున్నట్టు ప్రకటించారు. ఈ గ్రామం మహబూబ్ నగర్ జిల్లా.. కొత్తూరు మండలంలో ఉంది. విలక్షణ నటుడు ప్రకాశ్ రాజ్ కూడా తెలంగాణలో ఓ గ్రామాన్ని.. ఆంధ్ర రాష్ట్రంలో ఒక గ్రామాన్ని దత్తత తీసుకోవాలని నిర్ణయించుకున్న సంగతి విదితమే.