జగన్ పొలిటికల్ బుకీ

Publish Date:Jun 1, 2013

 

 

 

 

వైఎస్పార్ కాంగ్రెస్ పార్టీ అధ్యక్షుడు జగన్మోహన్‌రెడ్డి పొలిటికల్ బుకీ అని, అది కలెక్షన్ల పార్టీ అని కాంగ్రెస్ శాసనసభ్యుడు ఆనం వివేకానందరెడ్డి అభివర్ణించారు. విజయసాయిరెడ్డి జగన్‌కు బ్రోకర్ అని ఆయన అన్నారు. జగన్ అక్రమాస్తులను ఎన్‌ఫోర్స్‌మెంట్ డైరెక్టరేట్ (ఈడీ) మూడు సార్లు అటాచ్ చేసినా వాటిపై వైసీపీ గౌరవ అధ్యక్షురాలు విజయమ్మ, జగన్ విడిచిన బాణం షర్మిలా ఒక్క మాట కూడా మాట్లాడకుండా జగన్‌ను అన్యాయంగా జైల్లో పెట్టారని ప్రచారం చేయడం ఎంతవరకు సబబని ఆనం వివేకా ప్రశ్నించారు. తెలంగాణ పార్లమెంటు సభ్యులు పార్టీని వీడడం ఆహ్వానించదగిన పరిణామమని ఆనం వివేకా అన్నారు. ఆలస్యంగా వెళ్లినా తమ నెత్తిన తెలంగాణ ఎంపీలు పాలు పోశారని ఆయన అన్నారు.