భారత్ సరిహద్దు ప్రాంతంలో తరచూ కాల్పులు జరుపుతూ.. కాల్పుల విరమణ ఒప్పందానికి తూట్లు పొడుస్తూ కవ్వింపు చర్యలకు పాల్పడుతున్న పాకిస్థాన్ కు భారత జవాన్లు గట్టిగానే సమాధానం చెప్పారు. క్రిష్ణఘాటి సెక్టార్ లో పాకిస్థాన్ దాడులకు పాల్పడింది అయితే ఈ దాడులను గట్టిగా ఎదుర్కొన్న భారత సైనికులు పాకిస్థాన్ బంకర్లే లక్ష్యంగా శక్తిమంతమైన బాంబులను ప్రయోగిస్తూ విరుచుకుపడ్డారు. రాకెట్ లాంచర్లను ప్రయోగించి పాక్ బంకర్లను సమూలంగా నాశనం చేశారు. ఈ దాడిలో  ఏడుగురు పాక్ సైనికులు మరణించినట్టు తెలుస్తోంది. అంతేకాదు ఈ దాడికి సంబంధించి వీడియో కూడా తీసి దానిని మీడియాకు అందించినట్టు సమాచారం. దూసుకెళుతున్న చిన్న రాకెట్లు, పేలిపోయి కుప్పకూలుతున్న బంకర్లు, తుపాకుల శబ్దాలు ఈ వీడియోలో ఉన్నాయి. కాగా ఈ దాడిని భారత సైనికాధికారులు రెండో సర్జికల్ స్ట్రయిక్స్ గా అభివర్ణిస్తున్నాయి.