మే12న గోపిచంద్ మ్యారేజ్

టాలీవుడ్ హీరో గోపిచంద్ ఓ ఇంటివాడు కాబోతున్నాడు. గోపిచంద్ వచ్చేనెల 12 తేదీన ప్రముఖ హీరో శ్రీకాంత్ అక్క కూతురు రేష్మ మెడలో మూడుముళ్లు వేయనున్నాడు.ఈ వివాహం మాదాపూర్ లోని ఎన్ కన్వెన్షన్ హాలులో అంగరంగ వైభవంగా నిర్వహించేందుకు ఏర్పాట్లు చేస్తున్నారు. ఈ వివాహానికి సంబంధించిన వెడ్డింగ్ కార్డ్స్ ఇప్పటికే చిత్ర పరిశ్రమలోని ప్రముఖులకు పంచినట్లు తెలుస్తుంది. తొలివలపు చిత్రంతో హీరోగా పరిచయమయిన గోపిచంద్ జయం సినిమాతో విలన్ గా మారాడు. ఆ తరువాత నిజం, వర్షం చిత్రాలలో విలన్ గా నటించాడు. తరువాత యజ్ఞం చిత్రంతో మళ్లీ హీరోగా మారాడు. ఆ తరువాత ఆంధ్రుడు, రణం, లక్ష్యం, గోలీమార్ చిత్రాలు విజయవంతం అయ్యాయి. ప్రస్తుతం ఈయన ఓ భారీ యాక్షన్ సినిమా అయిన ‘సాహసం ’ లో నటిస్తున్నాడు.