సౌత్ హీరోయిన్ పెళ్ళి అయిపోయింది...

తమిళంలో విజయం సాధించిన ‘నేరం’ సినిమా ద్వారా కథానాయికగా పరిచయమై మంచి గుర్తింపు తెచ్చకున్న నజ్రియా ఇంకా బోలెడంత కెరీర్ ముందు వుండగానే పెళ్ళి చేసేసుకుంది. కాకపోతే అలాంటి ఇలాంటి వాడిని కాకుండా ఏకంగా మలయాళ దర్శకుడు ఫాజిల్ కొడుకు, మలయాళ నటుడు పాహత్ ఫాజిల్‌నే పెళ్ళి చేసుకుంది. వీళ్ళిద్దరి పెళ్ళి గురువారం నాడు కేరళలో వైభవంగా జరిగింది. బుధవారం నాడు తిరువనంతపురం సమీపంలోని ఓ స్టార్ హోటల్‌లో మెహందీ వేడుక జరిగింది. వధూవరుల బంధుమిత్రులతోపాటు కావ్యా మాధవన్, మీరానందన్, మమ్ముట్టి కొడుకు దుల్కర్ సల్మాన్ తదితర సినీ ప్రముఖులు ఈ వేడుకలో పాల్గొన్నారు. గురువారం మధ్యాహ్నం పాహత్ ఫాజిల్, నజ్రియాల వివాహం ముస్లిం సంప్రదాయం ప్రకారం జరిగింది. ఈమధ్యకాలంలో హీరోయిన్లు కెరీర్‌ ఉజ్వలంగా ఉండగానే పెళ్ళి చేసేసుకుంటున్నారు. మొన్నీమధ్యే అమలాపాల్ కూడా పెళ్ళి చేసుకుంది.