విజయవాడ వేదికగా ఈ నెల 22, 23 తేదీలలో  అంతర్జాతీయ డ్రోన్ సమ్మిట్ జరగనుంది. ఆంధ్రప్రదేశ్ ముఖ్యమంత్రి నారా చంద్రబాబునాయుడు, కేంద్ర పౌర విమానయాన శాఖ మంత్రి కింజారపు రామ్మోహన్ నాయుడు ఈ సదస్సులో పాల్గొంటారు. అలాగే ఈ సమ్మిట్‌కు డ్రోన్ల తయారీ సంస్థలు, ఐఐటీలు, ఐఐఎస్‌సీల నుంచి దాదాపు 1,000 మంది ప్రతినిధులు హాజరౌతారు.   ప్రజా వినియోగానికి వీలుగా డ్రోన్లను తీర్చిదిద్దడమే ఈ సదస్సు ప్రధాన లక్ష్యమని నిర్వాహకులు చెప్పారు.