తెలంగాణాలో మే 7వ తేదీ వరకు లాక్డౌన్ పొడిగింపు!
Published on: Sun Apr 19, 2020 9:02PM
తెలంగాణాలో సంపూర్ణ లాక్డౌన్ అమలు అవుతుంది. ఏప్రిల్ 20వ తేదీ నుంచి కేంద్రం ప్రకటించిన సడలింపులు తెలంగాణాలో అనుమతించమని ముఖ్యమంత్రి కేసిఆర్ స్పష్టం చేశారు. ఏప్రిల్ 30 వరకు తెలంగాణా ప్రభుత్వం లాక్డౌన్ కొనసాగాలని నిర్ణయం తీసుకుంది. ఆ తరువాత కేంద్రం మే 3వ తేదీ వరకు వుండాలని చెప్పింది. అయితే ప్రస్తుత పరిస్థితుల్ని దృష్టిలో పెట్టుకుని సర్వేలు చేయించాం. 92 శాతం లాక్డౌన్ పొడిగించాలని వచ్చింది. ఈ అభిప్రాయాల్ని దృష్టిలో పెట్టుకొని తెలంగాణాలో లాక్డౌన్ను మే 7వ తేదీ వరకు పెంచాలని ఈ రోజు సమావేశమైన తెలంగాణా క్యాబినెట్ నిర్ణయించినట్లు ముఖ్యమంత్రి కేసీఆర్ తెలిపారు. గతంలో వున్న నిబంధనలే వుంటాయని సిఎం తెలిపారు.


