రేవంత్ రెడ్డి అరెస్ట్ అవడానికి ముఖ్య భూమిక పోషించిన తెరాస నామినేటెడ్ ఎమ్మెల్యే స్టీఫెన్ సన్ సీఎం కేసీఆర్ తో ఏకాంతంగా సమావేశమయ్యారు. అది కూడా కేసీఆర్ మెదక్ జిల్ల్లా జగదేవ్ పూర్ సమీపంలోని తన ఫామ్ హౌజ్ లో ఉండగా స్టీఫెన్ సన్ అక్కడికి వెళ్లి మరీ సీఎంను కలవడం ఇప్పుడు చర్చాంశనీయమైంది. ఓటుకు నోటు కేసులో కీలకమైన పరిణామాలు చోటు చేసుకుంటున్న నేపథ్యంలో ఇప్పుడు ఈ కేసులో అత్యంత కీలకమైన వ్యక్తి అయిన స్టీఫెన్ సన్ కేసీఆర్ ను కలవడంపై పలు అనుమానాలు వ్యక్తమవుతున్నాయి. కేసీఆర్ ను స్టీఫెన్ సన్ ఎందుకు కలిశారు? కలిసినా ఎవరూ లేకుండా ఒంటరిగా ఎందుకు కలిశారు? వీరిద్దరూ కలిసి ఏం చర్చించుకున్నారు? అని రాజకీయ వర్గాలు చెవులు కొరుక్కుంటున్నాయి.