ఈ రోజు మీడియాలో వచ్చిన తాజా సమాచారం, దర్యాప్తు సంస్థలు దిల్ షుక్ నగర్ కూడలిలో మరియు సమీపంలో గల షిరిడి సాయిబాబా మందిరం వద్ద అమర్చబడిన సి.సి.కెమెరాల రికార్డులు పరిశీలిదామని ప్రయత్నించినప్పుడు, కూడలిలో ఉన్న కెమెరాల వైర్లు కత్తిరించబడి ఉన్నట్లు కనుగొన్నారు. సమాచారం ప్రకారం ఉగ్రవాదులు తమని ఎవరూ గుర్తు పట్టకుండా ముందుగానే కెమెరాల వైర్లు కత్తిరింఛి వేసి ఉండవచ్చని పోలీసులు అభిప్రాయ పడుతున్నారు. అయితే, ఈ వార్తను పోలీసులు ఇంకా దృవీకరించలేదు. తాము ఇంతవరకు కొన్ని ఆధారాలు సంపాదించామని చెప్పారు. త్వరలోనే ఈ పని చేసిన వారిని పట్టుకోగాలమనే నమ్మకం వ్యక్తం చేసారు.