ఆంధ్రప్రదేశ్లోని అనంతపురం జిల్లాలో ఘోరం జరిగింది. కరెంట్ తీగలు తెగిపడి ఒకే కుటుంబానికి చెందిన ఐదుగురు అక్కడికక్కడే మరణించారు. అనంతపురం జిల్లా విడపనకల్ మండలం చీగలగుర్కి గ్రామంలో పొలంలో వున్న బోరుకు మరమ్మత్తు చేస్తుండగా హైటెన్షన్ తీగలు తెగిపడ్డాయి. ఈ ప్రమాదంలో ఒకే కుటుంబానికి చెందిన రేవన్న, ఎర్రిస్వామి, బ్రహ్మయ్య, వీరేంద్ర, రాజశేఖర్ అనే వ్యక్తులు అక్కడికక్కడే మరణించారు. ఈ సంఘటన గురించి తెలిసిన ఏపీ ముఖ్యమంత్రి చంద్రబాబు నాయుడు దిగ్భ్రాంతిని వ్యక్తం చేశారు. ఈ సంఘటన మీద జపాన్ నుంచే విచారణకు ఆదేశించారు. అలాగే అనంతపురం జిల్లాకు చెందిన మంత్రి పరిటాల సునీత ఈ సంఘటన పట్ల దిగ్భ్రాంతిని వ్యక్తం చేశారు. తక్షణం సంఘటన స్థలానికి వెళ్ళి పరిస్థితిని సమీక్షించాలని అధికారులను ఆదేశించారు.
.webp)
