కమల్ హాసన్ పెద్ద కూతురు శ్రుతి హాసన్ ఇటు దక్షిణాదిలో, అటు ఉత్తరాదిలో ఇరగదీస్తోంది. ఇప్పుడు కమల్ మరో కూతురు అక్షర హాసన్ త్వరలో విడుదల కాబోతున్న హిందీ సినిమా ‘షమితాబ్’లో నటించింది. ధనుష్ హీరోగా నటించిన ఆ సినిమాలో అమితాబ్ కూడా నటించాడు. ఈ సినిమాతో తాను బాలీవుడ్‌లో సెటిలైపోవడం ఖాయమని అక్షర భావిస్తోంది. తన అక్కలాగా దక్షిణాదికి, ఉత్తరాదికి షటిల్ సర్వీసు చేయాల్సిన అవసరం లేదని అనుకుంటోందని సమాచారం. ఇదిలా వుంటే, గతంలో రైటర్‌గా, అసిస్టెంట్ డైరెక్టర్‌గా వున్న సమయంలో పప్పు సుద్దలా వుంటే అక్షర హాసన్ ఈమధ్య బాగా గ్లామర్ పెంచేసింది. మొన్నీమధ్య ‘షమితాబ్’ సినిమాకి సంబంధించిన ఒక కార్యక్రమానికి హాజరైన అక్షరని చూసి బాలీవుడ్ వాళ్ళంతా నోళ్ళు తెరిచారు. ఈ పిల్లలో ఇంత గ్లామరుందా అని ఆశ్చర్యపోయారు. అదరహో అక్షరా అనేశారు... ఇదంతా చూసి శ్రుతి హాసన్ కుళ్ళుకుంటుందో ఏం పాడో..