అమల అరెస్టయ్యారు. నటిగా కాదు, ఒక స్వచ్ఛంద కార్యకర్తగా ఆమె అరెస్టయ్యారు. ఒకవైపు జీవ వైవిధ్య సదస్సులు జరుపుతూ మరోవైపు అటవీ సంపదను, జంతు సంపదను నాశనం చేసే చర్యలు చేపడుతోందని కేంద్ర ప్రభుత్వం చర్యలను నిరసిస్తూ గ్రీన్ పీస్ సంస్థ చేపట్టిన నిరసన ప్రదర్శనకు ఆమె మద్దతుగా హాజరయ్యారు. కార్యక్రమంలో భాగంగా చార్మినార్ వద్ద ప్రధానిని విమర్శిస్తూ బొగ్గు గనుల తవ్వకాలను వ్యతిరేకిస్తూ ఓ బ్యానరు కట్టారు. దీంతో పోలీసులు వారిని అడ్డుకుని, నిరససను బలవంతంగా విరమింపజేశారు. అనంతరం గ్రీన్ సభ్యులతో పాటు ఆమెను అరెస్టు చేసి చార్మినార్ పోలీసుస్టేషన్ కు తరలించారు. ఇంతకీ వారి కట్టిన బ్యానరుపై ఏముందంటే “బొగ్గు తవ్వకాలను ఆపాలి, అడవులను పరిక్షించాలి” అని రాసి ఉంది. తీరా చూస్తే అది రాసినందుకు కాదు వారిని అరెస్టు చేసింది అనుమతి లేకుండా ఒక చారిత్రక కట్టడంపై నిరసన తెలిపినందుకు అని పోలీసులు తెలిపారు.