నేను బతికే ఉన్నా..చావలేదు: కనక

అలనాటి నటి దేవిక కూతురు కనక క్యాన్సర్ వ్యాధితో బాధపడుతూ కన్నుమూసిందని మంగళవారం వార్తలు వచ్చాయి.ఐతే ఈ సందిగ్ధత కొనసాగుతుండగానే ఓ ఛానెల్ కనక ఇంటికి వెళ్లింది. అక్కడ కనక ప్రత్యక్షమైంది. తాను బతికే ఉన్నానని, తనకెలాంటి అనారోగ్యం లేదని ఆమె వివరణ ఇవ్వడంతో అవాక్కవడం మీడియా ప్రతినిధి వంతైంది. తమిళం, తెలుగు, కన్నడ, మళయాళ భాషల్లో 60కి పైగా సినిమాల్లో నటించింది. తెలుగులో చివరగా రాజేంద్రప్రసాద్ తో ‘వాలుజడ తోలుబెల్టు’ సినిమా చేసింది. తాను కొన్ని వ్యక్తిగత కారణాల వల్ల సినిమా ఇండస్ట్రీ కి దూరంగా ఉన్నానని..త్వరలో మళ్ళీ సినిమాలో నటిస్తానని..ఆఫర్లు కూడా వస్తున్నాయని కనక పేర్కొంది.