గుజరాత్ ముఖ్యమంత్రి అనంది బెన్ ఓ సరికొత్త నిర్ణయం తీసుకున్నారు. ఆర్ధికంగా వెనుకబడిన అగ్రకులాలవారికి పదిశాతం రిజర్వేషన్లు కల్పిస్తున్నట్టు ఆమె ప్రకటించారు. ఈ సందర్బంగా ఆమె మాట్లాడుతూ.. రాష్ట్రంలో ఆర్థికంగా వెనుకబడిన వారికి విద్యా, ఉపాధి ఉద్యోగాలలో పది శాతం రిజర్వేషన్లు కల్పిస్తున్నట్లు.. ఏడాదికి ఆరు లక్షల రూపాయల లోపు ఆదాయం ఉన్నవారికి ఈ రిజర్వేషన్లు వర్తిస్తాయని.. మే 1వ తేదీ నుండి కొత్త రిజర్వేషన్ అమలవుతుందని ఆమె తెలిపారు. అయితే ఇప్పటికే అమలవుతోన్న 49 శాతం మించబోదని తెలిపారు. కాగా రిజర్వేషన్ల కోసం పటీదార్ కులస్తులు తీవ్రస్థాయిలో ఆందోళనలు నిర్వహించడం, సమీప భవిష్యత్ లో ఆధిపత్య కులాలుగా కొనసాగుతున్న ఇంకొన్ని కులాలు కూడా ఆందోళనలకు సిద్ధమవుతున్న నేపథ్యంలో ప్రభుత్వం ఈ నిర్ణయం తీసుకున్నట్లు తెలిసింది.