బఠానీ గ్రేవీ కర్రీ

కావాల్సిన పదార్థాలు:

తెల్ల బఠానీ - 1/4 కేజీ
కొబ్బరి తురుము - ఒక కప్పు
ఉల్లి తరుగు - ఒక కప్పు
అల్లం తరుగు -  ఒక స్పూన్
పచ్చిమిర్చి తరుగు - ఒక స్పూన్
వెల్లుల్లి ముద్ద - అర స్పూన్
చింతపండు గుజ్జు - చిన్న కప్పుతో
కారం ,ఉప్పు - రుచికి తగినంత
పసుపు - చిటికెడు
 పంచదార - ఒక స్పూను
గరం మసాలా - రెండు స్పూన్లు
నూనె - పోపుకి తగినంత

తయారు చేసే విధానం:
1. ముందుగా బఠానీలను ముందురోజే నానబెట్టుకోవాలి. అలా నానిన బఠానీలను ఓ 5 విజిల్సు వచ్చేదాకా కుక్కర్‌లో ఉడికిస్తే పూర్తిగా గట్టిగా కాకుండా, అలా అని పూర్తిగా మెత్తబడకుండా ఉంటాయి.

2. కూర తయారీకి ముందుగా బాణీలో నూనె వేసుకుని, ఉల్లి, అల్లం, పచ్చిమిర్చి, తరుగులు వేసి వేయించాలి. ఆ తర్వాత వెల్లుల్లి ముద్ద, కారం, పసుపు, గరం మసాలా కూడా చేర్చి కాసేపు  వేయించాక చింతపండు గుజ్జు, కొబ్బరి తురుము, పంచదార కూడా వేసుకుని అన్నిటినీ బాగా కలిపి ఆఖరున ముందుగా ఉడికించిన బఠానీలు, ఉప్పు  చేర్చి కలియబెట్టాలి. ఓ చిన్న కప్పు నీరు పోసి మూత పెట్టాలి. సన్నని మంట మీద ఓ పదినిమిషాలు ఉడికిస్తే బఠానీలకు ఉప్పు, కారం, మసాలా, పులుపు అన్నీ  చక్కగా పట్టి మంచి రుచి వస్తుంది.

3. ఈ కూర రోటీలలోకి బావుంటుంది.

-రమ