"రాజ్"ఆడియో విడుదల

కుమార్ బ్రదర్స్ పతాకంపై, సుమంత్ హీరోగా,ప్రియమణి, విమలా రామన్ హీరోయిన్లుగా, వి.యన్.ఆదిత్య దర్శకత్వంలో, కుమార్ బ్రదర్స్ నిర్మించిన చిత్రం"రాజ్". ఈ చిత్రానికి కళ్యాణిమాలిక్ సంగీతాన్నందించారు.ఈ చిత్రం ఆడియో ఇటీవల హైదరాబాద్ లోని రేడియోమిర్చి కార్యాలయంలో నిరాడంబరంగా జరిగింది. ఈ చిత్రం ఆడియోని ముందుగా హీరోయిన్ ప్రియమణి చేతుల మీదుగా మార్కెట్లోకి విడుదల చేశారు. అనంతరం ఈ చిత్రం యూనిట్ ప్రసంగిస్తూ ఈ చిత్రం లోని అన్ని పాటలూ చాలా బాగా వచ్చాయనీ, అవన్నీ ప్రేక్షకుల ఆదరణ పొందుతాయనీ అన్నారు. దర్శకుడు ఆదిత్య ప్రసంగిస్తూ ఈ చిత్రంలో సుమంత్ ఒక ఫ్యాషన్ ఫొటోగ్రాఫర్ గా నటిమచాదనీ, ప్రియమణి, సుమంత్ మధ్య కేమిస్ట్రీ బాగా వర్కవుట్ అయ్యిందనీ, విమలా రామన్ కూడా తన పాత్రకు పూర్తి న్యాయం చేసిందనీ, నిర్మాతలు ఖర్చుకి వెనకాడకుండా ఈ చిత్రం బాగా రావటానికి కృషి చేశారనీ అన్నారు.