మొటిమల గురించి ఈ షాకింగ్ నిజాలు తెలుసా..

ప్రపంచంలో అత్యంత సాధారణ చర్మ వ్యాధులలో ఒకటి  మొటిమలు. ఇవి చాలా సాధారణమైనవే అయినా..  ఇప్పటికీ వీటి గురించి  అపోహలు,  తప్పుడు సమాచారం ఎప్పుడూ వైరల్ అవుతూనే ఉన్నాయి. ఇది టీనేజర్ల నుండి 30 ఏళ్లు,  అంతకంటే ఎక్కువ వయస్సు ఉన్న పెద్దల వరకు అన్ని వయసుల వారిని ప్రభావితం చేస్తుంది.  అయితే మొటిమల గురించి చాలా మందికి చాలా రకాల అపోహలు ఉంటాయి.  వాటిని నిజం అని నమ్మేవాళ్లు చాలా మంది ఉంటారు.  ముఖ్యంగా మొటిమల బాధితులు ఎక్కువ మహిళలే.. మొటిమల గురించి ఉన్న అపోహలు తెలుసుకుని వాటిని పరిష్కారం చేసుకుంటే చాలా ఆందోళనలు తగ్గుతాయి.

మొటిమలు టీనేజ్ లో మాత్రమే వస్తాయా?

చాలా మంది మొటిమలు కౌమారదశలో మాత్రమే కనిపిస్తాయని అనుకుంటారు. కానీ ఈ కాలంలో పెద్దలకు కూడా మొటిమలు రావడం సర్వసాధారణం.  ఒత్తిడి, హార్మోన్ల మార్పులు,  జీవనశైలి ఇవన్నీ మొటిమలకు కారణాలు అవుతాయి.  యుక్తవయస్సులో క్లియర్ స్కిన్   ఉండటం వల్ల పెద్దయ్యాక మొటిమలు రావని హామీ ఏమీ లేదు.

జిడ్డు చర్మం ఉన్నవారికే మొటిమలు వస్తాయా?

జిడ్డుగల చర్మం ఉన్నవారిలో మొటిమలు ఎక్కువగా వచ్చే అవకాశం ఉన్నప్పటికీ,  పొడి చర్మం ఉన్నవారిలో,  జిడ్డుగల చర్మం ఉన్నవారిలో,  పెద్దవారిలో మొటిమలు రావడం సహజం. చర్మ రకంతో సంబంధం లేకుండా చికాకు,  మూసుకుపోయిన చర్మ రంధ్రాల కారణంగా మొటిమలు వచ్చే అవకాశం ఉంటుంది. కాబట్టి అన్ని రకాల చర్మాలకు మొటిమల సమస్య ఉంటుంది.

జంక్ ఫుడ్ తిన్నవారికే మొటిమలు వస్తాయా?

చర్మ ఆరోగ్యంపై ఆహారం ప్రభావం చూపినప్పటికీ, మొటిమలు ప్రధానంగా జంక్ ఫుడ్ కారణంగానే వస్తాయి  అనుకోవడం తప్పు. చక్కెర,  పాల ఉత్పత్తులు అధికంగా ఉండే ఆహారాలు మొటిమలను మరింత తీవ్రతరం చేస్తాయి. కానీ అవే ప్రధాన కారణం కాదు.   చర్మ అవరోధం పనితీరు, హార్మోన్లు,  జన్యుశాస్త్రం చాలా పెద్ద పాత్ర పోషిస్తాయి. కొంతమందికి సమతుల్య ఆహారం మంటలను తగ్గించడంలో సహాయపడుతుంది.

మేకప్ వల్ల మొటిమలు వస్తాయా?

మొటిమలు తరచుగా మేకప్ కారణంగా వస్తాయని అనుకుంటారు.  అయితే, మొటిమలు  కామెడోజెనిక్ కాని ఉత్పత్తుల వల్ల సంభవించవు. మేకప్ సరిగ్గా తొలగించనప్పుడు ఈ సమస్య తలెత్తుతుంది. దీనివల్ల రంధ్రాలు మూసుకుపోతాయి.  చర్మం మీద మేకప్ ను చాలా శుభ్రంగా తొలగించుకోవడం చాలా ముఖ్యం. డబుల్ క్లెన్సింగ్ లేదా  స్కిన్ ఫ్రెండ్లీ ఉత్పత్తులతో ఇది సాధ్యమవుతుంది.

టీనేజ్ మొటిమలకు ట్రీట్మెంట్ తీసుకోవాల్సిన అవసరం లేదా..

యుక్తవయస్సులో మొటిమలు సర్వసాధారణమైనప్పటికీ  ఇది హానిచేయదు అనే గ్యారెంటీ లేదు.. మొటిమల వల్ల శాశ్వతంగా  మచ్చలు ఏర్పడే అవకాశం ఉంటుంది. దీనికి ట్రీ ట్మెంట్ తీసుకోవడం వల్ల మంచి ఫలితాలు ఉంటాయి.

                                *రూపశ్రీ