వివాహ ముహూర్త లగ్నానికి గాని, చంద్రునికి గాని సప్తమి స్థానంలో గ్రహముంటే జామిత్ర దోషం వివాహానికి ముఖ్యంగా జామిత్ర శుద్ధి ఉండాలి. సప్తమ స్థానం గ్రహవర్జితమై ఉండాలి. కాలామృతానుసార సప్తమంలో రవి ఉంటే వైధవ్యం. చంద్రుడుంటే సపత్నీ వృద్ధి, కుజుడుంటే మరణం, బుదుడుంటే పుత్రహాని గురుడుంటే నాశనం, శుక్రుడుంటే వ్యాధి, శని ఉంటే మరణం. రాహువుంటే బంధనం కలుగుతుంది.
దోషాపవాదం:
1. ఒక శుభగ్రహం శుభ, మిత్ర, ఉచ్చ, స్వనావాంశలలో గాని. రాశిలో గాని ఉంటే సప్తమ స్థానాన్ని పూర్ణదృష్టితో చూస్తే జామిత్ర దోషం పరిహారం అవుతుంది.
2. రవి లగ్నానికి గాని, చంద్రునికి గాని 3, 6, 11 స్థానాల్లో ఉన్నా
3. శుభగ్రహం 10, 4, 1, 5, 9స్థానాల్లో ఉండి చంద్రుని పూర్ణ దృష్టితో చూస్తే జామిత్ర దోష భంగం అవుతుంది.
4. చంద్రుడు స్వోచ్చలో గాని, స్వక్షేత్రంలో గాని, మిత్రక్షేత్రంలో గాని, శుభవర్గుల్లో గాని ఉంటే జామిత్ర దోషం ఉండదు.