మహాపాత రెండు విధాలు: 1. వ్యతీపాత మహాపాత, 2. వైధృతి మహాపాత. క్రాంతి సామ్యాన్ని బట్టి మహాపాతదోషం సంభవిస్తుంది. రవి చంద్రుల స్పష్టక్రాంతులు సమంగా ప్రాప్తించునప్పుడు క్రాంతి సామ్యంగా పిలువబడుతుంది. ఇది గణిత సాధ్యం. సామాన్య క్రాంతి సామ్యం రవిచంద్రుల విశిష్ట రాశి స్థితిని బట్టి గ్రహించవచ్చు రవి చంద్రులు ఒకే ఆయనంలో ఉన్నప్పుడు, రవి చంద్రులున్న రాశుల మొత్తం సంఖ్య 12 అయితే వైధృతి మహాపాత.
ఉదా: వృషభ మకారాలు, మిథున ధనుస్సులు, కర్కాటక వృశ్చికాలు, సింహతులలు, మేషకుంభాలు. రవి చంద్రుడు భిన్న ఆయనాల్లో ఉన్నప్పుడు రాశుల మొత్తం సంఖ్య 6 అయితే వ్యతీపాత. ఉదా: మేష సింహాలు, వృషభ కన్యలు మొదలగునవి.
“క్రాంతే సౌమ్యం నో శుభం మంగళేషు, యస్మిన్ దినే మహాపాతం, తద్దినం వర్జయేత్ శుభే" అనే వాక్యం వల్ల మహాపాత దోషం శుభకార్యాలకు నింద్యం. గణితాగత క్రాంతి సామ్యం నింద్యం.సామాన్య క్రాంతి సామ్యం మధ్యమ ఫలం.