"గలగల పారుతున్న గోదారిలా" పాడిన వర్ష.. మహేశ్కు ప్రదీప్ వివరణ!
on Aug 5, 2021
అందంగా కనిపించే అమ్మాయిలు అందరికీ అందమైన గొంతు ఉండాలని రూలేం లేదు. అలాగే, అందంగా పాడే అమ్మాయిలు అంతా చూపులు పరంగా అందంగా ఉంటారని చెప్పలేం. ఎవరి టాలెంట్ వాళ్లది. లేటెస్ట్ టీవీ సెన్సేషన్ వర్ష అందంగా ఉంటుంది. కానీ, గొంతు మాత్రం అదోలా ఉంటుంది. అంటే... కొంచెం రఫ్గా అన్నమాట. ఆ గొంతుతో 'గలగల పారుతున్న గోదారిలా' పాట పాడింది. ఇంకేముంది? పక్కనున్న ప్రదీప్ వెంటనే పంచ్ వేశాడు.
ఈటీవీ 'జబర్దస్త్' కామెడీ షోతో పాపులర్ అయిన వర్ష సీరియళ్ళలో కూడా నటిస్తోంది. జీ తెలుగు ఛానల్లో వచ్చే 'ప్రేమ ఎంత మధురం'లో ఆమె కీ రోల్ చేస్తోంది. ప్రజెంట్ జీ తెలుగులో 'సూపర్ సీరియల్ ఛాంపియన్షిప్' ఈవెంట్ చేస్తోంది. అందులో రెండు సీరియల్ టీమ్స్ మధ్య పోటీలు పెడుతున్నారు. ఈ ఆదివారం 'రామ సక్కని సీత', 'ప్రేమ ఎంత మధురం' సీరియల్ టీమ్స్ మధ్య పోటీ. రెండు సీరియళ్లలో నటిస్తున్న యాక్టర్లు స్టేజి మీదకు వచ్చారు.
'గల గల పారుతున్న గోదారిలా' అని వర్ష పాట పాడింది. 'మహేష్ బాబు గారూ... నేను మామూలుగా బాగా పాడతారనుకుని అడిగాను సార్' అన్నాడు ప్రదీప్. బాగా పాడలేదని సెటైర్ వేశాడు. పాపం వర్ష... తనలో బాధను అలా దాచుకుంది. 'పోకిరి'లో 'గలగల పారుతున్న గోదారిలా' పాట ఎంత పెద్ద హిట్ అయ్యిందో తెలిసిందే.
Also Read